ហេឞ្រើ 3:6 - Nau Brah Ndu Ngơi 2023

⁶ Ƀiălah Brah Krist gŭ răp jăp tâm ban ma kon bu klâu mât uănh ma ngih Brah Ndu. He jêng ngih ma Păng, knŏng tơlah he djôt nâp nau rnơm nsing jêh ri tâm rnê êng tâm nau he kâp gân kŏ tât nglĕ dŭt.

Bunong Bible Latin Script Cambodian dialect

⁶ Lŏng Brah Krist, Păng mât uănh phung ƀon lan Kôranh Brah răp jăp, yorlah jêng Kon Kôranh Brah. Jêh ri bân jêng phung ƀon lan Kôranh Brah lah bân hôm geh nuih n'hâm nâp, nđâp ma ndjôt nâp rkâk nau rnơm ma dâng lĕ nau i Kôranh Brah de lĕ ton.

Bunong

⁶ ល៝ង់​ឞ្រាស​ក្រីស  ពាង់​ម៝ត់​អ្វាញ់​ផូង​ប៝ន​លាន​កោរាញ​ឞ្រាស​រាប់​ជាប់ យ៝រ​លាស​ជេង​ក៝ន​កោរាញ​ឞ្រាស។ ជេស​រី​ឞ៝ន់​ជេង​ផូង​ប៝ន​លាន​កោរាញ​ឞ្រាស​លាស​ឞ៝ន់​ហោម​គែស​នូយ្ស​នហ៝ម់​ន៝ប់ នអ៝ប់​មា​ញអោត​ន៝ប់​រាក៝ក់​នាវ​រានើម​មា​ទឹង​លែៈ​នាវ​អី​កោរាញ​ឞ្រាស​ទែ​លែៈ​ត៝ន។

ហេឞ្រើ 3:6 Iomraidhean Croise

Nau Mprơ Ơm 2:12

Chŭm Kon hom, klach Păng ji nuih Jêh ri khân may mra rai yot tâm trong khân may, Yorlah nau Păng ji nuih mra gơnh hao nuih. Ueh maak yơh ma mbu nơm nde krap ma Păng.

Êsêkiêl 46:10

Hađăch ndrel phung ƀon lan mra hăn lăp du tơ̆ jêh ri tơlah phung ƀon lan du luh hađăch ăt du luh đŏng.

Mathay 10:22

Lĕ rngôch bunuyh mra tâm rmot ma khân may yor amoh Gâp, ƀiălah mbu nơm nâp nuih n'hâm tât lôch dŭt mra dơi rklaih.

Mathay 16:18

Bi ma, Gâp mbơh ma may pô aơ: May jêng Y-Pêtrôs, Gâp mra rdâk Phung Ngih Brah Ndu Gâp ta klơ lŭ aơ, lĕ mpông ƀon phung khĭt mâu dơi đah Phung nây ôh.

Mathay 24:13

Ƀiălah mbu nơm nâp nuih n'hâm tât lôch dŭt mra dơi rklaih.

Samƀŭt Pôl Njuăl Ăn Ma Phung Nsing Ta Ƀon Rôm 11:22

Ăn may uănh hom nau ueh jêh ri nau dăng ngăn Brah Ndu: Nau dăng ngăn ma mbu nơm tŭp jêh, ƀiălah nau ueh ma may, knŏng tơlah may gŭ nâp mro tâm nau ueh Păng; tơlah mâu, Păng ăt mra koh chalơi may đŏng.

Samƀŭt Pôl Njuăl Ăn Ma Phung Nsing Ta Ƀon Rôm 12:12

Gŭ maak hom tâm nau kâp gân, srôih tâm nau rêh ni, nâp nuih n'hâm jêh ri mbơh sơm.

Samƀŭt Pôl Njuăl Ăn Ma Phung Nsing Ta Ƀon Rôm 15:13

Mbơh sơm dăn ma Brah Ndu jêng tu kâp gân ƀư ma khân may bêng ler nau răm maak jêh ri nau đăp mpăn tâm nau chroh, gay ma nau brah Brah Huêng Ueh, khân may geh nau rmeh ler tâm nau kâp gân.

