ហេឞ្រើ 2:9 - Nau Brah Ndu Ngơi 2023

⁹ Ƀiălah he saơ Brah Yêsu, Brah Ndu dơm Păng dêh lơn phung tông mpăr tâm ƀât lât, aƀaơ aơ ndô jêh đon hađăch nau chrêk rmah jêh ri nau yơk yor nau khĭt, Păng dơn jêh, yor ma nau yô̆ bơh Brah Ndu, Păng dơi dơn nau khĭt yor ma lĕ rngôch bunuyh.

Bunong Bible Latin Script Cambodian dialect

⁹ Yơn ma bân lĕ gĭt ma Brah Yêsu, Kôranh Brah de ăn Păng jêng jê̆ ta nâm phung tông păr du ƀlât dơm. Yorlah Păng lĕ sŏ dơn nau jêr jŏt tât khât, aƀaơ dja Kôranh Brah lĕ ăn Păng nau chrêk lơp, ndrel ma ăn bu yơk ma Păng. Yor ma nau ueh Kôranh Brah nơm, Păng khât jêh, gay ma ntrŏ dâng lĕ rngôch bunuyh.

Bunong

⁹ យើន​មា​ឞ៝ន់​លែៈ​គឹត​មា​ឞ្រាស​យេឆូ  កោរាញ​ឞ្រាស​ទែ​អ៝ន់​ពាង់​ជេង​ជេៈ​តា​ន៝ម់​ផូង​តោង​ពារ់​ទូ​ប្ល៝ត់​ទើម។ យ៝រ​លាស​ពាង់​លែៈ​ឆ៝ៈ​ទើន​នាវ​ជេរ​ជ៝ត់​ត៝ត់​ខឹត អាបៃ​អ្យា​កោរាញ​ឞ្រាស​លែៈ​អ៝ន់​ពាង់​នាវ​ច្រេក​លើប នទ្រែល​មា​អ៝ន់​ឞូ​យើក​មា​ពាង់។ យ៝រ​មា​នាវ​អ្វែស​កោរាញ​ឞ្រាស​នើម ពាង់​ខឹត​ជេស គៃ​មា​នត្រ៝ៈ​ទឹង​លែៈ​រាងោច​ឞូនុយ្ស។

ហេឞ្រើ 2:9 Iomraidhean Croise

Nau Ntơm 3:15

Gâp mra ƀư ma may jêh ri bu ur, Noi deh may jêh ri noi deh bu ur tâm rlăng. Păng mra jot nkrâm sôt bôk may, Bi may mra kăp ndơl jâng păng.”

Êsai 11:1

Du mlâm nkeh mra hon bơh tơm Y-Yêsê, Du mlâm n'gĭng tă bơh reh păng mra geh play.

Êsai 7:14

Yor nây, Kôranh Brah nơm mra ăn du nau tâm mbên khlay ma khân may: Aơ, du huê bu ur druh mra bă ntreo, deh du huê kon bu klâu jêh ri ntơ amoh kon nây jêng Êmanuel.

Mathay 16:28

Nanê̆ ngăn, Gâp lah ma khân may, geh ƀaƀă bunuyh gŭ ta aơ mâu mra khĭt ôh lor saơ Kon Bunuyh văch tâm ƀon bri hađăch Păng.”

Mathay 6:28

Bi ma bok ao, mâm ƀư khân may rvê ir? Uănh hom ma kao si ueh tâm mir mâm khân păng chăt hon; khân păng mâu rgănh pah kan, mâu lĕ rui brai;

Markôs 9:1

Păng lah ma phung oh mon: “Nanê̆ ngăn, Gâp lah khân may, geh ƀaƀă bunuyh gŭ ta aơ mâu mra khĭt ôh lor ma saơ ƀon bri hađăch Brah Ndu tât ma nau dơi.”

Luka 9:27

Nanê̆ ngăn, Gâp lah ma khân may, geh ƀaƀă bunuyh gŭ ta aơ mâu mra khĭt ôh lor saơ ƀon bri hađăch Brah Ndu.”

