Galati 2:9 - Nau Brah Ndu Ngơi 2023

⁹ jêh ri tơlah gĭt năl jêh nau yô̆ ăn jêh ma gâp, Y-Yakơ, Y-Sêphas jêh ri Y-Yôhan, phung bu yơk jêng meh n'gâng, khân păng jao ti pa ma tâm nkol ma Y-Ƀarnaƀas jêh ri ma gâp gay hên hăn tât ta phung bu năch, bi khân păng hăn tât ta phung koh ntâu.

Bunong Bible Latin Script Cambodian dialect

⁹ Lŏng Yakơ, Pêtrôs, ndrel ma Yôhan i bu kơp khân păng dŭt khlay jêng tâm ban ma meh ta phung nsing, tât khân păng lĕ say jêh Kôranh Brah lĕ ăn ma gâp nau dơi i nây, khân păng nhŭp ti tâm rnglăp ndrel gâp, nhŭp ti tâm rnglăp ndrel Ƀarnaƀas đŏng, tâm di nau hên ma hăn mbơh nkoch ăn ma phung i mâu di phung Israel, jêh ri khân păng ma mbơh nkoch ăn ma phung Israel.

Bunong

⁹ ល៝ង់​យាកើ  ‌ ពេត្រោស  នទ្រែល​មា​យោហាន  ​អី​ឞូ​កើប​ខាន់​ពាង់​ទុត​ខ្លៃ​ជេង​តឹម​ឞាន​មា​មែស​តា​ផូង​ញឆីង ត៝ត់​ខាន់​ពាង់​លែៈ​ឆៃ​ជេស​កោរាញ​ឞ្រាស​លែៈ​អ៝ន់​មា​គ៝ប់​នាវ​ទើយ​អី​នៃ ខាន់​ពាង់​ញុប​តី​តឹម​រាង្លាប់​នទ្រែល​គ៝ប់ ញុប​តី​តឹម​រាង្លាប់​នទ្រែល​បារនាបាស  ​ដ៝ង់ តឹម​ទី​នាវ​ហេន​មា​ហាន់​មឞើស​ងក៝ច​អ៝ន់​មា​ផូង​អី​មោ​ទី​ផូង​អីឆ្រាអែល  ជេសរី​ខាន់​ពាង់​មា​មឞើស​ងក៝ច​អ៝ន់​មា​ផូង​អីឆ្រាអែល  ។

Galati 2:9 Iomraidhean Croise

II Phung Hađăch 10:15

Tơlah du luh tă bơh ntŭk nây, Y-Jêhu tâm mâp đah Y-Jêhônadap, kon Y-Rêkap, dôl văch chuă vơt ma păng. Y-Jêhu mbah ma Y-Jêhônadap jêh ri ôp: “Nuih n'hâm may jêng răp jăp ma gâp lĕ, nâm bu nuih n'hâm gâp răp jăp ma may?” Y-Jêhônadap plơ̆ lah: “Nanê̆ ngăn.” Y-Jêhu lah: “Tơlah pônây, yơr hom ti may.” Y-Jêhônadap yơr ti, jêh ri Y-Jêhu ăn păng hao klơ ndeh seh ndrel păng.

Mathay 16:18

Bi ma, Gâp mbơh ma may pô aơ: May jêng Y-Pêtrôs, Gâp mra rdâk Phung Ngih Brah Ndu Gâp ta klơ lŭ aơ, lĕ mpông ƀon phung khĭt mâu dơi đah Phung nây ôh.

Luka 22:8

Brah Yêsu njuăl Y-Pêtrôs jêh ri Y-Yôhan hăn jêh ri lah: “Hăn hom ndrăp rƀŭn Nau Găn gay ma he sa.”

Yôhan 1:42

Păng njŭn leo Y-Simôn văch ta Brah Yêsu. Brah Yêsu uănh Y-Simôn jêh ri lah: “May jêng Y-Simôn, kon Y-Yôhan, bu mra amoh may Y-Sêphas,” nâm bu ntĭt Y-Pêtrôs.

Kôranh Oh Mon 12:17

Ƀiălah Y-Pêtrôs yơr ti gay vơch tâm nal đă khân păng gŭ rklăk, jêh ri nkoch bri ma khân păng mâm nau Kôranh Brah hŏ rklaih jêh păng tă bơh ndrung nây; păng đă: “Mbơh hom nau aơ ma Y-Yakơ jêh ri ăn phung oh nâu gĭt.” Jêh nau nây, păng luh du jêh ri hăn ta ntŭk êng.

Kôranh Oh Mon 15:13

Dôl khân păng rlu ngơi, Y-Yakơ lah: “Hơi phung oh nâu, iăt hom nau gâp!

Kôranh Oh Mon 15:7

Lôch jêh nau tâm nchră nanê̆ ngăn, Y-Pêtrôs dâk lah ma khân păng pô aơ: “Hơi phung oh nâu, khân may gĭt bơh saơm jêh, Brah Ndu hŏ săch gâp tâm phung khân may, gay bơh bâr mbung gâp, phung bu năch dơi tăng nau mbơh ma Nau Mhe Mhan Ueh jêh ri chroh.

Kôranh Oh Mon 4:36

Y-Yôsep, nơm phung kôranh oh mon tâm amoh Y-Ƀarnaƀas, nâm bu ntĭt, kon bu klâu nau bonh leng, jêng noi deh Y-Lêvi, ƀon tơm ta n'gor Syprơ,

Samƀŭt Pôl Njuăl Ăn Ma Phung Nsing Ta Ƀon Rôm 1:5

Yor ma Păng, hên hŏ dơn jêh nau yô̆ jêh ri nau pah kan kôranh oh mon, gay ma yor amoh Păng njŭn leo lĕ rngôch phung mpôl băl tông ma nau chroh.

