ហេឞ្រើ 6:1 - Nau Brah Ndu Ngơi 2023

¹ Pôri, ăn he lơi lĕ nau nti nơih ma nau chroh bơh Brah Krist, gay hăn tât nau văch ma toyh; lơi hôm dơm lĕ nau mbon đŏng: nau tâm rmal ma lĕ nau kan khĭt, nau chroh ma Brah Ndu,

Bunong Bible Latin Script Cambodian dialect

¹ Lah ndri lơi ăn bân ngơi tay du tơ̆ jât nau nti ma Brah Krist i nchô ma ntơm, yơn ma ăn bân mbơh ngơi ma nau nti i jru. Hên mâu ŭch nti nâng nau i bu nti ma bunuyh i mhe sât nsing dơm, kơt ma nau rgâl lơi nuih n'hâm djơh, bah jan ndơ djơh, nau nsing ma Kôranh Brah,

Bunong

¹ លាស​នទ្រី​លើយ​អ៝ន់​ឞ៝ន់​ងើយ​តៃ​ទូ​តឹ​ជឹត​នាវ​នតី​មា​ឞ្រាស​ក្រីស  ​អី​ញចោ​មា​នតើម យើន​មា​អ៝ន់​ឞ៝ន់​មឞើស​ងើយ​មា​នាវ​នតី​អី​ជ្រូ។ ហេន​មោ​អុច​នតី​នឹង​នាវ​អី​ឞូ​នតី​មា​ឞូនុយ្ស​អី​មហែ​ឆឹត​ញឆីង​ទើម កើត​មា​នាវ​រាគ៝ល់​លើយ​នូយ្ស​នហ៝ម់​អ្យើស ឞាស​ជាន​នទើ​អ្យើស នាវ​ញឆីង​មា​កោរាញ​ឞ្រាស‌

ហេឞ្រើ 6:1 Iomraidhean Croise

Nau Hôr 4:18

Ƀiălah trong phung sŏng srăng ang nâm bu nar nchrat ang, Nau ang lơ hâu kŏ tât nar nklang bôk.

Sakari 12:10

“Gâp mra nkhŭt huêng brah nau yô̆ jêh ri nau vơh vơl ta klơ ngih Y-Đavit jêh ri ma phung gŭ tâm ƀon Yêrusalem. Khân păng mra uănh Gâp jêng Nơm khân păng hŏ ntâp jêh, jêh ri khân păng mra nhĭm vơl ma Gâp, nâm bu nhĭm vơl ma kon bu klâu geh knŏng du huê, jêh ri khân păng klâng ma Gâp nâm bu klâng vơl ma kon bu deh ntơm bôk rah.

Mathay 21:29

Păng plơ̆ lah: ‘Gâp mâu hăn ôh,’ ƀiălah pakơi păng rmal nau tih, jêh nây hăn.

Mathay 21:32

Yorlah Y-Yôhan văch gay ntĭm ma khân may tâm trong nau sŏng srăng, ƀiălah khân may mâu chroh ôh; bi phung riu pi jêh ri bu ur văng tĭr chroh jêh ma păng, nđâp dôl khân may saơ kơt nây, khân may ăt mâu rmal nau tih jêh ri chroh ma păng ôh.”

Mathay 3:2

“Rmal hom nau tih, yorlah ƀon bri hađăch klơ trôk dăch tât jêh!”

Mathay 4:17

Ntơm nôk nây, Brah Yêsu ntơm mbơh nkoch pô aơ: “Rmal hom nau tih khân ay may, yorlah ƀon bri hađăch klơ trôk dăch tât jêh.”

Mathay 5:48

Pôri ăn khân may jêng bunuyh ueh n'hêl nanê̆ nâm bu Mbơ̆ khân may klơ trôk jêng ueh nanê̆ ngăn.”

Mathay 7:25

Nđâp tơlah geh trôk mih, dak lêng lip tât, sial khôm ktang, ngih nây ăt dâk nâp, yorlah bu ƀư păng ta klơ lŭ toyh.

Markôs 1:1

Nau ntơm ma Nau Mhe Mhan Ueh ma Brah Yêsu Krist, Kon Brah Ndu.

Markôs 6:12

Pônây, phung kôranh oh mon luh hăn, mbơh nkoch pô aơ ăn lĕ rngôch bunuyh rmal nau tih.

Luka 6:48

Bunuyh nây tâm ban ma du huê bunuyh ri ƀư ngih, kuyh neh ăn jru jêh ri n'gân mbon ta klơ lŭ toyh. Tât dak lip hao prêh, n'hor dak hoch thăng nklơ̆ ta ngih nây mâu dơi mpât n'gơ ôh, yorlah ngih hŏ ndâk nâp ngăn.

