Êsai 6:4 - Nau Brah Ndu Ngơi 2023

⁴ Bâr phung nter huy ngăn ƀư ma lĕ n'gâng mpông ta ntŭk mbong mpông sâr n'gơ, jêh ri ngih brah bêng ma nhhŭk ŭnh.

Êsai 6:4 Iomraidhean Croise

II Nau Rêh Jêng 5:13

Phung uh nŭng nđâp ma phung mprơ ăn bu iăt khân păng tâm rnglăp tâm ban du huê, mât ton tâm rnê ma Brah Yêhôva. Khân păng mprơ ndrel nđâp ma bâr nŭng, bâr rgu dang nteh ăn huy, jêh ri lĕ gong êng, jêh ri mât ton ma Brah Yêhôva pô aơ: “Yorlah Kôranh Brah jêng ueh, Nau ueh Păng hôm tât ƀaƀơ n'ho ro!” Nôk nây, ngih Brah Yêhôva geh bêng tŭk

Nau Mprơ Ơm 18:8

Nhhŭk ŭnh luh tă bơh trôm muh Păng, Mpiăt ŭnh hit luh tă bơh mbung Păng Ƀư ăn sa ônh hit hâng.

Nau Ngluh Êjipt 40:34

Jêh nây geh du ndâr tŭk nkŭm Ngih Bok Nau Tâm Rƀŭn jêh ri nau chrêk rmah Brah Yêhôva bêng Ngih Bok.

Êsêkiêl 1:24

Tơlah khân păng hăn leo panăp, gâp tăng nteh rpuh lĕ nting năr khân păng nâm bu nteh dak hoch djhut djhut, nâm bu bâr Nơm Geh Lĕ Nau Brah, nteh drơu drơu phung tahan. Tơlah khân păng gŭ nsrŭng, nting năr khân păng nhop.

Êsêkiêl 10:5

Nteh rpuh nting năr chêrubim bu tăng kŏ tât ta nkual nhuang padih nâm bu bâr Brah Ndu Geh Lĕ Nau Brah tơlah Păng lah.

Êsêkiêl 41:16

Lĕ ndop mpông, lĕ mpông bloh mbong gre, lĕ nkual văr jŭm pe tăp nây, mpeh panăp ndop mpông, lĕ rngôch ndop mblum văr jŭm ma kađar da dê. Ntơm bơh neh tât mpông bloh jêh ri lĕ mpông bloh geh nkŭm da dê.

Êsêkiêl 44:4

Jêh nây păng leo gâp tât panăp ngih brah ta mpông pêr mpeh pa lơ. Gâp uănh treng, aơ, nau chrêk ma lơp Brah Yêhôva bêng ngih Brah Yêhôva, jêh ri gâp păn muh măt ta neh.

Amôt 9:1

Gâp saơ Kôranh Brah dâk ta êp nơng ƀư brah jêh ri lah pô aơ: “Dong hom ta lĕ chiông meh n'gâng Gay n'gơ lĕ ntơng mpông; Mbang rlâm hom lĕ rup ta klơ bôk khân păng! Mbu nơm phung hôm klen Gâp mra nkhĭt ma đao Mâu geh ôh du huê tâm phung khân păng nchuăt du, Mâu geh ôh du huê tâm phung khân păng dơi klaih.

Nau Tâm Mpơl 11:19

Ngih brah Brah Ndu ta klơ trôk pơk jêh, tâm trôm saơ geh Hip Nau Tâm Rnglăp Păng, jêh nây geh lĕ lơp nglaih, bâr ngơi, nteh nglaih, nau n'găr neh jêh ri mih pler ktang.

Nau Tâm Mpơl 15:8

Ngih brah bêng ma nhhŭk ŭnh tă bơh nau chrêk rmah Brah Ndu jêh ri nau brah Păng; mâu geh ôh du huê klăp dơi lăp tâm ngih brah kŏ tât pơh ntil nau rêh ni tă bơh pơh nuyh tông mpăr lĕ lôch jêh.