Yôhan 1:29

Nar ôi taơ, Y-Yôhan saơ Brah Yêsu văch ta păng, păng lah pô aơ: “Ri Kon Biăp Brah Ndu, jêng Nơm sŏk lơi nau tih neh ntu!

Yôhan 10:17

Mbơ̆ rŏng ma Gâp, yorlah Gâp jao nau rêh Gâp nơm gay dơi sŏk tay.

Yôhan 12:32

Bi ma Gâp, lah bu yông Gâp klơ neh aơ, Gâp mra leo lĕ rngôch bunuyh văch ta Gâp da dê.”

Yôhan 3:16

Yorlah Brah Ndu rŏng hâu ngăn ma neh ntu kŏ tât Păng ăn Kon Dul Păng nơm, gay ăn ma mbu nơm chroh ma Kon Păng nây, mâu rai yot ôh, ƀiălah geh nau rêh n'ho ro.

Yôhan 8:51

Nanê̆ ngăn, Gâp lah ngăn ma khân may, mbu nơm djôt prăp nau Gâp ngơi, păng mâu mra mâp nau khĭt ôh.”

Yôhan 8:52

Phung Yuđa lah: “Aƀaơ aơ, hên gĭt rah vah jêh Nơm nti geh brah mhĭk lơh. Y-Abraham lĕ khĭt jêh, phung nơm mbơh lor hŏ khĭt tâm ban lĕ; ƀiălah May lah: ‘Lah mbu moh djôt prăp nau Gâp ngơi mâu mra mâp ma nau khĭt ôh.’

Kôranh Oh Mon 2:33

Pôri, jêh geh nau yơk mpeh pa ma Brah Ndu jêh ri sŏk dơn nau ton ma Brah Huêng Ueh tă bơh Mbơ̆, Păng nkhŭt Brah Huêng Ueh tâm ban ma khân may saơ jêh ri tăng.

Kôranh Oh Mon 3:13

Brah Ndu Y-Abraham, Brah Ndu Y-Isăk, jêh ri Brah Ndu Y-Yakôp, Brah Ndu phung chô yau he hŏ tâm rnê oh mon Păng jêng Brah Yêsu, Nơm khân may hŏ nhŭp jao jêh ri dun tanăp Pilat, tâm nôk păng ŭch yô̆ an ma Păng.

Samƀŭt Pôl Njuăl Ăn Ma Phung Nsing Ta Ƀon Rôm 5:18

Pônây, tă bơh nau tih knŏng du huê bunuyh ƀư ma lĕ rngôch bunuyh geh nau tâm rmal, tâm ban lĕ, yor nau kan sŏng srăng tă bơh du huê bunuyh ri mơ lĕ rngôch bunuyh dơi kơp sŏng srăng jêh ri dơi dơn nau rêh.

Samƀŭt Pôl Njuăl Ăn Ma Phung Nsing Ta Ƀon Rôm 5:8

Ƀiălah Brah Ndu tâm mpơl nau Păng rŏng ma he, dôl he hôm jêng bunuyh tih, Brah Krist khĭt ntrok an ma he.

Samƀŭt Pôl Njuăl Ăn Ma Phung Nsing Ta Ƀon Rôm 8:3

Yorlah moh nau vay mâu dơi ƀư, yor nglay săk ƀư păng rdja, Brah Ndu ƀư jêh: Păng njuăl Kon Păng nơm geh nglay săk tâm ban ma nglay săk tih gay ma dăp nkra nau tih; Păng tâm rmal jêh nau tih tâm nglay săk,

Samƀŭt Pôl Njuăl Ăn Ma Phung Nsing Ta Ƀon Rôm 8:32

Brah Ndu mâu nhhuach Kon Păng nơm, ƀiălah Păng jao jêh Kon nây ma lĕ rngôch he, mâm ƀư Păng mâu ăn lĕ ntil ndơ ndrel Kon nây ma he?

II Kôrintô 5:15

Jêh ri yorlah Păng khĭt ntrok an ma lĕ rngôch, gay ma phung bunuyh gŭ rêh mâu gŭ rêh yor khân păng nơm ôh, ƀiălah gŭ rêh ma Nơm hŏ khĭt jêh ri dâk rêh tay ma khân păng nơm.

