Galati 4:9 - Nau Brah Ndu Ngơi 2023

⁹ Ƀiălah aƀaơ khân may gĭt năl jêh Brah Ndu, mâu lah di lơn jêng Brah Ndu gĭt năl jêh khân may, mâm ƀư khân may ŭch plơ̆ sĭt ma lĕ ntil brah huêng rdja, o ach nây? Mâm ƀư khân may ŭch plơ̆ tay ƀư dĭk?

Bunong Bible Latin Script Cambodian dialect

⁹ Yơn ma aƀaơ dja, khân ay may lĕ gĭt năl Kôranh Brah, ngơi du tong lah Kôranh Brah lĕ năl khân ay may, lah ndri mơm dâng khân ay may hôm ŭch plơ̆ tâm rnglăp tay ma phung brah i mâu ngăn nây, i rdja, i mâu geh nau khlay, jêh ri ŭch jan dâk ma khân păng du tơ̆ jât?

Bunong

⁹ យើន​មា​អាបៃ​អ្យា ខាន់​អៃ​មៃ​លែៈ​គឹត​នាល់​កោរាញ​ឞ្រាស ងើយ​ទូ​ត៝ង​លាស​កោរាញ​ឞ្រាស​លែៈ​នាល់​ខាន់​អៃ​មៃ លាស​នទ្រី​មើម​ទឹង​ខាន់​អៃ​មៃ​ហោម​អុច​ព្លឹ​តឹម​រាង្លាប់​តៃ​មា​ផូង​ឞ្រាស​អី​មោ​ងាន់​នៃ អី​រាអ្យា អី​មោ​គែស​នាវ​ខ្លៃ ជេសរី​អុច​ជាន​ទឹក​មា​ខាន់​ពាង់​ទូ​តឹ​ជឹត?

Galati 4:9 Iomraidhean Croise

I Phung Hađăch 8:43

pôri dăn Kôranh Brah ta klơ trôk, jêng ntŭk May gŭ, rkêng tôr iăt jêh ri ƀư ma khân păng lĕ nau khân păng mbơh sơm dăn ma May, gay ma lĕ rngôch phung ƀon lan ta neh ntu dơi gĭt năl amoh Kôranh Brah jêh ri klach yơk ma May nâm bu phung ƀon lan Israel May, jêh ri gay ma bu gĭt năl ngih brah aơ gâp ndâk jêh ma May bu ntơ tâm amoh May.

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

Nau Mprơ Ơm 1:6

Yorlah Brah Yêhôva gĭt trong phung sŏng srăng, Ƀiălah trong bunuyh mhĭk mra rai yot.

Nau Mprơ Ơm 9:10

Ơ Brah Yêhôva, Phung gĭt amoh May mra rnơm nsing ma May, Yorlah May mâu mâp chalơi ôh bunuyh tĭng joi May.

Nau Ngluh Êjipt 33:17

Brah Yêhôva lah ma Y-Môis: “Gâp mra ƀư nau may dăn ma Gâp, yorlah may geh jêh nau yô̆ tanăp măt Gâp, jêh ri Gâp gĭt năl may ma amoh may nơm.”

Nau Hôr 2:5

Nôk nây may gĭt rbăng nau klach yơk ma Brah Yêhôva Jêh ri dơi joi nau gĭt rbăng Brah Ndu.

Yêrêmi 31:34

Khân păng mâu mra sâm nti ôh ma nơm chiau meng mâu lah oh nâu păng pô aơ: ‘Gĭt năl hom Brah Yêhôva,’ yorlah lĕ rngôch khân păng gĭt năl Gâp da dê, ntơm bơh nơm jê̆ lơn tât ma nơm toyh lơn,” Brah Yêhôva lah: “Yorlah Gâp mra yô̆ an nau djơh mhĭk khân păng jêh ri mâu hôm kah gĭt ma nau tih khân păng đŏng.”

Habakuk 2:14

Yorlah gĭt năl nau chrêk rmah Brah Yêhôva Mra bêng ler lam neh ntu Nâm bu dak nkŭm bêng dak mƀŭt.

Mathay 11:27

Mbơ̆ Gâp jao jêh lĕ rngôch nau ma Gâp, padih Mbơ̆, mâu geh bu gĭt Kon. Padih Kon jêh ri mbu moh Kon ŭch tâm mpơl pôri ăt mâu dơi bu gĭt Mbơ̆.

Luka 5:38

Ƀiălah bu nkhŭt ndrănh mhe tâm nông ntâu mhe.

