ហេឞ្រើ 11:16 - Nau Brah Ndu Ngơi 2023

¹⁶ Ƀiălah khân păng ŭch geh du ƀon tơm ueh lơn, nây jêng ƀon tơm ta klơ trôk, pôri Brah Ndu mâu bêk prêng ôh gay mbơh Păng nơm jêng Brah Ndu khân păng, yorlah Păng ndrăp lor du ƀon ma khân păng.

Bunong Bible Latin Script Cambodian dialect

¹⁶ Yơn ma khân păng hôm joi du ntŭk i ueh rlau, jêng ƀon ueh ta kalơ. Kơt ndri dâng Kôranh Brah mâu ôh đit prêng khân păng kuăl Păng i Brah ma khân păng, yorlah lĕ Păng ndrăp jêh du mlŏm ƀon ăn ma khân păng i nây gŭ.

Bunong

¹⁶ យើន​មា​ខាន់​ពាង់​ហោម​ជ៝យ​ទូ​នតុក​អី​អ្វែស​រាលាវ ជេង​ប៝ន​អ្វែស​តា​កាលើ។ កើត​នទ្រី​ទឹង​កោរាញ​ឞ្រាស​មោ​អោស​ដីត​ព្រេង​ខាន់​ពាង់​ក្វាល់​ពាង់​អី​ឞ្រាស​មា​ខាន់​ពាង់ យ៝រ​លាស​លែៈ​ពាង់​នទ្រាប់​ជេស​ទូ​មល៝ម់​ប៝ន​អ៝ន់​មា​ខាន់​ពាង់​អី​នៃ​គុ។

ហេឞ្រើ 11:16 Iomraidhean Croise

Nau Ntơm 26:24

Tâm măng nây, Brah Yêhôva tâm mpơl jêh ri lah đah păng: “Gâp jêng Brah Ndu Y-Abraham, mbơ̆ kon. Lơi klach ôh, yorlah Gâp gŭ ndrel ma kon. Gâp mra ăn nau ueh uĭn ma kon jêh ri ƀư ma noi deh kon bĭk rơ̆, yor Y-Abraham jêng oh mon Gâp!”

Nau Ntơm 28:13

Ri, Brah Yêhôva dâk tanăp măt păng jêh ri lah: “Gâp jêng Yêhôva Brah Ndu Y-Abraham, chô yau may, ăt jêng Brah Ndu Y-Isăk. Gâp mra ăn ma may jêh ri noi deh may ntŭk neh may dôl lâng săk bê̆ch.

Nau Ngluh Êjipt 3:15

Brah Ndu lah tay ma Y-Môis: “Ăn may ngơi ma phung ƀon lan Israel kơt aơ: ‘Brah Yêhôva, Brah Ndu phung chô yau khân may, Brah Ndu Y-Abraham, Brah Ndu Y-Isăk, Brah Ndu Y-Yakôb, njuăl jêh gâp văch ma khân may’: Aơ jêng amoh Gâp n'ho ro, Jêng amoh kah gĭt tâm lĕ rngôch rô̆.

Nau Ngluh Êjipt 3:6

Jêh nây Brah Ndu lah tay: “Gâp jêng Brah Ndu ma chô yau may, Brah Ndu Y-Abraham, Brah Ndu Y-Isăk, jêh ri Brah Ndu Y-Yakôb.” Y-Môis nking ro măt păng yorlah păng klach uănh saơ Brah Ndu.

Nau Ngluh Êjipt 4:5

Brah Yêhôva lah: “Nau nây gay ma khân păng rnơm ma Brah Yêhôva, Brah Ndu chô yau khân păng, jêng Brah Ndu Y-Abraham, Brah Ndu Y-Isăk, Brah Ndu Y-Yakôb, hŏ tâm mpơl jêh ma may.”

Yêrêmi 31:1

Brah Yêhôva lah: “Tât rnôk nây, Gâp mra jêng Brah Ndu ma lĕ rngôch mpôl băl Israel, jêh ri khân păng mra jêng phung ƀon lan Gâp.”

Mathay 25:34

Nôk nây, Hađăch mra lah ma phung mpeh pa ma pô aơ: ‘Hơi phung Mbơ̆ Gâp ăn nau ueh uĭn, văch hom dơn ƀon bri hađăch klơ trôk ndrăp nkra jêh ăn ma khân may ntơm bơh rhăk njêng neh ntu.