Samƀŭt Pôl Njuăl Ăn Ma Phung Nsing Ta Ƀon Rôm 5:2

Tâm Păng, yor ma chroh he dơi lăp tâm nau yô̆ aơ jêng nau yô̆ tă bơh nĕ he dâk nâp jêh ri răm maak đah nau kâp gân dơi dơn nau chrêk rmah Brah Ndu.

I Kôrintô 3:16

Khân may mâu gĭt hĕ khân may jêng ngih ma Brah Ndu, jêh ri Brah Huêng Ueh Brah Ndu gŭ tâm khân may?

I Kôrintô 6:19

Khân may mâu gĭt hĕ săk jăn khân may jêng ngih brah Brah Huêng Ueh dôl gŭ jêh tâm khân may. Di lĕ Nơm Brah Ndu hŏ ăn ma khân may? Khân may mâu hôm jêng ndơ khân may nơm ôh,

II Kôrintô 6:16

Mâm dơi geh nau tâm rnglăp ngih brah Brah Ndu đah lĕ rup brah? Yorlah he jêng ngih brah Brah Ndu gŭ rêh mro mrăng, nâm bu Brah Ndu lah jêh: “Gâp mra rêh gŭ tâm khân păng jêh ri hăn nsong tâm khân păng; Gâp mra jêng Brah Ndu khân păng, Jêh ri khân păng mra jêng phung ƀon lan Gâp.”

Galati 6:10

Pôri, dôl geh mông găl, he ƀư hom nau ueh ma lĕ rngôch bunuyh, lor lơn jêng ma phung oh nâu tâm nau chroh.

Galati 6:9

Lơi rgănh dôl ƀư kan ueh, yorlah tơlah he mâu rdja nuih n'hâm ôh, he mra rek tât ta yan rek.

Êphêsô 3:12

Tâm Păng jêh ri yor ma nau chroh tâm Păng, he geh nau janh nuih jêh ri nâp nuih n'hâm hăn dăch Brah Ndu.

Kôlôh 1:23

knŏng ma khân may nau gŭ nâp tay tâm nau chroh, mâu rdja nuih ôh, mâu trơn chalơi bơh nau kâp gân Nau Mhe Mhan Ueh khân may tăng jêh, jêng Nau Mhe Mhan Ueh hŏ mbơh nkoch jêh ma lĕ rngôch bunuyh tâm dâng trôk; jêh ri gâp, Y-Pôl, hŏ jêng bunuyh pah kan ma Nau Mhe Mhan Ueh nây.

I Têsalônik 5:16

Răm maak hom mro mrăng,

II Têsalônik 2:16

Dăn Kôranh Brah he, jêng Brah Yêsu Krist nơm jêh ri Brah Ndu, Mbơ̆ he, Nơm rŏng jêh ma he, jêh ri bơh nau yô̆ ăn ma he nau bonh leng n'ho ro jêh ri nau kâp gân ueh,

I Timôthê 3:15

gay tơlah gâp băt tât, pô ri may gĭt đŏng nau gŭ ngao tâm ngih Brah Ndu, jêng Phung Ngih Brah Ndu rêh, ntur jêh ri meh ma nau ngăn.

ហេឞ្រើ 1:2

Ƀiălah tâm lĕ nar dăch dŭt aơ, Păng ntĭm nti jêh ma he bơh Kon Păng Nơm, jêng Kon Păng hŏ rdâk jêh jêng Nơm dơn lĕ rngôch ndơ; tâm Kon nây đŏng, Păng rhăk njêng jêh trôk neh ntu.

ហេឞ្រើ 10:19

Pôri, ơ phung oh nâu, yorlah ma mham Brah Yêsu he dơi lăp Ntŭk Dŭt Kloh Ueh,

ហេឞ្រើ 10:21

jêh ri yorlah he geh du huê kôranh ƀư brah dŭt toyh chiă uănh tâm ngih Brah Ndu,

ហេឞ្រើ 10:23

He djôt nâp hom nau mbơh nkoch ma nau he kâp gân mâu mpât n'gơ, yorlah Nơm ton jêh ma he, Păng jêng nau răp jăp.

ហេឞ្រើ 10:35

Pôri, Lơi chalơi ôh nau chroh nanê̆ khân may nơm, yorlah păng mra djôt tay nau nkhôm toyh.

