Êsra 1:9 - Nau Brah Ndu Ngơi 2023

⁹ Aơ jêng rnoh kơp lĕ ndơ dŏng nây: pe jât mlâm ngan grưng mah, du rbăn mlâm ngan grưng prăk, bar jât ma sĭn mlâm pêh,

Êsra 1:9 Iomraidhean Croise

I Phung Hađăch 7:50

lĕ ngan grưng, katrei nkăp brai ŭnh kađen, khăl, ngan pala dơm buh jêh ri ngan pala dơm ônh rnga ƀư ma mah chrêk da dê; lĕ lăk-lê khan mpông lăp tâm trôm dŭt ngih brah, jêng Ntŭk Dŭt Kloh Ueh, jêh ri mpông luh lăp ngih brah ƀư đŏng ma mah da dê.

II Phung Hađăch 25:15

Kôranh phung tahan gak sŏk đŏng jêh ri djôt leo lĕ khăl gŭch ndơ ƀâu kah, ngan grưng, jêh ri lĕ ndơ ma mah, ma prăk.

II Nau Rêh Jêng 24:14

Lah ƀư lôch jêh, khân păng leo prăk hôm e rmeh tât tanăp măt hađăch jêh ri Y-Jêhôida. Bu dŏng prăk nây ƀư lĕ ndơ dŏng ma ngih Brah Yêhôva, jêng lĕ ndơ dŏng prăp ma nau yơk mbah jêh ri nhhơr ndơ ƀư brah gŭch, kachok jêh ri lĕ ndơ dŏng ma mah jêh ri prăk. Lôch nau rêh Y-Jêhôida, bu nhhơr ƀaƀơ ndơ ƀư brah gŭch ta ngih Brah Yêhôva.

II Nau Rêh Jêng 4:11

Y-Hiram ƀư lĕ glah dơm buh, ndroh jêh ri ngan grưng. Pôri, Y-Hiram ƀư lôch jêh lĕ rngôch nau kan păng hŏ dơn gay ƀư ma Y-Salômôn tâm ngih Brah Ndu geh:

II Nau Rêh Jêng 4:8

Păng ƀư đŏng jât mlâm sưng dơm tâm ngih brah: prăm mlâm pa ma jêh ri prăm mlâm pa chiau. Păng ƀư đŏng du rhiăng mlâm ngan grưng ma mah.

Êsra 1:10

pe jât mlâm kachok mah; puăn rhiăng jât mlâm kachok prăk ntil tal bar, jêh ri du rbăn lĕ ndơ dŏng êng.

Êsra 8:26

Pôri, gâp njing jao ma khân păng bar jât ton prăk, lĕ ndơ dŏng ma prăk klăp lah pe ton jêh ri pe ton mah,

Êsra 8:27

bar jât mlâm kachok ma mah klăp lah pham kilô n'gul, bar mlâm ngan grưng ma kông ueh ngăn, chrêk, khlay nâm bu mah lĕ.

Êsra 8:30

Pônây, phung kôranh ƀư brah jêh ri phung Lêvi, lah jêh hŏ njing jâk prăk, mah, jêh ri lĕ ndơ dŏng nây jêh, jêh nây sŏk lĕ ndơ nây gay djôt leo tât Yêrusalem, dơm tâm ngih Brah Ndu he.

Nau Kơp Bunuyh 7:13

Ndơ nhhơr păng jêng du mlâm ngan jam prăk jâk du kilô n'gul, du mlâm ngan grưng jâk pham rhiăng gram, tĭng nâm sêkel tâm ntŭk kloh ueh; lĕ bar ndơ nây bêng ma rnih môi pach đah dak ngi dŏng ma ndơ ƀư brah rnih môi,

Mathay 14:8

Mê̆ păng nsŭk nsôr, bu ur lah pô aơ: “Ăn ma gâp bôk Y-Yôhan-Ƀaptist n'gân ta ngan grưng.”