ហេឞ្រើ 3:8 - Nau Brah Ndu Ngơi 2023

⁸ Lơi ăn dăng ôh nuih n'hâm khân may nâm bu nôk tâm rdâng, Tâm nar rlong uănh tâm ntŭk bri rdah,

Bunong Bible Latin Script Cambodian dialect

⁸ Lơi ôh geh nuih n'hâm dăng ko, kơt phung u che khân ay may jan, jêh ri tâm rdâng đah Kôranh Brah Nôk Kôranh Brah rlong khân păng ta bri rdah nơh.

Bunong

⁸ លើយ​អោស​គែស​នូយ្ស​នហ៝ម់​ទាង់​ក៝ កើត​ផូង​អូ​ចែ​ខាន់​អៃ​មៃ​ជាន ជេសរី​តឹម​រាទ៝ង់​ដាស​កោរាញ​ឞ្រាស នោក​កោរាញ​ឞ្រាស​រាល៝ង​ខាន់​ពាង់​តា​ឞ្រី​រាទាស​នើស។

ហេឞ្រើ 3:8 Iomraidhean Croise

II Phung Hađăch 17:14

Ƀiălah, khân păng mâu iăt nau jêh ri dăng ko nâm bu phung chô yau khân păng, jêng phung mâu chroh ôh ma Yêhôva Brah Ndu khân păng.

II Nau Rêh Jêng 30:8

Aƀaơ, lơi ta dăng ko ôh nâm bu phung che khân may; yơr hom ti khân may nơm rle mpeh ma Brah Yêhôva jêh ri lăp hom Ntŭk Kloh Ueh jêng ntŭk ƀư kloh ueh n'ho ro jêh ri pah kan hom ma Yêhôva Brah Ndu khân may, gay ma nau Păng ji nuih dơi du ngai bơh khân may.

II Nau Rêh Jêng 36:13

Păng tâm rdâng đŏng đah hađăch Nêbukatnetsar, jêng nơm hŏ nchâp păng sơm ton ma amoh Brah Ndu. Păng plơ̆ jêng dăng bôk jêh ri kranh nuih n'hâm, mâu ŭch plơ̆ sĭt ma Yêhôva Brah Ndu Israel.

Nêhêmi 9:16

Ƀiălah chô yau hên gŭ ngao ma nau sưr jêh ri dăng ko, Mâu iăt ôh lĕ nau vay ntăm bơh May ntĭnh.

Ndrom Samƀŭt bơh Yôp 9:4

Brah Ndu blau mĭn jêh ri geh nau brah toyh: Mbu moh tâm rdâng đah Păng ƀiălah hôm dơi geh nau đăp mpăn?

Nau Mprơ Ơm 106:14

Nuih n'hâm khân păng kơnh ngăn tâm ndrêch rdah, Jêh ri khân păng rlong uănh Brah Ndu tâm ntŭk bri hŏng.

Nau Mprơ Ơm 78:18

Khân păng ndra ma rlong uănh Brah Ndu, Gay ma geh ndơ sông sa tĭng nâm khân păng ŭch.

Nau Mprơ Ơm 78:56

Nđâp lah pônây khân păng ăt rlong uănh Jêh ri tâm rdâng đah Brah Ndu Nơm Dŭt Prêh, Mâu tĭng djôt prăp ôh nau Brah Ndu ntĭnh.

Nau Mprơ Ơm 95:8

Lơi ƀư dăng ôh nuih n'hâm khân may nâm bu ta Mêriba, Nâm bu ta nar Masa tâm bri rdah.

Nau Ngluh Êjipt 17:7

Y-Môis rnha ntŭk nây jêng Masa jêh ri Mêriba, yorlah phung ƀon lan Israel hŏ joi nau đah păng jêh ri janh rlong uănh Brah Yêhôva dôl khân păng lah: “Brah Yêhôva geh gŭ ta nklang phung hên mâu lah mâu?”

Nau Ngluh Êjipt 8:15

Ƀiălah dôl Pharaôn saơ păng nơm klaih jêh, nuih n'hâm păng plơ̆ dăng tay, mâu hôm ŭch tông ôh nau Y-Môis jêh ri Y-Arôn, di nâm nau Brah Yêhôva hŏ lah jêh.

Nau Hôr 28:14

Bunuyh klach yơk ma Kôranh Brah dơi geh nau ueh uĭn ƀaƀơ; Bi ma nơm dăng nuih n'hâm mra tŭp tâm nau rêh ni.

Nau Hôr 29:1

Bunuyh bu nduyh ƀaƀơ lơ hô ƀư dăng ko, Mra rai yot ƀât lât dơm, mâu hôm geh trong dơi săm ôh.

Yêrêmi 7:26

Ƀiălah khân păng mâu ŭch iăt Gâp, mâu ŭch lĕ srâng iăt, lơ hâu dăng bôk dăng ko, gŭ ngao mhĭk lơn ma phung chô yau khân păng.”

Daniel 5:20

Ƀiălah tơlah nuih n'hâm jêng sưr, nuih n'hâm dăng ktang, pôri păng ƀư ma nau brơl; yor nây bu n'glưh jêh păng bơh sưng hađăch jêh ri sŏk lơi nau chrêk rmah.

Nau Kơp Bunuyh 14:11

Brah Yêhôva lah ma Y-Môis pô aơ: “Ndah hŏ jŏ phung ƀon lan aơ mưch Gâp jêh ri ndah nâm jŏ khân păng mâu mra chroh ôh ma Gâp, nđâp lah Gâp hŏ ƀư jêh âk nau mbên khlay ta nklang khân păng?

Mathay 13:15

Yorlah nuih n'hâm phung aơ jêng brơl; Tôr lĕ rngêl, Măt lĕ nhêp, Klach măt lĕ saơ, Tôr lĕ tăng, Nuih n'hâm lĕ gĭt rbăng, Khân păng plơ̆ tay, Jêh ri Gâp mra ƀư bah an.’

Kôranh Oh Mon 19:9

Ƀiălah geh ƀaƀă bunuyh geh nuih n'hâm dăng, mâu ŭch chroh, ngơi djơh ma nau chroh ma Kôranh Brah tanăp phung ƀon lan, Y-Pôl du ngai bơh khân păng, djôt leo phung oh mon ta ntŭk êng, jêh ri ăp nar tâm nchră tâm ngih nti Y-Tiranus.

Kôranh Oh Mon 7:36

Păng hŏ njŭn leo khân păng luh, ƀư lĕ nau khlay, nau mbên khlay tâm n'gor Êjipt, ta Dak Mƀŭt Chăng, jêh ri ntŭk bri rdah tâm puăn jât năm.

I Kôrintô 10:9

Lơi he rlong uănh Kôranh Brah ôh nâm bu phung ƀaƀă tâm khân păng, jêh ri khân păng khĭt đah nau bêh chôk.

Nau Vay Nkah Tay 6:16

Lơi ta khân may rlong uănh Yêhôva Brah Ndu khân may nâm bu may hŏ rlong uănh jêh Păng ta Masa.

I Samuel 6:6

Mâm ƀư khân may dăng nuih n'hâm nâm bu phung Êjipt jêh ri Pharaôn hŏ dăng nuih n'hâm? Lah jêh Brah Yêhôva ƀư rêh ni ma khân păng, mâu di hĕ khân păng hŏ ăn jêh ma phung Israel hăn du luh?