ហេឞ្រើ 11:6 - Nau Brah Ndu Ngơi 2023

⁶ Mâu geh nau chroh, mâu dơi ƀư maak nuih n'hâm Brah Ndu; yorlah mbu nơm ŭch hăn dăch ta Brah Ndu, ăn păng chroh geh Brah Ndu ngăn, jêh ri Păng jêng Nơm ăn nau nkhôm ma mbu nơm joi Păng.

Bunong Bible Latin Script Cambodian dialect

⁶ Bunuyh i mâu ôh geh nau nsing, Kôranh Brah mâu ôh răm. Bunuyh i hăn a Kôranh Brah, iăt ma nsing lah geh Kôranh Brah ngăn, jêh ri nsing Kôranh Brah ăn ndơ nkhôm ma bu moh i joi Păng.

Bunong

⁶ ឞូនុយ្ស​អី​មោ​អោស​គែស​នាវ​ញឆីង កោរាញ​ឞ្រាស​មោ​អោស​រាម់។ ឞូនុយ្ស​អី​ហាន់​អា​កោរាញ​ឞ្រាស អ្យាត់​មា​ញឆីង​លាស​គែស​កោរាញ​ឞ្រាស​ងាន់ ជេសរី​ញឆីង​កោរាញ​ឞ្រាស​អ៝ន់​នទើ​ងខោម​មា​ឞូ​ម៝ស​អី​ជ៝យ​ពាង់។

ហេឞ្រើ 11:6 Iomraidhean Croise

Nau Ntơm 15:1

Jêh lĕ nau nây, nau ngơi Brah Yêhôva tât ma Y-Abram bơh nau tâm saơ: “Hơi Abram, lơi klach ôh! Gâp jêng khêl ma may; nau nkhôm may mra toyh ngăn.”

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

Ndrom Samƀŭt bơh Yôp 21:14

Khân păng lah ma Brah Ndu: ‘Dăn du ngai đah hên! Hên mâu ŭch gǐt ôh trong May.

Nau Mprơ Ơm 106:24

Thoi ma nây, phung chô yau hên tâm rmot ma n'gor neh ueh uĭn, Mâu chroh ôh ma nau Păng ngơi.

Nau Mprơ Ơm 119:10

Kon tǐng joi May ma lĕ nuih n'hâm, Lơi ăn gâp der bơh nau vay May ntăm ôh.

Nau Mprơ Ơm 58:11

Bu mra lah pô aơ: “Nanê̆ geh nau nkhôm ma nơm sŏng srăng, Nanê̆ ngăn, Brah Ndu dôl phat dôih tâm neh ntu.”

Nau Mprơ Ơm 73:28

Ƀiălah ueh maak ngăn ma gâp dơi văch dăch ma Brah Ndu; Gâp săch Kôranh Brah Yêhôva ƀư ntŭk gâp gŭ krap, Gay nkoch bri lĕ rngôch kan May.

Nau Mprơ Ơm 78:22

Yorlah khân păng mâu chroh ma Brah Ndu ôh, Mâu lĕ rnơm ma nau Păng tâm rklaih.

Nau Mprơ Ơm 78:32

Nđâp tơlah lĕ nau nây, khân păng ăt hôm ƀư tih, Mâu chroh ôh ma nau mbên khlay Păng.

Nau Hôr 11:18

Bunuyh ƀư nau ƀai dơn rnoh nkhôm ma nau ndơm, Ƀiălah bunuyh srih nau sŏng srăng dơi geh nau nkhôm n'hêl nanê̆ ngăn.

Nau Hôr 8:17

Gâp rŏng ma phung rŏng ma gâp, Phung tĭng joi gâp ma lĕ nuih n'hâm mra mâp gâp.

Êsai 55:3

Nkêng hom tôr khân may jêh ri văch hom ma Gâp; Gŭ iăt hom Gâp gay ma huêng khân may dơi rêh. Gâp mra ăn ma khân may nau tâm rnglăp n'ho ro, Jêng nau rŏng răp jăp Gâp ăn ma Y-Đavit.

