Galati 5:1 - Nau Brah Ndu Ngơi 2023

¹ Brah Krist hŏ tâm rklaih jêh gay he geh nau kon me. Pôri dâk nâp hom, lơi dơm khân may nơm tâm dâng mbăk jêng dĭk du tơ̆ tay đŏng.

Bunong Bible Latin Script Cambodian dialect

¹ Brah Krist lĕ chuai jêh bân bơh jan dâk bu gay ma jêng kon me ngăn, lah ndri ăn bân gŭ nâp răp jăp ta nau mâu hôm jan dâk bu nây, lơi hôm ôh ƀok gor săk ăn jêng dâk ma nau vay tay.

Bunong

¹ ឞ្រាស​ក្រីស  ​លែៈ​ច្វាយ​ជេស​ឞ៝ន់​ឞើស​ជាន​ទឹក​ឞូ​គៃ​មា​ជេង​ក៝ន​មែ​ងាន់ លាស​នទ្រី​អ៝ន់​ឞ៝ន់​គុ​ន៝ប់​រាប់​ជាប់​តា​នាវ​មោ​ហោម​ជាន​ទឹក​ឞូ​នៃ លើយ​ហោម​អោស​ប៝ក​គ៝រ​ឆាក់​អ៝ន់​ជេង​ទឹក​មា​នាវ​វៃ​តៃ។

Galati 5:1 Iomraidhean Croise

Nau Mprơ Ơm 51:12

Dăn May ƀư tay nau ueh maak nau tâm rklaih ma gâp, Jêh ri sŏk nuih n'hâm nau yô̆ chông n'hao gâp.

Nau Hôr 23:23

Rvăt hom nau ngăn, nau blau mĭn, nau ntĭm nti, jêh ri nau gĭt rbăng, Lơi ta tăch lơi ôh!

Êsai 61:1

Brah Huêng Ueh Kôranh Brah Yêhôva gŭ ta klơ Gâp, Yorlah Brah Yêhôva tŏ jêh dak ƀâu kah ma Gâp Gay mbơh nkoch nau mhe mhan ueh ma phung o ach. Păng njuăl jêh Gâp văch gay ƀư bah phung geh nuih n'hâm rngot; Gay mbơh nau kon me ma phung bu nă, Jêh ri pơk ngih bu nă ma phung bu krŭng;

Mathay 23:4

Khân păng nchâp jêh ri bun lĕ ndơ jâk ngăn ta nglik bu, ƀiălah khân păng nơm mâu ŭch pah du nglau ti khân păng ôh.

Luka 5:38

Ƀiălah bu nkhŭt ndrănh mhe tâm nông ntâu mhe.

Kôranh Oh Mon 15:10

Pôri aƀaơ, mâm ƀư khân may janh rlong uănh Brah Ndu, dơm ta trô ko phung oh mon du mlâm mâng mbăk, phung chô yau he mâu lah he nơm ăt mâu dơi mbăk lĕ.

Samƀŭt Pôl Njuăl Ăn Ma Phung Nsing Ta Ƀon Rôm 6:14

Yorlah nau tih mâu mra hôm chiă uănh khân may ôh, yorlah khân may mâu gŭ tâm dâng nau vay ôh, ƀiălah tâm dâng nau yô̆.

Samƀŭt Pôl Njuăl Ăn Ma Phung Nsing Ta Ƀon Rôm 6:18

jêh ri khân may geh nau klaih jêh bơh nau tih, plơ̆ jêng dĭk ma nau sŏng srăng.

Samƀŭt Pôl Njuăl Ăn Ma Phung Nsing Ta Ƀon Rôm 7:3

Pôri, tơlah dôl sai păng hôm rêh, ƀiălah bu ur gŭ bu klâu êng, bu mra rnha păng jêng bu ur văng tĭr. Ƀiălah tơlah sai păng khĭt, păng geh nau rklaih tă bơh ma nau vay, tơlah păng gŭ sai êng, păng mâu jêng bu ur văng tĭr ôh.

