Êsra 3:2 - Nau Brah Ndu Ngơi 2023

² Rnôk nây, Y-Jêsua, kon bu klâu Y-Jôsadak, jêh ri phung oh nâu păng jêng kôranh ƀư brah êng, ndrel ma Y-Sôrôƀaƀel, kon bu klâu Y-Sêaltiêl jêh ri phung mpôl băl păng, dâk hăn gay ndâk nkra nơng ƀư brah Brah Ndu phung Israel, gay nhhơr ndơ ƀư brah gŭch ta klơ nơng nây, tĭng nâm nau nchih jêh tâm nau vay Y-Môis, jêng bunuyh Brah Ndu.

Êsra 3:2 Iomraidhean Croise

Nau Ntơm 12:7

Brah Yêhôva tâm mpơl ma Y-Abram jêh ri lah: “Gâp mra ăn n'gor aơ ma noi deh May.” Ta aơ, Y-Abram ndâk du mlâm nơng ƀư brah ăn ma Brah Yêhôva, jêng Nơm hŏ tâm mpơl ma păng.

I Nau Rêh Jêng 23:14

Bi ma Y-Môis, bunuyh Brah Ndu, phung kon bu klâu păng mra kơp ndrel ma ndŭl mpôl Lêvi.

I Nau Rêh Jêng 3:17

Phung kon Y-Jêkônia, nơm ƀư dĭk bu, jêng: Y-Sêaltiêl,

I Nau Rêh Jêng 3:19

Phung kon Y-Pêdaya jêng Y-Sôrôƀaƀel jêh ri Y-Simei. Phung kon Y-Sôrôƀaƀel jêng Y-Mêsulam jêh ri Y-Hanania; bi H'Sêlômit jêng oh bu ur khân păng.

II Nau Rêh Jêng 6:6

Ƀiălah Gâp hŏ săch jêh Yêrusalem gay dơm amoh Gâp ta nây, jêh ri Gâp hŏ săch jêh Y-Đavit gay chiă uănh phung ƀon lan Israel Gâp.

Êsra 10:18

Tâm noi phung kôranh ƀư brah ăt geh phung hŏ nsông jêh ur bu năch. Tâm noi deh Y-Jêsua, kon Y-Jôsadak, jêh ri tâm phung oh mâu păng geh Y-Maseya, Y-Êliêser, Y-Jarip jêh ri Y-Gêdalia.

Êsra 10:20

Tâm noi deh Y-Imer geh Y-Hanani jêh ri Y-Sêbadia.

Êsra 10:21

Tâm noi deh Y-Harim geh Y-Maseya, Y-Êlija, Y-Sêmaya, Y-Jêhiêl, jêh ri Y-Usia.

Êsra 10:22

Tâm noi deh Y-Pashur geh Y-Êliôênai, Y-Maseya, Y-Ismaêl, Y-Nêthanel, Y-Jôsaƀat, jêh ri Y-Êlêasa.

Êsra 2:2

Khân păng plơ̆ sĭt ndrel ma Y-Sôrôƀaƀel, Y-Jêsua, Y-Nêhêmi, Y-Sêraya, Y-Rêelaya, Y-Môrdêkai, Y-Bilsan, Y-Mispar, Y-Bikvai, Y-Rêhum, jêh ri Y-Bana. Aơ jêng amoh săk phung bu klâu phung ƀon lan Israel:

Êsra 3:8

Khay bar năm rơh bar, tơlah khân păng tât jêh ta ngih Brah Ndu ta Yêrusalem, Y-Sôrôƀaƀel, kon bu klâu Y-Sêaltiêl, jêh ri Y-Jêsua, kon bu klâu Y-Jôsadak, ndrel ma lĕ rngôch phung oh nâu khân păng ƀaƀă, jêng phung kôranh ƀư brah, phung Lêvi, nđâp ma lĕ rngôch phung tă bơh nau ƀư bu nă hŏ plơ̆ sĭt ta Yêrusalem, ntơm pah kan ndâk ngih brah. Khân păng dơm kan ma phung Lêvi, ntơm bơh bar jât năm klơ, ăn khân păng mât uănh nau pah kan ndâk ngih brah Brah Yêhôva.

Êsra 5:2

Y-Sôrôƀaƀel, kon bu klâu Y-Sêaltiêl, jêh ri Y-Jêsua, kon bu klâu Y-Jôsadak, mhe tăng nau ngơi Kôranh Brah mbơh nkoch, khân păng ro ntơm ndâk ngih Brah Ndu ta ƀon Yêrusalem, ndrel ma nau kơl bơh phung nơm mbơh lor Brah Ndu.

Nêhêmi 12:1

Aơ jêng phung kôranh ƀư brah jêh ri phung Lêvi plơ̆ sĭt tâm n'gor ndrel ma Y-Sôrôƀaƀel, kon bu klâu Y-Sêaltiêl, jêh ri ma Y-Jêsua: Y-Sêraya, Y-Yêrêmi, Y-Êsra.

