ហេឞ្រើ 4:12 - Nau Brah Ndu Ngơi 2023

¹² Yorlah nau ngơi Brah Ndu jêng nau ngơi rêh jêh ri geh nau dơi, hơr lơn ma đao bar măt, lăp băm kŏ tât tâm nglah nuih n'hâm đah huêng, ntŭk nting tâm ntrŭp đah glo, phat dôih lĕ nau mĭn jêh ri nau ŭch tâm nuih n'hâm.

Bunong Bible Latin Script Cambodian dialect

¹² Nau ngơi Kôranh Brah nơm geh nau rêh, geh nau dơi ngăn, sôt hơr rlau ma đao bar măt jât. Jêh ri sreh nuih n'hâm, ndrel ma huêng, sreh nting nđăng, ndrel ma i glo păng. Nau ngơi Kôranh Brah phat dôih nau mân, ndrel ma nau ŭch nau ntrŏng ta trôm nuih n'hâm bunuyh.

Bunong

¹² នាវ​ងើយ​កោរាញ​ឞ្រាស​នើម​គែស​នាវ​រេស គែស​នាវ​ទើយ​ងាន់ ឆោត​ហើរ​រាលាវ​មា​ដាវ​ឞារ​មាត់​ជឹត។ ជេសរី​ឆ្រែស​នូយ្ស​នហ៝ម់ នទ្រែល​មា​ហ្វេង ឆ្រែស​នតីង​នអាង់ នទ្រែល​មា​អី​គ្ល៝​ពាង់។ នាវ​ងើយ​កោរាញ​ឞ្រាស​ផាត​ទោយ្ស​នាវ​មឹន នទ្រែល​មា​នាវ​អុច​នាវ​នត្រ៝ង់​តា​ត្រោម​នូយ្ស​នហ៝ម់​ឞូនុយ្ស។

ហេឞ្រើ 4:12 Iomraidhean Croise

Nau Mprơ Ơm 110:2

Bơh ƀon Siôn, Brah Yêhôva mra pơk huy Kôranh Brah May. Chiă uănh hom ta klơ phung rlăng May.

Nau Mprơ Ơm 119:130

Nau rblang bơh Nau Ngơi May djôt leo nau ang, Păng ăn nau gĭt rbăng ma phung tông bâr.

Nau Mprơ Ơm 139:2

May gĭt lĕ dôl gâp gŭ, dôl gâp dâk; Ntơm bơh ngai may gĭt rah vah nau mĭn gâp.

Nau Mprơ Ơm 149:6

Ăn hom nau tâm rnê ma Brah Ndu tâm trôm mbung khân păng, Đao gưm bar măt gŭ tâm ti khân păng

Nau Mprơ Ơm 45:3

Hơi hađăch geh nau dơi, cheng hom đao ta bŭt; Tâm nau chrêk rmah jêh ri nau hit rnam may.

Nau Hôr 5:4

Ƀiălah nglĕ dŭt, păng tăng nâm bu tơm si tăng, Hơr nâm bu mpiăt đao bar đah măt.

Nơm Nti 12:11

Nau bunuyh blau mĭn nâm bu mplanh mâng loih nơm chiăp; lĕ nau hôr dơi rgum tay nâm bu kđĭn pâng nâp; yor du huê rmăk biăp mbơh jêh.

Êsai 11:4

Ƀiălah Păng mra phat dôih tâm nau sŏng srăng ma phung mâu geh nau ktang, Jêh ri phat dôih nau sŏng ma phung rdơ̆ rbăn ta neh ntu. Păng mra dong neh ntu ma mâng jra bơh trôm mbung Păng, Jêh ri sŏk n'hâm bơh trôm mbung gay nkhĭt phung ƀai.

Êsai 49:2

Păng ƀư ăn trôm mbung gâp jêng tâm ban ma đao hơr ngăn, Păng pôn jêh gâp tâm gui ti Păng. Păng ƀư ma gâp tâm ban chiông hăr mplanh, Jêh ri Păng pôn jêh gâp tâm dĭng hăr Păng.

Êsai 55:11

Tâm ban pônây lĕ nau Gâp ngơi, Luh jêh bơh trôm mbung Gâp mâu mra sĭt ma Gâp dơm dam ôh, Ƀiălah păng mra ƀư jêh nau Gâp ŭch, Jêh ri păng ƀư lôch nau kan Gâp jao.