Samƀŭt Pôl Njuăl Ăn Ma Phung Nsing Ta Ƀon Rôm 7:6

Ƀiălah aƀaơ he klaih jêh bơh nau vay, khĭt jêh ma nau hŏ krŭng he, gay ma he pah kan tĭng nau mhe tă bơh Brah Huêng Ueh, mâu di tĭng nau ơm rplay samƀŭt ôh.

Samƀŭt Pôl Njuăl Ăn Ma Phung Nsing Ta Ƀon Rôm 8:15

N'hêl nanê̆ ngăn, khân may mâu sŏk dơn huêng jêng dĭk gay gŭ mro tâm nau klach, ƀiălah khân may sŏk dơn jêh huêng jêng kon mât rong, jêh ri tă bơh nĕ, he kuăl pô aơ: “Aƀa! Mbơ̆!”

Samƀŭt Pôl Njuăl Ăn Ma Phung Nsing Ta Ƀon Rôm 8:2

yorlah nau vay Brah Huêng Ueh nau rêh tâm Brah Yêsu Krist tâm rklaih jêh gâp bơh nau vay nau tih jêh ri nau khĭt.

I Kôrintô 15:58

Pôri, hơi phung oh nâu gâp rŏng ngăn ngên, gŭ nâp hom, lơi mpât n'gơ, ƀư hom âk rmeh nau kan ma Kôranh Brah, dôl khân may gĭt kan khân may pah mâu mra jêng dơm dam ôh tâm Kôranh Brah.

I Kôrintô 16:13

Ăn khân may gŭ njrăng hơm, gŭ nâp tâm nau chroh, ăn khân may nănh nuih n'hâm jêh ri ktang.

I Kôrintô 7:22

Yorlah mbu moh geh Kôranh Brah kuăl dôl hôm ƀư dĭk, pôri păng plơ̆ jêng kon me tâm Kôranh Brah. Tâm ban lĕ, nơm kon me tâm nôk bu kuăl, pôri păng plơ̆ jêng dĭk ma Brah Krist.

II Kôrintô 11:20

Di ngăn, khân may vay sŏk dơn jêh tơlah bu nchâp khân may jêng dĭk, sa rvăn khân may, pit sŏk khân may, mưch rmot mâu lah tap ta muh măt khân may.

II Kôrintô 3:17

Kôranh Brah jêng Brah Huêng Ueh, moh ntŭk geh Brah Huêng Ueh Kôranh Brah gŭ, ntŭk nây geh nau kon me.

Galati 2:4

Hên hŏ ƀư tâm ban lĕ yorlah geh ƀaƀă phung nklă jêng oh nâu, khân păng mŭt ntŭng tâm nklang hên, kâp uănh nau kon me hên geh jêh tâm Brah Yêsu Krist gay nhŭp hên ƀư dĭk.

Galati 3:25

Ƀiălah tơlah nau chroh tât jêh, he mâu hôm gŭ tâm dâng nau dơi ma nơm ntĭm nây đŏng.

Galati 4:26

Ƀiălah ƀon Yêrusalem ta klơ trôk jêng kon me; nây jêng me he.

Galati 4:31

Pôri, hơi phung oh nâu, he mâu di jêng kon bu ur dĭk bu ôh, ƀiălah jêng kon bu ur kon me.

Galati 4:9

Ƀiălah aƀaơ khân may gĭt năl jêh Brah Ndu, mâu lah di lơn jêng Brah Ndu gĭt năl jêh khân may, mâm ƀư khân may ŭch plơ̆ sĭt ma lĕ ntil brah huêng rdja, o ach nây? Mâm ƀư khân may ŭch plơ̆ tay ƀư dĭk?

