ហេឞ្រើ 1:2 - Nau Brah Ndu Ngơi 2023

² Ƀiălah tâm lĕ nar dăch dŭt aơ, Păng ntĭm nti jêh ma he bơh Kon Păng Nơm, jêng Kon Păng hŏ rdâk jêh jêng Nơm dơn lĕ rngôch ndơ; tâm Kon nây đŏng, Păng rhăk njêng jêh trôk neh ntu.

Bunong Bible Latin Script Cambodian dialect

² Yơn ma ta rnôk n'glĕ dŭt aƀaơ dja, Kôranh Brah ngơi ma bân tâng ma Kon Bu Klô Păng nơm. Bơh ntơm nơh Păng ăn Kon Păng nơm rhăk njêng dâng lĕ ndơ nơh, jêh ri Păng lĕ kơih jêh Kon Păng nơm đŏng, gay ma jao dâng lĕ rngôch ndơ ăn ma Păng mât uănh n'ho ro.

Bunong

² យើន​មា​តា​រានោក​ងគ្លែៈ​ទុត​អាបៃ​អ្យា កោរាញ​ឞ្រាស​ងើយ​មា​ឞ៝ន់​តឹង​មា​ក៝ន​ឞូ​ក្លោ​ពាង់​នើម។ ឞើស​នតើម​នើស​ពាង់​អ៝ន់​ក៝ន​ពាង់​នើម​រាហាក់​ញជេង​ទឹង​លែៈ​នទើ​នើស ជេសរី​ពាង់​លែៈ​កើយ្ស​ជេស​ក៝ន​ពាង់​នើម​ដ៝ង់ គៃ​មា​ជាវ​ទឹង​លែៈ​រាងោច​នទើ​អ៝ន់​មា​ពាង់​ម៝ត់​អ្វាញ់​នហ៝​រ៝។

ហេឞ្រើ 1:2 Iomraidhean Croise

Nau Ntơm 49:1

Y-Yakôb kuăl phung kon bu klâu păng jêh ri lah: “Rgum ndrel hom ta aơ, gâp mra lah dĭng lĕ nau mra tât ma phung khân may tâm rnôk kăndơ̆.

Êsai 2:2

Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ lĕ gôl yôk, Prêh lơn ma lĕ rngôch yôk. Lĕ rngôch bri dak mra hăn plơ̆ sĭt ta nây,

Êsai 44:24

Brah Yêhôva jêng Nơm tâm chuai may, Nơm hŏ njêng may tâm ndŭl me, lah kơt aơ: “Gâp jêng Brah Yêhôva, Nơm njêng jêh lĕ rngôch ndơ, Du huê Gâp nơm hŏ ling lĕ ndâr trôk Jêh ri lăk jêh neh ntu — Mbu nơm gŭ ndrel Gâp? —

Êsai 45:12

Gâp yơh hŏ njêng rplay neh, Jêh ri rhăk njêng jêh bunuyh ta klơ păng. Gâp nơm yơh ling jêh lĕ ndâr trôk, Jêh ri ntrŭnh nau ntăm ma lĕ rngôch phung mănh mbing.

Êsai 45:18

Yorlah Brah Yêhôva jêng Nơm hŏ rhăk njêng lĕ ndâr trôk, Jêng Brah Ndu, Nơm hŏ rhăk njêng rplay neh, Păng njêng jêh ri ƀư ăn nâp, Păng mâu rhăk ăn jêng ntŭk hŏng ôh, Ƀiălah njêng păng ăn ntŭk kon bunuyh gŭ. Nơm nây lah pô aơ: “Gâp jêng Brah Yêhôva, mâu hôm geh Nơm êng ôh!”

Yêrêmi 30:24

Nau ji nuih gring gring Brah Yêhôva hâu ngăn mâu mra djoh ôh Kŏ tât Păng ƀư jêh ri ăn jêh Lĕ nau ŭch mĭn tâm nuih n'hâm Păng. Tâm nar nglĕ dŭt, Khân may gĭt rbăng nau nây.

