ហេឞ្រើ 2:10 - Nau Brah Ndu Ngơi 2023

¹⁰ Yorlah lĕ rngôch ndơ tâm mpơl jêng bơh Brah Ndu jêh ri yor ma Brah Ndu, tơlah Păng ŭch njŭn leo âk kon sau tât ma nau chrêk rmah, Păng ƀư ăn Nơm jêng tơm nau yô̆ tâm rklaih khân păng tâm nau rêh ni gay ma dơn nau ueh rah vah ngăn jêng nau tâm di.

Bunong Bible Latin Script Cambodian dialect

¹⁰ Kôranh Brah lĕ rhăk njêng dâng lĕ rngôch ndơ, gay ma dâng lĕ ndơ i nây geh khlay ma Păng nơm. Jêh ri Păng ăn Brah Yêsu geh nau jêr jŏt, tă bơh nau jêr jŏt i nây dâng Brah Yêsu jêng Kôranh dŭt ueh ngăn. Di ma Kôranh Brah jan kơt nây, gay ma Păng jêng Nơm leo ŏk bunuyh geh nau chrêk lơp, nđâp ma geh nau rklaih bơh nau tê̆ dôih yor ma nau tih. Phung bunuyh i nây jêng kon Păng nơm.

Bunong

¹⁰ កោរាញ​ឞ្រាស​លែៈ​រាហាក់​ញជេង​ទឹង​លែៈ​រាងោច​នទើ គៃ​មា​ទឹង​លែៈ​នទើ​អី​នៃ​គែស​ខ្លៃ​មា​ពាង់​នើម។ ជេស​រី​ពាង់​អ៝ន់​ឞ្រាស​យេឆូ  ​គែស​នាវ​ជេរ​ជ៝ត់ តាៈ​ឞើស​នាវ​ជេរ​ជ៝ត់​អី​នៃ​ទឹង​ឞ្រាស​យេឆូ  ​ជេង​កោរាញ​ទុត​អ្វែស​ងាន់។ ទី​មា​កោរាញ​ឞ្រាស​ជាន​កើត​នៃ គៃ​មា​ពាង់​ជេង​នើម​លែវ​អ៝ក់​ឞូនុយ្ស​គែស​នាវ​ច្រេក​លើប នអ៝ប់​មា​គែស​នាវ​រាក្លាយ្ស​ឞើស​នាវ​តេៈ​ទោយ្ស​យ៝រ​មា​នាវ​តីស។ ផូង​ឞូនុយ្ស​អី​នៃ​ជេង​ក៝ន​ពាង់​នើម។

ហេឞ្រើ 2:10 Iomraidhean Croise

Nau Ntơm 18:25

May mâu ôh ƀư kơt nây! Mâu lah May ƀư rai phung sŏng ndrel ma phung djơh mhĭk, uănh phung sŏng srăng tâm ban ma phung djơh mhĭk ƀơh? Mâu ôh Kôranh Brah mâu ƀư kơt nây! Nơm phat dôih lĕ rngôch neh ntu mâm mâu ƀư ma nau di?”

Nau Hôr 16:4

Brah Yêhôva rhăk njêng lĕ rngôch mpô mpa geh da dê nau ŭch, Nđâp ma lĕ bunuyh ƀai đŏng prăp ma nar nau mhĭk.

Êsai 43:21

Gâp hŏ njêng phung ƀon lan aơ ma Gâp, Khân păng mra mprơ nau tâm rnê ma Gâp.

Êsai 55:4

Aơ, Gâp ăn păng jêng nơm mbơh ngăn ma lĕ bri dak, Ƀư kôranh gay ma ƀĭt gai ma lĕ rngôch ƀon lan.”

Ndrom Samƀŭt bơh Ôsê 8:10

Nđâp tơlah khân păng nkhôm âk gay tâm rnglăp đah lĕ bri dak Pôri abaơ ăt Gâp mra tâm rgum khân păng. Gay mâu jŏ đŏng ôh khân păng ntơm râm nsâr Tâm dâng bơh hađăch jêh ri phung kôranh chiă uănh.

Mika 2:13

Bunuyh pơk trong mra hao panăp khân păng; Khân păng ƀư rai pêr, rduh ran lăp ta mpông ƀon; Hađăch khân păng mra hăn rgăn panăp măt khân păng, Jêh ri Brah Yêhôva mra hăn lor.

Nau Kơp Bunuyh 7:15

du mlâm ndrôk nkuăng rah, du mlâm biăp nkuăng, du mlâm biăp kon nkuăng du năm dŏng ƀư ndơ ƀư brah gŭch;

Luka 13:32

Păng plơ̆ lah: “Hăn lah hom ma mpik nây pô aơ: ‘Nar aơ, nar ôi taơ, Gâp mprơh brah mhĭk jêh ri ƀư bah nau ji, tât nar tal pe, Gâp mra lôch jêh nau kan Gâp.