Galati 5:13

Hơi phung oh nâu, bu kuăl jêh khân may gay dơn nau kon me; ƀiălah lơi dŏng nau kon me nây tâm ban du mông găl gay gŭ rêh ma nglay săk, ƀiălah sŏk hom nuih n'hâm rŏng gay pah kan ndrăng khân may nơm.

Êphêsô 6:14

Pô ri, gŭ nâp hom, văn rse bŭt ma nau ngăn, nsoh ao loih ma nau sŏng srăng,

Philip 1:27

Nau khlay jêng ăn khân may gŭ rêh tâm di đah Nau Mhe Mhan Ueh Brah Krist, gay ma tơlah gâp hăn khâl khân may mâu lah gâp ndŭt măt, gâp tăng lĕ ma khân may hôm dâk nâp, du ai nau mĭn, du nuih n'hâm tâm lơh ndrel yor nau chroh Nau Mhe Mhan Ueh,

I Têsalônik 3:8

Yorlah aƀaơ aơ hên gŭ rêh yor khân may gŭ nâp tâm Kôranh Brah.

II Têsalônik 2:15

Pônây, hơi khân may, gŭ nâp hom jêh ri tông prăp hom lĕ nau ntĭm nti hên hŏ nti ma khân may, mâu lah ma nau ngơi, mâu lah ma nau samƀŭt.

ហេឞ្រើ 10:23

He djôt nâp hom nau mbơh nkoch ma nau he kâp gân mâu mpât n'gơ, yorlah Nơm ton jêh ma he, Păng jêng nau răp jăp.

ហេឞ្រើ 3:14

Yorlah tơlah nuih n'hâm he djôt nâp nau he chroh tâm ntơm saơm kŏ tât nglĕ dŭt, he geh du kô̆ ndrel ma Brah Krist,

ហេឞ្រើ 3:6

Ƀiălah Brah Krist gŭ răp jăp tâm ban ma kon bu klâu mât uănh ma ngih Brah Ndu. He jêng ngih ma Păng, knŏng tơlah he djôt nâp nau rnơm nsing jêh ri tâm rnê êng tâm nau he kâp gân kŏ tât nglĕ dŭt.

ហេឞ្រើ 4:14

Yor nây, yorlah he geh du huê kôranh ƀư brah toyh lơn găn jêh lĕ ndâr trôk jêng Brah Yêsu, Kon Brah Ndu, pôri djôt nâp hom lĕ nau he mbơh.

I Pêtrôs 2:16

Jêng oh mon Brah Ndu, khân may gŭ rêh hom tâm ban ma phung bunuyh kon me, ƀiălah mâu dŏng ôh nau kon me khân may nơm ƀư bok nkŭm nau djơh mhĭk.

II Pêtrôs 2:19

Khân păng ton djôt leo nau kon me tât ma bunuyh êng, ƀiălah khân păng nơm ƀư dĭk ma nau djơh mhĭk; yorlah moh ntil dơi lơh du huê bunuyh pôri bunuyh nây plơ̆ jêng dĭk ma ntil nây.

Yuđas 1:3

Hơi phung gâp rŏng ơi, gâp ŭch ngăn nchih ma khân may ma nau tâm rklaih he geh ndrel; gâp mĭn ŭch nchih gay n'hao nuih n'hâm khân may tâm lơh yor nau chroh, jêng nau chroh ntăm jêh ma phung kloh ueh du tơ̆ rĭng jêh.

Nau Tâm Mpơl 2:25

Ƀiălah, knŏng ăn khân may djôt nâp nau khân may nơm geh kŏ tât Gâp văch.

Nau Tâm Mpơl 3:3

Kah gĭt tay hom moh nau may dơn jêh ri tăng; djôt prăp hom jêh ri rmal hom nau tih. Tơlah may mâu rngeh njrăng Gâp mra văch nâm bu du huê nơm ntŭng; jêh ri may mâu mra gĭt ôh moh mông Gâp văch ƀât lât ta may.