Galati 1:10 - Nau Brah Ndu Ngơi 2023

¹⁰ Bi aƀaơ aơ, gâp ŭch sŏk nuih n'hâm kon bunuyh mâu lah Brah Ndu? Di lĕ gâp ŭch ƀư maak nuih n'hâm ma bunuyh? Tơlah gâp ăt srôih ƀư maak nuih n'hâm ma kon bunuyh, gâp mâu di jêng oh mon ma Brah Krist ôh.

Bunong Bible Latin Script Cambodian dialect

¹⁰ Ta nau gâp ngơi i nây, ơm gâp ŭch bunuyh rnê gâp, mâu lah ŭch Kôranh Brah rnê gâp? Ơm gâp ŭch jan ăn bunuyh dơm răm maak bơh? Lah gâp hôm ŭch jan ăn bunuyh dơm răm maak, lah ndri gâp mâu ôh di jêng nơm sơm kơl jan kar ma Brah Krist!

Bunong

¹⁰ តា​នាវ​គ៝ប់​ងើយ​អី​នៃ អើម​គ៝ប់​អុច​ឞូនុយ្ស​រានេ​គ៝ប់ មោ​លាស​អុច​កោរាញ​ឞ្រាស​រានេ​គ៝ប់? អើម​គ៝ប់​អុច​ជាន​អ៝ន់​ឞូនុយ្ស​ទើម​រាម់​មអាក​ឞើស? លាស​គ៝ប់​ហោម​អុច​ជាន​អ៝ន់​ឞូនុយ្ស​ទើម​រាម់​មអាក លាស​នទ្រី​គ៝ប់​មោ​អោស​ទី​ជេង​នើម​ឆើម​កើល​ជាន​ការ​មា​ឞ្រាស​ក្រីស  !

Galati 1:10 Iomraidhean Croise

Mathay 22:16

Khân păng njuăl phung oh mon khân păng ndrel ma phung bunuyh tâm mpôl Hêrôt hăn lah ma Brah Yêsu pô aơ: “Hơi Nơm Nti, hên gĭt May jêng bunuyh sŏng ngăn jêh ri nti trong Brah Ndu ma nau di, mâu chrê ma bu ôh, yorlah May mâu uănh ma bunuyh padih ôh.

Mathay 28:14

Tơlah kôranh toyh chiă uănh tăng nau nây, hên mra rblang ma păng, jêh ri king ma khân may.”

Mathay 6:24

“Mâu geh mbu nơm dơi pah kan ma bar hê kôranh; yorlah mra tâm rmot ma kôranh aơ jêh ri rŏng ma kôranh ri, mâu lah yơk ma kôranh aơ jêh ri mưch ma kôranh êng. Khân may mâu dơi ôh pah kan ƀă ma Brah Ndu jêh ri pah kan ƀă ma prăk ndô ndơ ôh.

Kôranh Oh Mon 12:20

Rnôk nây, hađăch Hêrôt ji nuih hâu ngăn ma phung Tyre jêh ri phung Sidôn; yor ri, khân păng geh du ai nuih n'hâm hăn gŭ tanăp hađăch. Jêh nsŭk nsôr nơm kâp kơl ma hađăch jêng Y-Blastus, khân păng hăn tât ƀư nau đăp mpăn, yorlah n'gor khân păng geh ndơ sông sa bơh n'gor hađăch.

Kôranh Oh Mon 5:29

Y-Pêtrôs jêh ri kôranh oh mon plơ̆ lah: “Ăn he tông bâr Brah Ndu ueh lơn ma tông bâr bunuyh.

