ហេឞ្រើ 13:20 - Nau Brah Ndu Ngơi 2023

²⁰ Dăn Brah Ndu nau đăp mpăn, jêng Nơm bơh mham nau tâm rnglăp n'ho ro jêh ri djôt leo Nơm Rmăk Biăp Toyh jêng Brah Yêsu, Kôranh Brah he, luh tă bơh nau khĭt,

Bunong Bible Latin Script Cambodian dialect

²⁰ Kôranh Brah lĕ jêh ăn Brah Yêsu i Kôranh bân dâk rêh bơh phung khât. Jêh ri jan nau tâm rnglăp n'ho ro đah bân ma mham Brah Yêsu i nơm mât uănh bân dŭt ueh, tâm ban ma nơm chiăp mât uănh ma phung be biăp păng nơm. Dăn Kôranh Brah i tơm nau đăp mpăn

Bunong

²⁰ កោរាញ​ឞ្រាស​លែៈ​ជេស​អ៝ន់​ឞ្រាស​យេឆូ  ​អី​កោរាញ​ឞ៝ន់​ទ៝ក់​រេស​ឞើស​ផូង​ខឹត។ ជេសរី​ជាន​នាវ​តឹម​រាង្លាប់​នហ៝​រ៝​ដាស​ឞ៝ន់​មា​មហាម​ឞ្រាស​យេឆូ  ​អី​នើម​ម៝ត់​អ្វាញ់​ឞ៝ន់​ទុត​អ្វែស តឹម​ឞាន​មា​នើម​ច្យាប់​ម៝ត់​អ្វាញ់​មា​ផូង​ឞែ​ឞ្យាប់​ពាង់​នើម។ ទាន់​កោរាញ​ឞ្រាស​អី​តើម​នាវ​ដាប់​មពាន់

ហេឞ្រើ 13:20 Iomraidhean Croise

II Samuel 23:5

Mâu di hĕ ngih gâp nâm bu pônây tanăp măt Brah Ndu? Yorlah Păng hŏ njêng jêh đah gâp du nau tâm rnglăp n'ho ro, Lĕ rngôch nau vay hŏ dăp jêh jêh ri mât mray. Mâu di hĕ lĕ nau tâm rklaih jêh ri lĕ nau gâp ŭch ngăn Păng nơm yơh mra ƀư jêng ƀơh?

I Nau Rêh Jêng 16:17

Hŏ nal jêh ma Y-Yakôb jêng nau vay dăp, Jêh ri ma phung Israel jêng nau tâm rnglăp n'ho ro,

II Nau Rêh Jêng 30:12

Ti Brah Ndu rlay đŏng ma phung Yuđa gay ăn ma khân păng geh du ai nuih n'hâm tông tĭng nau hađăch jêh ri phung kôranh hŏ ntăm jêh tĭng nâm nau Brah Yêhôva ngơi.

Nau Mprơ Ơm 23:1

Brah Yêhôva jêng Nơm rmăk gâp, Gâp mâu hôm pưt mpa ôh.

Nau Mprơ Ơm 80:1

Ơ Nơm mât njrăng biăp Israel, dăn rkêng tôr iăt! May jêng Nơm njŭn leo Yôsep nâm bu du phung biăp, Ơ Nơm gŭ ta klơ phung Chêrubim, dăn May sol ang.

Nau Ngluh Êjipt 24:8

Y-Môis sŏk mham djrah ta klơ phung ƀon lan jêh ri lah: “Aơ jêng mham nau tâm rnglăp Brah Yêhôva hŏ ƀư jêh đah khân may tĭng nâm lĕ nau ngơi aơ.”

Êsai 40:11

Păng mra chiăp biăp Păng tâm ban ma bunuyh rmăk biăp; Rgum phung kon biăp tâm ti Păng Jêh ri chông ut khân păng tâm ntang ntơh; Mbrơi mbrơi njŭn leo phung biăp me dôl ăn pu kon.

Êsai 55:3

Nkêng hom tôr khân may jêh ri văch hom ma Gâp; Gŭ iăt hom Gâp gay ma huêng khân may dơi rêh. Gâp mra ăn ma khân may nau tâm rnglăp n'ho ro, Jêng nau rŏng răp jăp Gâp ăn ma Y-Đavit.

