ហេឞ្រើ 11:36 - Nau Brah Ndu Ngơi 2023

³⁶ Ƀaƀă êng dơn nau bu mưch rmot, nau bu dong mbang, nau bu nkông ma rse rvăk jêh ri nau bu krŭng.

Bunong Bible Latin Script Cambodian dialect

³⁶ Bunuyh aƀă jât bu gơm mưch rmot, nđâp ma bu mbang ma mŏng rse, bunuyh aƀă jât bu nkông tê̆ trôm ndrung.

Bunong

³⁶ ឞូនុយ្ស​អាបាៈ​ជឹត​ឞូ​គើម​មឺច​រាម៝ត នអ៝ប់​មា​ឞូ​មឞាង​មា​ម៝ង់​រាឆែ ឞូនុយ្ស​អាបាៈ​ជឹត​ឞូ​ងកោង​តេៈ​ត្រោម​នទ្រូង។

ហេឞ្រើ 11:36 Iomraidhean Croise

Nau Ntơm 39:20

Kôranh păng nhŭp Y-Yôsep nklăch păng tâm ndrung, ntŭk bu krŭng bu nă hađăch. Pôri, bu krŭng Y-Yôsep gŭ tâm ndrung.

I Phung Hađăch 22:24

Nôk nây, Y-Sêdêkia, kon Y-Kênana, hăn văch dăch jêh ri tap ta bom Y-Mika jêh ri ôp: “Mbah tă trong Huêng Brah Yêhôva luh du bơh gâp gay tât ngơi đah may?”

I Phung Hađăch 22:27

jêh ri ntĭnh khân păng nây lah: ‘Hađăch lah: Krŭng hom bunuyh aơ tâm ndrung, knŏng siăm păng ma piăng let jêh ri dak gay păng rêh, kŏ tât nôk gâp plơ̆ sĭt đăp mpăn.’”

II Phung Hađăch 2:23

Tă bơh nây, Y-Êlisê hăn hao tât ta Bêthel. Păng dôl hăn rŏ trong, geh phung kon se luh tă bơh ƀon jêh ri gơm mpray ma păng lah: “Hơi bu klâu hil bôk, hăn hao hom! Hơi bu klâu hil bôk, hăn hao hom!”

II Nau Rêh Jêng 16:10

Y-Asa ji nuih ma nơm geh nau tâm saơ jêh ri nhŭp krŭng păng yor ma nau nây, hađăch ji nuih ngăn ma păng. Dôl nôk nây, Y-Asa tŭn jot đŏng bunuyh êng ƀaƀă tâm phung ƀon lan.

II Nau Rêh Jêng 18:26

Lah hom: ‘Hađăch lah krŭng nơm aơ, sŏk piăng let jêh ri dak nau rêh ni gay siăm păng kŏ tât nôk gâp plơ̆ sĭt đăp mpăn.’”

II Nau Rêh Jêng 30:10

Phung njŭn samƀŭt hăn bơh ƀon aơ tât ƀon ri, tâm lam n'gor Êphraim, Manasê, jêh ri tât ta neh Sabulôn, ƀiălah bu gơm mưch, suai rak ma khân păng.

II Nau Rêh Jêng 36:16

Ƀiălah khân păng mưch ma phung bunuyh Brah Ndu đă hăn, uănh mâu khlay nau ngơi Kôranh Brah jêh ri gơm mưch ma phung nơm mbơh lor Păng, kŏ tât Brah Yêhôva ji nuih lam phung ƀon lan Păng, tât mâu hôm dơi bah ôh.

Yêrêmi 20:2

Y-Pashur dong nơm mbơh lor Y-Yêrêmi, nkông păng tâm mpông pêr Benjamin, jêng mpông pêr mpeh klơ tâm ngih Brah Yêhôva.

Yêrêmi 20:7

Ơ Brah Yêhôva, May hŏ nsŭk nsôr jêh ma gâp, Gâp lĕ geh nau May nsŭk nsôr; May ktang lơn ma gâp, Jêh ri May hŏ dơi jêh. Lĕ nar gâp ƀư ƀaƀơ nau gơm ăn ma neh ntu, Ăp bunuyh mưch rmot ma gâp.

