Galati 6:1 - Nau Brah Ndu Ngơi 2023

¹ Hơi oh nâu, tơlah geh du huê rhuh tâm nau tih, khân may jêng phung hăn tĭng nâm Brah Huêng Ueh, sŏk hom nuih n'hâm rdơ̆ rbăn gay nkra khân păng. Ăn khân may nơm blau njrăng, klach lah geh nau ndơm tât ma khân may tâm ban lĕ.

Bunong Bible Latin Script Cambodian dialect

¹ Ơ oh nô ta nau nsing, lah geh du huê bunuyh i bu ban dôl jan ndơ djơh, bu moh i geh Brah Huêng Ueh gŭ, ăn dăp nkra bunuyh i nây ma nuih n'hâm mleh. Yơn ma njrăng săk păng nơm, klach lah geh nau ndơm kơt bunuyh i nây đŏng.

Bunong

¹ អើ​អ៝ស​នោ​តា​នាវ​ញឆីង លាស​គែស​ទូ​ហ្វេ​ឞូនុយ្ស​អី​ឞូ​ឞាន​ទោល​ជាន​នទើ​អ្យើស ឞូ​ម៝ស​អី​គែស​ឞ្រាស​ហ្វេង​អ្វែស​គុ អ៝ន់​ទាប់​ងក្រា​ឞូនុយ្ស​អី​នៃ​មា​នូយ្ស​នហ៝ម់​មលែស។ យើន​មា​ញជ្រាង់​ឆាក់​ពាង់​នើម ក្លាច​លាស​គែស​នាវ​នទើម​កើត​ឞូនុយ្ស​អី​នៃ​ដ៝ង់។

Galati 6:1 Iomraidhean Croise

II Samuel 11:2

Du mhaơ ri, Y-Đavit dâk tă bơh sưng bê̆ch păng nơm jêh ri hăn nsong pâl klơ chor ntŭk ngih hađăch. Ntơm bơh chor ngih nây, hađăch saơ du huê bu ur ueh ngăn dôl gŭ ŭm.

Nau Mprơ Ơm 141:5

Ăn nơm sŏng srăng lơh gâp yor nuih n'hâm ueh, Jêh ri nau nduyh nkra khân păng jêng nâm bu dak ngi dŭt ueh ta klơ bôk gâp, Bôk gâp mâu mra dun ma nau nây ôh. Ƀiălah tâm nôk phung mhĭk ƀư nau ƀai, gâp ăt mbơh sơm ƀaƀơ.

Êsêkiêl 34:16

Gâp mra joi biăp lĕ nhhơt roh, têk mplơ̆ sĭt biăp bu mprơh, biăp geh rmanh put săm ăn bah jêh ri ƀư ma phung lĕ huăr dơi jêng ktang. Ƀiălah Gâp mra ƀư rai lơi phung biăp lay jêh ri ktang. Gâp mra chiă uănh khân păng ma nau sŏng srăng.

Mathay 11:29

Gâp geh nuih n'hâm rdơ̆ rbăn, dêh rhêt; ăn khân may anh ndơ mbăk Gâp jêh ri nti tă bơh Gâp ri mơ huêng khân may mra rlu.

Mathay 26:69

Dôl nây, Y-Pêtrôs gŭ padih ta ndring. Du huê oh mon bu ur hăn êp păng jêh ri lah: “May jêng nơm gŭ ndrel ma Brah Yêsu, bunuyh Galilê.”

Mathay 26:75

Y-Pêtrôs kah gĭt tay nau Brah Yêsu lah jêh: “Êlor ta iăr ndrau, may mra dun ma Gâp pe tơ̆.” Jêh nây păng hăn luh, nhĭm rngot ngăn.

Mathay 9:13

Hăn hom, jêh ri nti ăn gĭt nâm bu ntĭt trong aơ: ‘Gâp ŭch nau nuih n'hâm yô̆ nđach, mâu di ndơ ƀư brah ôh.’ Yorlah gâp văch mâu di kuăl bunuyh sŏng srăng ôh, ƀiălah kuăl bunuyh geh nau tih.”

Samƀŭt Pôl Njuăl Ăn Ma Phung Nsing Ta Ƀon Rôm 14:1

Rom hom nơm rdja tâm nau chroh, lơi tâm rlăch đah khân păng ma nau mĭn êng êng.

Samƀŭt Pôl Njuăl Ăn Ma Phung Nsing Ta Ƀon Rôm 15:1

He jêng phung dăng, ăn he anh lĕ nau rêh ni phung rdja, mâu knŏng gĭt ƀư maak ma he nơm dơm ôh.

Samƀŭt Pôl Njuăl Ăn Ma Phung Nsing Ta Ƀon Rôm 8:6

Yor nau mĭn ŭch tĭng nglay săk jêng nau khĭt, ƀiălah mĭn ŭch tĭng Brah Huêng Ueh jêng nau rêh jêh ri nau đăp mpăn;

I Kôrintô 10:12

Pôri, mbu nơm mĭn păng dâk nâp, djôt prăp hom klach prah jŭr.

I Kôrintô 14:37

Tơlah du huê mĭn păng nơm jêng nơm mbơh lor, mâu lah geh lĕ nau brah ăn ma nau rêh huêng, ăn bunuyh nây gĭt năl ma lĕ nau gâp nchih ma khân ay may, jêng du nau ntăm tă bơh Kôranh Brah.

