ហេឞ្រើ 12:14 - Nau Brah Ndu Ngơi 2023

¹⁴ Joi hom nau đăp mpăn ma lĕ rngôch bunuyh jêh ri tĭng joi nau kloh ueh; yorlah tơlah mâu gŭ kloh ueh, mâu geh du huê dơi saơ Kôranh Brah ôh.

Bunong Bible Latin Script Cambodian dialect

¹⁴ Ăn nsrôyh nau gŭ ueh đăp mpăn ndrel ma dâng lĕ bunuyh dô, nđâp ma nsrôyh gŭ rêh kloh ueh, yorlah bu moh i mâu gŭ rêh kloh ueh, mâu ôh dơi gŭ ndrel Kôranh Yêsu jât năp tay.

Bunong

¹⁴ អ៝ន់​ញឆ្រោយ្ស​នាវ​គុ​អ្វែស​ដាប់​មពាន់​នទ្រែល​មា​ទឹង​លែៈ​ឞូនុយ្ស​ទោ នអ៝ប់​មា​ញឆ្រោយ្ស​គុ​រេស​ក្ល៝ស​អ្វែស យ៝រ​លាស​ឞូ​ម៝ស​អី​មោ​គុ​រេស​ក្ល៝ស​អ្វែស មោ​អោស​ទើយ​គុ​នទ្រែល​កោរាញ​យេឆូ  ​ជឹត​នាប់​តៃ។

ហេឞ្រើ 12:14 Iomraidhean Croise

Nau Ntơm 32:30

Y-Yakôb ntơ ntŭk nây Pêniêl, jêh ri păng rblang: “Yorlah gâp lĕ saơ jêh Brah Ndu măt đah măt ƀiălah nau rêh gâp ăt geh nau đăp mpăn.”

Ndrom Samƀŭt bơh Yôp 19:26

Nđâp lah ntâu puăch gâp lĕ rai, Tâm săk jăn aơ gâp hôm saơ Brah Ndu;

Ndrom Samƀŭt bơh Yôp 33:26

Păng mbơh sơm ma Brah Ndu jêh ri Păng dơi treng uănh, Ƀư ăn ma păng răm rhơn lah saơ muh măt Păng, Jêh ri Brah Ndu ăn jêng mhe tay ma păng yorlah nau sŏng srăng bơh păng.

Nau Mprơ Ơm 120:6

Jŏ ir jêh huêng gâp gŭ ndrel Ma phung tâm rmot nau đăp mpăn.

Nau Mprơ Ơm 133:1

Ri, oh nâu gŭ ngau tâm rnglăp ndrăng khân may Ueh maak ngăn yơh!

Nau Mprơ Ơm 34:14

Du hom đah nau mhĭk jêh ri ƀư nau ueh. Tĭng joi hom nau đăp mpăn jêh ri hăn tĭng păng.

Nau Mprơ Ơm 38:20

Bi phung mplơ̆ nau mhĭk ntrok nau ueh gâp tâm rdâng đah gâp, Yorlah gâp ŭch hăn tĭng nau ueh.

Nau Mprơ Ơm 94:15

Nau di mra plơ̆ sĭt ma nau phung sŏng srăng, Jêh ri lĕ rngôch phung geh nuih n'hâm sŏng mra tĭng nau nây.

Nau Hôr 15:1

Nau plơ̆ lah ma bâr rdơ̆ rbăn ƀư djoh nau ji nuih, Bi nau ngơi dăng nsônh nau ji nuih.

Nau Hôr 16:7

Lah Brah Yêhôva di nuih n'hâm đah nau rêh ueh ma mbu nơm, Pôri Păng ƀư ăn nơm rlăng gŭ đăp rmên ndrel ma bunuyh nây.

Nau Hôr 17:14

Ntơm bôk nau tâm djrel nâm bu pling ntât dak; Pôri rlu hom nau tâm rlăch êlor păng geh nau tâm djrel.

