ហេឞ្រើ 10:34 - Nau Brah Ndu Ngơi 2023

³⁴ Yorlah khân may geh jêh nau yô̆ nđach ma phung bu nă, jêh ri maak nuih n'hâm dơn ma nau bu sŏk pit in drăp ndơ khân may nơm, yorlah khân may gĭt khân may nơm geh drăp ndơ khlay lơn jêh ri hôm e n'ho ro.

Bunong Bible Latin Script Cambodian dialect

³⁴ Nôk nây khân ay may yô̆ nđach ma mpôl i geh ndrung, jêh ri geh nuih n'hâm răm maak ma nau bu sŏ uih drăp ndơ khân ay may nơm, yorlah khân ay may lĕ gĭt n'hêl jêh geh drăp ndơ ta ƀon ueh ta kalơ jêng drăp ndơ i ueh rlau, jêh ri hôm n'ho ro.

Bunong

³⁴ នោក​នៃ​ខាន់​អៃ​មៃ​យោៈ​នអាច​មា​មពោល​អី​គែស​នទ្រូង ជេសរី​គែស​នូយ្ស​នហ៝ម់​រាម់​មអាក​មា​នាវ​ឞូ​ឆ៝ៈ​អូយ្ស​ទ្រាប់​នទើ​ខាន់​អៃ​មៃ​នើម យ៝រ​លាស​ខាន់​អៃ​មៃ​លែៈ​គឹត​នហេល​ជេស​គែស​ទ្រាប់​នទើ​តា​ប៝ន​អ្វែស​តា​កាលើ​ជេង​ទ្រាប់​នទើ​អី​អ្វែស​រាលាវ ជេសរី​ហោម​នហ៝​រ៝។

ហេឞ្រើ 10:34 Iomraidhean Croise

Nơm Nti 3:6

Geh năng tĭng joi, geh năng ƀư roh; Geh năng prăp tay, geh năng mƀăr lơi;

Mathay 19:21

Brah Yêsu lah: “Tơlah may ŭch dơi nŭm rĭng, hăn hom, tăch lĕ rngôch ndơ may geh jêh ri tâm pă ma phung o ach, ri mơ may mra geh jay ndơ khlay klơ trôk; jêh nây văch hom tĭng Gâp.”

Luka 10:42

ƀiălah knŏng geh du ntil kan săch dơm. H'Mari săch jêh nau ueh jêng nau bu mâu mra dơi pit sŏk bơh păng ôh.”

Luka 12:33

Tăch hom drăp ndơ khân may geh gay ƀư nau yô̆. Joi hom dŭng prăk mâu djơh mâu mŭnh jêh ri jay ndơ khlay mâu hŭch ta klơ trôk, ntŭk bunuyh ntŭng mâu dơi tât, nchiăr mbon mâu ƀư rai păng ôh.

Luka 9:25

Moh nau khlay tơlah du huê bunuyh geh lĕ neh ntu ƀiălah păng nơm roh rai mâu lah ngroh lơi săk păng nơm?

Kôranh Oh Mon 21:33

Kôranh tahan hăn dăch, nhŭp Y-Pôl jêh ri đă bu kât ma bar njăr rse rvăk, jêh ri păng ôp, mbu may jêng jêh ri moh nau may hŏ ƀư.

Kôranh Oh Mon 28:20

Yor nây yơh, gâp dăn tâm mâp jêh ri ngơi đah khân may; yorlah ma nau phung Israel kâp gân, gâp dơn rse rvăk nkông aơ.”

Kôranh Oh Mon 5:41

Pô nây, phung oh mon du luh tă bơh phung Kôranh Phat Dôih, khân păng răm maak yorlah bu kơp khân păng khư dơn nau rêh ni yor amoh Kôranh Brah.

II Kôrintô 5:1

Yorlah he gĭt tơlah ngih njưh he ta neh ntu geh nau rai, he mra geh ngih tâm trôk n'ho ro gŭ ta klơ trôk, tă bơh Brah Ndu ndâk njêng, mâu di tă bơh ti kon bunuyh ôh.

Êphêsô 3:1

Yor nau nây yơh, gâp Y-Pôl, jêng bunuyh gŭ ndrung ma Brah Yêsu Krist, yor khân may jêng phung bu năch.

Êphêsô 4:1

Pôri, jêng du huê bunuyh gŭ ndrung tâm Kôranh Brah, gâp vơh vơl ma khân may gŭ rêh hom du nau rêh tâm di ma nau Brah Ndu kuăl jêh khân may.