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

Galati 4:4

Ƀiălah tơlah tât nar tâm nal, Brah Ndu njuăl Kon Păng tât, tă bơh ma du huê bu ur deh, deh luh tâm dâng nau vay,

I Timôthê 2:6

Nơm jao jêh Păng nơm jêng rnoh chuai lĕ rngôch bunuyh, jêng nau mbơh ăn di tâm rnôk nal.

ហេឞ្រើ 1:9

May rŏng nau sŏng srăng, tâm rmot nau djơh mhĭk; Yor nây, Brah Ndu jêng Brah Ndu May, hŏ tŏ dak ngi nau maak ma May, Ƀư ăn May rmeh rlau lơn ma phung băl May nơm.”

ហេឞ្រើ 10:5

Yor nây, tơlah Brah Krist lăp tâm neh ntu, Păng lah pô aơ: “Kôranh Brah mâu ŭch ôh mpa ƀư brah, mâu đŏng ŭch ndơ nhhơr, Ƀiălah Kôranh Brah ndrăp lor jêh du săk jăn ma gâp.

ហេឞ្រើ 11:5

Yor ma nau chroh, Y-Ênŏk hao klơ jêh ri mâu mâp nau khĭt; bu mâu hôm saơ păng đŏng ôh, yorlah Brah Ndu vơt chông păng. Êlor Y-Ênŏk hao klơ, păng geh nau mbơh jêng gŭ rêh maak nuih n'hâm Brah Ndu.

ហេឞ្រើ 12:2

Uănh hom ma Brah Yêsu, Nơm ntơm bơh saơm jêh ri lôch nau chroh, jêng Nơm yor nau răm maak dơm jêh tanăp măt Păng nơm, maak dơn si tâm rkăng, tâm rmot ma nau bêk prêng, jêh ri gŭ jêh mpeh pa ma sưng hađăch Brah Ndu.

ហេឞ្រើ 2:7

Kôranh Brah hŏ dơm Păng dêh lơn phung tông mpăr tâm ƀât lât; Kôranh Brah ndô jêh Păng đon hađăch nau chrêk rmah jêh ri nau yơk,

ហេឞ្រើ 7:25

Yor nây lĕ, Păng dơi tâm rklaih ma nau rah vah phung rnơm ma Păng gay hăn dăch Brah Ndu, yorlah Păng gŭ rêh mro mrăng gay mbơh sơm kơl an ma phung nây.

ហេឞ្រើ 8:3

Lĕ rngôch kôranh ƀư brah toyh lơn geh nau ndâk jêng gay nhhơr ndơ jêh ri mpa ƀư brah; yor nây, kôranh ƀư brah toyh lơn aơ ŭch geh ndơ nhhơr.

I Pêtrôs 1:21

Yor ma Păng, khân may chroh ma Brah Ndu, jêng Nơm ƀư ăn Păng dâk rêh tay tă bơh nau khĭt jêh ri ăn ma Păng nau chrêk rmah, gay ma nau chroh jêh ri nau khân may kâp gân mra dơm tâm Brah Ndu.

I Yôhan 2:2

Păng nơm jêng ndơ ƀư brah chuai nau tih ma he, mâu knŏng ma nau tih he ôh, ƀiălah nđâp ma nau tih ma lĕ neh ntu đŏng.

Nau Tâm Mpơl 19:12

Măt Păng nâm bu mpiăt ŭnh; ta bôk Păng geh âk đon hađăch, ta klơ geh nchih du amoh, mâu geh nơm gĭt ôh, knŏng Păng nơm.

Nau Tâm Mpơl 5:9

Khân păng mprơ du nau mprơ mhe pô aơ: “May khư sŏk ndrom samƀŭt Jêh ri pơk lĕ ndơ tâp pŏng, yorlah bu nkhĭt jêh May, May sŏk mham May nơm tâm chuai ma Brah Ndu Phung bunuyh bơh lĕ ndŭl mpôl, lĕ nau ngơi, lĕ rngôch mpôl băl, lĕ bri dak,