Yêrêmi 48:47

Ƀiălah, tât ta nar nglĕ dŭt, Gâp mra ƀư ma ƀon lan Môap plơ̆ jêng ndrŏng tay,” Brah Yêhôva lah pônây. Nau phat dôih ma bri Môap lôch nglĕ aơ dơm.

Êsêkiêl 38:16

Hơi Y-Gôk! May mra hăn tât lơh ƀon lan Israel Gâp nâm bu du ndâr tŭk nkŭm lĕ bri. N'hêl nanê̆, tâm rnôk nglĕ dŭt, Gâp mra ăn may lơh bri Gâp gay ma phung mpôl băl bunuyh uănh gĭt năl Gâp tơlah Gâp dŏng may gay mpơl nau kloh ueh Gâp tanăp măt khân păng.’

Daniel 10:14

Aƀaơ, gâp văch gay ăn may gĭt rbăng nau mra tât ma phung ƀon lan may tâm nar nglĕ dŭt, yorlah aơ jêng nau tâm saơ di ma lĕ nar dăch tât.”

Daniel 2:28

Ƀiălah Brah Ndu klơ trôk jêng Nơm tâm mpơl nau ndâp, mra ăn ma hađăch Nêbukatnetsar gĭt lĕ nau mra tât tâm rnôk nglĕ dŭt. Aơ jêng nau mbơi jêh ri lĕ nau tâm saơ tât nau mĭn may dôl may bê̆ch ta klơ sưng bê̆ch:

Ndrom Samƀŭt bơh Ôsê 3:5

Ƀiălah jêh nây, phung ƀon lan Israel plơ̆ joi tay Brah Yêhôva Brah Ndu khân păng jêh ri Y-Đavit hađăch khân păng. Tâm nar nglĕ dŭt, khân păng mra klach râm sâr plơ̆ sĭt ma Brah Yêhôva jêh ri dơi geh nau ueh lăng Păng ăn.

Mika 4:1

Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ yôk prêh lơn, Jêh ri mra dơi n'hao prêh lơn ma lĕ gôl yôk. Lĕ mpôl băl bunuyh mra hăn plơ̆ sĭt ta nây.

Nau Kơp Bunuyh 24:14

Aơ, aƀaơ gâp plơ̆ sĭt ma phung ƀon lan gâp nơm. Ƀiălah văch hom, gâp mra mbơh ma may gĭt moh nau phung ƀon lan aơ mra ƀư ma phung ƀon lan may tâm lĕ nar kăndơ̆.”

Mathay 13:39

nơm rlăng srih grăp gơ̆ mhĭk jêng brah mhĭk; yan rek jêng nar lôch neh ntu; phung rek jêng phung tông mpăr.

Mathay 17:5

Dôl Y-Pêtrôs ngơi, geh du ndâr tŭk ang ral hâu ngăn nkŭm khân păng; jêh ri tă bơh tŭk geh bâr ngơi pô aơ: “Aơ jêng Kon Gâp rŏng ngăn ngên, tâm Păng Gâp geh nau maak ngăn; iăt hom nau Păng!”

Mathay 21:38

Ƀiălah tơlah phung tăm krăk ƀâu saơ kon bu klâu păng, phung nây tâm nchră ndrăng khân păng nơm: ‘Aơ jêng nơm ndơn drăp. Kay lŏng, nkhĭt lơi hom păng jêh ri sŏk drăp ndơ păng.’

Mathay 26:63

Ƀiălah Brah Yêsu ăt gŭ rklăk. Kôranh ƀư brah toyh lơn lah ma păng: “Gâp đă may tâm amoh Brah Ndu gŭ rêh mro mrăng ma nau sơm ton jêh ri lah ma hên gĭt, di lĕ may jêng Brah Krist, Kon Brah Ndu?”

Mathay 28:18

Brah Yêsu hăn tât jêh ri lah ma khân păng pô aơ: “Lĕ rngôch nau dơi ta klơ trôk jêh ri ta neh ntu hŏ jao jêh ma Gâp.

Mathay 3:17

Aơ, geh bâr ngơi tă bơh trôk lah: “Aơ jêng Kon Gâp rŏng ngăn ngên, tâm Păng Gâp geh nau maak ngăn.”

