Êsai 66:3 - Nau Brah Ndu Ngơi 2023

³ Mbu nơm nkhĭt du mlâm ndrôk jêng tâm ban ma nơm nkhĭt du huê bunuyh; Nơm nhhơr kon biăp ƀư mpa ƀư brah tâm ban ma nơm nkê̆ch juet lơi trô ko so; Nơm nhhơr ndơ ƀư brah rnih môi jêng tâm ban ma nơm nhhơr mham sŭr; Nơm su ndơ ƀâu kah jêng tâm ban ma nơm yơk mbah ma rup brah. Yorlah khân păng săch tĭng trong khân păng nơm, Jêh ri nuih n'hâm khân păng knŏng maak ƀư lĕ nau ƀơ̆ ƀơch.

Êsai 66:3 Iomraidhean Croise

Nau Hôr 15:8

Brah Yêhôva tâm rmot mpa ƀư brah bơh phung mhĭk, Ƀiălah Păng maak nau mbơh sơm bơh bunuyh sŏng.

Nau Hôr 21:27

Mpa ƀư brah bơh phung mhĭk jêng du ndơ ƀơ̆ ƀơch; Lơ hô khân păng djôt leo ndrel ma nau mĭn djơh mhĭk.

Êsai 44:19

Mâu geh nơm gŭ mĭn ôh, mâu lĕ geh nơm dŏng nau gĭt rbăng mâu lah nau sek uănh, kŏ tât lah pô aơ: “Gâp sŏk jêh du gâl tơm si nây sŭnh ŭnh, ta klơ sa ônh gâp hŏ gŭch piăng let, gâp hŏ gŭch puăch jêh ri gâp sa; jêh ri gâl hôm e, gâp ƀư du ndơ bu tâm rmot lĕ? Mâm gâp hăn chon mon mbah đŏng tanăp du n'gâng tơm si?”

Êsai 53:6

Lĕ rngôch he tâm ban ma biăp hăn nhhơt, Ăp nơm he teng tĭng trong păng nơm; Brah Yêhôva hŏ ƀư lĕ rngôch nau tih he N'gân klơ Păng da dê.

Êsai 57:17

Yor nau păng kơnh rlau ir dĭng Gâp ji nuih jêh ri dong păng. Tâm nau ji nuih, Gâp hŏ pôn jêh muh măt Gâp ma păng, Ƀiălah păng ăt plơ̆ tay nâm trong nuih n'hâm păng.

Êsai 65:12

Gâp mra tâm nal khân may ma đao, Lĕ rngôch khân may mra chon mon dơn nau bu nkhĭt; Yorlah Gâp hŏ kuăl ƀiălah khân may mâu plơ̆ lah ôh, Gâp ngơi jêh ƀiălah khân may mâu iăt. Khân may ƀư jêh nau mhĭk tâm dâng măt Gâp, Jêh ri hŏ săch jêh nau mâu ƀư maak ma Gâp.”

Êsai 65:2

Lĕ nar Gâp yơr ti Mpeh du phung ƀon lan vay tâm rdâng; Jêng phung hăn tâm trong mâu ueh, Tĭng nâm nau mĭn khân păng nơm;

Êsai 66:17

Phung prăp ƀư kloh khân păng nơm lăp tâm lĕ đang trao yơk mbah rup brah ta nklang đang trao, sa puăch sŭr, puăch đe jêh ri lĕ ndơ ƀơ̆ ƀơch êng, mra khĭt ndrel n'grŭp,” Brah Yêhôva lah pônây.

Yêrêmi 6:20

Moh nau Gâp ŭch ntăk si ƀâu kah tât bơh Sêba, Mâu lah n'hôl calamôs tât bơh bri ngai ngăn? Ndơ ƀư brah gŭch phung khân may mâu ueh nuih n'hâm Gâp, Lĕ mpa ƀư brah khân may ăt mâu ƀư maak ma Gâp lĕ.”

Kan Lêvi 2:2

jêh nây njŭn ma phung kon sau Y-Arôn, jêng phung kôranh ƀư brah. Kôranh ƀư brah mra sŏk du mbăt rnih môi, dak ngi jêh ri lĕ rngôch dak si ƀâu kah jêh nây su ta klơ nơng nâm bu ntĭt lĕ rngôch ndơ ƀư brah rnih môi. Nĕ jêng ndơ ƀư brah ăn ŭnh sa, geh n'hôl ƀâu kah ƀư maak nuih n'hâm Brah Yêhôva.

Ndrom Samƀŭt bơh Agê 2:14

Y-Agê lah: “Brah Yêhôva lah: ‘Panăp măt Gâp, phung ƀon lan aơ, bri dak aơ tâm ban pônây lĕ, lĕ rngôch kan ti khân păng ƀư tâm ban lĕ; moh ndơ khân păng nhhơr ta aơ jêng ƀơ̆ da dê.’

Nau Vay Nkah Tay 14:8

Sŭr geh nchop tâm nkhah, ƀiălah mâu blau njuah tay ôh, jêng mpa mâu kloh ma khân may. Lơi sa puăch lĕ mpô mpa nây, mâu đŏng pah ta săk jăn khĭt khân păng.

Nau Vay Nkah Tay 23:18

Khân may mâu dơi ôh djôt leo lăp ta ngih Yêhôva Brah Ndu rnoh prăk nkhôm kan bơh du huê bu ur văng tĭr, mâu lah rnoh khlay du mlâm so, nđâp lah jêng rnoh ƀư nanê̆ nau ton, yorlah lĕ bar ntil ndơ nây jêng nau Yêhôva Brah Ndu khân may tâm rmot da dê.

Phung Kôranh Phat Dôih 10:14

Hăn vơl dăn hom ma phung brah khân may hŏ săch jêh gay khân păng tâm rklaih khân may dôl nau rêh ni!”

Phung Kôranh Phat Dôih 21:25

Nôk nây, phung Israel mâu geh hađăch ôh. Ăp nơm ƀư tĭng nâm păng mĭn di.

Phung Kôranh Phat Dôih 5:8

Nôk bu hŏ săch jêh phung brah mhe, Ri mơ nau tâm lơh tât ta mpông ƀon. Tâm puăn jât rbăn nuyh tâm phung Israel Mbu moh saơ khêl mâu lah đao?