Yôhan 12:44

Brah Yêsu mbơh pô aơ: “Mbu nơm chroh ma Gâp, mâu geh lah păng chroh ma Gâp ôh, ƀiălah păng chroh ma Nơm tơm hŏ njuăl Gâp văch.

Yôhan 14:1

“Lơi dĭng ăn nuih n'hâm khân may uh ah ôh. Chroh hom ma Brah Ndu jêh ri chroh hom ma Gâp tâm ban lĕ.

Yôhan 5:24

Nanê̆ ngăn, Gâp lah nanê̆ ngăn ma khân may, mbu nơm iăt nau Gâp ngơi jêh ri chroh Nơm hŏ njuăl Gâp, păng geh nau rêh n'ho ro jêh ri mâu geh ôh nau phat dôih, ƀiălah rgăn bơh nau khĭt gay hăn lăp tâm nau rêh.”

Kôranh Oh Mon 11:18

Nôk khân păng tăng lĕ nau ngơi nây, mâu nduyh đŏng. Khân păng tâm rnê Brah Ndu pô aơ: “Pôri, Brah Ndu hŏ ăn tâm ban đŏng nau rmal nau tih ma phung bu năch gay ma khân păng dơi geh nau rêh!”

Kôranh Oh Mon 17:30

Pôri, Brah Ndu hŏ sŏk lơi lĕ tâm rnôk rluk mâl nây, ƀiălah aƀaơ aơ, Păng ntrŭnh ma lĕ rngôch bunuyh gŭ ăp ntŭk tâm rmal nau tih khân păng.

Kôranh Oh Mon 2:38

Y-Pêtrôs plơ̆ lah: “Rmal hom nau tih, ăn ăp nơm khân may dơn nau ƀaptem tâm amoh Brah Yêsu Krist gay geh nau yô̆ an nau tih khân may nơm, jêh nây mra sŏk dơn ndơ jêng Brah Huêng Ueh ăn.

Kôranh Oh Mon 20:21

gâp mbơh ăn ma phung Yuđa jêh ri phung Grek ma nau rmal nau tih tanăp Brah Ndu jêh ri nau chroh tâm Yêsu Krist, Kôranh Brah he.

Kôranh Oh Mon 26:20

ƀiălah lor lơn, gâp mbơh nkoch ma phung bunuyh ta ƀon Đamas, jêh ta nây ta ƀon Yêrusalem jêh ri lĕ n'gor Yuđa, jêh nây tât ma phung bu năch, ăn khân păng rmal nau tih jêh ri plơ̆ sĭt ma Brah Ndu, pah kan tâm di đah nau tâm rmal ma nau tih.

Kôranh Oh Mon 3:19

Pôri, khân may rmal hom nau tih jêh ri plơ̆ sĭt ma Brah Ndu gay ma nau tih khân ay may mra dơi lâm lơi,

I Kôrintô 13:10

ƀiălah tơlah nau dŭt ueh tât jêh, nau mâu ueh mra rlau lôch.

I Kôrintô 2:6

Nđâp lah kơt nĕ, đah phung bunuyh văch ma toyh, hên mbơh nkoch nau blau mĭn đŏng, ƀiălah mâu di nau blau mĭn tâm rnôk aơ ôh, mâu lĕ tă bơh phung kôranh chiă uănh tâm rnôk aơ, jêng phung bunuyh mra rlau lôch.

II Kôrintô 7:1

Hơi phung oh nâu gâp rŏng, yorlah geh lĕ nau ton aơ, he ƀư kloh hom he nơm bơh lĕ rngôch nau ƀơ̆ ƀơch tâm nglay săk jêh ri huêng, ƀư rah vah hom nau kloh ueh he tâm nau klach yơk ma Brah Ndu.

II Kôrintô 7:10

Yorlah nau rngot rvê tĭng nâm nau Brah Ndu ŭch njêng nau rmal nau tih, njŭn ma nau tâm rklaih; nau nây mâu geh nau gay nduyh tôr; ƀiălah nau rngot rvê tĭng nâm neh ntu njŭn leo tât nau khĭt.

Êphêsô 2:1

Khân may khĭt jêh yor lĕ nau ƀư tih jêh ri nau tih khân may nơm,

Êphêsô 2:5

pôri nôk he lĕ khĭt jêh yor lĕ nau tih he, Păng ƀư ăn he dâk rêh tay ndrel ma Brah Krist — nây jêng tă bơh nau yô̆ yơh khân may dơi geh nau tâm rklaih —

Êphêsô 4:12

gay ndrăp phung kloh ueh ma nau pah kan jêh ri ndâk njêng săk jăn Brah Krist,

Kôlôh 1:28

Păng yơh jêng Nơm hên mbơh nkoch. Hên sŏk lĕ nau blau mĭn gay mbơh lor lĕ rngôch bunuyh, ntĭm nti lĕ rngôch bunuyh, gay mpơl lĕ rngôch bunuyh jêng rah vah ngăn tâm Brah Krist.