Yêrêmi 29:26

Brah Yêhôva njêng jêh may ƀư kôranh ƀư brah ntrok an ma kôranh ƀư brah Y-Jêhôida gay chiă uănh tâm ngih Brah Yêhôva, jêh ri đă nkông jâng, văn ndrak ta trô ko ma lĕ rngôch phung rluk ntơ êng jêng nơm mbơh lor.

Yêrêmi 32:8

Y-Hanamel, kon bu klâu kônh gâp, tông bâr Brah Yêhôva văch ma gâp tâm nhuang ntŭk phung tahan gak, jêh ri lah: ‘Gâp dăn ma may rvăt tay mir gâp ta ƀon Anathôt, tâm bri Benjamin, yorlah may geh nau dơi chuai jêh ri dơi jêng tâm mir nây; dăn may rvăt ăn ma may nơm.’ Rnôk nây, gâp gĭt nau nây jêng nau Brah Yêhôva ngơi!

Yêrêmi 36:6

Yor nây ta nar ver ât sông sa, ăn may lăp ta ngih Brah Yêhôva jêh ri rŏ ăn ma phung ƀon lan tăng nau Brah Yêhôva tâm ndrom samƀŭt gâp hŏ rŏ ăn may nchih jêh. Tâm ban lĕ may răk ăn lĕ rngôch phung Yuđa văch tă bơh ma lĕ ƀon iăt đŏng.

Yêrêmi 38:28

Pônây, Y-Yêrêmi hôm gŭ tâm nhuang tahan gak kŏ tât nar bu lơh sŏk ƀon Yêrusalem. Lah ƀon Yêrusalem lĕ rai...

Yêrêmi 39:15

Dôl hôm bu krŭng tâm nhuang phung tahan gak, geh nau Brah Yêhôva lah ma Y-Yêrêmi kơt aơ:

Daniel 11:33

Lĕ phung gĭt blau tâm phung ƀon lan mra ntĭm nti âk bunuyh, nđâp lah tâm du năng ƀât lât, khân păng mra chôt prah yor ma đao jêh ri yor ŭnh hit, yor nau jêng bu nă jêh ri ma nau mra pit in.

Mathay 20:19

jêh nây jao Păng ma phung bu năch gay ma khân păng mưch rmot, dong ma mâng, jêh ri pâng kđĭn ta si tâm rkăng. Ƀiălah tât nar tal pe, Păng mra dâk rêh tay.”

Mathay 21:35

Ƀiălah khân păng nhŭp phung oh mon, lơh bunuyh aơ, nkhĭt bunuyh ri, jêh ri klŭp lŭ ma bunuyh tê̆.

Mathay 23:34

Yor ri, Gâp njuăl phung nơm mbơh lor, phung blau mĭn, phung kôranh nchih samƀŭt văch ta khân may, ri mơ khân may mra nkhĭt jêh ri pâng kđĭn phung bunuyh nây ta si tâm rkăng, lơh dong ma mâng lĕ phung êng tâm ngih rƀŭn jêh ri ƀư mhĭk ma phung khân păng ntơm bơh ƀon aơ tât ta ƀon ri,

Mathay 27:26

Pôri, Pilat mƀơk lơi Y-Barabas ăn ma khân păng, jêh ri bu dong Brah Yêsu, jêh nây jao Păng ma bu pâng kđĭn ta si tâm rkăng.

Markôs 10:34

Bu mra njrŏ mưch ma Păng, soh dak diu ta Păng, dong ma mâng, jêh ri nkhĭt khĭt Păng; ƀiălah tăch pe nar pakơi, Păng mra dâk rêh tay.”

Luka 18:32

Yorlah bu mra jao Păng ma phung bu năch, bu mra mưch rmot, suai rak jêh ri soh dak diu ta măt Păng.