Nêhêmi 12:8

Phung Lêvi geh Y-Jêsua, Y-Binnui, Y-Katmiêl, Y-Sêrêbia, Y-Yuđa jêh ri Y-Matania ndrel ma phung oh nâu păng chiă uănh lĕ nau mprơ tâm rnê lah ueh ma Kôranh Brah;

Nau Mprơ Ơm 78:68

Ƀiălah Păng săch mpôl băl Yuđa, Jêng yôk Siôn jêng yôk Păng rŏng.

Nau Ngluh Êjipt 27:1

“May ƀư hom du mlâm nơng ƀư brah ma si akasi rup blon, ăp njônh bar met bar, jêh ri prêh klăp lah du met pe.

Ndrom Samƀŭt bơh Agê 1:1

Tâm nar năng nguay khay prao, năm rơh bar, rnôk hađăch Darius, geh nau Brah Yêhôva lah ta nơm mbơh lor Y-Agê ma Y-Sôrôƀaƀel kon bu klâu Y-Sêaltiêl, kôranh chiă uănh n'gor Yuđa, jêh ri ma Y-Yôsuê kon bu klâu Y-Jêhôsadak, kôranh ƀư brah toyh lơn, kơt aơ:

Ndrom Samƀŭt bơh Agê 1:12

Pônây Y-Sôrôƀaƀel, kon bu klâu Y-Sêaltiêl, jêh ri Y-Yôsuê kôranh ƀư brah toyh lơn, kon bu klâu Y-Jêhôsadak, nđâp ma lĕ rngôch phung ƀon lan hôm klen tông bâr ma Yêhôva Brah Ndu khân păng jêh ri nau ngơi bơh nơm mbơh lor Y-Agê nơm Yêhôva Brah Ndu hŏ prơh hăn mbơh jêh. Phung ƀon lan klach yơk tanăp Brah Yêhôva.

Ndrom Samƀŭt bơh Agê 1:14

Jêh nây Brah Yêhôva ntrôl nuih n'hâm kôranh chiă uănh n'gor Yuđa jêng Y-Sôrôƀaƀel, kon bu klâu Y-Sêaltiêl, nuih n'hâm Y-Yôsuê kôranh ƀư brah toyh lơn, kon bu klâu Y-Jêhôsadak, jêh ri nuih n'hâm lĕ rngôch phung ƀon lan hôm e klen. Khân păng văch pah kan da dê ta ntŭk ngih Brah Yêhôva ma phung tahan, jêng Brah Ndu khân păng.

Ndrom Samƀŭt bơh Agê 2:21

“Ngơi hom ma kôranh chiă uănh n'gor Yuđa, jêng Y-Sôrôƀaƀel pô aơ: ‘Gâp mra ƀư n'găr trôk jêh ri neh ntu,

Ndrom Samƀŭt bơh Agê 2:23

Brah Yêhôva ma phung tahan lah: “Hơi Y-Sôrôƀaƀel, kon bu klâu Y-Sêaltiêl, tâm nar nây, Gâp mra săch may ƀư oh mon Gâp!” Brah Yêhôva lah: “Gâp mra dơm may nâm bu ndơ tâp pŏng, yorlah Gâp hŏ săch jêh may.” Brah Yêhôva ma phung tahan lah pônây.

Sakari 3:1

Brah Yêhôva tâm mpơl đŏng ma gâp saơ kôranh ƀư brah toyh lơn Y-Yôsuê dâk panăp tông mpăr Brah Yêhôva, jêh ri Satan gŭ mpeh pa ma păng ŭch phong păng.

Sakari 3:8

Hơi Y-Yôsuê, kôranh ƀư brah toyh lơn, may jêh ri nđâp phung mĭt jiăng gŭ panăp măt may, iăt hom! Yorlah lĕ phung aơ jêng nau ntĭt ma nau mra tât pô aơ Gâp mra ăn ma phung oh mon Gâp jêng Nkeh Nse văch mpơl.

Sakari 6:11

Ăn may sŏk dơn prăk jêh ri mah nây ƀư du mlâm đon hađăch, jêh ri ndô klơ bôk kôranh ƀư brah toyh lơn Y-Yôsuê, kon bu klâu Y-Jêhôsadak.

Nau Kơp Bunuyh 28:2

“Đă hom nau ntăm aơ ma phung ƀon lan Israel jêh ri lah: ‘Ăn khân may nhhơr ma Gâp tâm di yan lĕ ndơ ƀư brah jêh ri ndơ sông sa gay ƀư ndơ ƀư brah, ăn ŭnh sa nhhơr hao geh n'hôl ƀâu kah ma Gâp.’

Luka 3:27

Y-Yôda jêng kon Y-Yôanan, Y-Yôanan jêng kon Y-Rêsa, Y-Rêsa jêng kon Y-Sôrôƀaƀel, Y-Sôrôƀaƀel jêng kon Y-Salathiel, Y-Salathiel jêng kon Y-Nêri,

Phung Kôranh Phat Dôih 6:24

Y-Gidêôn ndâk ta nây du nơng ƀư brah ma Brah Yêhôva jêh ri ntơ amoh jêng Brah Yêhôva Salôm. Nơng ƀư brah nây hôm e ta Ôphra, jêng ndơ phung Abiêser, kŏ tât ta nar aơ.