Markôs 12:26

Bi nau bunuyh khĭt dơi dâk rêh tay, khân may ê hŏ rŏ nau nkoch bri ma pŭm lok tâm ndrom samƀŭt Y-Môis ƀơh? Mâm ƀư Brah Ndu lah jêh ma păng, ‘Gâp jêng Brah Ndu Y-Abraham, Brah Ndu Y-Isăk, Brah Ndu Y-Yakôp’?

Markôs 8:38

Yorlah mbu nơm prêng ma Gâp jêh ri ma nau Gâp ngơi tâm rnôk rô̆ văng tĭr tih mhĭk aơ, tâm ban lĕ Kon Bunuyh ăt mra prêng ma bunuyh nây, tơlah Păng ndrel ma phung tông mpăr kloh ueh văch tâm nau chrêk rmah Mbơ̆ Păng.”

Luka 12:32

Hơi phung jê̆, lơi klach ôh, yorlah Mbơ̆ khân may di nuih n'hâm ăn ƀon bri hađăch Păng ma khân may jêh.

Luka 20:37

Bi ma nau phung khĭt dâk rêh tay, nđâp Y-Môis hŏ mpơl jêh tâm nau nkoch bri ma pŭm lok, tơlah Kôranh Brah jêng Brah Ndu Y-Abraham, Brah Ndu Y-Isăk jêh ri Brah Ndu Y-Yakôp.

Yôhan 14:2

Tâm ngih Mbơ̆ Gâp geh âk ntŭk gŭ; lah mâu di pônây, mâm Gâp lŏ lah ma khân may kơt aơ, Gâp hăn nkra ntŭk ma khân may tâm du ntŭk?

Kôranh Oh Mon 7:32

‘Gâp jêng Brah Ndu ma phung chô yau may, Brah Ndu Y-Abraham, Y-Isăk, jêh ri Y-Yakôp.’ Y-Môis râm sâr, mâu janh uănh ôh.

Philip 3:20

Ƀiălah he jêng phung ƀon lan klơ trôk; bơh ntŭk nây, he kâp Kôranh Brah jêh ri Nơm Tâm Rklaih jêng Brah Yêsu Krist.

II Timôthê 4:18

Kôranh Brah mra rklaih gâp bơh lĕ nau mhĭk jêh ri djôt leo gâp lăp tâm ƀon bri hađăch Păng klơ trôk. Mbơh sơm dăn nau chrêk rmah jêng ndơ Păng n'ho ro mâu blau lôch ôh! Amen.

ហេឞ្រើ 10:34

Yorlah khân may geh jêh nau yô̆ nđach ma phung bu nă, jêh ri maak nuih n'hâm dơn ma nau bu sŏk pit in drăp ndơ khân may nơm, yorlah khân may gĭt khân may nơm geh drăp ndơ khlay lơn jêh ri hôm e n'ho ro.

ហេឞ្រើ 11:10

Yorlah păng gŭ kâp du ƀon geh mbon nâp bơh Brah Ndu nơm hŏ nkra jêh ri rdâk njêng.

ហេឞ្រើ 11:14

Yorlah phung bunuyh lah pônây, tâm mpơl ma khân păng dôl hăn joi du ƀon tơm.

ហេឞ្រើ 11:40

Yorlah Brah Ndu ăn jêh nau ueh lơn ma he, gay ma khân păng mâu dơi tât ma nau ueh rah vah ôh lor ma he.

ហេឞ្រើ 12:22

Ƀiălah khân may hăn dăch jêh ta yôk Siôn, dăch ƀon Brah Ndu rêh, nâm bu ntĭt ƀon Yêrusalem ta klơ trôk, âk rmưn rsen tông mpăr dôl gŭ rƀŭn ma nau maak,

ហេឞ្រើ 13:14

Yorlah ta aơ, he mâu geh ƀon gŭ ƀaƀơ n'ho ro ôh, ƀiălah he dôl joi du ƀon mra tât ma nar kăndơ̆.

ហេឞ្រើ 2:11

Yorlah Nơm ƀư kloh ueh jêh ri phung jêng kloh ueh jêh luh tă bơh du huê Mbơ̆. Yor nau nây, Brah Yêsu mâu bêk prêng ôh kuăl khân păng jêng phung oh nâu,

Nau Tâm Mpơl 21:2

Gâp saơ đŏng ƀon kloh ueh, jêng Yêrusalem mhe, jŭr tă bơh ntŭk Brah Ndu ta klơ trôk, ndrăp nkra jêh nâm bu du huê bu ur mhe nkrơ̆ gŭ kâp sai păng nơm.