Êsai 6:2 - Nau Brah Ndu Ngơi 2023

² Phung sêraphim dâk pah kan jŭm Păng. Ăp nơm khân păng geh prao plơp năr, bar plơp nkŭm muh măt, bar plơp nkŭm jâng jêh ri bar plơp prăp mpăr.

Êsai 6:2 Iomraidhean Croise

Nau Ntơm 17:3

Y-Abram chŭn muh măt ta neh. Brah Ndu lah ma păng:

I Phung Hađăch 19:13

Tơlah tăng bâr nteh nây, Y-Êli sŏk ao jâr nkŭm ndâp muh măt păng nơm, luh dâk ta bâr trôm nây. Nôk nây, geh bâr ngơi đah păng: “Hơi Y-Êli, moh nau may dôl ƀư ta aơ?”

I Phung Hađăch 22:19

Y-Mika lah tay: “Pônây, iăt hom nau Brah Yêhôva ngơi: Gâp saơ Brah Yêhôva gŭ ta klơ sưng hađăch, jêh ri lĕ rngôch phung tahan tâm trôk gŭ dâk mpeh pa ma jêh ri mpeh pa chiau Păng.

I Phung Hađăch 6:24

Du mlâm nting năr chêrub jong bar met n'gul, nting năr ri ăt jong bar met n'gul; kơt nây, ntơm bơh chiông nting năr aơ ma đah chiông nting năr ri jong prăm met.

I Phung Hađăch 6:27

Y-Salômôn n'gân bar chêrubim nây ta nklang Ntŭk Dŭt Kloh Ueh, ta ntŭk nglĕ dŭt ngih brah. Ntĭng năr chêrubim lĭ luh gay du mlâm nting năr chêrub tal nguay rđĭl đah mpir mpeh đah aơ, jêh ri du mlâm nting năr chêrub tal bar rđĭl đah mpir mpeh đah ri. Bar mlâm nting năr hôm e nây tâm mâp ndrel ta nklang Ntŭk Dŭt Kloh Ueh.

I Phung Hađăch 8:7

Yorlah phung chêrubim lĭ năr khân păng ta klơ ntŭk n'gân Hip Nau Tâm Rnglăp, pônây nkŭm Hip Nau Tâm Rnglăp jêh ri lĕ mâng tung.

Nêhêmi 9:6

Vư, knŏng du huê Kôranh Brah jêng Brah Yêhôva geh nguay mâu hôm geh bar ôh; Kôranh Brah hŏ rhăk njêng lĕ ndâr trôk jêh ri trôk ma lĕ ndâr trôk ndrel ma lĕ rngôch phung tahan khân păng, Neh nđâp ma lĕ rngôch mpa tâm ta klơ neh ntu, dak mƀŭt jêh ri ma lĕ rngôch mpa geh tâm dak mƀŭt. Kôranh Brah mât njrăng lĕ rngôch ndơ nây Jêh ri phung tahan tâm trôk yơk mbah May da dê.

Ndrom Samƀŭt bơh Yôp 1:6

Geh du nar nây, phung tông mpăr Brah Ndu văch mpơl măt tanăp Brah Yêhôva. Satan tât ndrel ma khân păng.

Ndrom Samƀŭt bơh Yôp 15:15

Ri, Brah Ndu mâu rnơm ôh ma phung tông mpăr Păng, Tâm dâng măt Păng, lĕ ndâr trôk mâu lĕ kloh rsang,

Ndrom Samƀŭt bơh Yôp 4:18

Nđâp ma phung oh mon Păng, Păng kŏ mâu rnơm đŏng, Tông mpăr Păng, Păng hôm e nduyh nau tih;

Nau Mprơ Ơm 103:20

Ơ phung tông mpăr Brah Yêhôva, Jêng lĕ nơm geh nau ktang ƀư tĭng nau Păng đă, Jêh ri tông bâr tĭng nau Păng lah! Mât ton hom ma Brah Yêhôva!

Nau Mprơ Ơm 104:4

Păng mprơh sial jêng nơm mbơh Păng, Mpiăt ŭnh ƀư oh mon Păng.

Nau Mprơ Ơm 18:10

Păng ncho ta klơ Chêrubim jêh ri mpăr, Păng mpăr ta klơ ma năr n'hâm sial.

Nau Mprơ Ơm 89:7

Brah Ndu khư ma nau klach yơk tâm phung kloh ueh, Khư klach yơk ngăn rlau lơn ma lĕ rngôch phung gŭ văr jŭm păng.

Nau Ngluh Êjipt 25:20

Bar chêrubim mra lĭ bar đah nting năr nkŭm ndrŭp nau yô̆. Phung chêrubim tâm thâng muh măt, uănh ndrel mpeh ta ndrŭp nau yô̆ an.

Nau Ngluh Êjipt 3:6

Jêh nây Brah Ndu lah tay: “Gâp jêng Brah Ndu ma chô yau may, Brah Ndu Y-Abraham, Brah Ndu Y-Isăk, jêh ri Brah Ndu Y-Yakôb.” Y-Môis nking ro măt păng yorlah păng klach uănh saơ Brah Ndu.

