Êsra 1:3 - Nau Brah Ndu Ngơi 2023

³ Tâm khân may, mbu moh jêng phung ƀon lan Păng — dăn Brah Ndu gŭ ndrel ma păng — hăn hao hom ma ƀon Yêrusalem tâm n'gor Yuđa gay ndâk tay đŏng ngih brah Brah Yêhôva, jêng Brah Ndu phung Israel, Păng hôm gŭ ta Yêrusalem.

Êsra 1:3 Iomraidhean Croise

I Phung Hađăch 18:39

Saơ nau nây, lĕ rngôch phung ƀon lan chon mon tâm neh jêh ri nter lah: “Brah Yêhôva jêng Brah Ndu! Brah Yêhôva jêng Brah Ndu!”

I Phung Hađăch 8:23

“Hơi Yêhôva, Brah Ndu Israel! Mâu geh brah êng klơ trôk prêh ri mâu lah tâm dâng neh ntu aơ tâm ban May. Kôranh Brah djôt prăp nau tâm rnglăp jêh ri nuih n'hâm ueh ma phung oh mon May, jêng phung lĕ nuih n'hâm chuat hăn tanăp măt May.

I Nau Rêh Jêng 28:20

Y-Đavit lah tay ma Y-Salômôn, kon păng nơm pô aơ: “Ktang hom jêh ri nâp nuih n'hâm ƀư nau nây! Lơi klach ôh, lơi rdja nuih n'hâm ôh, yorlah Yêhôva Brah Ndu, jêng Brah Ndu gâp, gŭ ndrel ma may, Păng mâu mra chalơi may, mâu đŏng du luh bơh may, ma tât lôch jêh lĕ rngôch nau kan ndâk ngih Brah Yêhôva.

Êsra 1:4

Jêh ri phung ƀon lan gŭ ta ntŭk phung Yuđa hôm e klen dôl gŭ rêh, ăn kơl khân păng ma prăk, mah, drăp ndơ, mpô mpa rong, nđâp ma lĕ ndơ nhhơr hŏ mĭn jêh ma ngih Brah Ndu ta Yêrusalem.’ ”

Êsra 4:3

Ƀiălah Y-Sôrôƀaƀel, Y-Jêsua, jêh ri phung kôranh noi deh ƀaƀă Israel, plơ̆ lah ma khân păng pô aơ: “Khân may mâu geh du kô̆ ôh ndrel phung hên tâm nau ndâk du mlâm ngih brah ăn ma Brah Ndu hên. Ƀiălah, knŏng êng hên nơm dơm, mra ndâk du mlâm ngih brah ăn Yêhôva Brah Ndu phung Israel, tĭng nâm nau Y-Sirus, hađăch Persi, hŏ ntăm jêh ma hên.”

Êsra 5:13

Ƀiălah năm tal nguay rnôk rô̆ Y-Sirus, hađăch Babilôn, hađăch ntrŭnh ăn ndâk đŏng ngih brah ma Brah Ndu.

Êsra 5:3

Tâm rnôk nây, Y-Tatênai, kôranh chiă uănh n'gor mpeh đah ri dak krong, Y-Sêthar-Bôsênai, jêh ri phung pah kan ndrel ma khân păng, hăn joi phung Yuđa, gay lah ma khân păng: “Mbu moh ăn nau ntrŭnh aơ ma khân may dơi ndâk tay du mlâm ngih brah aơ jêh ri mpêr ƀon aơ?”

Êsra 6:7

Gay ăn ma phung kôranh mât uănh phung Yuđa jêh ri phung bu ranh khân păng ndâk nkra đŏng ngih brah ma Brah Ndu ta ntŭk ơm.

Nau Mprơ Ơm 132:13

Yorlah Brah Yêhôva săch jêh ƀon Siôn; Păng ŭch Siôn ƀư ntŭk Păng gŭ;

Nau Mprơ Ơm 83:18

Gay ma khân păng gĭt pô aơ jêng knŏng du huê May Nơm yơh, Amoh May jêng Brah Yêhôva, Jêng Nơm Dŭt Prêh chiă uănh tâm lam neh ntu.

Êsai 37:16

“Ơ Brah Yêhôva ma phung tahan, Brah Ndu Israel, jêng Nơm gŭ ta klơ phung chêrubim, knŏng êng du huê May yơh jêng Brah Ndu ma lĕ rngôch ƀon bri hađăch ta neh ntu; May yơh hŏ rhăk njêng jêh trôk jêh ri neh ntu.

Êsai 44:28

Păng jêng Nơm hŏ lah pô aơ: ‘Sirus jêng rmăk biăp Gâp, Păng mra ƀư lĕ nau Gâp ŭch;’ Jêng nơm lah ma ƀon Yêrusalem pô aơ: ‘Păng mra ndâk tay,’ Jêh ri ma ngih brah pô aơ: ‘Păng mra n'gân tay mbon.’ ”

Êsai 45:5

Gâp jêng Brah Yêhôva, mâu geh Nơm êng ôh, Rlau ma Gâp, mâu hôm geh Brah Ndu êng ôh. Nđâp tơlah may mâu gĭt năl Gâp, Gâp mra rêt an rse bŭt may,

Yêrêmi 10:10

Ƀiălah Brah Yêhôva jêng Brah Ndu nanê̆ ngăn; Păng jêng Brah Ndu gŭ rêh mro mrăng, jêng Hađăch n'ho ro. Neh ntu n'gơ n'găr dôl Păng hao ji nuih, Phung ƀon lan mâu dơi dơn ôh nau ji nuih Păng.

Daniel 2:47

Hađăch lah ma Y-Daniel, “N'hêl nanê̆, Brah Ndu khân may jêng Brah Ndu ma phung brah, jêng Kôranh Brah ma phung hađăch, jêng Nơm tâm mpơl lĕ nau ndâp, yor bơh Păng may dơi tâm mpơl lĕ nau ndâp aơ.”

Daniel 6:26

Gâp ăn samƀŭt nau ntrŭnh pô aơ ta lam ntŭk tâm ƀon bri hađăch gâp lĕ rngôch bunuyh mra yơk mbah jêh ri râm nsâr klach tanăp Brah Ndu Y-Daniel Yorlah Păng jêng Brah Ndu gŭ rêh mro mrăng Jêh ri hôm gŭ rêh n'ho ro. Ƀon bri hađăch Păng mâu blau rai lôch ôh, Nau Păng chiă uănh mra dŭt toyh mâu blau lôch ôh.

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Kôranh Oh Mon 10:36

Brah Ndu hŏ njuăl nau ngơi tât ma phung kon Israel, mbơh nkoch ma Nau Mhe Mhan Ueh đăp mpăn tă bơh Brah Yêsu Krist, jêng Kôranh Brah ma lĕ rngôch bunuyh.

Nau Vay Nkah Tay 32:31

Phung rlăng he nơm mra sŏk dơn Lŭ toyh khân păng mâu dơi tâm rđĭl đah Lŭ Toyh he ôh.

Yôsuê 1:9

Mâu di Gâp hŏ ntĭnh jêh ma may? Janh ktang hom, nănh! Lơi râm sâr, lơi klach ôh! Yorlah Yêhôva Brah Ndu may gŭ ndrel ma may tâm ăp ntŭk may hăn.”