ហេឞ្រើ 11:3 - Nau Brah Ndu Ngơi 2023

³ Yor ma nau chroh, he gĭt rbăng Brah Ndu rhăk njêng neh ntu aơ ma nau Păng ngơi, kŏ tât lĕ ndơ bu saơ hŏ njêng jêh bơh lĕ ndơ bu mâu saơ.

Bunong Bible Latin Script Cambodian dialect

³ Yor ma bân nsing, bân gĭt dâng lĕ ndơ geh njêng, jêng tă bơh nau ngơi Kôranh Brah nơm. Kơt ndri dâng lĕ ndơ i bân uănh say dja, mâu ôh di geh bơh ndơ i lĕ say.

Bunong

³ យ៝រ​មា​ឞ៝ន់​ញឆីង ឞ៝ន់​គឹត​ទឹង​លែៈ​នទើ​គែស​ញជេង ជេង​តាៈ​ឞើស​នាវ​ងើយ​កោរាញ​ឞ្រាស​នើម។ កើត​នទ្រី​ទឹង​លែៈ​នទើ​អី​ឞ៝ន់​អ្វាញ់​ឆៃ​អ្យា មោ​អោស​ទី​គែស​ឞើស​នទើ​អី​លែៈ​ឆៃ។

ហេឞ្រើ 11:3 Iomraidhean Croise

Nau Ntơm 1:1

Ntơm saơm, Brah Ndu rhăk njêng trôk jêh ri neh.

Nau Mprơ Ơm 33:6

Lĕ ndâr trôk rhăk njêng bơh nau ngơi Brah Yêhôva, Lĕ rngôch khay mănh mbing luh tă n'hâm nsôr bơh bâr mbung Păng.

Nau Mprơ Ơm 33:9

Yorlah mâm nau Păng lah mra geh ro; Păng ntrŭnh nau ntăm lĕ rngôch ndơ mra nâp ngăn.

Êsai 40:26

N'gơr hom măt khân may let klơ gay uănh: Mbu nơm rhăk njêng lĕ ndơ nây? Păng yơh jêng Nơm ƀư lĕ rngôch mănh mbing tâm trôk tĭng nâm rnoh jêh ri tĭng mbŭch, Păng kuăl amoh lĕ rngôch phung nây, Mâu pưt du mănh mbing ôh, Yor nau ktang dŭt toyh Jêh ri nau brah Păng mâu blau lôch.

Yêrêmi 10:11

Lah hom ma khân păng pô aơ phung brah aơ mâu njêng ôh trôk jêh ri neh ntu. Khân păng mra ƀư rai tă bơh măt neh jêh ri bơh trôk.

Yêrêmi 10:16

Drăp ndơn Y-Yakôb mâu nâm bu pônây ôh, Yorlah Păng yơh jêng Nơm hŏ rhăk njêng jêh lĕ rngôch ndô ndơ, Jêh ri Israel jêng mpôl băl drăp ndơn Păng. Amoh Păng jêng Brah Yêhôva ma phung tahan.”

Yôhan 1:3

Lĕ rngôch ntil ndơ Păng rhăk njêng da dê, mâu geh ôh du ntil ndơ dơi rhăk njêng lah mâu tă bơh Păng.

Kôranh Oh Mon 14:15

“Hơi phung bunuyh! Mâm ƀư khân may ƀư pônây? Hên knŏng jêng kon bunuyh, tâm ban ma khân may lĕ. Hên mbơh nkoch Nau Mhe Mhan Ueh gay ma khân may chalơi phung brah dơm dam ri jêh ri plơ̆ sĭt ma Brah Ndu rêh mro mrăng, jêng Nơm rhăk njêng trôk, neh ntu, dak mƀŭt, jêh ri lĕ rngôch mpa tâm nây.

Kôranh Oh Mon 17:24

Brah Ndu jêng Nơm rhăk njêng neh ntu jêh ri lĕ rngôch mpô mpa gŭ rêh tâm nây, jêng Kôranh ma trôk jêh ri neh ntu, Păng mâu gŭ ôh tâm lĕ jây rhŏ brah tă bơh ti bunuyh ƀư.

Samƀŭt Pôl Njuăl Ăn Ma Phung Nsing Ta Ƀon Rôm 4:17

nâm bu geh nau hŏ nchih jêh: “Gâp hŏ ndâk jêh may jêng mbơ̆ ma âk phung ndŭl mpôl.” Tanăp Brah Ndu, Nơm păng chroh jêh, jêng Nơm ăn nau rêh ma phung khĭt, jêh ri kuăl lĕ ndơ mâu geh tâm ban ma hŏ geh jêh.

I Kôrintô 2:7

Ƀiălah hên mbơh nkoch ma nau blau mĭn, nau khlay ndâp jêh ri pôn ndâp tâm Brah Ndu, jêng lĕ nau Brah Ndu tâm nal jêh bơh lor lĕ rngôch rnôk ma nau chrêk rmah he.

I Timôthê 4:5

yorlah nau Brah Ndu ngơi jêh ri nau mbơh sơm, ndơ nây dơi kloh ueh jêh.

ហេឞ្រើ 1:2

Ƀiălah tâm lĕ nar dăch dŭt aơ, Păng ntĭm nti jêh ma he bơh Kon Păng Nơm, jêng Kon Păng hŏ rdâk jêh jêng Nơm dơn lĕ rngôch ndơ; tâm Kon nây đŏng, Păng rhăk njêng jêh trôk neh ntu.

ហេឞ្រើ 6:5

mâp chiăm jêh nau ueh tâm nau ngơi Brah Ndu, jêh ri nau brah ma rnôk rô̆ mra tât;

II Pêtrôs 3:5

Khân păng ndra ƀư mâu gĭt ma lĕ ndâr trôk tâm mpơl jêh ntơm bơh jŏ jêh tă bơh nau ngơi Brah Ndu, rplay neh njêng ntơm bơh dak jêh ri tă bơh dak;

Nau Tâm Mpơl 4:11

“Ơ Brah Ndu jêng Kôranh Brah hên, Kôranh Brah khư sŏk dơn nau chrêk rmah, nau yơk jêh ri nau dơi, Yorlah Kôranh Brah rhăk njêng jêh lĕ rngôch ndơ, Jêh ri tĭng nâm Kôranh Brah ŭch lĕ rngôch ndơ jêng geh jêh ri May rhăk njêng jêh khân păng.”