Nau Ngluh Êjipt 37:9

Bar chêrubim lĭ bar đah nting năr nkŭm ndrŭp nau yô̆. Muh măt tâm thâng muh măt, phung chêrubim tâm rle năp đah ndrŭp nau yô̆.

Êsai 6:6

Rnôk nây, du tâm phung sêraphim mpăr văch ta gâp, tâm ti djôt sa ônh rnga ŭnh sa ônh păng hŏ dŏng nkep tă bơh nơng ƀư brah.

Êsêkiêl 1:11

Nây jêng măt khân păng. Bi ma ntĭng năr khân păng dĭ rlet hao prêh; ăp mlâm geh bar plơp nting năr tâm rđĭl jêh ri geh bar plơp nting năr nkŭm săk khân păng.

Êsêkiêl 1:24

Tơlah khân păng hăn leo panăp, gâp tăng nteh rpuh lĕ nting năr khân păng nâm bu nteh dak hoch djhut djhut, nâm bu bâr Nơm Geh Lĕ Nau Brah, nteh drơu drơu phung tahan. Tơlah khân păng gŭ nsrŭng, nting năr khân păng nhop.

Êsêkiêl 1:4

Ri gâp saơ geh phŭt văch tât tă bơh mpeh pa lơ khôm tât, geh du ndâr tŭk toyh put ŭnh hit sol ang văr jŭm păng, jêh ri tă bơh tâm nklang ŭnh nây geh ndơ n'gă ang nâm bu kông nchrat lơp lam trôk.

Êsêkiêl 1:6

ƀiălah ăp mpa rêh geh puăn măt jêh ri puăn nting năr.

Êsêkiêl 1:9

nting năr khân păng tâm rđĭl; lah khân păng hăn mâu rle n'gĭl ôh ƀiălah ăp mlâm ăt hăn sŏng rlet panăp.

Êsêkiêl 10:16

Tơlah phung chêrubim hăn lĕ jâng ndeh hăn ta meng; tơlah phung chêrubim lĭ nting năr gay hao klơ tă bơh neh pôri lĕ jâng ndeh hôm gŭ ta meng khân păng.

Êsêkiêl 10:21

Ăp chêrub geh puăn muh măt jêh ri puăn nting năr; tâm dâng nting năr geh rup nâm bu ti bunuyh.

Daniel 7:10

Tanăp măt Păng, Du n'hor dak krong ŭnh hoch. Rbăn rbăn nuyh pah kan ma Păng Rmưn rmưn gŭ tanăp Păng Phung phat dôih ntơm phat dôih, Ndrom samƀŭt hŏ pơk jêh.

Daniel 9:21

Tơlah gâp dôl nhhơr nau mbơh sơm, pôri Gabriel, nơm gâp saơ jêh tâm nau tâm saơ lor lơn, mpăr ngăch văch ta gâp ta mông bu nhhơr mpa ƀư brah ta mhaơ.

Sakari 3:4

Tông mpăr nây lah ma phung dôl dâk tanăp păng: “Doh hom ao uk tă bơh nơm nây.” Jêh ri tông mpăr lah ma Y-Yôsuê: “Uănh hom, Gâp hŏ sŏk lơi jêh nau kue tă bơh may, jêh ri Gâp mra ăn may nsoh ao ueh.”

Luka 1:10

Tâm mông nhhơr ndơ ƀâu kah, lĕ phung bunuyh âk gŭ padih mbơh sơm.

ហេឞ្រើ 1:7

Păng lah ma phung tông mpăr: “Brah Ndu ƀư ma phung tông mpăr tâm ban ma sial, Jêh ri ma phung oh mon Păng tâm ban ma mpiăt ŭnh.”

Nau Tâm Mpơl 14:6

Jêh nây gâp saơ du huê tông mpăr êng mpăr ta nklang trôk, geh Nau Mhe Mhan Ueh n'ho ro gay mbơh ma phung gŭ ta neh ntu, ma lĕ rngôch bri dak, phung ndŭl mpôl, lĕ rngôch nau ngơi, lĕ rngôch phung ƀon lan.

Nau Tâm Mpơl 4:8

Puăn mpa rêh nây, ăp mpa geh prao nting năr, jŭm jêh ri tâm săk bêng măt da dê; măng nâm nar lah ƀaƀơ mâu rlu ôh: “Kloh ueh, kloh ueh, kloh ueh, Kôranh Brah jêng Brah Ndu Geh Lĕ Nau Brah, NƠM HŎ GEH JÊH, AɃAƠ AƠ JÊH RI DÔL VĂCH!”

Nau Tâm Mpơl 7:11

Lĕ rngôch phung tông mpăr dâk jŭm sưng hađăch, jŭm phung kôranh bu ranh jêh ri phung puăn mpa rêh, chon mon tanăp sưng hađăch jêh ri yơk mbah ma Brah Ndu,

Nau Tâm Mpơl 8:13

Jêh ri gâp uănh, jêh ri tăng du mlâm klang ƀŭng dôl mpăr ta nklang trôk, nter huy: “Rêh ni ngăn! Rêh ni ngăn! Rêh ni ngăn ma lĕ phung ƀon lan gŭ tâm neh ntu nôk bâr nŭng pe nuyh tông mpăr êng bơi uh!”