Samƀŭt Pôl Njuăl Ăn Ma Phung Nsing Ta Ƀon Rôm 12:3

Yorlah bơh nau hŏ yô̆ jêh ma gâp, gâp lah ma ăp nơm tâm khân may, lơi mĭn rlau ir ma khân may nơm, ƀiălah mĭn rvê hom di rnâng, tĭng nâm ma nau chroh Brah Ndu ăn jêh ma ăp bunuyh.

Samƀŭt Pôl Njuăl Ăn Ma Phung Nsing Ta Ƀon Rôm 15:15

Ƀiălah, tâm samƀŭt nchih njuăl ma khân may geh ƀaƀă nau gâp lah ktang, ŭch nkah gĭt ma khân may, yor Brah Ndu ăn jêh nau yô̆ ma gâp

I Kôrintô 15:10

Ƀiălah yor ma nau yô̆ Brah Ndu gâp dơi jêng nâm bu nar aơ, jêh ri nau yô̆ Păng ăn ma gâp mâu di jêng dơm dam ôh. Ƀiălah, gâp pah kan âk lơn ma lĕ rngôch bunuyh êng; nau nây mâu di gâp, ƀiălah jêng nau yô̆ Brah Ndu gŭ ndrel ma gâp.

II Kôrintô 11:5

Gâp mĭn, gâp mâu jêng jê̆ lơn ma phung kôranh oh mon dŭt toyh nây ôh.

II Kôrintô 12:11

Gâp jêng bunuyh brŭt moih! Khân may nchâp gâp kơt nĕ. Di lah ăn khân may tâm rnê ma gâp; yorlah gâp jêng dơm dam, gâp mâu đŏng jê̆ lơn ma phung kôranh oh mon dŭt toyh ri.

II Kôrintô 8:4

jêh ri khân păng dăn ma hên ăn khân păng dơi geh du kô̆ tâm nau kơl phung kloh ueh.

Galati 1:16

maak nuih n'hâm mpơl Kon Păng ma gâp, gay gâp nkoch mbơh Nau Mhe Mhan Ueh ma Kon Păng ta nklang phung bu năch, pôri ƀât lât gâp mâu hôm tâm nchră đah kon bunuyh ôh.

Galati 1:18

Pe năm pakơi, gâp hăn ta ƀon Yêrusalem gay ƀư bên đah Y-Sêphas jêh ri gŭ ndrel ma păng jât ma prăm nar;

Galati 2:1

Jât ma puăn năm jêh ma nây, gâp hăn tay ta ƀon Yêrusalem ndrel ma Y-Ƀarnaƀas, djôt leo Y-Tit hăn ndrel đŏng.

Galati 2:2

Tĭng nâm nau tâm mpơl, gâp hăn ta nây gay nkoch mbơh ma phung oh nâu gĭt Nau Mhe Mhan Ueh gâp mbơh nkoch ta nklang phung bu năch, ƀiălah knŏng nkoch mbơh ma phung geh nau yơk, klach lah nau gâp nchuăt jêh jêh ri dôl nchuăt mâu geh nau khlay.

Galati 6:3

Yorlah tơlah du huê bunuyh mĭn păng nơm geh nau khlay, tâm nôk păng nơm mâu geh nau khlay, pôri, păng ndơm păng nơm yơh.

Êphêsô 2:20

bu ndâk njêng khân may klơ mbon phung kôranh oh mon jêh ri phung nơm mbơh lor jêh ri Brah Yêsu Krist yơh jêng lŭ njônh ngih.

Êphêsô 3:8

Nđâp tơlah gâp jêng bunuyh jê̆ lê̆ lơn tâm lĕ rngôch phung kloh ueh, nau yô̆ nây đŏng ăn ma gâp, gay mbơh nkoch ma phung bu năch nau rmeh ler mâu dơi kơp tă bơh Brah Krist,

Kôlôh 1:29

Yor ma nau aơ gâp kan lĕ n'hâm suan jêh ri tâm lơh ma lĕ nau ktang bơh Păng ƀư ăn ktang tâm gâp.

I Timôthê 3:15

gay tơlah gâp băt tât, pô ri may gĭt đŏng nau gŭ ngao tâm ngih Brah Ndu, jêng Phung Ngih Brah Ndu rêh, ntur jêh ri meh ma nau ngăn.

I Yôhan 1:3

Hên sŏk nau hên saơ jêh, tăng jêh mbơh ma khân may, gay ma khân may dơi geh nau tâm rnglăp ndrel ma hên; jêh ri hên ăt geh nau tâm rnglăp đah Brah Ndu Mbơ̆, jêh ri đah Kon Păng jêng Brah Yêsu Krist.

Nau Tâm Mpơl 3:12

Mbu nơm mra dơi, Gâp mra ăn ƀư meh n'gâng tâm ngih brah Brah Ndu Gâp; jêh ri bunuyh nây mâu mra luh bơh nĕ. Gâp mra nchih ta klơ bunuyh nây: amoh Brah Ndu Gâp, amoh ƀon Brah Ndu Gâp — ƀon Yêrusalem mhe, gŭ ta klơ trôk, bơh Brah Ndu hăn jŭr — jêh ri amoh mhe Gâp.