Êsai 61:8

Yorlah Gâp, Brah Yêhôva, rŏng ma nau sŏng, Tâm rmot ma nau ntŭng jêh ri nau kue; Yor ri Gâp mra tĭng nau răp jăp gay nkhôm ma phung ƀon lan Gâp, Jêh ri Gâp mra ƀư đah khân păng nau tâm rnglăp n'ho ro.

Êsai 63:11

Nôk nây, phung ƀon lan Păng kah gĭt Ma Y-Môis rnôk kăl e jêh ri ôp: “Mbah ntŭk Nơm hŏ njŭn leo rmăk biăp Jêh ri phung biăp luh hao bơh dak mƀŭt? Mbah ntŭk Nơm dơm jêh Brah Huêng Ueh Păng Ta nklang khân păng?”

Yêrêmi 32:40

Gâp mra ndâk ma khân păng du nau tâm rnglăp n'ho ro: Gâp mâu chalơi khân păng ôh jêh ri mâu rlu ăn nau ueh ma khân păng. Gâp mra dơm nau klach yơk ma Gâp tâm nuih n'hâm khân păng gay ma khân păng mâu chalơi Gâp đŏng ôh.

Êsêkiêl 34:23

Gâp mra ndâk ta khân păng knŏng du huê rmăk biăp, păng mra mât rong phung nây, jêng Y-Đavit oh mon Gâp. Păng yơh mât rong khân păng, ƀư jêng du huê bunuyh chiăp khân păng.

Êsêkiêl 37:24

Oh mon Gâp jêng Y-Đavit mra ƀư hađăch ta klơ khân păng jêh ri lĕ rngôch mra geh knŏng du huê bunuyh chiăp dơm. Khân păng mra chuat tĭng nau vay ƀư bơh Gâp; khân păng mra djôt prăp nau vay dăp Gâp jêh ri tĭng ƀư.

Êsêkiêl 37:26

Gâp mra njêng đah khân păng du nau tâm rnglăp đăp mpăn, nây jêng du nau tâm rnglăp n'ho ro ta nklang khân păng đah Gâp. Gâp mra njêng jêh ri ƀư ăn rnoh bunuyh khân păng bĭk rơ̆. Gâp mra ndâk ngih brah kloh ueh Gâp ta nklang khân păng ƀaƀơ n'ho ro.

Sakari 9:11

“Bi ma may tâm ban đŏng, yorlah mham Gâp tâm rnglăp đah may, Pôri Gâp mra mƀơk phung bu nă may luh bơh ntu jru mâu geh ôh dak.

Mathay 26:28

Yorlah aơ jêng mham Gâp, mham nau tâm rnglăp nkhŭt jêh ăn ma âk bunuyh dơi yô̆ an nau tih.

Markôs 14:24

Brah Yêsu lah: “Aơ jêng mham Gâp, mham ma nau tâm rnglăp nkhŭt ăn ma âk bunuyh.

Luka 22:20

Nôk sông sa lôch jêh, Păng ƀư kơt nây đŏng, sŏk kachok ăn ma phung oh mon jêh ri lah: “Kachok aơ jêng nau tâm rnglăp mhe tâm mham Gâp nkhŭt jêh yor khân may.

Yôhan 10:11

Gâp jêng bunuyh rmăk biăp ueh, bunuyh rmăk biăp ueh jao nau rêh păng nơm ma biăp păng nơm.

Yôhan 10:14

Gâp jêng bunuyh rmăk biăp ueh. Gâp gĭt năl biăp Gâp, jêh ri biăp Gâp gĭt năl Gâp;

Kôranh Oh Mon 13:30

Ƀiălah Brah Ndu hŏ ƀư ăn Păng dâk rêh tay tă bơh nau khĭt.

Kôranh Oh Mon 17:31

Yorlah Păng tâm nal jêh du nar, Păng mra phat dôih neh ntu ma nau sŏng srăng bơh Bunuyh Păng hŏ rdâk jêh. Jêh ri gay ma nau mbơh ăn nanê̆ ma lĕ rngôch bunuyh saơ, Păng hŏ ƀư ma Bunuyh dâk rêh tay jêh bơh nau khĭt.”

Kôranh Oh Mon 2:24

Ƀiălah Brah Ndu ƀư ăn Păng dâk rêh tay, tâm rklaih Păng tă bơh nau nđêh nji ma nau khĭt, yorlah nau khĭt mâu dơi nhŭp kân Păng ôh.

