Êsra 5:3 - Nau Brah Ndu Ngơi 2023

³ Tâm rnôk nây, Y-Tatênai, kôranh chiă uănh n'gor mpeh đah ri dak krong, Y-Sêthar-Bôsênai, jêh ri phung pah kan ndrel ma khân păng, hăn joi phung Yuđa, gay lah ma khân păng: “Mbu moh ăn nau ntrŭnh aơ ma khân may dơi ndâk tay du mlâm ngih brah aơ jêh ri mpêr ƀon aơ?”

Êsra 5:3 Iomraidhean Croise

Êsra 1:3

Tâm khân may, mbu moh jêng phung ƀon lan Păng — dăn Brah Ndu gŭ ndrel ma păng — hăn hao hom ma ƀon Yêrusalem tâm n'gor Yuđa gay ndâk tay đŏng ngih brah Brah Yêhôva, jêng Brah Ndu phung Israel, Păng hôm gŭ ta Yêrusalem.

Êsra 4:12

Mbah hađăch gĭt rah vah phung Yuđa tă bơh ntŭk hađăch gŭ hŏ hăn tât ntŭk hên ta ƀon Yêrusalem. Khân păng dôl ndâk nkra tay nau tâm rdâng jêh ri nau mhĭk ngăn; khân păng ntơm ndâk nkra tay mpêr ƀon, bi mbon hŏ nkra lôch jêh.

Êsra 4:9

“Kôranh toyh tahan Y-Rêhum, kôranh nchih samƀŭt Y-Simsai jêh ri lĕ rngôch phung băl khân păng pah kan ndrel, jêng phung Đinit, phung Aphatsathit, phung Tatbêlit, phung Aphatsit, phung Atkêvit, phung Babilôn, phung Susa, phung Đêhavit, phung Êlam,

Êsra 5:6

Aơ jêng pŏk samƀŭt kơt nchih bơh samƀŭt Y-Tatênai, kôranh chiă uănh n'gor mpeh đah ri dak krong, Y-Sêthar-Bôsênai, jêh ri phung pah kan ndrel ma khân păng, phung Aphatsac, mbơh ma hađăch Darius.

Êsra 5:9

Hên ôp ma phung bu ranh nây pô aơ: ‘Mbu moh ăn nau ntrŭnh ma khân may ndâk ngih brah aơ jêh ri mpêr ƀon aơ?’

Êsra 6:13

Y-Tatênai, kôranh mât uănh n'gor đah ri dak krong, Y-Sêthar-Bôsênai jêh ri phung pah kan ndrel khân păng srôih ƀư nau ntrŭnh bơh hađăch Darius hŏ ntăm.

Êsra 6:6

“Pôri aƀaơ, hơi Y-Tatênai, kôranh chiă uănh tâm n'gor đah ri dak krong, hơi Y-Sêthar-Bôsênai, jêh ri phung pah kan ndrel phung Aphatsak ta đah ri dak krong, ăn khân may du ngai tă bơh ntŭk nây, lơi geh kơl an tâm nau kan rdâk ngih brah Brah Ndu.

Êsra 7:21

Pôri, gâp jêng hađăch Artasersês ƀư du pŏk samƀŭt nau ntrŭnh ntăm ma phung kôranh djôt prăk tâm n'gor đah ri dak krong: Ăp moh ntil ndơ Y-Êsra, kôranh ƀư brah ăt jêng kôranh nchih samƀŭt gĭt rbăng ma nau vay Brah Ndu klơ trôk, dăn ma khân may, ăn khân may srôih ƀư bêng tŏng ma păng,

Ndrom Samƀŭt bơh Agê 1:1

Tâm nar năng nguay khay prao, năm rơh bar, rnôk hađăch Darius, geh nau Brah Yêhôva lah ta nơm mbơh lor Y-Agê ma Y-Sôrôƀaƀel kon bu klâu Y-Sêaltiêl, kôranh chiă uănh n'gor Yuđa, jêh ri ma Y-Yôsuê kon bu klâu Y-Jêhôsadak, kôranh ƀư brah toyh lơn, kơt aơ:

Mathay 21:23

Brah Yêsu lăp tâm ngih brah; dôl Păng nti lah, phung kôranh ƀư brah toyh jêh ri phung kôranh bu ranh tâm phung ƀon lan văch gay ôp: “Moh nau dơi May ƀư lĕ nau nây, jêh ri mbu nơm ăn ma May nau dơi nây?”

Kôranh Oh Mon 4:7

Khân păng nhŭp Y-Pêtrôs ndrel ma Y-Yôhan dâk ta nklang khân păng jêh ri sek ôp: “Moh tă nau brah mâu lah ma mbu amoh khân may ƀư nau aơ?”