Êsai 51:1

“Ơ phung tĭng joi nau sŏng srăng, Jêng phung tĭng joi Brah Yêhôva, iăt hom Gâp! Uănh hom ma lŭ toyh tă bơh ntŭk nây yơh khân may lôk, Jêh ri ma ntu lŭ jru tă bơh ntŭk nây yơh ntŭk khân may kuyh!

Markôs 9:50

“Boh jêng ndơ ueh, ƀiălah tơlah boh roh nau kah, mâm ƀư kah đŏng? Ăn khân may geh boh tâm nuih n'hâm khân may nơm, jêh ri gŭ đăp mpăn ndrăng khân may.”

Luka 1:75

Tâm nau kloh ueh jêh ri nau sŏng srăng Tanăp Păng lôch du njăr rêh he.

Samƀŭt Pôl Njuăl Ăn Ma Phung Nsing Ta Ƀon Rôm 12:18

Tơlah dơi, ăn lĕ nuih n'hâm gŭ rêh đăp mpăn ndrel ma lĕ rngôch bunuyh.

Samƀŭt Pôl Njuăl Ăn Ma Phung Nsing Ta Ƀon Rôm 14:19

Pônây yơh, ăn he tĭng joi lĕ nau djôt leo tât nau đăp mpăn jêh ri ndâk njêng ndrăng phung he.

Samƀŭt Pôl Njuăl Ăn Ma Phung Nsing Ta Ƀon Rôm 6:22

Ƀiălah aƀaơ khân may hŏ geh nau tâm rklaih jêh bơh nau tih jêh ri plơ̆ jêng ƀư dĭk ma Brah Ndu, khân may geh play kao jêng nau kloh ueh, jêh ri nglĕ dŭt geh nau rêh n'ho ro.

I Kôrintô 1:10

Hơi phung oh nâu, tâm amoh Kôranh Brah he jêng Brah Yêsu Krist, gâp nkah ma lĕ rngôch khân may ăn geh du nau ngơi, gay ma tâm khân may mâu geh nau tâm nkhah, ƀiălah ăn geh nau tâm rnglăp ndrel ndrăng khân may tâm nau mĭn jêh ri du nau ntrâng.

I Kôrintô 13:12

Aƀaơ aơ he knŏng saơ tâm măt rchŏk tâm nau mâu rah vah; tât rnôk nây, he mra saơ muh măt tâm thâng. Aƀaơ aơ gâp gĭt geh nau keh; tât rnôk nây taơ, gâp mra gĭt năl tâm ban ma Kôranh Brah gĭt năl jêh gâp.

II Kôrintô 6:17

“Yor nây, Kôranh Brah lah: Luh du hom tă bơh khân păng, Tâm nkhah hom tă bơh khân păng, Lơi pah tât ndơ ƀơ̆ ƀơch, Gâp mra rom dơn khân may.

II Kôrintô 7:1

Hơi phung oh nâu gâp rŏng, yorlah geh lĕ nau ton aơ, he ƀư kloh hom he nơm bơh lĕ rngôch nau ƀơ̆ ƀơch tâm nglay săk jêh ri huêng, ƀư rah vah hom nau kloh ueh he tâm nau klach yơk ma Brah Ndu.

Galati 3:21

Kơt nây nau vay tâm rdâng đah nau Brah Ndu ton lĕ ƀơh? Mâu di ôh! Yorlah tơlah nau vay dơi mbơh djôt leo ăn nau rêh, nanê̆ nau sŏng luh tă bơh nau vay nây.

Êphêsô 5:5

Ăn khân may gĭt rah vah ma phung bunuyh văng tĭr, mâu kloh ueh, mâu lah kơnh rlau keh — kơnh rlau keh jêng mbah rup brah — mâu geh du huê dơi dơn drăp ndơn tâm ƀon bri hađăch Brah Krist jêh ri Brah Ndu ôh.

