ហេឞ្រើ 13:15 - Nau Brah Ndu Ngơi 2023

¹⁵ Pôri, yor ma Brah Yêsu, he nhhơr mpa ƀư brah ƀaƀơ ma nau tâm rnê ma Brah Ndu, nâm bu ntĭt kao play bơh trôm mbung he mbơh amoh Păng.

Bunong Bible Latin Script Cambodian dialect

¹⁵ Yor ma ndơ Brah Yêsu jan nây, ăn bân rnê Kôranh Brah nâng, nau rnê tâm ban ma nhhơr ndơ jan brah ma Păng, jêng nau lôh bơh bŏr mbung i di ma bu moh mbơh nkoch săk Păng nơm nsing ma Brah Yêsu.

Bunong

¹⁵ យ៝រ​មា​នទើ​ឞ្រាស​យេឆូ  ​ជាន​នៃ អ៝ន់​ឞ៝ន់​រានេ​កោរាញ​ឞ្រាស​នឹង នាវ​រានេ​តឹម​ឞាន​មា​ញហើរ​នទើ​ជាន​ឞ្រាស​មា​ពាង់ ជេង​នាវ​លោស​ឞើស​ឞ៝រ់​មឞូង​អី​ទី​មា​ឞូ​ម៝ស​មឞើស​ងក៝ច​ឆាក់​ពាង់​នើម​ញឆីង​មា​ឞ្រាស​យេឆូ  ។

ហេឞ្រើ 13:15 Iomraidhean Croise

II Nau Rêh Jêng 29:31

Hađăch Hêsêkia lah: “Aƀaơ ri, khân may prăp jêh khân may nơm jêng kloh ma Brah Yêhôva. Văch hom, djôt mpa ƀư brah jêh ri ndơ ƀư brah tâm rnê lăp tâm ngih Brah Yêhôva.” Phung tâm rƀŭn leo ro lĕ mpa ƀư brah jêh ri ndơ ƀư brah tâm rnê lah ueh, geh đŏng phung nđơr êng djôt nhhơr lĕ ndơ ƀư brah gŭch.

II Nau Rêh Jêng 33:16

Jêh nây, păng nkra tay nơng ƀư brah ma Brah Yêhôva, păng nhhơr ndơ ƀư brah ma nau đăp mpăn jêh ri ndơ ƀư brah tâm rnê lah ueh ta nây; jêh ri păng ntĭnh ma phung Yuđa pah kan ma Yêhôva Brah Ndu Israel.

II Nau Rêh Jêng 7:6

Phung kôranh ƀư brah gŭ dâk tâm ntŭk khân păng. Bi phung Lêvi djôt gong dŏng ma Brah Yêhôva, jêng ndơ hađăch Đavit hŏ ƀư jêh gay tâm rnê ma Brah Yêhôva, ăp tơ̆ Y-Đavit ntĭnh ma khân păng tâm rnê: “Yorlah nuih n'hâm ueh Păng hôm ƀaƀơ n'ho ro!” Phung kôranh ƀư brah uh nŭng tanăp măt khân păng, jêh ri lĕ rngôch phung Israel gŭ dâk.

Êsra 3:11

Khân păng mprơ tâm rdơn ndrăng khân păng gay mât ton jêh ri tâm rnê lah ueh ma Brah Yêhôva pô aơ: “Păng ueh ngăn, Nuih n'hâm yô̆ nđach Păng đah phung Israel hôm kŏ tât ƀaƀơ n'ho ro!” Jêh nây lĕ rngôch bunuyh ƀon lan ma du bâr nter huy toyh, tâm rnê Brah Yêhôva, yorlah mbon ngih Brah Yêhôva dơi ndâk njêng jêh.

Nêhêmi 12:40

Pôri bar mbŭch tâm rnê lah ueh nây nsrŭng tâm ngih Brah Ndu, gâp jêh ri du n'gul phung kôranh chiă uănh ƀư nâm bu nây lĕ,

Nêhêmi 12:43

Tâm nar nây, khân păng nhhơr lĕ ndơ ƀư brah nau khư yơk jêh ri bêng nau răm maak, yorlah Brah Ndu ƀư ăn khân păng răm rhơn. Phung bu ur jêh ri kon se răm maak tâm ban lĕ. Nau răm maak tă bơh Yêrusalem bu tăng lư tât ntŭk ngai.