Kôranh Oh Mon 2:32

Brah Ndu hŏ ƀư ăn Brah Yêsu aơ dâk rêh tay; lĕ rngôch phung hên jêng nơm mbơh ma nau nây.

Kôranh Oh Mon 3:15

Khân may nkhĭt jêh Kôranh nau rêh, ƀiălah Brah Ndu hŏ ƀư ăn Păng dâk rêh tay tă bơh nau khĭt; hên jêng phung mbơh ma nau nây.

Kôranh Oh Mon 4:10

dăn ma khân may jêh ri lĕ rngôch phung Israel gĭt ma nau nây, ma amoh Brah Yêsu Krist, bunuyh Nasaret, Nơm khân may hŏ pâng kđĭn ta klơ si tâm rkăng, jêh ri Brah Ndu hŏ ƀư ăn dâk rêh tay tă bơh nau khĭt; tâm amoh nây bunuyh aơ hŏ bah jêh ri aƀaơ gŭ dâk tanăp khân may aơ.

Kôranh Oh Mon 5:30

Brah Ndu phung chô yau he hŏ ƀư ăn Brah Yêsu dâk rêh tay, jêng Nơm khân păng yông klơ si tâm rkăng jêh ri nkhĭt lơi.

Samƀŭt Pôl Njuăl Ăn Ma Phung Nsing Ta Ƀon Rôm 1:4

tâm nau brah huêng kloh ueh, yorlah Păng dâk rêh tay jêh tă bơh nau khĭt, dơi mbơh nkoch jêng Kon Brah Ndu nau brah, jêng Brah Yêsu Krist Kôranh Brah he.

Samƀŭt Pôl Njuăl Ăn Ma Phung Nsing Ta Ƀon Rôm 10:7

mâu lah: ‘Mbu mra jŭr tâm brŏng jru?’ đah nau mĭn gay djôt leo Brah Krist hao tă bơh nau khĭt.”

Samƀŭt Pôl Njuăl Ăn Ma Phung Nsing Ta Ƀon Rôm 15:33

Mbơh sơm dăn ma Brah Ndu nau đăp mpăn gŭ ndrel lĕ rngôch khân may! Amen.

Samƀŭt Pôl Njuăl Ăn Ma Phung Nsing Ta Ƀon Rôm 16:20

Brah Ndu nau đăp mpăn mra gơnh jot Satan tâm dâng jâng khân may. Mbơh sơm dăn nau yô̆ bơh Kôranh Brah he jêng Brah Yêsu gŭ ndrel ma khân may!

Samƀŭt Pôl Njuăl Ăn Ma Phung Nsing Ta Ƀon Rôm 8:11

Tơlah Brah Huêng Ueh Nơm hŏ ƀư ăn ma Brah Yêsu dâk rêh tay tă bơh nau khĭt gŭ tâm khân may, Nơm hŏ ƀư ma Brah Krist dâk rêh tay tă bơh nau khĭt ăt mra yor Brah Huêng Ueh Păng gŭ tâm khân may ăn nau rêh ma săk jăn blau khĭt khân may.

I Kôrintô 14:33

Yorlah Brah Ndu mâu di jêng Brah Ndu nau uh ah ôh, ƀiălah nau đăp mpăn. Tâm ban ma lĕ Phung Ngih Brah Ndu phung kloh ueh,

I Kôrintô 15:15

Tơlah nanê̆ ngăn phung khĭt mâu dâk rêh tay, pôri hên jêng phung mbơh nkoch tih ma nau Brah Ndu; yorlah hên mbơh nkoch ma nau Brah Ndu ƀư ăn Brah Yêsu dâk rêh tay, ƀiălah Păng mâu ƀư ăn ma Brah Krist dâk rêh tay.

I Kôrintô 6:14

Brah Ndu hŏ ƀư ăn Kôranh Brah dâk rêh tay, mra ƀư ăn he dâk rêh tay đŏng ma nau brah Păng.

II Kôrintô 13:11

Nau lôch dŭt, hơi phung oh, răm maak hom, srôih hom gay dơi geh tât nau nŭm rĭng, n'hao hom nuih n'hâm, du ai hom nau mĭn, gŭ rêh đăp mpăn hom, ri mơ Brah Ndu nau rŏng jêh ri nau đăp mpăn mra gŭ ndrel ma khân may.

