Êsra 1:8 - Nau Brah Ndu Ngơi 2023

⁸ Y-Sirus, hađăch Persi, mbơh ma Y-Mirêdat, kôranh djôt prăk, sŏk lĕ rngôch ndơ dŏng nây, kơp jêh ri jao ma Y-Sêsbasar, kôranh mât uănh phung Yuđa.

Êsra 1:8 Iomraidhean Croise

Êsra 1:11

Lĕ rngôch ndơ dŏng mah jêh ri prăk geh prăm rbăn puăn rhiăng mlâm. Rnôk phung ƀư bu nă tă bơh Babilôn bu leo sĭt ma ƀon Yêrusalem, Y-Sêsbasar djôt leo đŏng lĕ rngôch ndơ nây.

Êsra 2:2

Khân păng plơ̆ sĭt ndrel ma Y-Sôrôƀaƀel, Y-Jêsua, Y-Nêhêmi, Y-Sêraya, Y-Rêelaya, Y-Môrdêkai, Y-Bilsan, Y-Mispar, Y-Bikvai, Y-Rêhum, jêh ri Y-Bana. Aơ jêng amoh săk phung bu klâu phung ƀon lan Israel:

Êsra 5:14

Hađăch Y-Sirus sŏk tay tă bơh ngih brah Babilôn lĕ rngôch ngan grưng ma mah jêh ri prăk ngih Brah Ndu, lĕ ndơ nây Nêbukatnetsar sŏk nchuăn lơi tă bơh ngih brah tâm ƀon Yêrusalem jêh ri djôt leo ndơ nây prăp tâm ngih brah Babilôn. Hađăch jao lĕ ndơ nây ma Y-Sêsbasar, jêng nơm kôranh chiă uănh.’

Êsra 5:16

Yor ri Y-Sêsbasar hăn tât Yêrusalem jêh ri ndâk njêng mbon ngih brah Brah Ndu. Ntơm bơh nôk nây tât aƀaơ, nau ndâk nkra ăt thoi đŏng, ƀiălah ê hŏ lôch ôh.

Êsra 5:2

Y-Sôrôƀaƀel, kon bu klâu Y-Sêaltiêl, jêh ri Y-Jêsua, kon bu klâu Y-Jôsadak, mhe tăng nau ngơi Kôranh Brah mbơh nkoch, khân păng ro ntơm ndâk ngih Brah Ndu ta ƀon Yêrusalem, ndrel ma nau kơl bơh phung nơm mbơh lor Brah Ndu.

Yêrêmi 51:44

Gâp mra tâm rmal brah Bel tâm bri Babilôn, Sŏk ntơt moh ndơ păng hŏ rvăn jêh luh bơh trôm mbung păng. Phung mpôl băl bunuyh mâu mra hăn sĭt ta nây đŏng ôh. Mpêr ƀon Babilôn lĕ rlâm jêh.

Ndrom Samƀŭt bơh Agê 1:1

Tâm nar năng nguay khay prao, năm rơh bar, rnôk hađăch Darius, geh nau Brah Yêhôva lah ta nơm mbơh lor Y-Agê ma Y-Sôrôƀaƀel kon bu klâu Y-Sêaltiêl, kôranh chiă uănh n'gor Yuđa, jêh ri ma Y-Yôsuê kon bu klâu Y-Jêhôsadak, kôranh ƀư brah toyh lơn, kơt aơ:

Ndrom Samƀŭt bơh Agê 1:14

Jêh nây Brah Yêhôva ntrôl nuih n'hâm kôranh chiă uănh n'gor Yuđa jêng Y-Sôrôƀaƀel, kon bu klâu Y-Sêaltiêl, nuih n'hâm Y-Yôsuê kôranh ƀư brah toyh lơn, kon bu klâu Y-Jêhôsadak, jêh ri nuih n'hâm lĕ rngôch phung ƀon lan hôm e klen. Khân păng văch pah kan da dê ta ntŭk ngih Brah Yêhôva ma phung tahan, jêng Brah Ndu khân păng.