Êsai 7:1 - Nau Brah Ndu Ngơi 2023

¹ Tâm rnôk Y-Ahas chiă uănh, kon bu klâu Y-Jôtham, sau Y-Usia hađăch bri Yuđa, geh Y-Rêsin hađăch bri Aram ndrel ma hađăch bri Israel jêng Y-Pêka, kon bu klâu Y-Rêmalia, leo phung tahan hăn lơh ƀon Yêrusalem, ƀiălah khân păng mâu dơi pit ôh.

Êsai 7:1 Iomraidhean Croise

II Phung Hađăch 15:25

Du huê kôranh chiă uănh ma phung tahan Y-Peka, kon Y-Rêmalia, nchră nau tâm rdâng đah păng jêh ri lơh nkhĭt păng tâm ƀon Samari, tâm pôih nâp ngih hađăch, nkhĭt lĕ Y-Argôp jêh ri Y-Ariêh. Y-Pêka djôt leo ndrel prăm jât bunuyh Gilêat, păng nkhĭt Y-Pekahia jêh ri pit sŏk sưng hađăch.

II Phung Hađăch 15:27

Tâm năm prăm jât ma bar rnôk rô̆ Y-Asaria, hađăch Yuđa chiă uănh, geh Y-Pêka, kon Y-Rêmalia, hao ƀư hađăch Israel ta ƀon Samari, jêh ri chiă uănh bar jât năm.

II Phung Hađăch 15:37

Tâm rnôk nây, Brah Yêhôva ntơm ƀư ăn ma Y-Rêsin hađăch Aram, jêh ri Y-Pêka, kon Y-Rêmalia, văch tât lơh phung Yuđa.

II Phung Hađăch 16:1

Năm rơh jât ma pơh rnôk rô̆ Y-Pêka, kon Y-Rêmalia chiă uănh, geh Y-Ahas, kon Y-Jôtham hađăch Yuđa, hao jêng hađăch.

II Phung Hađăch 16:5

Nôk nây, Y-Rêsin hađăch Aram, jêh ri Y-Pêka, kon Y-Rêmalia, hađăch Israel, leo phung tahan păng tât ta Yêrusalem gay tâm lơh. Khân păng nchueng jŭm Y-Ahas, ƀiălah khân păng mâu dơi đah hađăch ôh.

Êsai 1:1

Tâm rnôk Y-Usia, Y-Jôtham, Y-Ahas jêh ri Y-Hêsêkia jêng phung hađăch Yuđa, Y-Êsai, kon bu klâu Y-Amôt, dơn nau tâm saơ ma bri dak Yuđa jêh ri ma ƀon Yêrusalem.

Êsai 8:6

“Yorlah phung ƀon lan aơ hŏ dun jêh ma n'hong dak Silôê đăp mpăn, jêh ri klach râm nsâr tanăp măt Y-Rêsin ndrel ma kon bu klâu Y-Rêmalia;

Êsai 9:11

Phung Aram panăp, jêh ri phung Philistin pakơi, Hă trôm mbung rvăn phung Israel. Nđâp lah kơt nĕ, nau păng ji nuih mâu du ôh, Ƀiălah ti Păng ăt hôm yơr!

Êsêkiêl 27:16

Yorlah may geh âk ngăn ndô ndơ yor ri phung Aram tăch drăp đah may; khân păng tăch lŭ khlay jaspidi, bok chăng, bok bu cheh chiăk, bok mhay rhên, lŭ tâm dâng dak mƀŭt, jêh ri lŭ rubi tâm rgâl drăp ndơ đah may.

Ndrom Samƀŭt bơh Ôsê 1:1

Aơ jêng nau Brah Yêhôva lah ma Y-Ôsê, kon bu klâu Y-Bêri, tâm rnôk phung hađăch Usia, Y-Jôtham, Y-Ahas, Y-Hêsêkia n'gor Yuđa, jêh ri hađăch Jêrôbôam, kon bu klâu Y-Jôas, phung Israel.

Mika 1:1

Nau Brah Yêhôva lah ma Y-Mika, bunuyh ƀon Môrêset tâm nôk phung hađăch n'gor Yuđa jêng Y-Jôtham, Y-Ahas jêh ri Y-Hêsêkia, bơh lĕ nau păng tâm saơ ma ƀon Samari jêh ri ƀon Yêrusalem.