Nau Mprơ Ơm 118:19

Pơk an ma gâp lĕ mpông pêr nau sŏng srăng, Gâp mra hăn lăp gay tâm rnê ma Brah Yêhôva.

Nau Mprơ Ơm 119:108

Ơ Brah Yêhôva, dăn May dơn ndơ ƀư brah gâp nơm ŭch nhhơr ma May ma nau mprơ tâm rnê bơh gâp, Jêh ri sâm nti gâp nau vay ƀư bơh May.

Nau Mprơ Ơm 18:49

Yor nây, ơ Brah Yêhôva, gâp mra tâm rnê ma May ta nklang lĕ bri dak Jêh ri mprơ tâm rnê ma amoh May.

Nau Mprơ Ơm 50:14

Nhhơr hom nau tâm rnê lah ueh jêng ndơ ƀư brah ma Brah Ndu Jêh ri ƀư lôch nau may ton ma Nơm Dŭt Prêh.

Nau Mprơ Ơm 50:23

Mbu nơm nhhơr nau tâm rnê lah ueh, ndơ ƀư brah jêng mât ton ma Gâp, Bi ma mbu nơm hăn tĭng trong nau sŏng, Gâp mra ăn saơ nau Brah Ndu tâm rklaih.”

Êsai 57:19

Gâp rhăk njêng nau tâm rnê ta bâr mbung khân păng: ‘Đăp mpăn! Đăp mpăn ma nơm gŭ ngai jêh ri ma phung gŭ dăch!’” Brah Yêhôva lah: “Gâp mra ƀư bah păng.

Yêrêmi 33:11

bu mra tăng tay bâr hâk maak răm rhơn, bâr klay jêh ri bâr ƀăn mhe, bâr mprơ phung djôt leo ndơ ƀư brah nau sĭt lah ueh lăp tâm ngih Brah Yêhôva: “Tâm rnê hom ma Brah Yêhôva ma phung tahan, Yorlah Brah Yêhôva jêng ueh, Nau rŏng Păng nâp ngăn hôm gŭ ƀaƀơ n'ho ro!” Yorlah Gâp mra njŭn leo phung bu nă bri aơ plơ̆ sĭt, ăn tay nâm bu saơm,’ Brah Yêhôva lah pônây.

Yêrêmi 33:18

phung kôranh ƀư brah noi deh Lêvi ăt mâu mra pưt lĕ du huê bunuyh pah kan tanăp măt Gâp gay ma nhhơr ndơ ƀư brah gŭch, su ndơ ƀư brah rnih môi, jêh ri nhhơr ndơ ƀư brah ăp nar.’”

Ndrom Samƀŭt bơh Ôsê 14:2

Khân may djôt hom nau ngơi Plơ̆ sĭt ma Brah Yêhôva; Lah hom ma păng pô aơ: “Dăn sŏk lơi lĕ nau mhĭk hên Jêh ri mplơ̆ nau ueh uĭn, Gay ma hên dơi nhhơr ndơ ƀư brah tâm rnê ma trôm mbung. Ntrok ma ndrôk nkuăng.

Kan Lêvi 7:12

Tơlah păng nhhơr ndơ ƀư brah gay nau tâm rnê, nđâp ma ndơ nhhơr nau tâm rnê, ăn nhhơr hom ƀănh jê̆ mâu geh ndrui pot dak ngi, ƀănh n'hơ mâu geh ndrui mhĭng dak ngi, jêh ri ƀănh ƀư ma rnih ba ƀlê hŏ tâm pot li ăn lam ma dak ngi.

Nau Kơp Bunuyh 7:62

du kachok mah du rhiăng jât mprăm gram bêng ma dak si ƀâu kah;

Mathay 11:25

Nôk nây Brah Yêsu ngơi pô aơ: “Ơ Mbơ̆, Kôranh Brah trôk jêh ri neh ntu, Gâp tâm rnê ma Mbơ̆, yorlah Mbơ̆ pôn jêh lĕ nau nây ma bunuyh blau mĭn, bunuyh gĭt rbăng, ƀiălah tâm mpơl jêh ma phung kon se jê̆.