ហេឞ្រើ 11:1

Nau chroh jêng nau mbơh nkoch ma lĕ ndơ he dôl kâp gân, jêng nau mbơh ma lĕ nau he mâu blau saơ ôh.

ហេឞ្រើ 3:14

Yorlah tơlah nuih n'hâm he djôt nâp nau he chroh tâm ntơm saơm kŏ tât nglĕ dŭt, he geh du kô̆ ndrel ma Brah Krist,

ហេឞ្រើ 4:11

Yor nây, ăn he nsrôih hăn lăp tâm nau rlu aơ, gay mâu geh du huê tâm he tŭp yor tĭng nơm leo trong mâu tông bâr.

ហេឞ្រើ 4:14

Yor nây, yorlah he geh du huê kôranh ƀư brah toyh lơn găn jêh lĕ ndâr trôk jêng Brah Yêsu, Kon Brah Ndu, pôri djôt nâp hom lĕ nau he mbơh.

ហេឞ្រើ 4:16

Pôri, ăn he nâp nuih n'hâm hăn dăch ta sưng hađăch nau yô̆, gay ma dơi sŏk dơn nau yô̆ nđach jêh ri saơ nau yô̆ kơl he dôl he geh nau pưt.

ហេឞ្រើ 6:11

Ƀiălah hên ŭch ngăn ma ăp nơm khân may tâm mpơl nuih n'hâm duh nđơr tâm ban pônây gay djôt nâp nau kâp gân tât nglĕ dŭt;

ហេឞ្រើ 6:18

gay ma bar nau nây mâu blau rgâl — bar nau nây Brah Ndu mâu dơi ngơi mƀruh ôh — ma phung he jêng phung bunuyh nchuăt du krap ta Păng, geh nau bonh leng toyh jêh ri djôt nâp nau kâp gân hŏ dơm tanăp măt he nơm.

ហេឞ្រើ 7:19

(yor nau vay mâu dơi ƀư ăn moh nau rah vah ôh); lah êng đŏng, geh du nau vay kâp gân ueh lơn, đah nau bu ăn, gay tâm nau nây he dơi hăn dăch Brah Ndu.

I Pêtrôs 1:8

Nđâp tơlah ê hŏ saơ Păng, khân may ăt rŏng jêh ma Păng, nđâp tơlah ê hŏ tâm mâp đah Păng, khân may ăt chroh jêh ma Păng, jêh ri hâk răm tâm nau răm maak dŭt hâu ngăn, mâu blau rblang ôh;

I Pêtrôs 2:5

Ăn Păng dŏng hom khân may nâm bu lŭ rêh gay rdâk du mlâm ngih brah, jêh ri tă bơh Brah Yêsu Krist, khân may kan kôranh ƀư brah kloh ueh, gay nhhơr ndơ ƀư brah, ƀư maak nuih n'hâm Brah Ndu.

I Pêtrôs 4:17

Yorlah tâm rnôk phat dôih hŏ tât jêh, ntơm bơh ngih Brah Ndu; tơlah păng ntơm bơh phung he, moh mra jêng nau dăch dŭt ma phung mâu tông Nau Mhe Mhan Ueh Brah Ndu?

Nau Tâm Mpơl 2:18

“Nchih hom ma phung tông mpăr ma Phung Ngih Brah Ndu ta ƀon Thiatir pô aơ: Aơ jêng nau Kon Brah Ndu lah, Nơm geh măt tâm ban ma mpiăt ŭnh jêh ri jâng păng jêng nâm bu kông tho chrêk:

Nau Tâm Mpơl 2:25

Ƀiălah, knŏng ăn khân may djôt nâp nau khân may nơm geh kŏ tât Gâp văch.

Nau Tâm Mpơl 2:26

Mbu nơm dơi jêh ri djôt prăp lĕ nau kan Gâp kŏ tât nglĕ dŭt, Gâp mra ăn bunuyh nây nau dơi klơ lĕ bri dak;

Nau Tâm Mpơl 3:11

Gâp văch gơnh; djôt nâp hom lĕ nau may geh jêh klach lah bu êng sŏk lơi đon hađăch may.