Êsai 57:2 - Nau Brah Ndu Ngơi 2023

² May mra hăn tâm nau đăp mpăn. Mbu nơm rêh tâm nau sŏng Pôri dơi rlu ta klơ sưng bê̆ch păng nơm.

Êsai 57:2 Iomraidhean Croise

Nau Ntơm 17:1

Rnôk Y-Abram geh sĭn jât msĭn năm, Brah Yêhôva tâm mpơl đah păng jêh ri lah ma păng: “Gâp jêng Brah Ndu Geh Lĕ Nau Brah; ăn may hăn hom tanăp măt Gâp jêh ri gŭ rêh ueh sŏng srăng ngăn.

II Nau Rêh Jêng 16:14

Bu tâp păng tâm môch ntŭk păng nơm kuyh jêh ma păng nơm tâm ƀon Đavit. Bu dơm săk jăn khĭt păng ta klơ sưng bêng dak si ƀâu kah hŏ tâm pot tĭng di nau bu n'hĭ ƀư ndơ ƀâu kah; khân păng ăt su ŭnh toyh gay nhĭm nhhiăng ma păng.

Ndrom Samƀŭt bơh Yôp 3:17

Ta nây phung ƀai lĕ bah ƀư rkhŭk. Bunuyh huăr hươi dơi gŭ rlu.

Nau Mprơ Ơm 37:37

Sek uănh hom ma bunuyh rah vah jêh ri uănh ma bunuyh sŏng, Yorlah nglĕ dŭt bunuyh đăp mpăn mra geh nau ueh maak.

Nơm Nti 12:7

Jêh ri ndruyh neh plơ̆ sĭt tâm neh nâm bu kơt saơm, Bi huêng plơ̆ sĭt ndrel Brah Ndu jêng Nơm hŏ ăn păng.

Êsai 14:18

Lĕ rngôch hađăch ăp bri lah gŭ bê̆ch, Bu tâp ăp nơm tâm môch khân păng nơm tâm nau bu yơk.

Êsai 26:7

Trong phung sŏng srăng jêng trong di; Ơ Nơm Sŏng Srăng, dăn May ƀư ăn lâng trong phung sŏng srăng.

Yêrêmi 6:16

Brah Yêhôva lah: “Dâk hom kêng lĕ trong hăn jêh ri kâp uănh, Joi ôp lĕ trong ngai kăl e, Uănh ntŭk jêng trong di lĕ trong sŏng jêh ri hăn trong nây, Joi hom ntŭk rlu ăn ma huêng may. Ƀiălah khân păng plơ̆ lah: ‘Hên mâu ŭch hăn trong nây.’

Êsêkiêl 32:25

Sưng khân păng bu hŏ dơm jêh ta nklang phung bu nkhĭt, ndrel ma phung ƀon lan âk gŭ dâk văr jŭm môch păng. Lĕ rngôch phung mâu hŏ dơn nau koh ntâu nây hŏ khĭt yor ma đao yorlah khân păng hŏ srih nau krit toyh tâm bri phung hôm rêh. Khân păng dơn nau bêk prêng ndrel ma phung trŭnh jêh tâm trôm ntu jru, jêh ri bu dơm păng ta nklang phung bu nkhĭt jêh.

Daniel 12:13

Bi may, ăn mât răp jăp kŏ tât rnôk nglĕ dŭt. May mra dơi rlu jêh ri tât lĕ nar nglĕ dŭt, may mra dâk tâm drăp ndơn ma may.”

Mathay 25:21

Kôranh lah ma bunuyh nây: ‘Hơi oh mon sŏng jêh ri răp jăp, ueh ngăn! May hŏ răp jăp tâm kan jê̆, gâp mra ăn may mât uănh âk. Lăp hom gŭ maak ndrel ma kôranh may.’

Luka 1:6

Lĕ bar hê jêng bunuyh sŏng srăng tanăp Brah Ndu, tông djôt prăp lĕ nau vay jêh ri tĭng nau ntĭm Kôranh Brah ntăm nŭm rĭng ngăn.

Luka 16:22

Bunuyh o ach nây khĭt, tông mpăr Brah Ndu leo păng n'gân tâm ntang ntơh Y-Abraham. Bunuyh ndrŏng khĭt đŏng jêh ri bu leo tâp păng.

Luka 2:29

“Ơ Kôranh Brah, aƀaơ aơ dăn Kôranh Brah ăn ma oh mon May luh hăn tâm nau đăp mpăn, Tĭng nâm nau May hŏ ngơi jêh;

Luka 7:50

Ƀiălah Brah Yêsu lah ma bu ur nây: “Nau chroh ay tâm rklaih ay jêh; hăn hom đăp mpăn.”

II Kôrintô 5:1

Yorlah he gĭt tơlah ngih njưh he ta neh ntu geh nau rai, he mra geh ngih tâm trôk n'ho ro gŭ ta klơ trôk, tă bơh Brah Ndu ndâk njêng, mâu di tă bơh ti kon bunuyh ôh.

II Kôrintô 5:8

Pô ri, he nănh janh mro jêh ri ŭch luh tă bơh săk jăn aơ gay gŭ ndrel ma Kôranh Brah ueh lơn.

Philip 1:23

Gâp geh nau mpet bar đah: Gâp ŭch luh du jêh ri plơ̆ sĭt gŭ ndrel ma Brah Krist jêng nau ueh lơn âk ngăn.

Nau Tâm Mpơl 14:13

Gâp tăng nteh tă bơh trôk ngơi pô aơ: “Nchih hom: Ntơm aƀaơ tât kăndơ̆, ueh maak yơh phung bunuyh khĭt jêng khĭt tâm Kôranh Brah!” Brah Huêng Ueh lah: “N'hêl nanê̆ ngăn, khân păng mra gŭ rlu bơh lĕ hŏt rgănh khân păng nơm jêh ri lĕ kan khân păng tĭng groi khân păng.”