Philip 3:12

Nây mâu di gâp hŏ pit sŏk jêh ôh nau nkhôm, mâu lah hŏ plơ̆ jêng ma dŭt ueh ngăn ôh, ƀiălah gâp ăt dôl nchuăt, gay dơi pit sŏk, yorlah Brah Yêsu Krist pit sŏk gâp jêh.

I Têsalônik 3:13

tă bơh nĕ Păng ƀư ăn khân may geh nau nâp nuih n'hâm, nau kloh ueh, mâu geh ôh nau nduyh tanăp Brah Ndu, Mbơ̆ he, Brah Yêsu, Kôranh Brah he plơ̆ văch ndrel ma lĕ rngôch phung kloh ueh Păng!

I Têsalônik 4:7

Yorlah Brah Ndu mâu kuăl ôh he ma nau ƀơ̆ ƀơch, ƀiălah ma nau kloh ueh.

I Têsalônik 5:15

Njrăng hom, lơi sŏk nau mhĭk mplơ̆ nau mhĭk, ƀiălah joi nau ƀư ueh ƀaƀơ ndrăng khân may tâm ban ma lĕ rngôch bunuyh.

I Timôthê 6:11

Ƀiălah hơi Y-Timôthê may jêng bunuyh Brah Ndu, der ngai hom lĕ nau nây jêh ri tĭng joi nau sŏng srăng, nau klach yơk, nau chroh, nau rŏng, nau srôih, nau rdơ̆ rbăn.

II Timôthê 2:22

May der ngai hom lĕ nau kơnh phung druh ndăm ŭch, jêh ri tĭng joi nau sŏng srăng, nau chroh, nau rŏng, nau đăp mpăn ndrel ma phung kuăl mbơh sơm ma Kôranh Brah ma nuih n'hâm kloh.

ហេឞ្រើ 12:10

Yorlah mbơ̆ he tâm nglay săk păng nduyh nkra tĭng nau mĭn păng nơm ŭch knŏng ƀât lât, ƀiălah Brah Ndu nduyh nkra yor ma nau khlay ma he, gay ma he dơi geh du kô̆ tâm nau kloh ueh Păng.

ហេឞ្រើ 9:28

Tâm ban lĕ, Brah Krist nhhơr jêh Păng nơm knŏng du tơ̆, gay lâm lơi nau tih âk bunuyh; Păng mra tâm mpơl tal bar, mâu di gay sŏk lơi nau tih đŏng ôh, ƀiălah gay ăn nau tâm rklaih ma phung gŭ kâp Păng.

I Pêtrôs 3:11

Der hom nau mhĭk, ƀư nau ueh, Joi hom nau đăp mpăn jêh ri hăn tĭng păng.

I Pêtrôs 3:13

Tơlah khân may duh nđơr ƀư nau ueh, mbu ƀư mhĭk ma khân may?

II Pêtrôs 3:11

Yorlah lĕ rngôch ndơ nĕ mra rai lôch kơt nĕ, pôri ăn khân may gŭ rêh nau rêh kloh ueh jêh ri blau yơk

II Pêtrôs 3:18

Ƀiălah ăn khân may văch ma toyh tâm nau yô̆ jêh ri nau gĭt rbăng Kôranh Brah jêh ri Nơm Tâm Rklaih he jêng Brah Yêsu Krist. Mbơh sơm dăn nau chrêk rmah jêng ndơ Păng, ntơm aƀaơ ma tât n'ho ro! Amen.

III Yôhan 1:11

Hơi nơm gâp rŏng, lơi kơt nau mhĭk ôh, ƀiălah kơt nau ueh. Mbu nơm ƀư nau ueh jêng bunuyh Brah Ndu; ƀiălah mbu nơm ƀư nau mhĭk, mâu mâp saơ Brah Ndu ôh.

Phung Kôranh Phat Dôih 11:14

Y-Jêptê njuăl tay bunuyh mbơh văch tât ma hađăch phung ƀon lan Ammôn jêh ri lah: