Êsra 1:2 - Nau Brah Ndu Ngơi 2023

² “Y-Sirus, hađăch Persi, lah: ‘Brah Yêhôva, Brah Ndu klơ lĕ ndâr trôk, ăn jêh lĕ rngôch bri dak lam ta neh ntu jêh ma gâp, jêh ri Păng nơm yơh hŏ ntăm jêh ma gâp ndâk ăn Păng du rplay ngih brah ta ƀon Yêrusalem, tâm n'gor Yuđa.

Êsra 1:2 Iomraidhean Croise

I Phung Hađăch 8:27

Ƀiălah Brah Ndu geh gŭ ngăn lĕ tâm neh ntu? Ri, lĕ ndâr trôk, lĕ trôk tâm lĕ ndâr trôk mâu dơi đŏng tŏng prăp ma May, rlau lơn ma ngih brah gâp hŏ ndâk jêh ta aơ!

II Nau Rêh Jêng 2:12

Y-Hiram plơ̆ lah đŏng: “Mât ton ma Yêhôva Brah Ndu Israel jêng Nơm njêng trôk jêh ri neh ntu, yorlah Păng hŏ ăn jêh ma hađăch Đavit du huê kon geh nau blau mĭn, nau njrăng, jêh ri gĭt rbăng gay ndâk ngih brah ma Păng, jêh ri du mlâm ngih hađăch ma păng nơm.

Êsra 1:5

Rnôk nây, phung kôranh ƀon Yuđa jêh ri phung Benjamin, phung kôranh ƀư brah, jêh ri phung Lêvi, ndrel ma lĕ rngôch bunuyh Brah Ndu hŏ nsŭk nsôr tâm nuih n'hâm ŭch hăn hao ndâk njêng đŏng ngih brah Brah Yêhôva ta ƀon Yêrusalem, hŏ ndrăp hăn.

Êsra 3:7

Khân păng ăn prăk ma phung ndâk lŭ, phung trah si, ăn ndơ sông sa, dak nhêt, jêh ri dak ngi ôlive ma phung Sidôn jêh ri Tyre, gay khân păng djôt leo tơm si sêdar tă bơh bri Liban tât ta dak mƀŭt Jôpa, tĭng nâm samƀŭt nau ntrŭnh tă bơh Y-Sirus, hađăch Persi.

Êsra 4:3

Ƀiălah Y-Sôrôƀaƀel, Y-Jêsua, jêh ri phung kôranh noi deh ƀaƀă Israel, plơ̆ lah ma khân păng pô aơ: “Khân may mâu geh du kô̆ ôh ndrel phung hên tâm nau ndâk du mlâm ngih brah ăn ma Brah Ndu hên. Ƀiălah, knŏng êng hên nơm dơm, mra ndâk du mlâm ngih brah ăn Yêhôva Brah Ndu phung Israel, tĭng nâm nau Y-Sirus, hađăch Persi, hŏ ntăm jêh ma hên.”

Êsra 5:15

Păng lah ma păng: ‘Sŏk hom lĕ ndơ dŏng aơ dơm tâm ngih brah ta ƀon Yêrusalem, jêh ri ăn bu ndâk nkra đŏng ngih Brah Ndu ta ntŭk ơm.’

Êsra 6:10

gay ăn khân păng nhhơr ndơ ƀư brah geh n'hôl ƀâu kah ma Brah Ndu klơ trôk, jêh ri mbơh sơm ma gâp nđâp phung kon bu klâu hađăch dơi rêh jŏ năm.

Êsra 6:3

“Năm rơh nguay rnôk rô̆ Y-Sirus, hađăch ntrŭnh du nau ntăm ngih brah Brah Ndu ta ƀon Yêrusalem pô aơ: ‘Ndâk njêng hom ngih brah Brah Ndu ta ntŭk mbon ơm gay ƀư ntŭk nhhơr ndơ ƀư brah. Ngih brah prêh klăp lah pe jât met jêh ri dĭ pe jât met,

Êsra 7:12

“Artasersês, hađăch ma phung hađăch, nchih njuăl ma Y-Êsra, kôranh ƀư brah, jêh ri kôranh nchih samƀŭt, gĭt rbăng âk nau vay Brah Ndu klơ trôk. Ăn may dơi geh nau đăp mpăn ngăn!

