Êsai 7:6 - Nau Brah Ndu Ngơi 2023

⁶ He hăn lơh Yuđa hom, hêk păng jêng âk rngơl, tâm pă păng ma he nơm, jêh ri njêng kon bu klâu Y-Tabel jêng hađăch ta nklang păng.’

Êsai 7:6 Iomraidhean Croise

I Phung Hađăch 12:16

Tơlah saơ hađăch mâu ŭch iăt ôh nau khân păng dăn, lĕ rngôch phung Israel plơ̆ lah ma hađăch: “Moh kô̆ hên geh tâm ngih Y-Đavit? Hên mâu geh drăp ndơn ôh tâm kon Y-Yêsê. Ơ phung Israel! Plơ̆ sĭt hom ma ngih bok khân may. Hơi Y-Đavit! Ntơm bơh aƀaơ uănh njrăng hom ma ngih khân may.” Jêh nây phung ƀon lan Israel plơ̆ sĭt ma ngih bok khân păng.

II Phung Hađăch 11:2

Ƀiălah H'Jôsêba, kon bu ur hađăch Jôram jêh ri jêng ruh Y-Ahasia, nhŭp rdu Y-Jôas, kon Y-Ahasia, tă bơh phung kon bu klâu hađăch, bu ŭch nkhĭt, jêh nây rdu pôn păng tâm jrô bê̆ch ndrel ma bunuyh sâm mpu. Pônây bu hŏ pôn Y-Jôas ndâp măt H'Athali, jêh ri bu mâu dơi nkhĭt ôh păng.

II Nau Rêh Jêng 13:8

Pôri aƀaơ, khân may mĭn phung tahan âk râk, geh ndrôk kon mah Y-Jêrôbôam hŏ tŏ jêh jêng brah ma khân may, khân may klăp lah dơi tâm rdâng đah ƀon bri hađăch Brah Yêhôva hŏ ăn jêh ma phung kon sau Y-Đavit lĕ?

II Nau Rêh Jêng 21:7

Ƀiălah, yorlah Brah Yêhôva hŏ ƀư jêh nau tâm rnglăp đah Y-Đavit, Păng hŏ ton mra ăn du mlâm ŭnh kađen ma Y-Đavit jêh ri ăn tât ma phung kon sau păng kŏ tât ƀaƀơ n'ho ro, yor ri Păng mâu ŭch ƀư rai ngih Y-Đavit.

II Nau Rêh Jêng 28:5

Yor nây, Yêhôva Brah Ndu jao păng ma ti hađăch Aram. Phung tahan Aram dơi lơh hađăch Ahas jêh ri nhŭp leo âk bunuyh ƀon lan păng jêng bu nă jêh ri njŭn leo khân păng ma ƀon Damas. Brah Yêhôva jao păng ma ti hađăch Israel đŏng jêh ri roh rai âk ngăn.

Nau Mprơ Ơm 21:11

Nđâp tơlah khân păng ŭch ƀư tâm rdâng ma Kôranh Brah Khân păng mĭn ƀư nau ƀai, ƀiălah khân păng mâu dơi jêng ôh.

Nau Mprơ Ơm 83:3

Khân păng nchră mĭn ƀư mhĭk ma phung ƀon lan May, Nchră ƀư ndrăng khân păng nơm gay tâm rdâng ma phung May king n'gang.

Nau Hôr 19:21

Tâm nuih n'hâm bunuyh geh âk nau nchră, Ƀiălah nau ŭch bơh Brah Yêhôva mra dơi jêng.

Êsai 7:1

Tâm rnôk Y-Ahas chiă uănh, kon bu klâu Y-Jôtham, sau Y-Usia hađăch bri Yuđa, geh Y-Rêsin hađăch bri Aram ndrel ma hađăch bri Israel jêng Y-Pêka, kon bu klâu Y-Rêmalia, leo phung tahan hăn lơh ƀon Yêrusalem, ƀiălah khân păng mâu dơi pit ôh.

Êsai 7:5

Yorlah Aram ndrel ma phung Êphraim jêh ri kon bu klâu Y-Rêmalia mĭn ŭch ƀư mhĭk ma may, jêh ri lah pô aơ:

Êsai 7:7

Kôranh Brah jêng Brah Yêhôva lah: ‘Nau nchră nây mâu mra jêng, Nau nây mâu mra tât ôh.

Êsai 8:6

“Yorlah phung ƀon lan aơ hŏ dun jêh ma n'hong dak Silôê đăp mpăn, jêh ri klach râm nsâr tanăp măt Y-Rêsin ndrel ma kon bu klâu Y-Rêmalia;