Luka 2:14

“Tâm rnê ma Brah Ndu klơ trôk, Nau đăp mpăn ta neh ntu, nau yô̆ ăn ma bunuyh!”

Luka 24:26

Mâu di hĕ Brah Krist dơn lĕ nau nđêh nji tâm ban pônây jêh nây Păng hăn lăp tâm nau chrêk rmah Păng?”

Luka 24:46

Păng lah: “Geh nau bu nchih jêh ma Brah Krist dơn nau nđêh nji, tât nar rơh pe mra dâk rêh tay tă bơh nau khĭt;

Yôhan 11:52

mâu di knŏng ma phung ƀon lan nây dơm, ƀiălah gay rgum lĕ phung kon sau Brah Ndu hŏ chah rai pru pra jêng tay du mpôl.

Yôhan 19:30

Lah Brah Yêsu hŏ dơn jêh dak srat nây, Păng lah: “Lĕ rngôch nau kan hŏ lôch jêh!” Jêh nây Păng kŭnh bôk, tăch n'hâm.

Kôranh Oh Mon 3:15

Khân may nkhĭt jêh Kôranh nau rêh, ƀiălah Brah Ndu hŏ ƀư ăn Păng dâk rêh tay tă bơh nau khĭt; hên jêng phung mbơh ma nau nây.

Kôranh Oh Mon 5:31

Brah Ndu hŏ njŭn leo jêh Nơm nây n'hao gŭ pa ma Păng gay ma ƀư Hađăch jêh ri Nơm Tâm Rklaih, gay ăn nau tâm rmal nau tih jêh ri nau yô̆ an ma nau tih ma phung Israel.

Samƀŭt Pôl Njuăl Ăn Ma Phung Nsing Ta Ƀon Rôm 11:36

Yorlah lĕ rngôch ndơ tă bơh Păng, yor ma Păng, jêh ri rle mpeh Păng. Nau chrêk rmah jêng nau Păng n'ho ro mâu blau dŭt! Amen.

Samƀŭt Pôl Njuăl Ăn Ma Phung Nsing Ta Ƀon Rôm 9:23

Tơlah Păng ŭch tâm mpơl nau ndrŏng nau chrêk rmah Păng đah lĕ yăng khư yô̆ nđach, Păng hŏ ndrăp lor ma nau chrêk rmah,

I Kôrintô 2:7

Ƀiălah hên mbơh nkoch ma nau blau mĭn, nau khlay ndâp jêh ri pôn ndâp tâm Brah Ndu, jêng lĕ nau Brah Ndu tâm nal jêh bơh lor lĕ rngôch rnôk ma nau chrêk rmah he.

I Kôrintô 8:6

ƀiălah ma phung he, knŏng geh du huê Brah Ndu jêng Mbơ̆, Nơm rhăk njêng lĕ rngôch ndơ, jêh ri he rêh yor ma Păng; geh đŏng knŏng du huê Kôranh Brah jêng Brah Yêsu Krist, lĕ rngôch ndơ geh yor tă bơh Păng, phung he gŭ rêh yor ma tă bơh Păng đŏng.

II Kôrintô 3:18

Lĕ rngôch muh măt he mâu nkŭm da dê gay n'gơr uănh nau chrêk rmah Kôranh Brah, dơi tâm rgâl plơ̆ jêng tâm ban ma rup Păng, tă bơh nau chrêk rmah tât ta nau chrêk rmah; yorlah nau aơ luh bơh Kôranh Brah jêng Brah Huêng Ueh.

II Kôrintô 4:17

Yorlah nau rêh ni hên n'gơch jêh ri ƀât lât mra djôt ma hên nau chrêk rmah toyh lơn jêh ri n'ho ro,

II Kôrintô 5:18

Lĕ rngôch nau nây luh bơh Brah Ndu, Nơm ăn ma he geh nau tâm nsĭr đah Păng tâm Brah Krist, jêh ri jao ma hên pah kan nau tâm nsĭr.

II Kôrintô 6:18

Gâp mra jêng Mbơ̆ khân may, Khân may mra jêng phung kon bu klâu jêh ri kon bu ur Gâp, Kôranh Brah Geh Lĕ Nau Brah lah pônây.”

Galati 3:26

Yorlah tă bơh nau chroh tâm Brah Yêsu Krist, lĕ rngôch khân may jêng kon Brah Ndu.