Nêhêmi 1:4

Nôk gâp tăng lĕ nau nây, gâp gŭ nhĭm nhhiăng, rngot rvê jŏ nar; gâp ât sông sa jêh ri mbơh sơm ma Brah Ndu klơ lĕ ndâr trôk dŭt prêh pô aơ:

Nêhêmi 1:5

Hơi Yêhôva Brah Ndu klơ lĕ ndâr trôk, jêng Brah Ndu dŭt toyh jêh ri di ma nau rnam klach yơk, jêng Nơm djôt prăp nau tâm rnglăp jêh ri nuih n'hâm ueh ma mbu nơm ŭch rŏng jêh ri djôt prăp lĕ nau vay ntăm bơh Păng!

Nau Mprơ Ơm 136:26

Tâm rnê lah ueh hom ma Brah Ndu tâm lĕ ndâr trôk! Yor nuih n'hâm ueh Păng hôm tât n'ho ro.

Nau Mprơ Ơm 85:2

May yô̆ an jêh phung djơh mhĭk ma phung ƀon lan May Jêh ri nkŭm lĕ rngôch nau tih khân păng. (Sêla)

Nau Hôr 21:1

Nuih n'hâm hađăch tâm ti Brah Yêhôva nâm bu n'hor dak hoch; Păng ŭch ƀư nkêng nkăng ntŭk mpeh tĭng nau Păng ŭch.

Êsai 41:2

Mbu nơm ƀư jêh du huê bunuyh luh tă bơh mpeh luh nar, Sŏk nau sŏng srăng kuăl bunuyh hăn tât jâng păng nơm? Păng jao lĕ bri dak tanăp păng, Ƀư ăn păng tŭn jot lĕ phung hađăch; Păng jao khân păng mpiăt đao păng tâm ban ma ndruyh neh, Jêh ri jao khân păng ma na păng tâm ban ma rhe sial khôm.

Êsai 44:26

Brah Ndu ƀư nanê̆ nau oh mon Păng ngơi, Ăn tât moh nau phung Păng hăn mbơh Lah ma ƀon Yêrusalem pô aơ: ‘Bu mra gŭ tâm păng’ Jêh ri ma lĕ ƀon bri Yuđa pô aơ: ‘Bu mra rdâk tay păng. Gâp mra ndâk tay lĕ ntŭk roh rai păng.’

Êsai 44:28

Păng jêng Nơm hŏ lah pô aơ: ‘Sirus jêng rmăk biăp Gâp, Păng mra ƀư lĕ nau Gâp ŭch;’ Jêng nơm lah ma ƀon Yêrusalem pô aơ: ‘Păng mra ndâk tay,’ Jêh ri ma ngih brah pô aơ: ‘Păng mra n'gân tay mbon.’ ”

Êsai 45:1

Brah Yêhôva lah ma Y-Sirus, nơm Păng tŏ jêh dak ƀâu kah, tâm ban pônây: Gâp hŏ kuăn jêh ti ma may, Gay ma may tŭn mpet lĕ bri dak tanăp măt may; Gâp mra doh lơi rse bŭt phung hađăch, Pơk lĕ mpông bloh ƀon toyh tanăp may, Jêh ri pơk lĕ mpông pêr mâu ntĭl ndâp đŏng.

Êsai 66:1

Brah Yêhôva lah: “Trôk jêng sưng hađăch Gâp, Neh ntu jêng rnơl chrong jâng Gâp, Moh ngih khân may mra ŭch rdâk ma Gâp? Moh ntŭk jêng ntŭk ma Gâp gŭ rlu?

Yêrêmi 10:11

Lah hom ma khân păng pô aơ phung brah aơ mâu njêng ôh trôk jêh ri neh ntu. Khân păng mra ƀư rai tă bơh măt neh jêh ri bơh trôk.

