ហេឞ្រើ 11:8 - Nau Brah Ndu Ngơi 2023

⁸ Yor ma nau chroh, Y-Abraham tông bâr Brah Ndu kuăl, hăn tât ta n'gor êng păng nơm mra dơn jêng drăp ndơn; păng hăn ƀiălah mâu gĭt ôh mbah ntŭk păng mra hăn.

Bunong Bible Latin Script Cambodian dialect

⁸ Yor ma nau nsing, Abrahăm iăt nau Kôranh Brah đă, nôk Kôranh Brah đă păng lôh bơh bri păng nơm hăn jât bri êng, bol lah păng mâu ôh gĭt ntŭk bri păng hăn, Kôranh Brah man ma mbơh nkoch mra ăn bri a êng ma păng jêng ndơ păng nơm, nkre ma tât kon tât sau păng.

Bunong

⁸ យ៝រ​មា​នាវ​ញឆីង អាឞ្រាហាម់  ​អ្យាត់​នាវ​កោរាញ​ឞ្រាស​ដាៈ នោក​កោរាញ​ឞ្រាស​ដាៈ​ពាង់​លោស​ឞើស​ឞ្រី​ពាង់​នើម​ហាន់​ជឹត​ឞ្រី​អេង ឞ៝ល​លាស​ពាង់​មោ​អោស​គឹត​នតុក​ឞ្រី​ពាង់​ហាន់ កោរាញ​ឞ្រាស​មាន​មា​មឞើស​ងក៝ច​មរា​អ៝ន់​ឞ្រី​អា​អេង​មា​ពាង់​ជេង​នទើ​ពាង់​នើម ងក្រែ​មា​ត៝ត់​ក៝ន​ត៝ត់​ឆៅ​ពាង់។

ហេឞ្រើ 11:8 Iomraidhean Croise

Nau Ntơm 11:31

Y-Têra leo Y-Abram, kon bu klâu păng, Y-Lot, kon bu klâu Y-Haran sau păng, jêh ri H'Sarai, ur Y-Abram, jêng ƀăn păng, du luh ndrel bơh Ur, tâm n'gor Kaldê, hăn tât Kanaan. Ƀiălah dôl tât ta Charan khân păng gŭ ta nây.

Nau Ntơm 12:5

Y-Abram leo ur păng H'Sarai, Y-Lot, mon păng, n'ho lĕ rngôch drăp ndơ păng prăp nkrem, jêh ri lĕ bunuyh pah kan hŏ geh jêh ta ƀon Charan, hăn tât ta n'gor Kanaan. Lah khân păng hŏ tât jêh ta n'gor Kanaan,

Nau Ntơm 12:7

Brah Yêhôva tâm mpơl ma Y-Abram jêh ri lah: “Gâp mra ăn n'gor aơ ma noi deh May.” Ta aơ, Y-Abram ndâk du mlâm nơng ƀư brah ăn ma Brah Yêhôva, jêng Nơm hŏ tâm mpơl ma păng.

Nau Ntơm 15:5

Păng leo Y-Abram luh padih jêh ri lah: “N'gơr hom măt uănh klơ trôk jêh ri tơlah may dơi kơp lĕ mănh, kơp hom.” Jêh nây Păng lah tay ma Y-Abram: “Noi deh may mra tâm ban kơt nây đŏng.”

Nau Ntơm 17:8

Gâp mra ăn ma may jêh ri phung kon sau may neh may gŭ aƀaơ aơ, jêng lĕ n'gor Kanaan, jêng drăp ndơn n'ho ro. Gâp mra jêng Brah Ndu khân păng.”

Nau Ntơm 20:13

Dôl Brah Ndu ƀư ăn gâp nsong ngai du luh bơh ngih mbơ̆ gâp, gâp geh lah ma păng: ‘Aơ jêng nau ueh ay mpơl nau rŏng ma gâp: Tâm ăp ntŭk he hăn, ăn ay lah gâp jêng nâu ay.’”

Nau Ntơm 22:18

Lĕ rngôch phung ƀon lan klơ neh ntu yor tă noi deh phung kon sau may, mra geh nau ueh uĭn da dê, yorlah may lĕ tông jêh bâr Gâp.’ ”

Nau Ntơm 26:3

Ăn may gŭ njưh tâm n'gor aơ, Gâp mra gŭ ndrel ma kon jêh ri ăn nau ueh uĭn ma kon; yorlah Gâp mra ăn ma may jêh ri ma noi deh kon lĕ nkual bri aơ jêh ri Gâp mra ƀư n'hêl nanê̆ nau Gâp ton jêh ma Y-Abraham, mbơ̆ may.

Êsai 41:2

Mbu nơm ƀư jêh du huê bunuyh luh tă bơh mpeh luh nar, Sŏk nau sŏng srăng kuăl bunuyh hăn tât jâng păng nơm? Păng jao lĕ bri dak tanăp păng, Ƀư ăn păng tŭn jot lĕ phung hađăch; Păng jao khân păng mpiăt đao păng tâm ban ma ndruyh neh, Jêh ri jao khân păng ma na păng tâm ban ma rhe sial khôm.

