ហេឞ្រើ 10:10 - Nau Brah Ndu Ngơi 2023

¹⁰ Tĭng nau ŭch mĭn nây, he geh nau kloh ueh ma nau nhhơr săk jăn Brah Yêsu Krist du tơ̆ nây dơm rĭng jêh.

Bunong Bible Latin Script Cambodian dialect

¹⁰ Tâng nuih n'hâm Kôranh Brah nơm ŭch, Brah Krist lĕ nhhơr jêh săk Păng nơm ma jan brah du tơ̆ dơm, mâu hôm ôh jan tay, nau Păng lĕ jêh jan nơh ăn bân jêng ƀon lan Păng nơm, ndri dâng bân mâu khăch ôh jan brah nâng kơt ơm.

Bunong

¹⁰ តឹង​នូយ្ស​នហ៝ម់​កោរាញ​ឞ្រាស​នើម​អុច ឞ្រាស​ក្រីស  ​លែៈ​ញហើរ​ជេស​ឆាក់​ពាង់​នើម​មា​ជាន​ឞ្រាស​ទូ​តឹ​ទើម មោ​ហោម​អោស​ជាន​តៃ នាវ​ពាង់​លែៈ​ជេស​ជាន​នើស​អ៝ន់​ឞ៝ន់​ជេង​ប៝ន​លាន​ពាង់​នើម នទ្រី​ទឹង​ឞ៝ន់​មោ​ខាច់​អោស​ជាន​ឞ្រាស​នឹង​កើត​អើម។

ហេឞ្រើ 10:10 Iomraidhean Croise

Sakari 13:1

Ta nar nây, mra geh du n'hor dak pơk ma ngih Y-Đavit jêh ri phung gŭ tâm ƀon Yêrusalem, gay ƀư kloh nau tih jêh ri nau ƀơ̆ ƀơch.

Yôhan 17:19

Kon jao săk Kon ma khân păng, gay ma khân păng geh nau kloh ueh tâm nau ngăn.

Yôhan 19:34

Ƀiălah geh du huê tahan sŏk tak ntâp ta pŭng vĕ Brah Yêsu, mham jêh ri dak luh hoch ro.

Yôhan 6:51

Gâp jêng piăng let nau rêh jŭr tă bơh trôk; tơlah mbu nơm sa piăng let nây mra rêh n'ho ro. Piăng let Gâp ăn nây jêng nglay săk Gâp nơm ŭch ăn nau rêh ma neh ntu.”

I Kôrintô 1:30

Yor ma Păng khân may gŭ jêh tâm Yêsu Krist, Nơm Brah Ndu hŏ njêng nau blau mĭn, nau sŏng srăng, nau kloh ueh, jêh ri nau tâm chuai ma he;

I Kôrintô 6:11

Nôk alor tâm khân may geh ƀaƀă bunuyh tâm ban pônây. Ƀiălah tâm amoh Kôranh Brah jêng Brah Yêsu Krist jêh ri tâm Brah Huêng Ueh Brah Ndu he, khân may geh nau ƀư kloh, nau ƀư kloh ueh jêh ri dơi kơp sŏng srăng.

Êphêsô 5:2

Hăn hom tâm nau rŏng nâm bu Brah Krist rŏng jêh ma he, Păng jao săk jăn Păng yor he, nâm bu du ndơ nhhơr jêh ri mpa ƀư brah n'hôl ƀâu kah nhhơr ma Brah Ndu.

Êphêsô 5:26

gay ƀư kloh ueh Phung Ngih Brah Ndu jêh dŏng dak jêh ri nau ngơi Păng ƀư kloh Phung Ngih Brah Ndu,

ហេឞ្រើ 10:12

Ƀiălah Brah Krist yor nau tih nhhơr jêh ƀư brah chuai nau tih knŏng du tơ̆ jêh ri n'ho ro, jêh nây gŭ mpeh pa ma Brah Ndu;

ហេឞ្រើ 10:14

Yorlah bơh du mpa ƀư brah knŏng nguay, Păng ƀư ma phung bunuyh geh nau kloh ueh jêng dŭt ueh ngăn mro mrăng.

ហេឞ្រើ 10:20

ma trong mhe jêh ri rêh Păng pơk jêh ma he rgăn bok nching, nâm bu ntĭt rgăn nglay săk Păng nơm;

ហេឞ្រើ 10:29

Rlau lơn ma phung jot plên Kon Brah Ndu, mưch rmot mham nau tâm rnglăp, nâm bu ntĭt mham ƀư kloh ueh jêh khân păng nơm, jêh ri hôm ngơi djơh ma Brah Huêng Ueh nau yô̆, pôri khân may mĭn bunuyh nây mâu khư geh nau rmal jâk jêr rlau lơn lĕ ƀơh?

