ហេឞ្រើ 2:13 - Nau Brah Ndu Ngơi 2023

¹³ Păng lah đŏng: “Gâp mra rnơm nsing ma Kôranh Brah.” Jêh Păng lah đŏng: “Ta aơ, Gâp ndrel ma phung kon Brah Ndu ăn jêh ma Gâp.”

Bunong Bible Latin Script Cambodian dialect

¹³ Păng lah jât: ‘Gâp nsing ma May ngăn’, Jêh ri Păng lah jât: ‘Dja Gâp, ndrel ma phung kon i May lĕ ăn Gâp mât uănh’.

Bunong

¹³ ពាង់​លាស​ជឹត៖ «គ៝ប់​ញឆីង​មា​មៃ​ងាន់»‌ ជេសរី​ពាង់​លាស​ជឹត៖ «អ្យា​គ៝ប់ នទ្រែល​មា​ផូង​ក៝ន​អី​មៃ​លែៈ​អ៝ន់​គ៝ប់​ម៝ត់​អ្វាញ់»។

ហេឞ្រើ 2:13 Iomraidhean Croise

Nau Ntơm 33:5

Y-Êsau n'gơr măt saơ phung bu ur jêh ri kon se jê̆, Y-Êsau ôp: “Mbu phung hăn ndrel ma may aơ?” Y-Yakôb plơ̆ sĭt lah: “Nây jêng phung kon Brah Ndu geh nau yô̆ hŏ ăn jêh ma oh mon may.”

Nau Ntơm 48:9

Y-Yôsep ơh: “Aơ jêng phung kon bu klâu Brah Ndu ăn jêh ma gâp ta n'gor aơ.” Y-Israel lah: “Ăn khân păng văch ta aơ gay gâp ăn nau ueh uĭn ma khân păng.”

II Samuel 22:3

Brah Ndu gâp jêng lŭ toyh gâp, jêng ntŭk gâp gŭ krap, Jêng khêl jêh ri jêng nke ma nau tâm rklaih gâp, Jêng pôih nâp jêh ri ntŭk gâp gŭ krap, Nơm tâm rklaih gâp ăn gâp rklaih tă bơh phung djơh mhĭk.

Nau Mprơ Ơm 127:3

Aơ, phung kon jêng drăp ndơn bơh Brah Yêhôva; Kao play bơh ndŭl proch jêng nau nkhôm.

Nau Mprơ Ơm 16:1

Ơ Brah Ndu! Dăn king n'gang gâp Yorlah gâp nde krap tâm May.

Nau Mprơ Ơm 18:2

Brah Yêhôva jêng lŭ toyh ma gâp, pôih nâp gâp jêh ri jêng Nơm tâm rklaih gâp. Brah Ndu gâp jêng lŭ toyh gâp, gâp gŭ krap tâm May Păng jêng khêl, jêng nke ma nau tâm rklaih, jêh ri jêng ntŭk gâp gŭ krap tâm ban lĕ.

Nau Mprơ Ơm 91:2

Gâp mra lah ma Brah Yêhôva pô aơ: “May jêng ntŭk nde krap jêh ri jêng pôih nâp ma gâp; Ăt jêng Brah Ndu gâp, gâp rnơm nsing tâm May.”

Êsai 12:2

Aơ, Brah Ndu jêng nau tâm rklaih gâp; Gâp mra rnơm nsing jêh ri mâu klach ôh. Yorlah Brah Yêhôva, Brah Yêhôva nơm, jêng nau ktang gâp jêh ri nau mprơ gâp. Păng hŏ jêng jêh nau tâm rklaih gâp.”

Êsai 53:10

Brah Yêhôva maak nuih n'hâm ăn Păng ji, Jêh ri dơn nau rêh ni. Tơlah jêh nhhơr nau rêh Păng jêng ndơ ƀư brah chuai nau tih, Păng mra saơ phung kon sau Păng; Lĕ nar Păng gŭ rêh mra ntop jong, Jêh ri nau Brah Yêhôva ŭch dơi jêng ngăn tâm ti Păng.

Mathay 27:43

Păng rnơm nsing ma Brah Ndu. Tơlah Brah Ndu rŏng ma Păng, ăn Brah Ndu tâm rklaih Păng aƀaơ ro; yorlah păng lah: ‘Gâp jêng Kon Brah Ndu.’ ”

Yôhan 10:29

Mbơ̆ Gâp, Nơm dŭt toyh lơn ma lĕ nơm êng, hŏ ăn jêh biăp nây ma Gâp, jêh ri mâu hôm geh nơm êng dơi sŏk ntŭng khân păng bơh ti Mbơ̆ Gâp ôh.

I Kôrintô 4:15

Nđâp tơlah khân may geh âk rmưn nuyh ntĭm nti tâm Brah Krist, ƀiălah khân may mâu geh âk mbơ̆ ôh; yorlah tă bơh Nau Mhe Mhan Ueh, gâp yơh deh khân may tâm Brah Yêsu Krist.