Yêrêmi 27:5

‘Gâp yơh jêng Nơm dŏng nau brah dŭt toyh jêh ri ling tur ti rhăk njêng rplay neh, kon bunuyh jêh ri mpô mpa ta neh ntu, jêh ri jao neh ntu nây ăn ma mbu tĭng nau mĭn Gâp.

Yêrêmi 29:10

Brah Yêhôva lah: “Lah lôch jêh pơh jât năm ăn ma phung Babilôn, Gâp mra hăn chop khâl khân may, mra ƀư lôch nau ton ueh jêh ma khân may, jêh ri mra njŭn leo khân may plơ̆ sĭt ma ntŭk aơ.”

Daniel 1:21

Yor nau nây, Y-Daniel ăt gŭ ta nây kŏ tât năm tal nguay hađăch Sirus chiă uănh.

Daniel 2:21

Păng nơm yơh tâm rgâl mông nar jêh ri yan, N'glưh jêh ri njêng phung hađăch; Păng ăn nau blau mĭn ma bunuyh blau mĭn Jêh ri nau gĭt rbăng ma bunuyh gĭt rbăng.

Daniel 2:28

Ƀiălah Brah Ndu klơ trôk jêng Nơm tâm mpơl nau ndâp, mra ăn ma hađăch Nêbukatnetsar gĭt lĕ nau mra tât tâm rnôk nglĕ dŭt. Aơ jêng nau mbơi jêh ri lĕ nau tâm saơ tât nau mĭn may dôl may bê̆ch ta klơ sưng bê̆ch:

Daniel 4:25

Bu mra nsot may tă bơh kon bunuyh jêh ri may mra gŭ ndrel mpô mpa bri tâm ndrêch. Bu mra ăn may sa gơ̆ nâm bu ndrôk jêh ri mra bĕ ma dak ngom bơh trôk; pơh gưl yan mra rgăn ta hađăch kŏ tât hađăch gĭt pô aơ Nơm Dŭt Prêh chiă uănh ƀon bri hađăch kon bunuyh jêh ri Păng ăn ma mbu nơm tĭng nau mĭn Păng ŭch.

Daniel 4:32

Bu mra nsot may tă bơh ta nklang phung bunuyh jêh ri gŭ ndrel ma mpô mpa bri. Bu mra ăn may sa gơ̆ nâm bu ndrôk jêh ri lăn tâm pơh gưl kŏ may gĭt rbăng pô aơ Nơm Dŭt Prêh chiă uănh tâm ƀon bri hađăch kon bunuyh jêh ri ăn ma bu tĭng nau Păng nơm ŭch.”

Daniel 5:23

Ƀiălah, may n'hao êng may nơm tâm rdâng đah Kôranh Brah tâm trôk, đă bu njŭn kachok khăl bơh ngih Kôranh Brah ăn ma may nhêt ndrănh ma phung kôranh may, phung ur may jêh ri phung ur yông may. Hađăch tâm rnê jêh phung brah ƀư ma prăk, mah, kông, loih, si jêh ri lŭ, phung brah mâu blau saơ mâu gĭt tăng mâu gĭt rbăng ôh, ƀiălah mâu yơk mbah ôh ma Brah Ndu jêng nơm djôt tâm ti Păng n'hâm nsôr jêh ri lĕ rngôch trong may.

Daniel 6:25

Rnôk nây hađăch Darius nchih samƀŭt ma lĕ rngôch phung ƀon lan, lĕ bri dak, lĕ nau ngơi nau gŭ lam neh ntu: “Ăn nau ueh ma khân may dơi geh nau đăp mpăn âk rmeh!

Yônais 1:9

Păng plơ̆ lah: “Gâp jêng du huê Hêbrơ jêh ri gâp klach yơk ma Brah Yêhôva jêng Brah Ndu klơ trôk, Păng hŏ njêng jêh dak mƀŭt jêh ri neh sơh.”