ហេឞ្រើ 13:6 - Nau Brah Ndu Ngơi 2023

⁶ Pôri, he dơi janh lah: “Kôranh Brah kơl gâp, gâp mâu mra klach ôh. Moh bunuyh dơi ƀư ma gâp.”

Bunong Bible Latin Script Cambodian dialect

⁶ Kơt ndri bân ngơi ma nuih n'hâm bănh kơt nđa: ‘Gâp mâu ôh klach, Kôranh Brah jêng nơm kơl gâp Lah ndri mơm bunuyh hôm dơi lơh ma gâp?’

Bunong

⁶ កើត​នទ្រី​ឞ៝ន់​ងើយ​មា​នូយ្ស​នហ៝ម់​ឞាញ់​កើត​នអា៖ «គ៝ប់​មោ​អោស​ក្លាច‌ កោរាញ​ឞ្រាស​ជេង​នើម​កើល​គ៝ប់ លាស​នទ្រី​មើម​ឞូនុយ្ស​ហោម​ទើយ​លើស​មា​គ៝ប់?»

ហេឞ្រើ 13:6 Iomraidhean Croise

Nau Ntơm 15:1

Jêh lĕ nau nây, nau ngơi Brah Yêhôva tât ma Y-Abram bơh nau tâm saơ: “Hơi Abram, lơi klach ôh! Gâp jêng khêl ma may; nau nkhôm may mra toyh ngăn.”

I Phung Hađăch 17:8

Nôk nây, geh nau Brah Yêhôva ngơi ma Y-Êli:

Nau Mprơ Ơm 124:8

Nau kơl an ma he gŭ tâm amoh Brah Yêhôva, Jêng Nơm rhăk njêng trôk jêh ri neh ntu.

Nau Mprơ Ơm 146:3

Lơi rnơm nsing ma phung kon hađăch ôh, Mâu lĕ rnơm nsing ma kon bunuyh jêng ntŭk mâu geh nau tâm rklaih.

Nau Mprơ Ơm 27:9

Ơ Brah Ndu jêng Nơm tâm rklaih gâp, Lơi ta pôn măt Kôranh Brah ma gâp, Lơi ta mprơh oh mon Kôranh Brah tâm rnôk Kôranh Brah ji nuih. Êlor Kôranh Brah jêng nau sâm kơl gâp. Lơi ta chalơi gâp, lơi ta mƀăr gâp.

Nau Mprơ Ơm 33:20

Huêng hên gŭ kâp Brah Yêhôva; Păng jêng tu sâm kơl jêh ri jêng khêl ma hên.

Nau Mprơ Ơm 40:17

Gâp aơ jêng bunuyh o ach jêh ri pưt kƀah; Ƀiălah May kah gĭt ma gâp ƀaƀơ. May jêng Nơm kơl jêh ri tâm rklaih gâp. Ơ Brah Ndu gâp, lơi gŭ kâp jŏ ôh!

Nau Mprơ Ơm 54:4

Aơ, Brah Ndu kơl gâp, May jêng Nơm kuăn rdâng huêng gâp.

Nau Mprơ Ơm 56:4

Kon rnơm ma Brah Ndu mprơ tâm rnê ma nau Păng ngơi; Gâp dơm lĕ nau rnơm tâm Brah Ndu yor nây mâu hôm klach ôh. Bunuyh tâm nglay săk, moh ndơ dơi ƀư ma gâp?

Nau Mprơ Ơm 63:7

Yorlah May kơl gâp jêh, Jêh ri gâp mprơ maak tâm dâng gui năr May.

Nau Mprơ Ơm 94:17

Tơlah Brah Yêhôva mâu kơl gâp, Pôri huêng gâp gơnh jêh sĭt tâm ntŭk bri gŭ rklăk.

Nau Ngluh Êjipt 18:4

jêh ri amoh du huê Y-Êliêser, yorlah păng lah: “Brah Ndu chô yau gâp jêng nau kơl gâp, hŏ rklaih jêh gâp bơh đao Pharaôn.”

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 41:14

Ơ phung ndrŭng Yakôb, lơi klach ôh! Ơ phung Israel, Gâp nơm mra kơl may, Brah Yêhôva lah kơt nây; Nơm tâm chuai may jêng Nơm Kloh Ueh phung Israel.

Mathay 10:28

Lơi klach ôh ma phung nkhĭt săk jăn ƀiălah mâu dơi nkhĭt huêng; ƀiălah ăn khân may klach ma nơm dơi nkhĭt huêng nđâp ma săk jăn tâm ndrung ŭnh.

Samƀŭt Pôl Njuăl Ăn Ma Phung Nsing Ta Ƀon Rôm 8:31

Pôri, moh nau he mra lah ma lĕ nau nây? Tơlah Brah Ndu gŭ mpeh ma he, mbu mra tâm rdâng đah he?

Êphêsô 3:12

Tâm Păng jêh ri yor ma nau chroh tâm Păng, he geh nau janh nuih jêh ri nâp nuih n'hâm hăn dăch Brah Ndu.

Nau Vay Nkah Tay 33:26

“Hơi Yêsurun, mâu geh nơm tâm ban ma Brah Ndu ôh, Nơm tâm rklaih văch ncho tâm trôk, Nau rnam ta klơ lĕ ndâr tŭk.

Nau Vay Nkah Tay 33:29

Hơi phung Israel khân may geh nau răm maak âk hâu ngăn! Du phung ƀon lan geh Brah Yêhôva kơl rklaih an! Mbu dơi jêng nâm bu khân may? Păng jêng khêl kơl king khân may, Jêng đao djôt leo nau chrêk rmah tât ma khân may! Phung rlăng mra chon mbah tanăp khân may, Bi khân may mra jot ntŭk prêh klơ khân păng.”

ហេឞ្រើ 10:19

Pôri, ơ phung oh nâu, yorlah ma mham Brah Yêsu he dơi lăp Ntŭk Dŭt Kloh Ueh,

ហេឞ្រើ 4:16

Pôri, ăn he nâp nuih n'hâm hăn dăch ta sưng hađăch nau yô̆, gay ma dơi sŏk dơn nau yô̆ nđach jêh ri saơ nau yô̆ kơl he dôl he geh nau pưt.

I Samuel 23:17

Y-Jônathan lah: “Lơi klach ôh, yorlah ti mbơ̆ gâp jêng Y-Sôl mâu mra pah ma may ôh. May mra jêng hađăch phung Israel, bi gâp mra jêng kôranh chiă uănh ma may. Y-Sôl, mbơ̆ gâp, gĭt đŏng rah vah kơt nĕ.”