Êsai 7:9

Bôk Êphraim jêng Samari, Bôk Samari jêng Y-Rêmalia. Tơlah khân may mâu iăt nanê̆ ôh, Khân may mra mâu nâp ôh.’”

Yêrêmi 2:31

Hơi phung bunuyh tâm rô̆ aơ! Mĭn rvê hom nau Brah Yêhôva: Di lĕ đah phung Israel, Gâp jêng du ntŭk bri rdah, Du ntŭk n'gor neh ngo klĕng vêt vê hĕ? Mâm ƀư phung ƀon lan Gâp lah: ‘Ntŭk phung hên ŭch hăn mra hăn yơh, Phung hên mâu mra tât đah May đŏng ôh’?

Nau Kơp Bunuyh 14:11

Brah Yêhôva lah ma Y-Môis pô aơ: “Ndah hŏ jŏ phung ƀon lan aơ mưch Gâp jêh ri ndah nâm jŏ khân păng mâu mra chroh ôh ma Gâp, nđâp lah Gâp hŏ ƀư jêh âk nau mbên khlay ta nklang khân păng?

Nau Kơp Bunuyh 20:12

Ƀiălah Brah Yêhôva lah ma Y-Môis jêh ri Y-Arôn: “Yorlah khân may mâu rnơm ma Gâp gay yơk ma nau kloh ueh Gâp tanăp măt phung ƀon lan Israel, yor nây khân may mâu mra njŭn phung tâm rƀŭn aơ lăp tâm n'gor Gâp ăn jêh ma khân păng.”

Mathay 11:26

Nanê̆, ơ Mbơ̆, yorlah nau aơ ƀư ueh nau mĭn Mbơ̆ ŭch.

Mathay 5:12

Maak răm hom, yorlah nau nkhôm ma khân may ta klơ trôk jêng toyh ngăn; yorlah nơm mbơh lor kăl e khân may bu hŏ ƀư mhĭk kơt nây.”

Mathay 6:16

Tơlah khân may ât sông sa, lơi ƀư ôh muh măt rngot nâm bu phung bunuyh geh nuih n'hâm nklă, yorlah khân păng jan ƀư muh măt rngot gay lĕ rngôch bunuyh gĭt ma khân păng ât sông sa. Nanê̆, Gâp lah ma khân may, phung nây hŏ dơn jêh nau nkhôm ma khân păng.

Mathay 6:33

Ƀiălah lor lơn, ăn khân may joi ƀon bri hađăch Brah Ndu jêh ri nau sŏng srăng Păng, ri mơ Păng mra ăn ntop lĕ rngôch ndơ nây ma khân may đŏng.

Mathay 6:5

Tơlah khân may mbơh sơm, lơi jêng ôh nâm bu phung bunuyh nuih n'hâm nklă; yorlah khân păng ŭch dâk mbơh sơm tâm ngih rƀŭn jêh ri ta meng trong gay ma bu saơ. Nanê̆, Gâp lah ma khân may, phung nây khân păng hŏ dơn jêh nau nkhôm ma khân păng.

Markôs 16:17

Phung bunuyh chroh mra dơi geh nau tâm mbên khlay hăn ndrel: Khân păng mra sŏk amoh Gâp gay mprơh brah mhĭk; mra ngơi lĕ nau ngơi mhe;

Luka 12:31

Ƀiălah joi hom ƀon bri hađăch Brah Ndu, ri mơ Păng mra ăn lĕ nau nây ma khân may đŏng.

Luka 6:35

Ƀiălah ăn khân may rŏng phung rlăng khân păng nơm, ƀư hom nau ueh, jêh ri ăn chan hom ƀiălah lơi kâp mplơ̆ tay. Kơt nây, nau nkhôm khân may mra jêng toyh, jêh ri khân may mra jêng kon Nơm Dŭt Prêh, yorlah Păng sŏk nuih n'hâm ueh ma phung mâu gĭt nau yô̆ jêh ri ma phung janh ƀai.