Markôs 1:1

Nau ntơm ma Nau Mhe Mhan Ueh ma Brah Yêsu Krist, Kon Brah Ndu.

Markôs 12:6

Kôranh mir hôm geh du huê êng, nây jêng kon bu klâu kon dul Păng rŏng ngăn ngên. Dăch dŭt, păng prơh kon păng nơm hăn, jêh ri mĭn êng pô aơ: ‘Khân păng mra yơk chrê ma kon bu klâu gâp!’

Markôs 12:7

Ƀiălah phung bunuyh kan nkhôm tâm mir krăk ƀâu tâm nchră ndrăng khân păng nơm: ‘Aơ jêng nơm ndơn drăp. Kay lŏng, nkhĭt lơi hom păng, jêh ri drăp ndơ păng mra jêng ndơ ma he.’

Yôhan 1:10

Nau Ngơi gŭ tâm neh ntu jêh ri neh ntu hŏ njêng jêh tă bơh Păng, ƀiălah neh ntu mâu gĭt năl Păng ôh.

Yôhan 1:14

Nau Ngơi hŏ plăch jêng săk jăn bunuyh, gŭ rêh ta nklang he, bêng ma nau yô̆ jêh ri nau ngăn. Phung he hŏ saơ jêh nau chrêk rmah Păng, nanê̆ ngăn jêng nau chrêk rmah Kon Dul văch tă bơh Mbơ̆ Păng.

Yôhan 1:3

Lĕ rngôch ntil ndơ Păng rhăk njêng da dê, mâu geh ôh du ntil ndơ dơi rhăk njêng lah mâu tă bơh Păng.

Yôhan 13:3

Brah Yêsu gĭt jêh Mbơ̆ ăn lĕ rngôch ndơ tâm ti Păng, jêh ri Păng văch tă bơh Brah Ndu, jêh ri bơi plơ̆ sĭt đŏng ma Brah Ndu,

Yôhan 13:32

Lah Brah Ndu geh nau tâm rnê ta Kon Bunuyh, Brah ndu mra tâm rnê đŏng Kon Bunuyh tâm Păng nơm, jêh ri mra tâm rnê ro.

Yôhan 15:15

Gâp mâu hôm kuăl khân may jêng oh mon ôh, yorlah oh mon mâu gĭt ôh moh nau kôranh păng ƀư. Ƀiălah Gâp kuăl khân may băl Gâp nơm, yorlah Gâp hŏ mpơl jêh ma khân may gĭt lĕ rngôch lĕ nau Gâp hŏ tăng jêh tă bơh Mbơ̆ Gâp.

Yôhan 16:15

Lĕ rngôch ntil ndơ Mbơ̆ geh jêng ndơ Gâp da dê, yor ri Gâp lah jêh, Păng mra sŏk lĕ nau Gâp gay mbơh ma khân may.”

Yôhan 17:2

Yorlah Mbơ̆ hŏ ăn jêh ma Kon nau dơi lơn lĕ rngôch nglay săk, gay ăn nau rêh n'ho ro ma lĕ rngôch đơ phung Mbơ̆ ăn jêh ma Kon.

Yôhan 3:16

Yorlah Brah Ndu rŏng hâu ngăn ma neh ntu kŏ tât Păng ăn Kon Dul Păng nơm, gay ăn ma mbu nơm chroh ma Kon Păng nây, mâu rai yot ôh, ƀiălah geh nau rêh n'ho ro.

Yôhan 3:25

Nôk nây, geh nau tâm rlăch ma nau rƀŭn ƀư kloh ta nklang phung oh mon Y-Yôhan jêh ri du huê bunuyh Yuđa.

Yôhan 5:26

Yorlah nâm bu Mbơ̆ geh nau rêh tâm Păng nơm, pôri Mbơ̆ ăn đŏng ma Kon nau rêh tâm Păng nơm kơt nây lĕ.

Yôhan 5:27

Mbơ̆ hŏ ăn jêh nau dơi ƀư nau phat dôih ma Kon, yorlah Kon jêng Kon Bunuyh.

Yôhan 9:29

Hên gĭt Brah Ndu hŏ ngơi jêh đah Y-Môis, ƀiălah bi bunuyh aơ hên mâu gĭt mbah tă păng tât?”