Yêrêmi 17:10

Gâp, Brah Yêhôva, sek uănh nau mĭn, Rlong uănh nuih n'hâm bu, Plơ̆ ăn ma ăp nơm tĭng nâm trong păng hăn, Jêh ri tĭng nâm play kao bơh kan khân păng ƀư.”

Yêrêmi 23:29

“Nau Gâp ngơi mâu di nâm bu ŭnh, nâm bu me nôp tôp nchah lŭ lĕ?” Brah Yêhôva lah pônây.

Luka 8:11

Nau hôr nây geh rblang kơt aơ: Grăp ntil jêng nau chroh ma Kôranh Brah.

Yôhan 12:48

Mbu nơm dun Gâp, mâu sŏk dơn ôh nau Gâp nti lah, hŏ geh jêh Nơm phat dôih păng; nau Gâp nti lah mra phat dôih păng ta nar nglĕ dŭt.

Yôhan 6:51

Gâp jêng piăng let nau rêh jŭr tă bơh trôk; tơlah mbu nơm sa piăng let nây mra rêh n'ho ro. Piăng let Gâp ăn nây jêng nglay săk Gâp nơm ŭch ăn nau rêh ma neh ntu.”

Kôranh Oh Mon 2:37

Jêh tăng nau ngơi nây, nuih n'hâm khân păng rngot, khân păng ôp Y-Pêtrôs ro jêh ri phung kôranh oh mon êng pô aơ: “Hơi phung oh nâu, moh nau hên mra ƀư?”

Kôranh Oh Mon 4:31

Lôch jêh mbơh sơm, ntŭk khân păng tâm rƀŭn mpât n'gơ, lĕ rngôch khân păng bêng ma Brah Huêng Ueh da dê, mbơh nau Brah Ndu ngơi ma nau nănh.

Kôranh Oh Mon 5:33

Jêh tăng lĕ nau nây khân păng ji nuih ngăn jêh ri ŭch nkhĭt lơi phung kôranh oh mon.

Kôranh Oh Mon 7:38

Păng yơh jêng nơm hŏ gŭ jêh ta nklang phung tâm rƀŭn ta bri rdah ndrel ma tông mpăr, nơm ngơi ma păng ta yôk Sinai jêh ri ma phung chô yau he; păng sŏk dơn jêh lĕ nau ngơi rêh gay ăn ma he.

Samƀŭt Pôl Njuăl Ăn Ma Phung Nsing Ta Ƀon Rôm 1:16

Nanê̆, gâp mâu bêk prêng ôh ma Nau Mhe Mhan Ueh, yorlah aơ jêng nau brah Brah Ndu gay ma rklaih lĕ rngôch bunuyh chroh, lor lơn jêng phung Yuđa, pakơi jêng phung Grek.

I Kôrintô 1:24

Ƀiălah ma phung bunuyh dơi kuăl jêh, lĕ phung Yuđa nđâp phung Grek, Brah Krist jêng nau brah jêh ri nau blau mĭn Brah Ndu.

II Kôrintô 2:17

Yorlah, hên mâu tăch rgâl ma nau ngơi Brah Ndu nâm bu âk bunuyh êng. Ƀiălah jêng bunuyh Brah Ndu njuăl hăn, hên mbơh nkoch ma nuih n'hâm răp jăp tâm Brah Krist, tanăp Brah Ndu.

II Kôrintô 4:2

Hên dun jêh lĕ nau kan ndâp pôn jêh ri khư geh nau bêk prêng; hên mâu sŏk nau ndơm mâu lah nau nchơt nklă nau Brah Ndu ngơi ôh. Ƀiălah, hên rblang rah vah ma nau ngăn, hên ăn ma nuih n'hâm sŏng lĕ rngôch bunuyh tâm nal ma hên tanăp Brah Ndu.

Êphêsô 5:13

Ƀiălah lĕ rngôch nau nduyh nây tâm mpơl jêh tâm dâng nau ang dơi ang rah vah; yorlah lĕ rngôch nau tâm mpơl jêh jêng ang da dê.

Êphêsô 5:26

gay ƀư kloh ueh Phung Ngih Brah Ndu jêh dŏng dak jêh ri nau ngơi Păng ƀư kloh Phung Ngih Brah Ndu,

Êphêsô 6:17

Ndô hom môk nau tâm rklaih jêh ri djôt đao Brah Huêng Ueh, jêng nau ngơi Brah Ndu.