Yôhan 14:6

Brah Yêsu lah: “Gâp jêng trong, nau ngăn jêh ri nau rêh. Lah mâu geh Gâp pôri mâu geh bunuyh dơi hăn tât ta Mbơ̆ ôh

Yôhan 8:24

Yor nây, Gâp hŏ lah jêh ma khân may, khân may mra khĭt tâm nau tih khân may nơm; Yorlah tơlah khân may mâu chroh ôh ma nau Gâp jêng Nơm N'ho Ro, khân may mra khĭt tâm nau tih khân may nơm.”

Samƀŭt Pôl Njuăl Ăn Ma Phung Nsing Ta Ƀon Rôm 10:14

Ƀiălah khân păng ê chroh, mâm ƀư khân păng kuăl dăn? Khân păng ê mâp iăt nau bu nkoch ma Păng, mâm ƀư khân păng dơi chroh? Mâu geh bunuyh mbơh nkoch, mâm khân păng dơi iăt?

Galati 5:6

Yorlah tâm Brah Yêsu Krist, nau geh nau khlay mâu di ƀư koh ntâu mâu lah mâu koh ntâu, ƀiălah jêng nau chroh tâm mpơl tâm nau rŏng.

ហេឞ្រើ 11:26

Păng kơp nau bêk prêng yor ma Brah Krist jêng khlay rlau lơn drăp ndơ khlay ta n'gor Êjipt, yorlah păng kâp gân ma nau nkhôm.

ហេឞ្រើ 3:12

Hơi phung oh nâu, njrăng hom, klach lah geh nơm tâm phung khân may geh nuih n'hâm mhĭk jêh ri mâu chroh kŏ tât chalơi Brah Ndu rêh.

ហេឞ្រើ 4:2

Yorlah Nau Mhe Mhan Ueh mbơh nkoch ma he jêh, tâm ban ma khân păng lĕ; ƀiălah nau ngơi khân păng tăng jêh mâu geh nau khlay ma khân păng ôh, yorlah tâm nôk gŭ iăt nau nây, khân păng mâu dơn nau nây nđâp ma nau chroh.

ហេឞ្រើ 4:6

Tâm ban pônây, ăt hôm bunuyh ƀaƀă mra dơi lăp nau rlu nây. Bi phung bunuyh bơh lor hŏ tăng jêh Nau Mhe Mhan Ueh, ƀiălah mâu dơi lăp ta nây yor nau mâu tông bâr.

ហេឞ្រើ 7:19

(yor nau vay mâu dơi ƀư ăn moh nau rah vah ôh); lah êng đŏng, geh du nau vay kâp gân ueh lơn, đah nau bu ăn, gay tâm nau nây he dơi hăn dăch Brah Ndu.

ហេឞ្រើ 7:25

Yor nây lĕ, Păng dơi tâm rklaih ma nau rah vah phung rnơm ma Păng gay hăn dăch Brah Ndu, yorlah Păng gŭ rêh mro mrăng gay mbơh sơm kơl an ma phung nây.

II Pêtrôs 1:10

Pôri, hơi oh nâu, srôih lơn đŏng gay gĭt năl ma nau kuăl jêh ri nau săch khân may nơm; ƀư nâm nđĕ khân may mâu mra chêh prah;

II Pêtrôs 1:5

Yor nau nĕ ăn ma khân may srôih lĕ nau ktang gay ntop nuih n'hâm ueh ma nau chroh khân may nơm, ntop nau gĭt rbăng ma nau ueh,

II Pêtrôs 3:14

Pôri, hơi phung gâp rŏng, tâm nôk gŭ kâp lĕ nau nĕ, ăn khân may srôih lĕ nau ktang gay ma Păng saơ khân may mâu geh têl khap, mâu geh nau nduyh jêh ri rêh gŭ tâm nau đăp mpăn.

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”

Bu ur Rut 2:12

Dăn Brah Yêhôva nsĭt lah nau ay hŏ ƀư jêh. Dăn ma Păng ăn nau nkhôm ma ay rmeh ler yorlah ay hŏ văch jêh gay nde tâm dâng năr Yêhôva Brah Ndu phung Israel.”