Kôlôh 3:14

Ƀiălah rlau lơn ma nau nây, nsoh hom nau rŏng, yorlah păng jêng rse nau tâm rnglăp tâm nau dŭt ueh ngăn.

Kôlôh 4:12

Y-Êpapras, bunuyh ƀon ndrel khân may, du huê oh mon ma Yêsu Krist jô̆ khâl ma khân may; păng tâm lơh tâm nau mbơh sơm yor khân may; gay khân may plơ̆ jêng nŭm rĭng jêh ri ƀư lôch lĕ nau mĭn ŭch Brah Ndu.

I Timôthê 3:16

Di ngăn dơn pô aơ nau khlay ndâp tâm nuih n'hâm klach yơk dŭt toyh hâu ngăn: Nơm tâm mpơl jêh tâm săk jăn, Brah Huêng Ueh kơp Păng sŏng srăng, Phung tông mpăr ntreng uănh, Bu mbơh nkoch ta nklang lĕ rngôch phung ƀon lan, Lĕ rngôch bunuyh chroh dơn jêh, Brah Ndu chông Păng leo klơ tâm nau chrêk rmah.

I Timôthê 6:19

tâm ban pônây, khân păng prăp nkrem tâm nar kăndơ̆ ma khân păng nơm du mbon nâp gay ma kuăn nanê̆ nau rêh ngăn.

II Timôthê 2:19

Ƀiălah, nau mbon lĕ nâp Brah Ndu ăt gŭ nâp, ma nau tâp pŏng pô aơ: “Kôranh Brah gĭt năl phung bunuyh jêng phung Păng;” jêh ri: “Mbu moh kuăl mbơh sơm amoh Kôranh Brah, ăn der ngai bơh nau mâu di.”

ហេឞ្រើ 11:6

Mâu geh nau chroh, mâu dơi ƀư maak nuih n'hâm Brah Ndu; yorlah mbu nơm ŭch hăn dăch ta Brah Ndu, ăn păng chroh geh Brah Ndu ngăn, jêh ri Păng jêng Nơm ăn nau nkhôm ma mbu nơm joi Păng.

ហេឞ្រើ 12:13

Ƀư hom ăn sŏng trong ma jâng khân may, gay ma bunuyh rvĕn mâu geh nau glet jâng, ƀiălah geh nau ƀư bah.

ហេឞ្រើ 7:11

Tơlah nau pah kan kôranh ƀư brah ma phung Lêvi năng ai dơi geh nau rah vah ngăn (yorlah bơh nau nây phung ƀon lan sŏk dơn jêh nau vay), mâm ƀư hôm ŭch njêng du huê kôranh ƀư brah êng, tĭng mpôl Mêlkisedek, mâu di tĭng mpôl Y-Arôn?

ហេឞ្រើ 9:14

rlau lơn ma nĕ mham Brah Krist, jêng Nơm rnơm Brah Huêng Ueh n'ho ro, nhhơr Păng nơm mâu geh têl khap ma Brah Ndu, mra ƀư kloh nuih n'hâm sŏng khân may bơh kan khĭt, gay pah kan ma Brah Ndu gŭ rêh mro mrăng âk tơ̆ rlau lơn!

Yakơ 1:4

Ƀiălah nau srôih ăn jêh nanê̆ kan păng, gay ma khân may yơh geh nau văch ma toyh, rah vah ngăn, mâu geh du ntil pưt ôh.

I Pêtrôs 1:21

Yor ma Păng, khân may chroh ma Brah Ndu, jêng Nơm ƀư ăn Păng dâk rêh tay tă bơh nau khĭt jêh ri ăn ma Păng nau chrêk rmah, gay ma nau chroh jêh ri nau khân may kâp gân mra dơm tâm Brah Ndu.

I Pêtrôs 5:10

Jêh ri lah jêh khân may dơn nau rêh ni ƀât lât, Brah Ndu ma lĕ nau yô̆, Nơm kuăl jêh khân may tât nau chrêk rmah n'ho ro tă bơh Păng tâm Yêsu Krist, Păng nơm mra njêng tay, ƀư ktang, ndâk njêng jêh ri ăn nau dăng ktang ma khân may.

I Yôhan 4:12

Mâu geh du huê bunuyh mâp saơ Brah Ndu ôh; tơlah he tâm rŏng ndrăng he, Brah Ndu gŭ tâm he, jêh ri nau rŏng Păng jêng nŭm rĭng tâm he.