Luka 23:11

Hêrôt ndrel ma phung tahan mưch rmot jêh ri ƀư bêk prêng ma Brah Yêsu, nsoh ma Brah Yêsu ao âk ntil bok jêh nây têk leo jao Păng ma Pilat.

Luka 23:36

Phung tahan gơm mưch ma Păng đŏng, hăn dăch jêh ri yơr dak srat ma Brah Yêsu nhêt

Kôranh Oh Mon 21:33

Kôranh tahan hăn dăch, nhŭp Y-Pôl jêh ri đă bu kât ma bar njăr rse rvăk, jêh ri păng ôp, mbu may jêng jêh ri moh nau may hŏ ƀư.

Kôranh Oh Mon 24:27

Bar năm pakơi, Pôrtus Phêtus ntrok Phêlik. Yorlah Phêlik ŭch ƀư maak ma phung Yuđa, ăt păng ăn bu krŭng Y-Pôl tâm ndrung.

Kôranh Oh Mon 4:3

Khân păng nhŭp bar hê khân păng krŭng tâm ndrung kŏ tât nar ôi taơ, yorlah nôk nây ngo jêh.

Kôranh Oh Mon 5:18

nhŭp phung kôranh oh mon krŭng tâm ndrung.

Kôranh Oh Mon 5:40

Khân păng kuăl tay phung kôranh oh mon lăp, đă bu dong phung nây ma mâng jêh ri buay mâu ăn nti lah tâm amoh Brah Yêsu ôh, jêh nây mƀơk bar hê khân păng.

Kôranh Oh Mon 8:3

Ƀiălah Y-Sôl ƀư rai ma Phung Ngih Brah Ndu, rduh lăp ăp ngih vâl nhŭp phung bu ur bu klâu têk leo krŭng khân păng.

Êphêsô 3:1

Yor nau nây yơh, gâp Y-Pôl, jêng bunuyh gŭ ndrung ma Brah Yêsu Krist, yor khân may jêng phung bu năch.

Êphêsô 4:1

Pôri, jêng du huê bunuyh gŭ ndrung tâm Kôranh Brah, gâp vơh vơl ma khân may gŭ rêh hom du nau rêh tâm di ma nau Brah Ndu kuăl jêh khân may.

II Timôthê 1:16

Dăn Kôranh Brah yô̆ nđach ma rnăk vâl Y-Ônêsiphor, yorlah păng n'hao nuih jêh gâp âk tơ̆, mâu mâp đit prêng ôh dôl gâp gŭ tâm rse rvăk;

II Timôthê 2:9

Yor ma Nau Mhe Mhan Ueh nây gâp dơn nau rêh ni, kŏ tât nkông rse rvăk nâm bu bunuyh ƀư tih. Ƀiălah nau chroh Brah Ndu mâu geh rse rvăk ôh.

ហេឞ្រើ 10:34

Yorlah khân may geh jêh nau yô̆ nđach ma phung bu nă, jêh ri maak nuih n'hâm dơn ma nau bu sŏk pit in drăp ndơ khân may nơm, yorlah khân may gĭt khân may nơm geh drăp ndơ khlay lơn jêh ri hôm e n'ho ro.

Nau Tâm Mpơl 2:10

May lơi klach ôh ma lĕ nau rêh ni may bơi dơn. Aơ, brah mhĭk dăch mƀăr ƀaƀă tâm phung khân may ăn tâm ndrung gay rlong uănh khân may; jêh ri khân may mra geh nau rêh ni tâm jât nar. Gŭ răp jăp hom tât khĭt, jêh ri Gâp mra ăn ma may đon hađăch nau rêh.’

Phung Kôranh Phat Dôih 16:25

Dôl nuih n'hâm khân păng răm maak, khân păng nter: “Kuăl hom Y-Samsôn gay ăn ma păng tâm mpơl nau pâl ma he.” Pônây, khân păng leo Y-Samsôn luh tă bơh ndrung bu nă, jêh ri Y-Samsôn pâl tanăp khân păng. Jêh nây khân păng ăn Y-Samsôn dâk vah vang lĕ meh gâng ngih brah.