Êsai 7:2 - Nau Brah Ndu Ngơi 2023

² Tơlah bu mbơh ma ngih Y-Đavit pô aơ: “Phung Aram tâm rnglăp jêh đah phung Êphraim,” nuih n'hâm hađăch Ahas nđâp ma phung ƀon lan râm nsâr tâm ban ma tơm si tâm krŏng n'goh n'gơ tanăp sial.

Êsai 7:2 Iomraidhean Croise

II Samuel 7:16

Pônây, nau chiă uănh jêh ri ƀon bri hađăch may mra jêng nâp n'ho ro tanăp măt may; sưng hađăch may mra dơi nâp mro mrăng.’”

I Phung Hađăch 11:32

Ƀiălah yor ma oh mon Gâp jêng Y-Đavit jêh ri yor Yêrusalem, ƀon Gâp hŏ săch jêh ta nklang lĕ rngôch ndŭl mpôl phung Israel, rĭ dĭng hôm klen du ndŭl mpôl ma noi deh Y-Salômôn.

I Phung Hađăch 12:16

Tơlah saơ hađăch mâu ŭch iăt ôh nau khân păng dăn, lĕ rngôch phung Israel plơ̆ lah ma hađăch: “Moh kô̆ hên geh tâm ngih Y-Đavit? Hên mâu geh drăp ndơn ôh tâm kon Y-Yêsê. Ơ phung Israel! Plơ̆ sĭt hom ma ngih bok khân may. Hơi Y-Đavit! Ntơm bơh aƀaơ uănh njrăng hom ma ngih khân may.” Jêh nây phung ƀon lan Israel plơ̆ sĭt ma ngih bok khân păng.

I Phung Hađăch 13:2

Tông tĭng nau ntăm Brah Yêhôva, bunuyh nây nter tâm rdâng đah nơng ƀư brah pô aơ: “Hơi nơng ƀư brah, nơng ƀư brah! Brah Yêhôva lah: ‘Ri! du huê kon bu klâu mra dơi deh ma ngih Y-Đavit, amoh păng jêng Y-Jôsia. Păng mra nhhơr ta klơ may n'hanh phung kôranh ƀư brah ta lĕ ntŭk prêh klơ, jêng phung gŭch ndơ ƀâu kah ta klơ may, jêh ri bu mra su ta klơ may nting phung bunuyh khĭt.’”

II Nau Rêh Jêng 25:10

Pôri, Y-Amasia tâm nkhah ma phung tahan văch jêh ma păng bơh phung Êphraim, jêh ri ăn ma khân păng plơ̆ sĭt ma ngih khân păng. Yor ri, khân păng ji nuih ngăn ma phung Yuđa jêh ri plơ̆ sĭt ma ngih ma nau ji nuih ngăn.

II Nau Rêh Jêng 28:12

Nôk nây, geh đŏng ƀaƀă tâm phung kôranh chiă uănh bơh Êphraim nâm bu Y-Asaria kon bu klâu Y-Jêhôhanan; Y-Bêrêkia kon bu klâu Y-Mêsilêmôt; Y-Jêhiskia kon bu klâu Y-Salum; jêh ri Y-Amasa kon bu klâu Y-Hadlai, dâk tâm rdâng đah phung plơ̆ sĭt tă tâm lơh.

Nau Mprơ Ơm 11:1

Gâp gŭ krap săk jăn ntŭk Brah Yêhôva. Mâm ƀư khân may nănh ntĭm gâp: “Hăn du hom, nâm bu sĭm mpăr sĭt tâm yôk?

Nau Hôr 28:1

Bunuyh djơh nchuăt du nđâp lah mâu geh bunuyh hăn tĭng păng, Ƀiălah bunuyh sŏng srăng dăng ktang nâm bu yau mŭr.

Êsai 11:13

Aƀaơ, nau mâu nach tâm phung Êphraim mâu hôm geh, Bu mra ƀư rai lơi phung ƀư mhĭk ma phung Yuđa; Phung Êphraim mra mâu mra hôm mâu nach ma phung Yuđa, Jêh ri phung Yuđa mâu hôm ji nuih ma phung Êphraim ôh.

Êsai 22:22

Gâp mra dơm keh khuă ngih Y-Đavit ta klơ săng nglik păng. Păng pơk mâu geh nơm dơi nchăng ôh, jêh ri păng nchăng mâu geh nơm dơi pơk ôh.

Êsai 37:27

Phung ƀon lan gŭ tâm lĕ ƀon nây mâu hôm geh nau ktang ôh, Klach krit jêh ri bêk prêng; Khân păng jêng nâm bu tơm si gơ̆ rêp tâm mir, Nâm bu gơ̆ ndrêh, Nâm bu gơ̆ nse hon ta klơ chor ngih, Nâm bu lôk mir êlor ma ba ƀlê hon.

Êsai 37:35

Yor Gâp jêh ri yor Y-Đavit, oh mon Gâp, Gâp nơm yơh mra king n'gang jêh ri tâm rklaih ƀon aơ.”

Êsai 6:13

Nđâp tơlah du kô̆ tâm jât hôm e tâm khân păng Bu mra ƀư rai lơi; Ƀiălah, nâm bu kăl jêh tơm n'ho, tơm guyh hôm om knŏng yôk ngâl, Ndŭl mpôl kloh ueh jêng yôk ngâl păng.”

Êsai 7:13

Y-Êsai lah: “Hơi ngih Y-Đavit, iăt hom! Mâm khân may lah ƀư rsuak bu jêng nau kan jê̆, kŏ aƀaơ khân may ŭch ƀư rsuak Brah Ndu gâp đŏng?

Êsai 7:17

Brah Yêhôva mra ăn tât ma may, ma phung ƀon lan may jêh ri ma ta ngih hađăch lĕ nar nau tât ê mâp geh ntơm bơh nar phung Êphraim tâm nkhah đah phung Yuđa, nĕ jêng nar Brah Ndu mra njuăl hađăch Asiri tât.”

Êsai 7:5

Yorlah Aram ndrel ma phung Êphraim jêh ri kon bu klâu Y-Rêmalia mĭn ŭch ƀư mhĭk ma may, jêh ri lah pô aơ:

Êsai 8:12

“Lơi rnha ôh nau ndơm ma lĕ rngôch nau phung ƀon lan aơ mra rnha nau ndơm! Lơi klach ôh nau khân păng klach, mâu lĕ râm nsâr.

Êsai 9:9

“Glo neh uk rlâm jêh, Ƀiălah he mra rdâk tay ma lŭ khlay; Bu kăl chôt jêh tơm sikamôr, Ƀiălah he mra ntrok ma tơm Sêdar ta ntŭk khân păng.”

Yêrêmi 21:12

Hơi ngih Y-Đavit! Brah Yêhôva lah: Ăp ôi ƀư hom nau sŏng srăng, Rklaih hom bunuyh bu tŭn jot tă bơh ti nơm tŭn jot, Klach lah yor khân may ƀư nau mhĭk, Ma nau Gâp ji nuih hit nâm bu ŭnh.’ Mâu geh nơm dơi nhhât ôh.

Ndrom Samƀŭt bơh Ôsê 12:1

Êphraim sŏk nau ngơi mƀruh, Ngih Israel sŏk nau ndơm nchueng Gâp. Ƀiălah Yuđa ăt hăn ma Brah Ndu Jêh ri prăp nuih n'hâm răp jăp đah Nơm Kloh Ueh.

Mathay 2:3

Tăng lư nau nây, hađăch Hêrôt jêh ri lĕ rngôch ƀon Yêrusalem geh nau rŭng răng da dê.