Yôhan 10:14

Gâp jêng bunuyh rmăk biăp ueh. Gâp gĭt năl biăp Gâp, jêh ri biăp Gâp gĭt năl Gâp;

Yôhan 10:27

Biăp Gâp tăng bâr Gâp, Gâp gĭt năl khân păng jêh ri khân păng tĭng ndô̆ Gâp.

Yôhan 17:3

Nau rêh n'ho ro jêng nau gĭt năl Mbơ̆ jêng Brah Ndu knŏng nguay jêh ri nau nanê̆ ngăn, ndrel Yêsu Krist jêng Nơm Mbơ̆ hŏ njuăl jêh.

Samƀŭt Pôl Njuăl Ăn Ma Phung Nsing Ta Ƀon Rôm 8:29

Yorlah phung bunuyh Păng gĭt năl jêh bơh lor, Păng tâm nal jêh ma khân păng plơ̆ jêng tâm ban ma rup Kon Păng, gay ma Kon nây jêng Kon bôk rah ma âk oh nâu.

Samƀŭt Pôl Njuăl Ăn Ma Phung Nsing Ta Ƀon Rôm 8:3

Yorlah moh nau vay mâu dơi ƀư, yor nglay săk ƀư păng rdja, Brah Ndu ƀư jêh: Păng njuăl Kon Păng nơm geh nglay săk tâm ban ma nglay săk tih gay ma dăp nkra nau tih; Păng tâm rmal jêh nau tih tâm nglay săk,

I Kôrintô 13:12

Aƀaơ aơ he knŏng saơ tâm măt rchŏk tâm nau mâu rah vah; tât rnôk nây, he mra saơ muh măt tâm thâng. Aƀaơ aơ gâp gĭt geh nau keh; tât rnôk nây taơ, gâp mra gĭt năl tâm ban ma Kôranh Brah gĭt năl jêh gâp.

I Kôrintô 15:34

Ăn rgâl nuih n'hâm jêh ri lơi ƀư tih ôh, yorlah ƀaƀă tâm phung khân may mâu gĭt năl Brah Ndu ôh. Gâp lah kơt nây gay ƀư bêk khân may.

I Kôrintô 8:3

Ƀiălah tơlah mbu nơm rŏng ma Brah Ndu, Brah Ndu gĭt năl jêh nơm nây.

II Kôrintô 11:20

Di ngăn, khân may vay sŏk dơn jêh tơlah bu nchâp khân may jêng dĭk, sa rvăn khân may, pit sŏk khân may, mưch rmot mâu lah tap ta muh măt khân may.

II Kôrintô 4:6

Yorlah Brah Ndu jêng Nơm lah pô aơ: “Ăn nau ang sol bơh nau ngo,” hŏ sol ang jêh tâm nuih n'hâm hên, ăn nau ang gay ma gĭt rbăng nau chrêk rmah Brah Ndu ta muh măt Brah Yêsu Krist.

Galati 3:3

Mâm ƀư khân may jêng rluk mâl hâu ir kơt nây? Khân may tă bơh Brah Huêng Ueh, mâm ƀư aƀaơ aơ khân may rdŭt ma nglay săk?

Galati 4:3

He jêng nâm bu pônây lĕ, dôl he hôm kon se, he ƀư dĭk ma lĕ brah êng êng tâm neh ntu.

Êphêsô 1:17

Gâp vơl dăn ma Brah Ndu Kôranh Brah he jêng Brah Yêsu Krist, jêng Mbơ̆ nau chrêk rmah, ăn ma khân may huêng nau blau mĭn jêh ri nau tâm mpơl, gay khân may gĭt năl Păng.

II Timôthê 2:19

Ƀiălah, nau mbon lĕ nâp Brah Ndu ăt gŭ nâp, ma nau tâp pŏng pô aơ: “Kôranh Brah gĭt năl phung bunuyh jêng phung Păng;” jêh ri: “Mbu moh kuăl mbơh sơm amoh Kôranh Brah, ăn der ngai bơh nau mâu di.”

ហេឞ្រើ 7:18

Tâm ban pônây, du trong nau vay ntăm ơm bu dơm du đah, yorlah rdja jêh ri mâu khlay ôh

II Pêtrôs 2:20

Yorlah tơlah ma nau gĭt năl Kôranh Brah jêh ri Nơm Tâm Rklaih he jêng Brah Yêsu Krist, khân păng klaih bơh nau ƀơ̆ ƀơch tâm neh ntu, ƀiălah aƀaơ ri lŏ geh nau têk leo jêh ri plơ̆ lăp tâm dâng lĕ nau nây du tơ̆ đŏng, pôri tâm nau nglĕ dŭt khân păng mra mhĭk lơn rnôk dak bôk.

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.