Habakuk 1:4 - Nau Brah Ndu Ngơi 2023

⁴ Yor nây, nau vay mâu hôm chrê ôh, Nau di mâu ŭch ƀư ôh. Phung janh ƀai nchueng bunuyh sŏng srăng, Yor ri nau di geh nau kue.

Habakuk 1:4 Iomraidhean Croise

I Phung Hađăch 21:13

Nôk nây, bar hê phung mhĭk văch gŭ panăp Y-Nabôt. Bar hê phung mhĭk nây phong mƀruh ma Y-Nabôt panăp phung ƀon lan pô aơ: “Y-Nabôt rak rtăp jêh ma Brah Ndu jêh ri ma hađăch.” Jêh nây khân păng njŭn leo păng luh padih ƀon jêh ri klŭp păng ma lŭ kŏ tât khĭt.

Ndrom Samƀŭt bơh Yôp 21:7

Mâm ƀư phung djơh mhĭk hôm rêh tât ranh, Lơ ranh lơ ma hao geh jêng?

Nau Mprơ Ơm 11:3

Tơlah lĕ mbon rlâm jêh, Mâm bunuyh sŏng srăng mra ƀư?”

Nau Mprơ Ơm 119:126

Tât jêh mông Brah Yêhôva pah kan, Yorlah kon bunuyh hŏ rlau jêh nau vay May.

Nau Mprơ Ơm 22:12

Geh âk ndrôk nkuăng nchueng jŭm gâp. Lĕ ndrôk nkuăng lay ktang tă bơh Basan nchueng jŭm gâp.

Nau Mprơ Ơm 22:16

Yorlah phung so gŭ jŭm gâp, Du phung janh ƀai nchueng jŭm gâp; Khân păng ntâp bluh ti jêh ri jâng gâp.

Nau Mprơ Ơm 59:2

Tâm rklaih gâp bơh phung ƀư mhĭk, Jêh ri bơh phung ji hir mham.

Nau Mprơ Ơm 59:4

Khân păng nchuăt văch tâm lơh nđâp lah gâp mâu geh nau tih. Dăn May kah rngăl hom gay kơl gâp jêh ri uănh ntreng gâp.

Nau Mprơ Ơm 94:3

Ơ Brah Yêhôva, phung mhĭk geh nau maak mro Ndah nâm jŏ gơm maak?

Nau Ngluh Êjipt 23:2

Lơi ta may tĭng ôh phung âk gay ƀư nau djơh mhĭk. Lah ƀư nơm mbơh nau tâm phong bu, lơi may gŭ ôh mpeh phung âk gay ma nsak lơi nau di.

Nau Ngluh Êjipt 23:6

Lơi may nsak nau di tâm lĕ nau dôih bơh bunuyh o ach.

Êsai 5:20

Rêh ni ngăn ma phung rnha ntơ nau mhĭk jêng ueh, Lah nau ueh jêng mhĭk; Sŏk nau ngo jêng nau ang, Sŏk nau ang jêng nau ngo; Sŏk nau tăng jêng nau njŭng, Sŏk nau njŭng jêng nau tăng.

Êsai 59:12

“Yorlah tanăp măt Kôranh Brah, nau hên ƀư tih dŭt âk, Nau tih hên mbơh nau tâm rdâng đah hên. Yorlah nau hên ƀư tih hôm gŭ tâm hên Jêh ri hên gĭt năl nau mhĭk hên.

Yêrêmi 12:1

Ơ Brah Yêhôva, May sŏng srăng mro Ăp tơ̆ gâp ngơi tâm rlăch nchră đah May; Nđâp pônây, gâp dăn ôp May ma nau phat dôih. Mâm ƀư trong phung ƀai geh nau ndrŏng ktang mro? Mâm ƀư phung gŭ rêh ndơm geh nau mpăn rlêk?

Yêrêmi 12:6

Phung oh nâu may nơm jêh ri ngih mbơ̆ may Ăt rdâng đah may, Khân păng lŭng nter pakơi may. Nđâp lah khân păng ngơi ueh đah may, May lơi ta rnơm ôh ma khân păng.

Yêrêmi 26:8

Dôl Y-Yêrêmi ngơi lĕ jêh nau Brah Yêhôva ntăm ma păng mra mbơh ăn ma lĕ rngôch phung ƀon lan, pôri phung kôranh ƀư brah, phung mbơh lor, jêh ri lĕ rngôch phung ƀon lan nhŭp rdâng păng da dê jêh ri lah: “Nanê̆ may mra khĭt!

Yêrêmi 8:7

Nđâp sĭm njơch dak mpăr klơ trôk Hôm gĭt yan trơn ntŭk; Sĭm ntơp, sĭm rlêng, sĭm klang kreo, Hôm kah gĭt yan plơ̆ sĭt; Ƀiălah phung ƀon lan Gâp mâu gĭt ôh Nau Brah Yêhôva phat dôih!

Êsêkiêl 9:9

Păng lah ma gâp pô aơ: “Nau tih mhĭk ngih Israel jêh ri Yuđa hŏ toyh hâu ngăn. Bri neh bêng ma nau pling mham, tâm ƀon bêng nau mâu sŏng yorlah khân păng lah pô aơ: ‘Brah Yêhôva hŏ chalơi jêh bri neh aơ, Brah Yêhôva mâu saơ ôh.’

Ndrom Samƀŭt bơh Ôsê 10:4

Khân păng ngơi lĕ nau hŏng dơm Jêh ri ton mƀruh tơlah ƀư nau tâm rnglăp; Yor ri lĕ nau tâm rlăch mra bĭk rơ̆ nâm bu gơ̆ mhĭk geh kăch Tâm lĕ mbor kai tâm lŏ.

Amôt 5:12

Yorlah Gâp gĭt nau ƀư tih khân may âk ir, Nau tih khân may mâu hôm dơi kơp; Khân may tŭn jot phung sŏng srăng, Dơn sŏk drăp bu blŏl, Jêh ri mâu koh dŏng nau di ma phung o ach tâm ntŭk mpông ƀon.

Amôt 5:7

Khân may rgâl nau sŏng luh jêng nau tăng Jêh ri mƀăr nau sŏng srăng ta neh!

Markôs 7:9

Păng lah đŏng ma khân păng: “Khân may blau ngăn chalơi jêh nau vay Brah Ndu ntăm, gay djôt prăp tĭng kơt nau vay ơm khân may nơm!

Kôranh Oh Mon 7:52

Mbu tâm phung nơm mbơh lor, dĭng phung chô yau khân may mâu ƀư mhĭk? Khân păng nkhĭt jêh phung ngơi nau mbơh lor ma Nơm Sŏng mra văch, jêng Nơm aƀaơ aơ khân may rlăng jêh ri nkhĭt lơi jêh.

Kôranh Oh Mon 7:59

Dôl khân păng klŭp lŭ, Y-Êtiên mbơh sơm pô aơ: “Ơ Kôranh Brah jêng Brah Yêsu, dăn sŏk dơn huêng gâp.”

Samƀŭt Pôl Njuăl Ăn Ma Phung Nsing Ta Ƀon Rôm 3:31

Pôri, he yor nau chroh he mƀăr lơi nau vay lĕ? Mâu mâp tâm ban pônây! Ƀiălah, he ƀư ăn nâp ngăn ngên nau vay.

Nau Vay Nkah Tay 16:19

Khân may mâu dơi ôh ƀư tih đah nau di, mâu gŭ nding, mâu dơn ôh drăp bu blŏl, yorlah drăp bu blŏl mra ƀư chieh măt phung blau mĭn jêh ri nsak nau ngơi bơh phung nơm sŏng srăng.