Êphêsô 2:7

gay mpơl ma lĕ rnôk dăch tât gĭt năl nau rmeh ler mâu blau dŭt tâm nau yô̆ Păng, tă bơh nau ueh Păng ăn jêh ma he tâm Brah Yêsu Krist.

Êphêsô 3:10

Aƀaơ aơ, tă Phung Ngih Brah Ndu, nau blau mĭn mâu blau lôch Brah Ndu dơi tâm mpơl ma phung kôranh chiă uănh, lĕ nau dơi ktang tâm lĕ ntŭk klơ trôk,

Kôlôh 3:4

Tơlah Brah Krist jêng nau rêh khân may tâm mpơl, dôl nây khân may mra tâm mpơl đŏng ndrel ma Păng tâm nau chrêk rmah.

II Timôthê 2:10

Pôri, yorlah phung bunuyh geh nau săch jêh, gâp srôih dơn lĕ ntil ndơ gay ma khân păng dơn đŏng nau tâm rklaih Brah Yêsu Krist, đah nau chrêk rmah n'ho ro.

ហេឞ្រើ 12:2

Uănh hom ma Brah Yêsu, Nơm ntơm bơh saơm jêh ri lôch nau chroh, jêng Nơm yor nau răm maak dơm jêh tanăp măt Păng nơm, maak dơn si tâm rkăng, tâm rmot ma nau bêk prêng, jêh ri gŭ jêh mpeh pa ma sưng hađăch Brah Ndu.

ហេឞ្រើ 6:20

jêng ntŭk Brah Yêsu, Nơm Lor Pa Năp, hăn lăp yor ma he, jêh ri jêng kôranh ƀư brah toyh lơn n'ho ro tĭng mpôl Mêlkisedek.

ហេឞ្រើ 7:26

N'hêl nanê̆ ngăn, Păng jêng kôranh ƀư brah toyh jêng Nơm he ŭch: kloh ueh, mâu geh nau tih, mâu geh nau ƀơ̆, tâm nkhah jêh đah phung tih, geh nau n'hao prêh rlau lơn ma lĕ ndâr trôk.

ហេឞ្រើ 7:28

Yorlah nau vay njêng phung bunuyh rdja jêng kôranh ƀư brah toyh; ƀiălah nau ton geh jêh pakơi ma nau vay njêng Kon, jêng Nơm geh nau rah vah n'ho ro.

I Pêtrôs 1:12

Geh nau tâm mpơl ma phung mbơh lor gĭt năl pô aơ khân păng mâu di pah kan ma khân păng nơm ôh, ƀiălah pah kan ma khân may yơh ma lĕ nau aƀaơ aơ mbơh jêh ma khân may tă bơh phung bunuyh, rnơm jêh Brah Huêng Ueh jêng Nơm dơi njuăl jŭr tă bơh trôk, mbơh nkoch Nau Mhe Mhan Ueh ma khân may. Phung tông mpăr yơh ŭch uănh saơ lĕ nau nây lĕ.

I Pêtrôs 5:1

Gâp njuăl nau ntĭnh ma phung kôranh bu ranh tâm phung khân may, yorlah gâp ăt jêng du huê kôranh bu ranh, jêng nơm mbơh nau rêh ni Brah Krist, jêh ri ăt jêng nơm mra geh kô̆ tâm nau chrêk rmah bơi tâm mpơl.

I Pêtrôs 5:10

Jêh ri lah jêh khân may dơn nau rêh ni ƀât lât, Brah Ndu ma lĕ nau yô̆, Nơm kuăl jêh khân may tât nau chrêk rmah n'ho ro tă bơh Păng tâm Yêsu Krist, Păng nơm mra njêng tay, ƀư ktang, ndâk njêng jêh ri ăn nau dăng ktang ma khân may.

Nau Tâm Mpơl 4:11

“Ơ Brah Ndu jêng Kôranh Brah hên, Kôranh Brah khư sŏk dơn nau chrêk rmah, nau yơk jêh ri nau dơi, Yorlah Kôranh Brah rhăk njêng jêh lĕ rngôch ndơ, Jêh ri tĭng nâm Kôranh Brah ŭch lĕ rngôch ndơ jêng geh jêh ri May rhăk njêng jêh khân păng.”

Nau Tâm Mpơl 7:9

Jêh nau nây gâp uănh, ri, geh du mpôl bunuyh âk ngăn mâu hôm dơi kơp ôh, bơh lĕ rngôch lĕ bri dak, lĕ rngôch ndŭl mpôl, lĕ rngôch ƀon lan, lĕ rngôch nau ngơi, dâk tanăp sưng hađăch jêh ri tanăp Kon Biăp, nsoh jêh ao jong nglang, ti djôt n'ha đung.