Êsai 51:2

Ăn khân may uănh hom chô yau khân may jêng Y-Abraham Jêh ri ma H'Sara, jêng nơm deh ma khân may; Gâp kuăl jêh Y-Abraham nôk păng gŭ knŏng du huê, Ƀiălah Gâp hŏ ăn nau ueh uĭn ma păng, Jêh ri ƀư ma păng plơ̆ jêng âk râk.

Êsêkiêl 36:24

Gâp mra sŏk sĭt lơi phung khân may tă bơh ta nklang lĕ phung ƀon lan, rgum tay khân may tă bơh lĕ rngôch bri dak jêh ri leo sĭt tâm bri êng khân may nơm.

Nau Kơp Bunuyh 10:30

Y-Hôbap ơh nau: “Gâp mâu mra hăn ôh, ƀiălah gâp mra plơ̆ sĭt n'gor gâp jêng n'gor phung che gâp.”

Mathay 2:21

Y-Yôsep dâk bê̆ch, sŏk kon se jê̆ jêh ri mê̆ Păng plơ̆ ta bri Israel.

Samƀŭt Pôl Njuăl Ăn Ma Phung Nsing Ta Ƀon Rôm 1:5

Yor ma Păng, hên hŏ dơn jêh nau yô̆ jêh ri nau pah kan kôranh oh mon, gay ma yor amoh Păng njŭn leo lĕ rngôch phung mpôl băl tông ma nau chroh.

Samƀŭt Pôl Njuăl Ăn Ma Phung Nsing Ta Ƀon Rôm 10:16

Ƀiălah mâu di lĕ rngôch bunuyh tông tĭng Nau Mhe Mhan Ueh ôh; Y-Êsai hŏ lah: “Ơ Kôranh Brah, mbu nơm chroh nau hên mbơh nkoch?”

Samƀŭt Pôl Njuăl Ăn Ma Phung Nsing Ta Ƀon Rôm 6:17

Ƀiălah lah ueh ma Brah Ndu, yorlah khân may hŏ tă ƀư dĭk ma nau tih, ƀiălah nar aơ tông bâr lĕ nuih n'hâm ma nau di ntĭm nti hŏ jao ăn jêh ma khân may,

II Kôrintô 10:5

rlâm lơi lĕ nau blau ngơi jêh ri ăp ntil nau sưr tâm rdâng đah nau gĭt rbăng Brah Ndu, jêh ri nchâp lĕ rngôch nau mĭn tông ma Brah Krist.

Nau Vay Nkah Tay 9:5

Mâu di yor nau sŏng srăng mâu lah nuih n'hâm song bơh khân may, dĭng khân may lăp pit sŏk n'gor lĕ phung ƀon lan nây; ƀiălah yor nau ƀai khân păng dĭng Yêhôva Brah Ndu mra nsot lơi khân păng luh bơh tanăp khân may gay ƀư nau gĭt mbên nanê̆ nau Păng ton jêh ma phung chô yau khân may jêng Y-Abraham, Y-Isăk, jêh ri Y-Yakôb.

ហេឞ្រើ 11:33

Yor ma nau chroh phung bunuyh nây dơi jêh đah ƀon bri hađăch, ƀư nau di, sŏk dơn jêh lĕ nau ton, rdêp trôm mbung yau mŭr,

ហេឞ្រើ 5:9

jêh ri nôk hŏ lôch jêh, Păng jêng tơm tâm rklaih n'ho ro ma lĕ rngôch bunuyh tông bâr ma Păng,

Yôsuê 24:3

Ƀiălah Gâp djôt leo jêh Y-Abraham, chô yau khân may, bơh đah ri dak krong jêh ri njŭn păng hăn lam lĕ bri Kanaan, ăn Y-Isăk ma păng jêh ri ƀư ma noi deh păng deh kon bĭk rơ̆.

I Pêtrôs 1:22

Yor tông bâr nau ngăn, khân may ƀư kloh jêh ma huêng khân may nơm gay geh nau rŏng ndrăng oh nâu. Ăn khân may tâm rŏng ndrăng nơm dŭt hâu ngăn ma lĕ nuih n'hâm.

I Pêtrôs 3:1

Tâm ban lĕ, phung bunuyh ƀư ur, tông hom ma sai khân ay nơm, gay ma tơlah geh ƀaƀă sai nđâp lah mâu tông prăp ma nau chroh, ƀiălah tă bơh nau gŭ ngao bơh ur, khân păng mra plơ̆ sĭt, mâu ŭch dŏng ma nau ngơi,

I Pêtrôs 4:17

Yorlah tâm rnôk phat dôih hŏ tât jêh, ntơm bơh ngih Brah Ndu; tơlah păng ntơm bơh phung he, moh mra jêng nau dăch dŭt ma phung mâu tông Nau Mhe Mhan Ueh Brah Ndu?