Êsra 10:2 - Nau Brah Ndu Ngơi 2023

² Y-Sêkania, kon bu klâu Y-Jêhiêl, sau Y-Êlam, lah ma Y-Êsra: “Hên hŏ ƀư tih đah Brah Ndu hên jêh ri tâm nsông đah phung bu ur bu năch jêng phung ntil mpôl bunuyh gŭ tâm n'gor. Nđâp lah pônây, ăt hôm e nau kâp gân ma phung Israel.

Êsra 10:2 Iomraidhean Croise

Êsra 10:26

Tâm noi deh Y-Êlam geh Y-Matania, Y-Sakari, Y-Jêhiêl, Y-Apdi, Y-Jêrêmôt, jêh ri Y-Êlija.

Êsra 2:31

Phung kon sau Y-Êlam êng geh du rbăn bar rhiăng prăm jât ma puăn nuyh.

Êsra 2:7

Phung kon sau Y-Êlam geh du rbăn bar rhiăng prăm jât ma puăn nuyh.

Êsra 8:7

Phung kon sau Y-Êlam geh Y-Jêsaiya, kon bu klâu Y-Athali, jêh ri phung bunuyh hăn ndrel ma păng, geh pơh jât nuyh bu klâu.

Êsra 9:1

Tơlah lĕ kan nây hŏ lôch jêh, phung kôranh chiă uănh văch tât ma gâp jêh ri lah: “Phung ƀon lan Israel, nđâp ma phung kôranh ƀư brah, jêh ri phung Lêvi mâu geh rêh nkhah ôh đah phung ntil mpôl bunuyh gŭ tâm n'gor, ƀiălah khân păng kơt tĭng lĕ nau vay ƀơ̆ ƀơch bơh phung Kanaan, phung Hitit, phung Pêrisit, phung Jêbusit, phung Ammôn, phung Môap, phung Êjipt, jêh ri phung Amôrit.

Êsra 9:2

Khân păng jêh ri phung kon bu klâu khân păng hŏ sŏk jêh phung kon bu ur phung nây, ăn jêng ur ma khân păng nơm, ƀư ma noi deh kloh ueh hŏ tâm pot đah phung ntil mpôl bunuyh gŭ tâm n'gor aơ. Nanê̆, phung kôranh jêh ri phung kôranh chiă uănh jêng phung ƀư tih jâk lơn.”

Nêhêmi 13:27

Mâm ƀư he tăng nau khân may ƀư nau djơh toyh ngăn, tâm rdâng đah Brah Ndu ma nau khân may sŏk bu ur phung bu năch?”

Nêhêmi 3:29

Pakơi, geh Y-Sadôk, kon bu klâu Y-Imer, nkra kô̆ mpeh tâm tra đah ngih păng nơm. Jêh ta nây, geh Y-Sêmaya, kon bu klâu Y-Sêkania, nơm mât chiă mpông pêr Pa lơ, ndâk nkra mpêr ƀon.

Nêhêmi 7:12

Phung kon sau Y-Êlam geh du rbăn bar rhiăng prăm jât ma puăn nuyh.

Nêhêmi 7:34

Phung kon sau Y-Êlam êng, geh du rbăn bar rhiăng prăm jât ma puăn nuyh.

Nau Ngluh Êjipt 34:12

Njrăng hom, lơi ƀư nau tâm rnglăp đah phung ƀon lan gŭ tâm n'gor khân may mra lăp, klach lah khân păng mra jêng dăk sân ma may.

Nau Hôr 28:13

Mbu nơm pôn mo nau tih păng nơm mâu mra geh ôh nau chăt jêng, Ƀiălah mbu nơm mbơh păng jêh ri chalơi păng mra dơi geh nau yô̆ nđach.

Yakơ 2:9

Ƀiălah tơlah khân may mpơl gŭ du ding, khân may ƀư tih, pôri nau vay tâm rmal khân may tâm ban ma du huê ƀư tih nau vay.