Galati 4:8 - Nau Brah Ndu Ngơi 2023

⁸ Kăl e, ê hŏ gĭt năl Brah Ndu, khân may jêng dĭk ma lĕ brah mâu di jêng brah.

Bunong Bible Latin Script Cambodian dialect

⁸ A lor nơh khân ay may ê hŏ ôh gĭt năl Kôranh Brah, hôm jêng dâk ma brah êng êng i mâu di brah ngăn.

Bunong

⁸ អា​ល៝រ​នើស​ខាន់​អៃ​មៃ​អេ​ហ៝ៈ​អោស​គឹត​នាល់​កោរាញ​ឞ្រាស ហោម​ជេង​ទឹក​មា​ឞ្រាស​អេងៗ​អី​មោ​ទី​ឞ្រាស​ងាន់។

Galati 4:8 Iomraidhean Croise

II Nau Rêh Jêng 13:9

Mâu di hĕ khân may hŏ mprơh jêh phung kôranh ƀư brah Brah Yêhôva, jêng phung kon sau Y-Arôn, jêh ri phung Lêvi hĕ? Khân may hŏ tĭng nau vay phung bu năch gay njêng phung kôranh ƀư brah ma khân may; ăp bunuyh mbu nơm djôt leo du mlâm ndrôk nkuăng rah tât jêh ri pơh mlâm biăp nkuăng gay nhhơr ndơ ƀư brah, dơi jêng du huê kôranh ƀư brah ma brah mâu di jêng brah.

Nau Ngluh Êjipt 5:2

Ƀiălah Pharaôn lah: “Brah Yêhôva mbu jêng, dĭng gâp ma tông bâr gay ma ăn phung ƀon lan Israel hăn? Gâp mâu gĭt năl ôh Brah Yêhôva jêh ri gâp mâu đŏng ăn Phung ƀon lan Israel hăn.”

Êsai 37:19

mƀăr lơi phung brah khân păng tâm ŭnh, yorlah khân păng mâu jêng brah ôh, knŏng jêng ndơ bơh ti kon bunuyh ƀư ma si jêh ri ma lŭ, pôri bu ƀư rai lơi khân păng.

Yêrêmi 10:25

Dăn May nkhŭt nau ji nuih ta klơ lĕ bri dak mâu gĭt năl May, Jêh ri ta klơ lĕ ndŭl mpôl mâu kuăl amoh May. Yorlah khân păng hŏ rvăn Y-Yakôb, Jêh ri hôm rvăn đŏng; Khân păng ƀư rai lĕ Y-Yakôb, Ƀư ăn ntŭk gŭ păng jêng rngot njăp.

Yêrêmi 16:20

Dơi lĕ kon bunuyh njêng êng phung brah ma păng nơm? Ƀiălah phung brah nây mâu di jêng brah ôh!”

Yêrêmi 2:11

Geh lĕ phung ƀon lan tâm rgâl brah khân păng? — Nđâp lah lĕ brah nây mâu di jêng brah — Pôri phung ƀon lan Gâp hŏ rgâl jêh nau chrêk rmah păng Gay sŏk rup brah dơm dam!

Yêrêmi 5:7

“Mâm ƀư Gâp dơi yô̆ an ma may? Lĕ phung kon bu klâu may hŏ chalơi Gâp, Tâm amoh lĕ brah mâu di jêng brah ton ôh. Gâp hŏ mât khân păng hơm mpay, Khân păng ăt ƀư tih văng tĭr, Rgum mbŭch tâm ngih bu ur văng tir.

Yôhan 1:10

Nau Ngơi gŭ tâm neh ntu jêh ri neh ntu hŏ njêng jêh tă bơh Păng, ƀiălah neh ntu mâu gĭt năl Păng ôh.

Kôranh Oh Mon 14:12

Khân păng kuăl Ƀarnaƀas jêng brah Yupitê, bi Y-Pôl jêng brah Merkurơ yorlah păng yơh jêng nơm mbơh nkoch.

Kôranh Oh Mon 17:23

Yorlah dôl gâp nsong tâm ƀon khân may, treng uănh lĕ ntŭk khân may prăp yơk mbah, gâp saơ du nơng ƀư brah geh nchih rplay samƀŭt: YƠK MBAH BRAH BU MÂU MÂP GĬT NĂL. Pôri, Nơm khân may yơk mbah, ƀiălah mâu gĭt năl nây, Nơm nây yơh gâp nkoch mbơh ma khân may.