I Têsalônik 2:13

Yor ri, hên lah ueh ma Brah Ndu mâu blau dŭt, yor nôk khân may tăng jêh ri sŏk dơn jêh nau ngơi Brah Ndu tă bơh hên, khân may mâu sŏk dơn nau ngơi nây tâm ban nau kon bunuyh ngơi, ƀiălah di ngăn jêng nau ngơi Brah Ndu, nau ngơi pah kan tâm khân may jêng phung chroh.

I Têsalônik 5:23

Dăn Brah Ndu ăn nau đăp mpăn ƀư ăn kloh khân may ăn nŭm. Dăn Păng prăp nuih n'hâm, huêng, jêh ri săk jăn khân may ăn ueh, mâu geh nau nduyh lah Kôranh Brah he, jêng Brah Yêsu Krist plơ̆ văch!

ហេឞ្រើ 13:7

Kah gĭt hom ma phung gai khân may, jêng phung mbơh nkoch jêh nau ngơi Brah Ndu ma khân may. Sek uănh hom nau tât ma nau rêh khân păng jêh ri kơt nau chroh khân păng.

ហេឞ្រើ 6:5

mâp chiăm jêh nau ueh tâm nau ngơi Brah Ndu, jêh ri nau brah ma rnôk rô̆ mra tât;

Yakơ 1:18

Păng hŏ dŏng nau ngơi ngăn deh he tĭng nâm nau Păng mĭn gay ma he jêng du ntil play bôk yan tâm lĕ rngôch ndơ Păng njêng.

I Pêtrôs 1:23

Khân may geh jêh nau deh mhe tay, mâu di ma găr ntil blau rai yot, ƀiălah găr ntil mâu hôm blau ôm rai, nây jêng nau ngơi gŭ rêh mro mrăng jêh ri nâp ngăn bơh Brah Ndu.

Nau Tâm Mpơl 1:16

Ti pa ma Păng djôt pơh mănh mbing; geh du mlâm đao bar măt mplônh ngăn luh tă bơh trôm mbung Păng; muh măt Păng tâm ban ma nar nchrat ang ma lĕ nau ktang.

Nau Tâm Mpơl 19:15

Tă bơh trôm mbung Păng geh du mlâm đao hơr ngăn gay ma dong lĕ bri dak; Păng mra chiă uănh khân păng ma du mlâm mâng jra loih. Păng mra jot mpet thŭng play krăk ƀâu ma nau ji nuih Brah Ndu Geh Lĕ Nau Brah.

Nau Tâm Mpơl 19:21

Phung bunuyh hôm e ƀaƀă, khĭt da dê đah đao gưm luh tă bơh trôm mbung Nơm ncho seh; lĕ rngôch phung sĭm sa puăch khân păng hơm bêng da dê.

Nau Tâm Mpơl 2:16

Pôri, rmal hom nau tih! Tơlah mâu, Gâp mra văch ma may gơnh, sŏk đao gưm bơh trôm mbung Gâp tâm lơh đah khân păng.’

Nau Tâm Mpơl 2:23

Gâp mra nkhĭt phung kon păng. Nôk nây, lĕ rngôch Phung Ngih Brah Ndu mra gĭt năl Gâp jêng Nơm sek uănh nuih n'hâm kon bunuyh; Gâp mra mplơ̆ sĭt ma ăp nơm tâm khân may tĭng nâm lĕ kan khân may.

Nau Tâm Mpơl 20:4

Gâp saơ lĕ sưng hađăch, jêh ri phung bunuyh gŭ ta sưng hađăch bu ăn khân păng nau dơi phat dôih. Gâp saơ đŏng huêng phung khĭt bu koh trô ko yor khân păng mbơh nkoch ma Brah Yêsu jêh ri nau ngơi Brah Ndu, jêh ri huêng phung mâu yơk mbah ma mpô mpa dŭt janh ndrel ma rup păng, mâu sŏk dơn nau mbên ta ndăr kleng mâu lah ta ti khân păng nơm. Khân păng dơi dâk rêh tay jêh ri chiă uănh ndrel ma Brah Krist tâm du rbăn năm.

Phung Kôranh Phat Dôih 3:16

Y-Êhut ƀư ma păng nơm du đao bar măt, jong du hăt jêh ri văn păng ta nglik pa ma tâm dâng ao păng nơm.