Êsai 7:4 - Nau Brah Ndu Ngơi 2023

⁴ Ăn may lah ma Y-Ahas pô aơ: ‘Njrăng hom jêh ri gŭ rklăk, lơi klach ôh, lơi ăn may rdja nuih n'hâm ôh yor bar mlâm yôk ngâl knŏng hôm luh nhhŭk, nây jêng nau Y-Rêsin ji nuih, hađăch Aram, jêh ri kon bu klâu Y-Rêmalia.

Êsai 7:4 Iomraidhean Croise

II Phung Hađăch 15:27

Tâm năm prăm jât ma bar rnôk rô̆ Y-Asaria, hađăch Yuđa chiă uănh, geh Y-Pêka, kon Y-Rêmalia, hao ƀư hađăch Israel ta ƀon Samari, jêh ri chiă uănh bar jât năm.

II Nau Rêh Jêng 20:17

Tâm nau lơh nây, khân may mâu mra tâm lơh ôh. Gŭ nâp hom tâm ntŭk jêh ri dâk nsrâng gay kâp uănh nau tâm rklaih Brah Yêhôva, Nơm gŭ ndrel ma khân may. Ơ phung Yuđa jêh ri phung gŭ ta Yêrusalem! Lơi klach ôh, lơi krit ôh! Ôi taơ hăn luh tâm mâp hom đah khân păng, yorlah Brah Yêhôva gŭ ndrel ma khân may.’”

Êsai 10:24

Yor nây, Kôranh Brah jêng Brah Yêhôva ma phung tahan lah tâm ban pônây: “Ơ phung ƀon lan Gâp dôl gŭ ta Siôn, lơi klach ôh ma phung Asiri lah khân păng dong khân may ma mâng rpăt jêh ri yơr mâng khân păng tâm rdâng đah khân may, tâm ban ma phung Êjipt hŏ ƀư jêh.

Êsai 30:15

Kôranh Brah jêng Brah Yêhôva, Nơm Kloh Ueh Israel lah: “Yor nau khân may plơ̆ sĭt jêh ri mpăn rlu, khân may mra rklaih; Yor nau gŭ rklăk jêh ri king n'gang, khân may mra geh nau ktang. Ƀiălah khân may mâu ŭch pônây ôh!

Êsai 30:7

Yorlah nau bri Êjipt kơl knŏng jêng dơm dam, mâu khlay ôh Yor nây Gâp rnha păng “H'Rahap gŭ rklăk mâu mpât.”

Êsai 35:4

Lah hom ma phung geh nuih n'hâm klach pô aơ: “Gŭ nâp hom nuih n'hâm, lơi klach ôh! Aơ, Brah Ndu khân may mra văch ma nau plơng bôk, Jêng nau plơng bơh Brah Ndu. Păng yơh mra văch jêh ri tâm rklaih khân may!”

Êsai 37:6

Y-Êsai lah ma khân păng: “Khân may plơ̆ sĭt mbơh hom ma kôranh khân may pô aơ Brah Yêhôva lah kơt aơ: ‘Lơi klach ôh yor nau ngơi khân may hŏ tăng jêh, jêng lĕ nau phung oh mon hađăch bri Asiri ngơi djơh tât Gâp.

Êsai 41:14

Ơ phung ndrŭng Yakôb, lơi klach ôh! Ơ phung Israel, Gâp nơm mra kơl may, Brah Yêhôva lah kơt nây; Nơm tâm chuai may jêng Nơm Kloh Ueh phung Israel.

Êsai 7:1

Tâm rnôk Y-Ahas chiă uănh, kon bu klâu Y-Jôtham, sau Y-Usia hađăch bri Yuđa, geh Y-Rêsin hađăch bri Aram ndrel ma hađăch bri Israel jêng Y-Pêka, kon bu klâu Y-Rêmalia, leo phung tahan hăn lơh ƀon Yêrusalem, ƀiălah khân păng mâu dơi pit ôh.

Êsai 7:8

Yorlah bôk Aram jêng Damas, Bôk Damas jêng Y-Rêsin. (Tâm prao jât ma prăm năm, phung Êphraim mra rai, khân păng mâu hôm jêng du phung ƀon lan đŏng ôh).

Êsai 7:9

Bôk Êphraim jêng Samari, Bôk Samari jêng Y-Rêmalia. Tơlah khân may mâu iăt nanê̆ ôh, Khân may mra mâu nâp ôh.’”

Êsai 8:4

yorlah êlor ma kon se nây gĭt kuăl: ‘Mbơ̆ gâp!’ mâu lah, ‘Mê̆ gâp!’ hađăch Asiri mra hăn sŏk lĕ drăp ndơ bơh Damas jêh ri ndơ pit sŏk bơh Samari.”

Êsai 8:6

“Yorlah phung ƀon lan aơ hŏ dun jêh ma n'hong dak Silôê đăp mpăn, jêh ri klach râm nsâr tanăp măt Y-Rêsin ndrel ma kon bu klâu Y-Rêmalia;

Nau Nhĭm Vơl 3:26

Ueh ngăn yơh ăn ma nơm klăk klêm gŭ kâp Nau tâm rklaih Brah Yêhôva.

Amôt 4:11

“Gâp hŏ ƀư rai ƀaƀă tâm phung khân may Nâm bu Brah Ndu ƀư rai Sôdôm jêh ri Gômôrơ Jêh ri khân may nâm bu rlŭt ŭnh bu rhuăt bơh ntŭk ŭnh sa, Ƀiălah khân may mâu lĕ ŭch plơ̆ sĭt ma Gâp.” Brah Yêhôva lah.

Habakuk 2:3

Yorlah nau tâm saơ hôm e kâp rnôk tât geh nau tâm di; Păng văch gơnh hăn tât ntŭk nglĕ dŭt, mâu mƀruh ôh. Tơlah păng băt tât, ăn gŭ kâp ƀât; N'hêl nanê̆ păng mra tât, mâu mbrĕ mbrơi ôh.

Sakari 3:2

Brah Yêhôva lah ma Satan: “Hơi Satan, Brah Yêhôva geh nau dơi nduyh may! Brah Yêhôva, Nơm hŏ săch jêh ƀon Yêrusalem, nduyh may! Mâu di bơh nơm aơ jêng rlŭt ŭnh dôl hit bu rhuăt lơi tă bơh ŭnh?”

Mathay 10:28

Lơi klach ôh ma phung nkhĭt săk jăn ƀiălah mâu dơi nkhĭt huêng; ƀiălah ăn khân may klach ma nơm dơi nkhĭt huêng nđâp ma săk jăn tâm ndrung ŭnh.

Mathay 24:6

Khân may mra tăng ma nau tâm lơh jêh ri nau bu nkoch ma nau tâm lơh. Njrăng hom, lơi rŭng răng! Yorlah lĕ nau nây mra tât geh, ƀiălah ê hŏ tât nglĕ dŭt ôh.

Nau Vay Nkah Tay 20:3

Păng mra lah: ‘Hơi phung Israel, iăt hom! Nar aơ khân may mra tâm lơh đah phung rlăng. Lơi rdja ôh nuih n'hâm, lơi klach ôh, lơi râm sâr, lơi krit kir, dôl tâm rdâng đah khân păng,

I Samuel 17:32

Y-Đavit mbơh ma Y-Sôl: “Lơi ăn rdja nuih ôh yor bunuyh Philistin ri! Oh mon may mra hăn tâm lơh đah bu klâu Philistin nây.”