II Kôrintô 4:14

Yorlah hên gĭt ma Nơm hŏ ƀư ăn Kôranh Brah jêng Brah Yêsu dâk rêh tay, mra ƀư ăn hên dâk rêh tay ndrel ma Brah Yêsu lĕ, jêh ri djôt leo hên ndrel ma khân may lăp tâm nau tâm mpơl Păng.

Galati 1:1

Y-Pôl, jêng kôranh oh mon mâu di bơh phung bunuyh mâu lah bơh du huê bunuyh, ƀiălah bơh Brah Yêsu Krist jêh ri Brah Ndu jêng Mbơ̆, Nơm ƀư ăn Păng dâk rêh tay tă bơh nau khĭt,

Êphêsô 1:20

Nây jêng nau brah Păng ăn tât tâm Brah Krist nôk ƀư ma Brah Krist dâk rêh tay tă bơh nau khĭt jêh ri dơm Păng gŭ mpeh pa ma Păng tâm lĕ ntŭk klơ trôk,

Philip 4:9

Moh nau khân may nti jêh, dơn jêh, tăng jêh jêh ri saơ jêh tâm gâp, ƀư hom, ri mơ nau đăp mpăn Brah Ndu mra gŭ ndrel ma khân may.

Kôlôh 2:12

Khân may hŏ tâp brôi jêh khân may ndrel ma Păng tâm nau ƀaptem, ri mơ dơi dâk rêh tay ndrel Păng bơh nau chroh tâm nau brah Brah Ndu, Nơm ƀư ăn Păng dâk rêh tay tă bơh nau khĭt.

I Têsalônik 1:10

jêh ri gŭ kâp Kon Păng bơh trôk, jêng Brah Yêsu, Păng hŏ ƀư ăn dâk rêh tay tă bơh nau khĭt, jêng Nơm tâm rklaih he bơh ma nau ji nuih dăch tât.

I Têsalônik 5:23

Dăn Brah Ndu ăn nau đăp mpăn ƀư ăn kloh khân may ăn nŭm. Dăn Păng prăp nuih n'hâm, huêng, jêh ri săk jăn khân may ăn ueh, mâu geh nau nduyh lah Kôranh Brah he, jêng Brah Yêsu Krist plơ̆ văch!

II Têsalônik 3:16

Mbơh sơm dăn Kôranh Brah nau đăp mpăn ăn nau đăp mpăn ma khân may ƀaƀơ jêh ri tâm lĕ rngôch nau! Dăn Kôranh Brah gŭ ndrel ma lĕ rngôch khân may!

ហេឞ្រើ 10:22

pôri ăn he sŏk hom nuih n'hâm nanê̆ ngăn ndrel ma nau chroh nâp, nuih n'hâm ăn dơi kloh jêh tă bơh nuih n'hâm djơh mhĭk, săk jăn rao kloh ma dak rsang văch dăch Brah Ndu.

ហេឞ្រើ 10:29

Rlau lơn ma phung jot plên Kon Brah Ndu, mưch rmot mham nau tâm rnglăp, nâm bu ntĭt mham ƀư kloh ueh jêh khân păng nơm, jêh ri hôm ngơi djơh ma Brah Huêng Ueh nau yô̆, pôri khân may mĭn bunuyh nây mâu khư geh nau rmal jâk jêr rlau lơn lĕ ƀơh?

ហេឞ្រើ 9:20

jêh ri lah: “Aơ jêng mham nau tâm rnglăp Brah Ndu ntăm nti jêh ma khân may.”

I Pêtrôs 1:21

Yor ma Păng, khân may chroh ma Brah Ndu, jêng Nơm ƀư ăn Păng dâk rêh tay tă bơh nau khĭt jêh ri ăn ma Păng nau chrêk rmah, gay ma nau chroh jêh ri nau khân may kâp gân mra dơm tâm Brah Ndu.

I Pêtrôs 2:25

Yorlah khân may nâm bu biăp hăn nhhơt, ƀiălah aƀaơ khân may plơ̆ sĭt jêh ma Nơm Rmăk Biăp jêh ri ma Kôranh chiă Uănh huêng khân may nơm.

I Pêtrôs 5:4

Jêh ri tơlah Nơm Rmăk Biăp dŭt prêh ta klơ tâm mpơl, khân may mra dơn đon hađăch nau chrêk rmah mâu blau rai ôh.