Êphêsô 6:20

yor Nau Mhe Mhan Ueh nây, gâp jêng nơm mbơh tâm rse rvăk. Dăn mbơh sơm hom gay ma gâp geh nau janh mbơh Nau Mhe Mhan Ueh nây nâm bu ăn gâp ngơi.

Philip 1:7

Gâp mĭn ma lĕ rngôch khân may kơt nĕ jêng di ngăn, yorlah khân may gŭ tâm nuih n'hâm gâp. Nđâp tơlah bu hôm nkông ma rse rvăk, mâu lah tâm nau n'gang jêh ri nau koh dŏng ma Nau Mhe Mhan Ueh, khân may geh kô̆ tâm nau yô̆ hŏ ăn ma gâp.

Kôlôh 1:5

yorlah nau kâp gân prăp jêh ma khân may ta klơ trôk, nau tâm rnôk ntơm saơm khâm may hŏ tăng jêh tâm nau ngơi ngăn, jêng Nau Mhe Mhan Ueh hŏ văch ta khân may.

I Timôthê 6:19

tâm ban pônây, khân păng prăp nkrem tâm nar kăndơ̆ ma khân păng nơm du mbon nâp gay ma kuăn nanê̆ nau rêh ngăn.

II Timôthê 1:16

Dăn Kôranh Brah yô̆ nđach ma rnăk vâl Y-Ônêsiphor, yorlah păng n'hao nuih jêh gâp âk tơ̆, mâu mâp đit prêng ôh dôl gâp gŭ tâm rse rvăk;

II Timôthê 2:9

Yor ma Nau Mhe Mhan Ueh nây gâp dơn nau rêh ni, kŏ tât nkông rse rvăk nâm bu bunuyh ƀư tih. Ƀiălah nau chroh Brah Ndu mâu geh rse rvăk ôh.

II Timôthê 4:8

Ntơm aƀaơ đon hađăch nau sŏng srăng rơm ndrăp jêh ma gâp; Kôranh Brah jêng kôranh phat dôih sŏng mra ăn đon nây ma gâp tâm nar nây, ƀiălah mâu di knŏng ma gâp ôh ƀiălah nđâp ma phung rŏng ma nau Păng văch.

ហេឞ្រើ 11:16

Ƀiălah khân păng ŭch geh du ƀon tơm ueh lơn, nây jêng ƀon tơm ta klơ trôk, pôri Brah Ndu mâu bêk prêng ôh gay mbơh Păng nơm jêng Brah Ndu khân păng, yorlah Păng ndrăp lor du ƀon ma khân păng.

ហេឞ្រើ 13:14

Yorlah ta aơ, he mâu geh ƀon gŭ ƀaƀơ n'ho ro ôh, ƀiălah he dôl joi du ƀon mra tât ma nar kăndơ̆.

ហេឞ្រើ 13:3

Kah gĭt hom ma phung bu krŭng tâm ban ma khân may nơm bu krŭng ndrel ma khân păng; jêh ri kah gĭt hom ma phung bu ƀư mhĭk, yorlah khân may nơm geh đŏng săk jăn tâm ban ma khân păng.

ហេឞ្រើ 9:15

Yor ma nau nây, Păng jêng Nơm tâm nklang ma nau tâm rnglăp mhe; tă bơh nĕ, phung bunuyh geh jêh nau kuăl dơi sŏk dơn drăp ndơn n'ho ro ton jêh ma khân păng nơm, yorlah Păng khĭt jêh dơi tâm chuai nau tih khân păng hŏ ƀư tih tâm dâng nau tâm rnglăp tal nguay.

Yakơ 1:2

Hơi phung oh nâu gâp, ăn khân may kơp ma nau rlong uănh ăp ntil tât ma khân may tâm ban ma nau răm maak da dê,

I Pêtrôs 1:4

gay dơn du drăp ndơn mâu hôm blau ôm rai, mâu ƀơ̆, mâu blau huănh, prăp jêh tâm trôk ma khân may,

I Yôhan 3:2

Hơi phung gâp rŏng, aƀaơ he jêng kon Brah Ndu; bi mâm nau he mra jêng ê hŏ tâm mpơl ôh. He gĭt tơlah Păng tâm mpơl, he mra tâm ban ma Păng, yorlah he mra saơ Păng nâm bu Păng ơm geh kơt nây.