Êsra 10:3 - Nau Brah Ndu Ngơi 2023

³ Pôri aƀaơ, he tâm rnglăp hom đah Brah Ndu he, mprơh lơi lĕ rngôch phung bu ur nây jêh ri phung kon sau khân păng, tĭng nâm nau nchră bơh kôranh gâp jêh ri bơh phung geh nuih n'hâm klach yơk nau vay ntăm bơh Brah Ndu he. He ƀư hom lĕ nau nây tĭng nau vay Kôranh Brah nti.

Êsra 10:3 Iomraidhean Croise

II Phung Hađăch 11:17

Y-Jêhôida ƀư nau tâm rnglăp Brah Yêhôva đah hađăch jêh ri đah phung ƀon lan, gay gĭt năl khân păng mra jêng phung ƀon lan ma Brah Yêhôva. Păng ƀư đŏng nau tâm rnglăp ndrăng păng đah phung ƀon lan.

II Nau Rêh Jêng 29:10

Aƀaơ, gâp geh nau tâm nal ƀư nau tâm rnglăp đah Yêhôva Brah Ndu phung Israel, gay nau ji nuih Păng du ngai bơh phung he.

II Nau Rêh Jêng 30:12

Ti Brah Ndu rlay đŏng ma phung Yuđa gay ăn ma khân păng geh du ai nuih n'hâm tông tĭng nau hađăch jêh ri phung kôranh hŏ ntăm jêh tĭng nâm nau Brah Yêhôva ngơi.

II Nau Rêh Jêng 34:21

“Yor ma gâp jêh ri yor ma phung Israel hôm e klen jêh ri phung Yuđa, hăn ôp hom Brah Yêhôva ma lĕ rngôch nau ngơi tâm ndrom samƀŭt aơ hŏ joi saơ jêh. Yor nau Brah Yêhôva ji nuih nkhŭt jêh ta klơ he dŭt toyh ngăn, yor tă bơh phung che he mâu ŭch djôt prăp ôh nau Brah Yêhôva ntăm, jêh ri mâu tĭng kơt lĕ ntil nau hŏ nchih jêh tâm ndrom samƀŭt aơ.”

II Nau Rêh Jêng 34:27

‘Tơlah may tăng jêh nau Gâp lah tâm rdâng đah ntŭk aơ jêh ri phung ƀon lan gŭ tâm ntŭk aơ, pôri may geh nuih n'hâm rdơ̆ rbăn, ntrŭnh dêh rhêt tanăp măt Gâp, nkhêk ao jêh ri nhhiăng nhĭm tanăp măt Gâp, yor ri Gâp hŏ tăng jêh nau may; Brah Yêhôva lah kơt nây.

Êsra 10:11

Pôri aƀaơ, mbơh hom nau tih khân may ma Yêhôva Brah Ndu chô yau khân may, jêh ri ƀư tĭng nâm nau mĭn ŭch Păng: Tâm nkhah hom khân may nơm bơh lĕ ntil mpôl bunuyh gŭ tâm n'gor jêh ri bơh phung ur bu năch.”

Êsra 10:44

Lĕ rngôch phung nây gŭ ur sai bu ur bu năch, jêh ri khân păng chalơi ur hŏ deh kon jêh.

Êsra 10:9

Tâm pe nar, phung Yuđa jêh ri phung Benjamin tâm rƀŭn tay ta ƀon Yêrusalem tâm nar bar jât, khay sĭn. Lĕ rngôch phung ƀon lan gŭ ta ntŭk nkual toyh panăp ngih Brah Ndu, klach râm sâr ma nau nây jêh ri yor mih toyh ngăn.

Êsra 9:4

Lĕ rngôch phung bunuyh tâm rƀŭn gŭ jŭm gâp, klach râm nsâr ngăn ma nau ngơi Brah Ndu Israel, yorlah tih mâu geh gŭ ueh răp jăp phung tă ƀư bu nă lĕ sĭt jêh hŏ ƀư tih; bi gâp lĕ krit ngăn gŭ ta nây kŏ tât mông nhhơr ndơ ƀư brah kêng mhaơ.

Nêhêmi 10:1

Aơ jêng amoh phung tâp pŏng samƀŭt tâm rnglăp nây geh: Kôranh chiă uănh Y-Nêhêmi, kon bu klâu Y-Hakalia, nđâp ma Y-Sêdêkia.

Nêhêmi 8:14

Khân păng saơ jêh nau bu nchih tâm nau vay Brah Yêhôva ntăm jêh ma Y-Môis ăn phung ƀon lan Israel gŭ tâm lĕ ngih bok dôl nau rƀŭn tâm khay pơh

Nêhêmi 9:38

Yorlah lĕ nau hŏ tât jêh, hên ntrâng nchih du nau tâm rnglăp nanê̆ ngăn nây, jêh ri phung kôranh chiă uănh, phung Lêvi jêh ri phung kôranh ƀư brah hên tâp pŏng samƀŭt nây.”

Nau Mprơ Ơm 119:120

Nglay săk gâp râm sâr yor klach ma May, Gâp klach râm sâr đŏng gŭ tanăp nau May phat dôih.

Nau Mprơ Ơm 119:59

Dôl gâp gŭ mĭn tâm trong gâp, Pôri gâp chuat plơ̆ sĭt ma nau Kôranh Brah ntĭnh.

Êsai 66:2

Ti Gâp rhăk njêng jêh lĕ rngôch ndô ndơ aơ, Jêh ri lĕ rngôch ndơ nây jêng jêh.” Brah Yêhôva lah pônây. “Aơ jêng bunuyh Gâp uănh, Jêng nơm dêh rhêt jêh ri geh huêng rngot ma nau tih, Nơm klach râm nsâr ma nau Gâp ngơi.

Êsai 8:20

Hăn tĭng hom nau vay jêh ri nau mbơh! Tơlah khân păng mâu ngơi tâm ban pônây, n'hêl nanê̆ mâu mra geh nau ƀhit rvi ang ma khân păng ôh.

Êsêkiêl 9:4

jêh ri lah: “Hăn hom rgăn lam ƀon, jêng ƀon Yêrusalem, jêh ri nchih nau mbên ta ndăr kleng phung bunuyh vơl nter, nhĭm nhhiăng ma lĕ rngôch nau mhĭk hŏ ƀư tih jêh nklang ƀon aơ.”

Nau Vay Nkah Tay 29:12

gay ma khân may dơi lăp tâm rnglăp đah Yêhôva Brah Ndu jêh ri nau Păng ton ƀư jêh đah khân may,

Yôsuê 9:6

Khân păng hăn ma Y-Yôsuê ta pôih tahan Gilgal, lah ma păng jêh ri ma Phung ƀon lan Israel pô aơ: “Hên văch tă bơh bri ngai; aƀaơ ri ăn khân may ƀư nau đăp mpăn đah hên.”