Samƀŭt Pôl Njuăl Ăn Ma Phung Nsing Ta Ƀon Rôm 1:1

Y-Pôl, oh mon Brah Yêsu Krist, Brah Ndu kuăl jêh ăn jêng kôranh oh mon jêh ri prăp êng ma Nau Mhe Mhan Ueh Brah Ndu,

Samƀŭt Pôl Njuăl Ăn Ma Phung Nsing Ta Ƀon Rôm 2:29

Ƀiălah du huê bunuyh tâm trôm jêng phung Yuđa, rĭ mơ ngăn jêng phung Yuđa; nau koh ntâu ngăn luh tă bơh tâm nuih n'hâm, yor ma Brah Huêng Ueh, mâu di tĭng rplay samƀŭt ôh. Du huê bunuyh tâm ban pônây mra dơi nau tâm rnê, mâu di tă bơh kon bunuyh ôh, ƀiălah tă bơh Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 2:8

Bi ma mbu nơm mbeh, mâu tông bâr nau ngăn, ƀiălah tông bâr nau kue, mra sŏk dơn nau ji nuih hâu ngăn jêh ri nau ji nuih.

I Kôrintô 10:33

Tâm ban gâp, nsrôih n'hâm suan ƀư ueh nuih n'hâm ma lĕ rngôch bunuyh tâm ăp ntil ndơ, mâu joi kao play êng ma gâp nơm ôh, ƀiălah ma âk bunuyh gay ma khân păng geh nau rklaih.

II Kôrintô 12:19

Bơh ntơm saơm, khân may mĭn ma hên koh dŏng ma hên nơm tanăp khân may. Hơi phung gâp rŏng ngăn ngên, nây jêng tanăp Brah Ndu jêh ri tâm Brah Krist hên ngơi, lĕ rngôch knŏng gay ndâk njêng khân may.

Êphêsô 6:6

mâu di tông bâr knŏng tanăp măt ôh, nâm bu khân may joi nau maak ma bunuyh, ƀiălah nâm bu phung dĭk Brah Krist, lĕ nuih n'hâm ƀư nau Brah Ndu ŭch.

Philip 1:1

Y-Pôl jêh ri Y-Timôthê, oh mon Brah Yêsu Krist, nchih njuăl ma lĕ rngôch phung kloh ueh tâm Brah Yêsu Krist ta ƀon Philip ndrel ma phung kôranh chiă uănh jêh ri ma phung bunuyh kơl kan.

Kôlôh 3:22

Hơi phung ƀư dĭk bu, tông bâr hom ma kôranh khân may ta neh ntu aơ tâm lĕ rngôch ndơ, mâu knŏng tông bâr tra năp măt khân păng, nâm bu nơm srôih ƀư maak nuih n'hâm bu, ƀiălah yor klach yơk ma Kôranh Brah, tông bâr ndrel ma nuih n'hâm nanê̆.

I Têsalônik 2:4

Ƀiălah, Brah Ndu hŏ rlong uănh hên jêh ri jao ma hên Nau Mhe Mhan Ueh, pô ri hên mbơh nkoch, mâu di ôh ŭch ƀư maak ma kon bunuyh, ƀiălah ŭch ƀư maak ma Brah Ndu jêng Nơm sek uănh nuih n'hâm hên.

Yakơ 4:4

Nĕ lĕ bunuyh văng tĭr ri! Khân may mâu gĭt hĕ ƀư băl đah neh ntu jêng tâm rlăng đah Brah Ndu? Yor nây, mbu nơm ŭch ƀư băl đah neh ntu, bunuyh nây jêng nơm rlăng đah Brah Ndu.

I Yôhan 3:9

Mbu nơm deh tă bơh Brah Ndu, mâu ƀư tih ôh; yor găr ntil Brah Ndu gŭ tâm bunuyh nây; bunuyh nây mâu dơi ƀư tih tay đŏng ôh, yorlah păng deh tă bơh Brah Ndu.

I Samuel 21:7

Tâm ban lĕ tâm nar nây, geh du huê oh mon Y-Sôl gŭ ta nây, bu krŭng păng tanăp Brah Yêhôva. Amoh păng Y-Dôek, bunuyh Êđôm, kôranh ma phung rmăk biăp Y-Sôl.