Êsai 8:8 - Nau Brah Ndu Ngơi 2023

⁸ n'ho hoch lăp tâm bri Yuđa, hoch ler kơh jêh ri rlêng kŏ tât băm trô ko. Ơ Êmanuel, nting năr păng ling luh nkŭm lĕ bri neh may!”

Êsai 8:8 Iomraidhean Croise

II Phung Hađăch 17:3

Hađăch Asiri jêng Y-Salmanêser hăn hao tâm lơh đah Y-Hôsêa, ƀư ăn păng tông bâr jêh ri chê̆ pi ma Y-Salmanêser.

II Nau Rêh Jêng 12:4

Y-Sisăk lăp lơh pit sŏk lĕ ƀon nâp tâm bri Yuđa, jêh ri tât ma Yêrusalem.

Êsai 10:6

Gâp njuăl păng hăn tâm rdâng đah bri dak mâu blau yơk ma Brah Ndu ôh, Gâp ntăm păng hăn tâm lơh đah phung ƀon lan nsônh ăn Gâp ji nuih, Gay ntŭng ndô ndơ, pit sŏk Jêh ri jot khân păng tâm ban ma neh bŏk ta trong.

Êsai 30:28

N'hâm Păng sôr jêng tâm ban ma dak hoch thăng, Ler tât ta trô ko. Păng nsiăng ăp bri dak ma dông ƀư rai, Jêh ri dơm kang thao tâm trôm mbung phung ƀon lan gay leo khân păng vĭ trong.

Êsai 43:2

Tơlah khân may rgăn lĕ n'hor dak, Gâp mra gŭ ndrel may; Lah may re rgăn dak krong, mâu mra hoch rdu. Lah may chuat rgăn tâm ŭnh, mâu mra ŭnh sa ôh, Mpiăt ŭnh mâu sa may.

Êsai 7:14

Yor nây, Kôranh Brah nơm mra ăn du nau tâm mbên khlay ma khân may: Aơ, du huê bu ur druh mra bă ntreo, deh du huê kon bu klâu jêh ri ntơ amoh kon nây jêng Êmanuel.

Êsai 7:17

Brah Yêhôva mra ăn tât ma may, ma phung ƀon lan may jêh ri ma ta ngih hađăch lĕ nar nau tât ê mâp geh ntơm bơh nar phung Êphraim tâm nkhah đah phung Yuđa, nĕ jêng nar Brah Ndu mra njuăl hađăch Asiri tât.”

Êsai 8:10

Tâm nchră hom ndrăng khân may, ƀiălah nau nây bu ƀư rai lơi; Mpơl hom nau dăp ƀư, ƀiălah nau nây mâu mra nâp ôh, Yorlah Brah Ndu gŭ ndrel he.

Yêrêmi 47:2

Brah Yêhôva lah: “Ri, lĕ dak krong hao lip tă bơh mpeh pa lơ, Jêh ri jêng du n'hor dak rlâm kơh, Ƀư lip bŭk bri dak jêh ri ndô ndơ tâm bri dak, Bŭk ƀon toyh jêh ri bunuyh gŭ tâm ƀon. Bu mra nhhiăng nhĭm nter kuăl, Lĕ rngôch phung ƀon lan gŭ tâm bri nhĭm vơl da dê.

Yêrêmi 48:40

Brah Yêhôva lah: “Aơ, phung rlăng Môap Gâp nter vơl seng nâm bu klang ƀŭng, Lĭ nting năr nkŭm lam bri Môap.

Yêrêmi 51:42

Dak Mƀŭt lip bŭk jêh bri Babilôn, Lĕ nau rbuh dak ji nuih nkŭm ngâm păng.

Êsêkiêl 17:3

Lah hom pô aơ: ‘Kôranh Brah Yêhôva lah: Geh du mlâm klang lêl, tĭng năr huy, rsau nting năr jong, săk bêng ma rsau âk ntil dak, tât ma n'gor bri Liban jêh ri nkê̆ch chiông tơm si sêdar.

Êsêkiêl 26:19

Ngăn yơh, Kôranh Brah Yêhôva lah: “Tơlah Gâp mra ƀư may jêng rngol nâm bu ƀon bu mâu geh bunuyh gŭ, tơlah Gâp mra ƀư rbuh dak tă bơh brŏng jru nkŭm ta klơ may, jêh ri phung n'hor dak toyh brôi lơi may;

Daniel 11:10

Phung kon bu klâu hađăch mpeh pa lơ mra nkra ma nau tâm lơh. Khân păng tâm rƀŭn âk phung tahan jêh nây leo phung tahan văch lơh, pit in, nchueng ăp ntŭk; khân păng njŭn nau tâm lơh tât ta pôih hađăch pa dâng.

Mika 1:9

Yorlah ntŭk têl rmanh păng mâu dơi bah ôh; Păng trêng tât n'gor Yuđa tâm ban lĕ, Tât ta mpông pêr mpôl băl gâp, Nây jêng tât ƀon Yêrusalem.

Mika 5:5

Khân păng sŏk đao lơh rai bri dak Asiri Jêh ri lĕ mpông pêr bri Nimrôt. Păng mra rklaih he tă bơh phung Asiri, Lah păng mra lăp tâm n'gor he Jêh ri jot tâm trôm n'har bri he.

Mathay 1:23

“Aơ, du huê bu ur druh mra bă ntreo, jêh ri deh du huê kon bu klâu, Jêh ri bu mra ntơ amoh kon bu klâu nây jêng Êmanuel,” nâm bu ntĭt Brah Ndu gŭ ndrel he.