I Kôrintô 2:15

Ƀiălah, bunuyh geh Brah Huêng Ueh, sek uănh lĕ ntil ndơ, ƀiălah bunuyh nây mâu geh nơm sek uănh ôh.

I Kôrintô 3:1

Hơi phung oh nâu, mpeh ma gâp, gâp mâu dơi ngơi ma khân may tâm ban ma phung rêh huêng, ƀiălah tâm ban ma phung bunuyh nglay săk, nâm bu ma phung oh bê mhe deh tâm Brah Krist.

I Kôrintô 4:21

Moh nau khân may ŭch? Ŭch gâp djôt mâng văch ta khân may, mâu lah văch ma nau rŏng jêh ri nuih n'hâm rdơ̆ rbăn?

I Kôrintô 7:5

Lơi tâm dun ndrăng khân ay may ôh, knŏng tơlah lĕ bar ding du ai ƀât lât, prăp êng mông nar ma nau mbơh sơm, ƀiălah pakơi nây plơ̆ gŭ ndrel, klach lah Satan ndơm khân ay may tâm nôk khân ay may mâu dơi ât.

II Kôrintô 10:1

Gâp yơh, Y-Pôl, vơh dăn ma khân may ma nau rdơ̆ rbăn jêh ri nau ueh bơh Brah Krist — gâp jêng bunuyh rdơ̆ rbăn tơlah tâm mâp đah khân may, ƀiălah bêng ma nau janh đah khân may tơlah gâp gŭ ngai! —

II Kôrintô 2:7

Ƀiălah aƀaơ, ueh lơn khân may yô̆ nau tih jêh ri bonh leng bunuyh nây, gay ma bunuyh nây mâu ngâm tâm nau rngot rvê dŭt hâu.

II Kôrintô 2:8

Pôri, gâp vơl dăn ma khân may mpơl hom nuih n'hâm rŏng ma păng.

Galati 5:23

Mâu mâp geh nau vay dơi buay lĕ nau nây.

Galati 6:18

Hơi phung oh nâu, dăn nau yô̆ bơh Kôranh Brah he jêng Brah Yêsu Krist gŭ ndrel ma huêng nuih n'hâm khân may! Amen.

I Têsalônik 4:1

Dăch dŭt, hơi phung oh nâu, tâm Kôranh Brah jêng Brah Yêsu, hên vơh vơl jêh ri ntrôl khân may pô aơ nâm bu khân may hŏ nti jêh bơh hên ăn gŭ rêh ƀư maak nuih n'hâm Brah Ndu, jêh ri khân may dôl gŭ rêh tâm ban kơt nĕ, pô ri gŭ rêh hom lơ nar lơ ueh lơn.

II Têsalônik 3:15

Nđâp lah kơt nĕ, lơi uănh ma khân păng nâm bu du huê rlăng ôh; ƀiălah, ntĭm hom nâm bu du huê oh nâu nơm.

II Timôthê 2:25

nkra nti phung tâm rdâng đah păng nơm ma nau rdơ̆ rbăn, ŭch ma Brah Ndu kơl khân păng rmal nau tih, gĭt năl nau ngăn,

ហេឞ្រើ 12:13

Ƀư hom ăn sŏng trong ma jâng khân may, gay ma bunuyh rvĕn mâu geh nau glet jâng, ƀiălah geh nau ƀư bah.

ហេឞ្រើ 13:3

Kah gĭt hom ma phung bu krŭng tâm ban ma khân may nơm bu krŭng ndrel ma khân păng; jêh ri kah gĭt hom ma phung bu ƀư mhĭk, yorlah khân may nơm geh đŏng săk jăn tâm ban ma khân păng.

Yakơ 3:13

Tâm phung khân may, mbu nơm jêng nơm blau mĭn jêh ri gĭt rbăng? Sŏk hom nau gŭ rêh ueh khân may nơm gay tâm mpơl lĕ nau khân may ƀư ntơm tă bơh nau dêh rhêt bơh nau blau mĭn.

Yakơ 3:2

Lĕ rngôch he tih da dê tâm âk ntil nau. Mbu nơm mâu tih ôh tâm nau ngơi, păng jêng bunuyh rĭng jêh, mra dơi chiă uănh lĕ săk jăn păng nơm.

I Pêtrôs 3:15

ƀiălah ăn khân may yơk ma Brah Krist jêng kloh ueh, Kôranh Brah tâm nuih n'hâm khân may. Ăn khân may gŭ njrăng ƀaƀơ gay dơi plơ̆ lah ma nau yơk jêh ri nau rdơ̆ ma mbu nơm ôp ăn gĭt ma nau khân may kâp gân.

I Yôhan 5:16

Tơlah mbu nơm saơ oh nâu păng nơm ƀư tih, ƀiălah nau tih nây mâu kŏ tât khĭt ôh, vơh vơl hom, jêh ri Brah Ndu mra ăn nau rêh ma bunuyh nây, jêng ma phung ƀư nau tih mâu kŏ tât khĭt. Geh đŏng nau tih njŭn leo tât nau khĭt; gâp mâu đă ma ăn khân may mbơh sơm dăn ma nau tih aơ.