ហេឞ្រើ 3:7 - Nau Brah Ndu Ngơi 2023

⁷ Yor nây, nâm bu Brah Huêng Ueh lah: “Nar aơ tơlah khân may tăng bâr Păng,

Bunong Bible Latin Script Cambodian dialect

⁷ Ta Nau Kôranh Brah Ngơi geh nchih nau Brah Huêng Ueh i kloh ueh lah ma phung Israel kơt nđa: ‘Nar dja, nôk khân ay may tăng bŏr mbung Kôranh Brah nơm,

Bunong

⁷ តា​នាវ​កោរាញ​ឞ្រាស​ងើយ​គែស​ញចីស​នាវ​ឞ្រាស​ហ្វេង​អ្វែស​អី​ក្ល៝ស​អ្វែស​លាស​មា​ផូង​អីឆ្រាអែល  ​កើត​នអា៖ «នារ​អ្យា នោក​ខាន់​អៃ​មៃ​តាង់​ឞ៝រ់​មឞូង​កោរាញ​ឞ្រាស​នើម‌

ហេឞ្រើ 3:7 Iomraidhean Croise

II Samuel 23:2

Huêng Brah Yêhôva ăn ma gâp nau ngơi Păng, Jêh ri nau Păng ngơi gŭ ta mpiăt gâp.

Nau Mprơ Ơm 81:11

Ƀiălah phung ƀon lan Gâp mâu iăt bâr Gâp, Phung Israel mâu tông bâr Gâp ôh.

Nau Mprơ Ơm 81:13

Ơ! Di lĕ phung ƀon lan Gâp iăt Gâp! Di lĕ Israel dơi hăn tâm trong Gâp!

Nau Hôr 27:1

Lơi ntưih ôh ma nar ôi taơ, Yorlah may mâu gĭt ôh nar ôi taơ mra moh nau tât.

Nơm Nti 9:10

Lĕ kan ti may dơi ƀư, ƀư hom lĕ nau ktang may; yorlah tâm ƀon phung khĭt, jêng ntŭk dôl may hăn tât, mâu geh nau kan, nau nchră, nau gĭt rbăng mâu lah jêng nau blau mĭn.

Êsai 55:3

Nkêng hom tôr khân may jêh ri văch hom ma Gâp; Gŭ iăt hom Gâp gay ma huêng khân may dơi rêh. Gâp mra ăn ma khân may nau tâm rnglăp n'ho ro, Jêng nau rŏng răp jăp Gâp ăn ma Y-Đavit.

Êsai 55:6

Ăn joi hom Brah Yêhôva dôl he hôm mâp; Kuăl dăn hom ma Păng dôl Păng gŭ dăch!

Mathay 17:5

Dôl Y-Pêtrôs ngơi, geh du ndâr tŭk ang ral hâu ngăn nkŭm khân păng; jêh ri tă bơh tŭk geh bâr ngơi pô aơ: “Aơ jêng Kon Gâp rŏng ngăn ngên, tâm Păng Gâp geh nau maak ngăn; iăt hom nau Păng!”

Mathay 22:43

Brah Yêsu ôp: “Pôri, mâm ƀư hađăch Đavit dơi ntrôl ntrŭt tă bơh Brah Huêng Ueh, kuăl păng Kôranh Brah jêh ri lah jêh:

Markôs 12:36

Brah Huêng Ueh nơm yơh nsŭk nsôr Y-Đavit lah pô aơ: ‘Kôranh Brah lah ma Kôranh Brah gâp: Gŭ hom mpeh pa ma Gâp, Tât nôk Gâp dơm phung rlăng May tâm dâng jâng May.’

Yôhan 10:16

Gâp hôm geh đŏng biăp êng mâu gŭ tâm n'gar aơ ôh; Gâp mra njŭn leo khân păng plơ̆ sĭt đŏng. Biăp nây mra tăng bâr Gâp, jêh nây mra knŏng geh du phung biăp jêh ri du huê rmăk dơm.

Yôhan 10:27

Biăp Gâp tăng bâr Gâp, Gâp gĭt năl khân păng jêh ri khân păng tĭng ndô̆ Gâp.

Yôhan 10:3

Bunuyh gak njrăng pơk mpông jêh ri biăp tăng bâr bunuyh rmăk biăp. Bunuyh rmăk biăp kuăl amoh biăp păng nơm jêh ri njŭn leo luh padih.

Yôhan 5:25

“Nanê̆ ngăn, Gâp lah ma khân may, mông dăch tât, jêh ri hŏ tât jêh, nôk phung khĭt mra tăng bâr Kon Brah Ndu, jêh ri phung bunuyh tăng bâr Păng mra rêh.

Kôranh Oh Mon 1:16

“Hơi phung oh nâu, geh nau ngơi tâm Nau Brah Ndu Ngơi, Brah Huêng Ueh mbơh lor jêh ma bâr mbung Y-Đavit ma nau Y-Yuđas, nơm hŏ njŭn trong ma bu nhŭp Brah Yêsu, tât di ngăn.

Kôranh Oh Mon 28:25

Yor nây, khân păng mâu geh du ai jêh ri du sĭt, Y-Pôl ngơi tay nau aơ: “Brah Huêng Ueh hŏ ntăm jêh nanê̆ di ngăn, nôk Păng dŏng nơm mbơh lor Y-Êsai lah ma phung chô yau pô aơ:

Kôranh Oh Mon 8:29

Brah Huêng Ueh lah ma Y-Philip: “Hăn dăch hom jêh ri tĭng ban ndeh seh nây.”

ហេឞ្រើ 10:15

Brah Huêng Ueh mbơh lĕ ma he tâm ban pônây; yorlah jêh păng lah:

ហេឞ្រើ 3:13

Ƀiălah ăn khân may nti nkah hom ndrăng khân may tâm ăp nar, bu dơi lah jêng “nar aơ,” gay mâu geh du huê tâm phung khân may yor nau tih ndơm jêh ri dăng nuih n'hâm.

ហេឞ្រើ 3:15

tâm ban geh nchih pô aơ: “Nar aơ tơlah khân may tăng bâr Păng, Lơi ăn dăng nuih n'hâm khân may ôh, nâm bu nôk tâm rdâng.”

ហេឞ្រើ 4:7

Rlau lơn ma nĕ, jêh nau nây jŏ ngăn, tâm du Nau Mprơ Ơm Y-Đavit, Kôranh Brah tâm nal đŏng du nar kuăl jêng “nar aơ,” nâm bu nau nchih lor jêh: “Nar aơ tơlah khân may tăng bâr Păng, Lơi ƀư dăng nuih n'hâm ôh.”

ហេឞ្រើ 9:8

Brah Huêng Ueh sŏk nau nây gay ntĭm lah ngih bok tal nguay hôm e, pôri trong hăn lăp ta Ntŭk Dŭt Kloh Ueh ê hŏ pơk ôh.

II Pêtrôs 1:21

yorlah mâu geh du ntil nau mbơh lor luh tă bơh bunuyh mĭn, ƀiălah Brah Huêng Ueh sŭk nsôr khân păng ngơi nau luh bơh Brah Ndu.

Nau Tâm Mpơl 3:20

Aơ, Gâp gŭ padih mpông jêh ri goh; tơlah mbu nơm tăng bâr Gâp jêh ri pơk mpông, Gâp mra lăp gŭ ndrel ma bunuyh nây, sông sa ndrel ma păng jêh ri păng ndrel ma Gâp.