ហេឞ្រើ 10:5

Yor nây, tơlah Brah Krist lăp tâm neh ntu, Păng lah pô aơ: “Kôranh Brah mâu ŭch ôh mpa ƀư brah, mâu đŏng ŭch ndơ nhhơr, Ƀiălah Kôranh Brah ndrăp lor jêh du săk jăn ma gâp.

ហេឞ្រើ 13:12

Yor nau nây, Brah Yêsu dơn nau rêh ni padih mpông ƀon gay sŏk mham Păng nơm ƀư kloh ueh ma phung ƀon lan.

ហេឞ្រើ 2:11

Yorlah Nơm ƀư kloh ueh jêh ri phung jêng kloh ueh jêh luh tă bơh du huê Mbơ̆. Yor nau nây, Brah Yêsu mâu bêk prêng ôh kuăl khân păng jêng phung oh nâu,

ហេឞ្រើ 2:14

Yorlah phung kon geh mham jêh ri nglay săk ndrel, pôri Brah Yêsu yơh geh mham jêh ri nglay săk ndrel tâm ban ma khân păng, gay ma tâm nau khĭt, Păng ƀư rai nơm chiă uănh nau khĭt jêng phung brah mhĭk,

ហេឞ្រើ 5:7

Dôl hôm gŭ rêh tâm nglay săk, Brah Yêsu nter ktang tâm nau mbơh sơm jêh ri vơh vơl bêng dak măt, ma Nơm geh nau dơi tâm rklaih Păng nơm bơh nau khĭt; jêh ri yor nau Păng blau klach yơk, Păng geh nau bu dơn.

ហេឞ្រើ 7:27

Păng mâu tâm ban ma phung kôranh ƀư brah toyh êng, Păng mâu hôm nhhơr mpa ƀư brah ăp nar, lor lơn ma nau tih khân păng nơm, jêh ri ma nau tih phung ƀon lan. Păng nhhơr Păng nơm jêng mpa ƀư brah knŏng du tơ̆ rĭng jêh.

ហេឞ្រើ 9:12

Păng lăp jêh tâm Ntŭk Dŭt Kloh Ueh du tơ̆ rĭng jêh, mâu dŏng ma mham be nkuăng jêh ri kon ndrôk ôh, ƀiălah dŏng ma mham Păng nơm gay djôt leo tât nau tâm chuai n'ho ro ma he.

ហេឞ្រើ 9:14

rlau lơn ma nĕ mham Brah Krist, jêng Nơm rnơm Brah Huêng Ueh n'ho ro, nhhơr Păng nơm mâu geh têl khap ma Brah Ndu, mra ƀư kloh nuih n'hâm sŏng khân may bơh kan khĭt, gay pah kan ma Brah Ndu gŭ rêh mro mrăng âk tơ̆ rlau lơn!

ហេឞ្រើ 9:26

Yorlah pônây, bơh ntơm rhăk njêng neh ntu kŏ tât nar aơ, Păng dơn jêh nau rêh ni âk tơ̆. Ƀiălah aƀaơ, Păng tâm mpơl jêh knŏng du tơ̆ rĭng jêh tâm nglĕ dŭt tâm lĕ rnôk rô̆ gay nhhơr Păng nơm ƀư mpa ƀư brah sŏk lơi nau tih.

ហេឞ្រើ 9:28

Tâm ban lĕ, Brah Krist nhhơr jêh Păng nơm knŏng du tơ̆, gay lâm lơi nau tih âk bunuyh; Păng mra tâm mpơl tal bar, mâu di gay sŏk lơi nau tih đŏng ôh, ƀiălah gay ăn nau tâm rklaih ma phung gŭ kâp Păng.

I Pêtrôs 2:24

Păng djôt nau tih he tâm săk jăn Păng ta klơ tơm si, gay ma he khĭt jêh đah nau tih jêh ri gŭ rêh ma nau sŏng srăng; tă bơh lĕ sôt rmanh Păng, khân may geh nau ƀư bah jêh.

I Pêtrôs 3:18

Brah Krist hŏ yor ma nau tih, khĭt du tơ̆ rĭng jêh, jêng Nơm sŏng srăng tâm tang an ma phung mâu sŏng srăng, gay ma njŭn leo he văch ma Brah Ndu; bu nkhĭt jêh Păng tâm nglay săk, ƀiălah tâm huêng Păng dâk rêh jêh;

I Yôhan 5:6

Brah Yêsu Krist jêng Nơm văch jêh ma dak jêh ri ma mham, mâu di knŏng ma dak ôh, ƀiălah dak nđâp ma mham.