Kôranh Oh Mon 10:36

Brah Ndu hŏ njuăl nau ngơi tât ma phung kon Israel, mbơh nkoch ma Nau Mhe Mhan Ueh đăp mpăn tă bơh Brah Yêsu Krist, jêng Kôranh Brah ma lĕ rngôch bunuyh.

Kôranh Oh Mon 2:17

‘Brah Ndu lah: tâm lĕ nar nglĕ dŭt, Gâp mra nkhŭt Brah Huêng Ueh Gâp ta klơ lĕ rngôch nglay săk; Phung kon bu ur jêh ri phung bu klâu khân may mra mbơh lor, Phung bu klâu ndăm mra saơ nau tâm saơ, Jêh ri phung bu ranh mra saơ nau mbơi.

Samƀŭt Pôl Njuăl Ăn Ma Phung Nsing Ta Ƀon Rôm 1:4

tâm nau brah huêng kloh ueh, yorlah Păng dâk rêh tay jêh tă bơh nau khĭt, dơi mbơh nkoch jêng Kon Brah Ndu nau brah, jêng Brah Yêsu Krist Kôranh Brah he.

Samƀŭt Pôl Njuăl Ăn Ma Phung Nsing Ta Ƀon Rôm 8:17

Tơlah he jêng phung kon ăt jêng phung ndơn drăp, ndrel jêng phung ndơn drăp Brah Ndu, ndrel jêng phung ndơn drăp ndrel ma Brah Krist; tơlah n'hêl nanê̆ ngăn he dơn nau rêh ni ndrel ma Păng, he mra geh nau chrêk rmah ndrel ma Păng.

I Kôrintô 2:7

Ƀiălah hên mbơh nkoch ma nau blau mĭn, nau khlay ndâp jêh ri pôn ndâp tâm Brah Ndu, jêng lĕ nau Brah Ndu tâm nal jêh bơh lor lĕ rngôch rnôk ma nau chrêk rmah he.

I Kôrintô 8:6

ƀiălah ma phung he, knŏng geh du huê Brah Ndu jêng Mbơ̆, Nơm rhăk njêng lĕ rngôch ndơ, jêh ri he rêh yor ma Păng; geh đŏng knŏng du huê Kôranh Brah jêng Brah Yêsu Krist, lĕ rngôch ndơ geh yor tă bơh Păng, phung he gŭ rêh yor ma tă bơh Păng đŏng.

Galati 4:4

Ƀiălah tơlah tât nar tâm nal, Brah Ndu njuăl Kon Păng tât, tă bơh ma du huê bu ur deh, deh luh tâm dâng nau vay,

Êphêsô 1:10

gay tât nôk bêng rĭng, rgum lĕ rngôch ndơ tâm Brah Krist, nđâp ndơ klơ trôk jêh ri ndơ tâm neh ntu.

Êphêsô 3:9

jêh ri mpơl ma lĕ rngôch bunuyh saơ nau dăp ndâp hŏ pôn tâm lĕ rngôch rnôk rô̆ tâm Brah Ndu, Nơm rhăk njêng lĕ rngôch ndơ.

Nau Vay Nkah Tay 18:15

“Tă bơh tâm phung ƀon lan khân may, Yêhôva Brah Ndu mra n'hao du huê nơm mbơh lor tâm ban ma gâp. Ăn khân may iăt nau ngơi nơm mbơh lor nây.

Nau Vay Nkah Tay 31:29

Yorlah gâp gĭt pô aơ lah jêh gâp khĭt, n'hêl nanê̆ khân may mra ƀư nau tih mhĭk, mra teng bơh trong gâp ntĭnh jêh ma khân may. Tâm rnôk kăndơ̆, ăn nau mhĭk mra tât ma khân may, yorlah khân may mra ƀư nau mhĭk tanăp măt Brah Yêhôva, lŏk nsônh nau ji nuih Păng ma nau kan ti khân may ƀư.”

Nau Vay Nkah Tay 4:30

Lah khân may gŭ tâm nau rêh ni, jêh ri lah lĕ rngôch nau aơ mra tât jêh ma khân may, tâm nar nglĕ dŭt, khân may mra plơ̆ tay ma Yêhôva Brah Ndu khân may jêh ri tông bâr Păng.

