Êsai 8:4 - Nau Brah Ndu Ngơi 2023

⁴ yorlah êlor ma kon se nây gĭt kuăl: ‘Mbơ̆ gâp!’ mâu lah, ‘Mê̆ gâp!’ hađăch Asiri mra hăn sŏk lĕ drăp ndơ bơh Damas jêh ri ndơ pit sŏk bơh Samari.”

Êsai 8:4 Iomraidhean Croise

II Phung Hađăch 15:29

Tâm rnôk rô̆ Y-Pêka, hađăch Israel chiă uănh, geh Y-Tiglat-Pilêser, hađăch Asiri, văch tât pit sŏk Ijôn, Abel-Bet-Maka, Janôa, Kêdês, Hasôr, n'gor Gilêat, n'gor Galilê, jêh ri lĕ n'gor neh Naptali. Jêh nây păng nhŭp phung ƀon lan tâm lĕ n'gor nây njŭn leo tât ta n'gor Asiri.

II Phung Hađăch 16:9

Hađăch Asiri dơn nau Y-Ahas dăn, leo phung tahan păng hao lơh pit sŏk ƀon Damas, nhŭp phung ƀon lan tâm ƀon njŭn leo tât ma Kir jêh ri nkhĭt lơi Y-Rêsin.

II Phung Hađăch 17:3

Hađăch Asiri jêng Y-Salmanêser hăn hao tâm lơh đah Y-Hôsêa, ƀư ăn păng tông bâr jêh ri chê̆ pi ma Y-Salmanêser.

Êsai 17:1

Nau mbơh lor ma Damas: “Aơ, ƀon Damas mâu hôm mra jêng du rplay ƀon toyh ôh Păng mra jêng du mbŭch ndơ rai.

Êsai 17:3

Pôih mra roh lĕ bơh bri Êphraim, Ƀon bri hađăch Damas ăt mâu hôm đŏng; Rnoh bunuyh hôm klen bơh bri Aram Ăt mra jêng tâm ban ma nau chrêk rmah phung Israel.” Brah Yêhôva ma phung tahan lah kơt nây.

Êsai 28:4

Rvang kao gơnh nhop jêng ndơ nkrơ̆ khlay prăk Gŭ ta klơ yôk rlŭng jêng ngăn, Mra jêng tâm ban ma play rvi dŭm lor ta yan vai; Lah bu saơ play nây, pĕ jêh ri sa ro.

Êsai 8:5

Brah Yêhôva lah tay ma gâp du tơ̆ đŏng pô aơ:

Amôt 1:3

Brah Yêhôva lah: “Yor nau djơh mhĭk Damas ntop hôm ntop nau tih mhĭk Yor ri Gâp mâu rhuăt tay ôh nau tâm rmal ma păng. Yorlah păng sŏk jêh ndơ dŏng mbang ba ma loih Mbang Gilêat

Amôt 1:5

Gâp mra nkê̆ch lơi rnăng nđăng mpông ƀon Damas; Gâp mra ƀư rai phung ƀon lan gŭ tâm rlŭng Aven, Jêh ri nơm djôt mâng jra hađăch luh bơh Bet-Êđen; Bi ma phung ƀon lan Aram mra jêng bu nă ta n'gor bri Kir” Brah Yêhôva lah pônây.

Yônais 4:11

Bi Gâp, mâm dĭng Gâp mâu nhhuach ma ƀon Ninive, yorlah tâm ƀon nây geh rmeh ma du rsen bar rmưn bunuyh mâu gĭt tâm rnglah ôh ti pa ma đah ti pa chiau, ndrel ma âk mpô mpa ta nây hĕ?”

Samƀŭt Pôl Njuăl Ăn Ma Phung Nsing Ta Ƀon Rôm 9:11

nđâp tơlah kon bar ê hŏ deh, ê mâp ƀư ueh mâu lah mhĭk — gay ma prăp nau ŭch Brah Ndu tâm nau săch, mâu di tĭng nau kan ôh, ƀiălah ma nau Nơm kuăl ŭch —

Nau Vay Nkah Tay 1:39

Bi phung kon jê̆ khân may, khân may mĭn khân păng mra jêng ndơ ma phung rlăng pit sŏk, jêh ri phung kon bu klâu khân may, nar aơ ê mâp gĭt năl nau ueh mâu lah nau mhĭk, khân păng mra dơi lăp tâm n'gor nây. Gâp mra ăn n'gor nây ma khân păng gay ƀư drăp ndơn.