Samƀŭt Pôl Njuăl Ăn Ma Phung Nsing Ta Ƀon Rôm 1:23

Khân păng tâm rgâl nau chrêk rmah Brah Ndu mâu blau khĭt gay ma sŏk rup kon bunuyh blau ôm rai, mâu lah rup sĭm, mpô mpa, mâu lah ntil mpa vơr.

Samƀŭt Pôl Njuăl Ăn Ma Phung Nsing Ta Ƀon Rôm 1:28

Yorlah khân păng mâu ŭch gĭt năl Brah Ndu ôh, pônây Brah Ndu n'ho jao khân păng ma nau mĭn mhĭk gay ƀư âk nau mâu khư ôh.

I Kôrintô 1:21

Yor Brah Ndu, tă bơh nau blau mĭn Păng, hŏ ƀư ma neh ntu mâu dơi dŏng nau blau mĭn êng păng nơm gay gĭt vât Păng, yor ri Brah Ndu maak dŏng nau mbơh nkoch bu uănh ma he jêng brŭt ndrăng, gay tâm rklaih phung chroh.

I Kôrintô 12:2

Khân may gĭt jêh, dôl khân may hôm jêng phung bu năch, phung rup brah mlo hŏ njŭn leo khân may hăn tâm trong tih.

I Kôrintô 8:4

Pôri, ma nau nhhơr ndơ ƀư brah ma rup brah, he gĭt rup brah tâm neh ntu mâu geh ngăn ôh, knŏng geh nguay Brah Ndu mâu geh brah êng ôh.

Galati 4:3

He jêng nâm bu pônây lĕ, dôl he hôm kon se, he ƀư dĭk ma lĕ brah êng êng tâm neh ntu.

Êphêsô 4:18

Nau mĭn khân păng ngo klĕng, gŭ ngai đah nau rêh Brah Ndu, yor nau rluk mâl gŭ tâm khân păng, jêh ri nuih n'hâm khân păng men dăng.

I Têsalônik 1:9

Yorlah khân păng hŏ nkoch jêh bri nau khân may vơt rom hên, jêh ri mâm nau khân may hŏ plơ̆ sĭt ma Brah Ndu, chalơi jêh rup brah gay pah kan ma Brah Ndu rêh jêh ri nanê̆ ngăn,

I Têsalônik 4:5

lơi tŭp tâm nau văng tĭr blă blơ nâm bu phung bu năch, jêng phung bunuyh mâu gĭt năl Brah Ndu.

II Têsalônik 1:8

Păng mra tâm rmal phung mâu gĭt năl Brah Ndu jêh ri mâu tông bâr ma Nau Mhe Mhan Ueh bơh Kôranh Brah he jêng Brah Yêsu.

Yôsuê 24:15

Tơlah khân may mâu ŭch pah kan ma Brah Yêhôva ôh, nar aơ săch hom ma mbu nơm khân may ŭch pah kan, mâu lah phung brah phung chô yau khân may hŏ pah kan jêh ta kơh đah ri dak krong, mâu lah brah phung Amôrit tâm bri khân may gŭ. Ƀiălah gâp jêh ri phung tâm ngih gâp mra pah kan ma Brah Yêhôva.”

Yôsuê 24:2

Y-Yôsuê lah ma lĕ rngôch phung ƀon lan pô aơ: “Brah Yêhôva, Brah Ndu phung Israel, geh lah: ‘Rnôk kăl e, phung chô yau khân may jêng Y-Têra, mbơ̆ ma Y-Abraham jêh ri Y-Nahôr, gŭ ta kơh đah ri dak krong Ơphrat jêh ri pah kan ma phung brah êng.

I Pêtrôs 4:3

Nar kăl e, khân may mpŭng mông nar jêh gay ƀư lĕ nau phung bu năch ŭch ƀư, nâm bu gŭ rêh tâm nau blă blơ, nau kơnh mhĭk, nhŭl ndrănh, pâl rlưn rlau keh, nau nhêt sa rlau keh, nau mbah rup brah dŭt ƀơ̆ ƀơch.

I Yôhan 3:1

Uănh hom Brah Ndu Mbơ̆ ăn nau rŏng toyh ngăn ma he, kŏ tât Brah Ndu rnha he jêng kon Păng, jêh ri he jêng kon Păng ngăn! Yor nĕ neh ntu mâu gĭt năl he, yorlah neh ntu mâu gĭt năl Brah Ndu ôh.