ហេឞ្រើ 1:5

Yorlah ndah jŏ Brah Ndu hŏ lah jêh ma du huê tông mpăr pô aơ: “May jêng Kon Gâp, Gâp hŏ deh jêh ma may tâm nar aơ”? Mâu lah ndah jŏ geh lah: “Gâp mra jêng Mbơ̆ păng, Păng mra jêng Kon Gâp?”

ហេឞ្រើ 1:8

Ƀiălah lah ma Kon geh nau lah: “Ơ Brah Ndu, sưng hađăch May hôm ƀaƀơ n'ho ro, Nau dơi ƀon bri hađăch Kôranh Brah jêng nau dơi sŏng.

ហេឞ្រើ 11:3

Yor ma nau chroh, he gĭt rbăng Brah Ndu rhăk njêng neh ntu aơ ma nau Păng ngơi, kŏ tât lĕ ndơ bu saơ hŏ njêng jêh bơh lĕ ndơ bu mâu saơ.

ហេឞ្រើ 2:3

mâm ƀư he dơi klaih đah nau tâm rmal tơlah he uănh mâu khlay ma nau tâm rklaih toyh ngăn? Nây jêng nau tâm rklaih Kôranh Brah mbơh jêh ntơm saơm, jêh phung bunuyh tăng jêh mbơh nau nây jêng ngăn ma he.

ហេឞ្រើ 3:6

Ƀiălah Brah Krist gŭ răp jăp tâm ban ma kon bu klâu mât uănh ma ngih Brah Ndu. He jêng ngih ma Păng, knŏng tơlah he djôt nâp nau rnơm nsing jêh ri tâm rnê êng tâm nau he kâp gân kŏ tât nglĕ dŭt.

ហេឞ្រើ 4:14

Yor nây, yorlah he geh du huê kôranh ƀư brah toyh lơn găn jêh lĕ ndâr trôk jêng Brah Yêsu, Kon Brah Ndu, pôri djôt nâp hom lĕ nau he mbơh.

ហេឞ្រើ 5:8

Nđâp tơlah Păng jêng Kon, Păng nti jêh nau tông bâr ma lĕ nau rêh ni Păng dơn jêh;

ហេឞ្រើ 7:28

Yorlah nau vay njêng phung bunuyh rdja jêng kôranh ƀư brah toyh; ƀiălah nau ton geh jêh pakơi ma nau vay njêng Kon, jêng Nơm geh nau rah vah n'ho ro.

ហេឞ្រើ 7:3

Păng mâu geh mbơ̆, mâu geh mê̆, mâu geh noi deh, mâu geh nar deh, mâu đŏng geh nar khĭt, ƀiălah nâm bu Kon Brah Ndu, jêng kôranh ƀư brah n'ho ro.

ហេឞ្រើ 9:26

Yorlah pônây, bơh ntơm rhăk njêng neh ntu kŏ tât nar aơ, Păng dơn jêh nau rêh ni âk tơ̆. Ƀiălah aƀaơ, Păng tâm mpơl jêh knŏng du tơ̆ rĭng jêh tâm nglĕ dŭt tâm lĕ rnôk rô̆ gay nhhơr Păng nơm ƀư mpa ƀư brah sŏk lơi nau tih.

I Pêtrôs 1:20

tâm nal jêh êlor rhăk njêng trôk neh ntu, ƀiălah tâm mpơl tâm rnôk nglĕ dŭt aơ yorlah khân may.

II Pêtrôs 3:3

Lor lơn, ăn khân may gĭt nau aơ: Tâm lĕ nar nglĕ dŭt, phung mưch mra văch ma nau ngơi srơh mbơh bir, gŭ rêh tĭng nau kơnh ŭch khân păng nơm.

Yuđas 1:18

Khân păng lah jêh ma oh nâu: “Tâm rnôk nglĕ dŭt mra geh phung mưch rmot, nchuăt tĭng nâm lĕ nau kơnh ŭch mâu blau yơk khân păng nơm.”