Luka 10:21

Tâm mông nây, Brah Yêsu răm maak tâm Brah Huêng Ueh jêh ri lah: “Ơ Mbơ̆ jêng Kôranh Brah trôk jêh ri neh ntu! Gâp tâm rnê ma Mbơ̆ yorlah Mbơ̆ pôn jêh lĕ nau nây ma bunuyh blau mĭn jêh ri gĭt rbăng, ƀiălah tâm mpơl jêh ma phung kon se jê̆! N'hêl nanê̆ ngăn, ơ Mbơ̆, yorlah nau nây ƀư ueh nau mĭn Mbơ̆ ŭch.

Yôhan 10:9

Gâp jêng mpông, tơlah mbu nơm lăp ta Gâp păng mra geh nau tâm rklaih. Khân păng mra lăp luh jêh ri mâp ndrêch gơ̆ nse.

Yôhan 14:6

Brah Yêsu lah: “Gâp jêng trong, nau ngăn jêh ri nau rêh. Lah mâu geh Gâp pôri mâu geh bunuyh dơi hăn tât ta Mbơ̆ ôh

Samƀŭt Pôl Njuăl Ăn Ma Phung Nsing Ta Ƀon Rôm 12:1

Pôri hơi oh nâu, yor ma nau Brah Ndu yô̆ nđach, gâp vơh dăn ma khân may, nhhơr săk jăn khân may nơm ƀư mpa ƀư brah rêh, kloh ueh jêh ri ueh nuih n'hâm ma Brah Ndu, nau nây jêng nau yơk mbah ngăn khân may.

Samƀŭt Pôl Njuăl Ăn Ma Phung Nsing Ta Ƀon Rôm 6:19

Yorlah nglay săk khân may rdja, rĭ dĭng gâp ngơi tĭng nau kon bunuyh. Khân may hŏ tă nhhơr lĕ kô̆ săk jăn khân may jêng dĭk nau ƀơ̆ ƀơch jêh ri nau djơh mhĭk bun tâm ban lĕ, aƀaơ aơ, nhhơr hom lĕ kô̆ săk jăn khân may jêng dĭk ma nau sŏng srăng gay ma geh nau kloh ueh tâm ban lĕ.

Êphêsô 2:18

Yorlah tă bơh Păng lĕ bar mpôl he dơi văch ta Brah Ndu Mbơ̆ tâm nguay Brah Huêng Ueh.

Kôlôh 1:12

jêh ri nhhơr nau ngơi lah ueh ma Brah Ndu Mbơ̆, jêng Nơm hŏ ƀư jêh ma khân may găl dơi geh kô̆ drăp ndơn phung kloh ueh tâm nau ang.

ហេឞ្រើ 12:28

Yor nây, yor he sŏk dơn du ƀon bri hađăch mâu dơi mpât n'gơ ôh, ăn he gĭt nau lah ueh jêh ri sŏk nuih n'hâm klach yơk tâm nau pah kan ma Brah Ndu gay ƀư maak nuih n'hâm ma Păng;

ហេឞ្រើ 7:25

Yor nây lĕ, Păng dơi tâm rklaih ma nau rah vah phung rnơm ma Păng gay hăn dăch Brah Ndu, yorlah Păng gŭ rêh mro mrăng gay mbơh sơm kơl an ma phung nây.

I Pêtrôs 2:5

Ăn Păng dŏng hom khân may nâm bu lŭ rêh gay rdâk du mlâm ngih brah, jêh ri tă bơh Brah Yêsu Krist, khân may kan kôranh ƀư brah kloh ueh, gay nhhơr ndơ ƀư brah, ƀư maak nuih n'hâm Brah Ndu.

I Pêtrôs 4:11

Tơlah geh nơm mbơh nkoch, mbơh nkoch hom tâm ban mbơh nau ngơi bơh Brah Ndu; tơlah geh nơm pah kan, pah kan hom ma nau ktang Brah Ndu ăn, gay tâm lĕ rngôch ndơ geh nau tâm rnê bơh Brah Yêsu Krist. Dăn nau chrêk rmah jêh ri nau brah jêng ndơ Păng n'ho ro tâm lĕ rngôch rnôk. Amen.