Êsai 53:3 - Nau Brah Ndu Ngơi 2023

³ Păng jêng Nơm bu tâm rmot jêh ri dun jêh, Lĕ mâp găn nau rêh ni, gĭt năl nau ji. Bu tâm rmot ma Păng tâm ban ma bunuyh bu nkŭm muh măt mâu ŭch uănh; He đŏng mâu uănh khlay ma Păng.

Êsai 53:3 Iomraidhean Croise

Nau Mprơ Ơm 69:29

Gâp geh nau o ach jêh ri ji ngăn; Ơ Brah Ndu! Ăn nau May tâm rklaih king n'gang gâp.

Nau Mprơ Ơm 88:4

Bu kơp gâp ndrel ma phung hăn jŭr ntu môch; Gâp jêng nâm bu du huê bu klâu mâu geh nau ktang,

Êsai 49:7

Brah Yêhôva, Nơm Tâm Chuai jêh ri nơm Kloh Ueh Israel, Lah ma nơm bu rmot ngăn, Ma nơm phung ƀon lan aơ mưch rmot, jêng oh mon ma nơm geh nau dơi toyh: “Phung hađăch mra saơ jêh ri dâk; Phung kon hađăch mra păn mbah, Yorlah Brah Yêhôva jêng Nơm răp jăp, Nơm Kloh Ueh Israel, Nơm săch jêh may.”

Êsai 50:6

Gâp jao jêh ndŭr kơi Gâp ăn bu dong, Jêh ri jao trô bom Gâp ma phung păk têp kang Gâp; Gâp mâu mâp pôn măt Ma nau bu ƀư bêk mâu lah bu soh dak diu ta măt.

Êsai 52:14

Ƀiălah âk bunuyh mra hih rhâl ma May; Muh măt May rgay rdjoh rlau lơn ma ăp bunuyh êng, Săk jăn May mâu geh tâm ban ma kon bunuyh.

Êsai 53:10

Brah Yêhôva maak nuih n'hâm ăn Păng ji, Jêh ri dơn nau rêh ni. Tơlah jêh nhhơr nau rêh Păng jêng ndơ ƀư brah chuai nau tih, Păng mra saơ phung kon sau Păng; Lĕ nar Păng gŭ rêh mra ntop jong, Jêh ri nau Brah Yêhôva ŭch dơi jêng ngăn tâm ti Păng.

Êsai 53:4

Nanê̆, Păng tuy jêh nau ji kuet he, Păng anh jêh nau rngot klâng he Ƀiălah he mĭn Păng tâm ban ma nơm Brah Ndu lơh, dong Jêh ri ƀư rêh ni.

Mika 5:1

Hơi Ƀêtlêhem Êphrata, May gŭ tâm nklang rbăn Yuđa jêng jê̆ ngăn, Ƀiălah tă bơh may, Mra deh du huê Nơm chiă uănh ta Israel; Păng geh tơm bơh rnôk kăl e, Bơh ntơm saơm n'ho ro.

Sakari 11:8

Knŏng tâm du khay, Gâp hŏ mprơh jêh pe nuyh rmăk biăp, yorlah Gâp mâu hôm dơi nsrôih đah khân păng đŏng ôh, jêh ri khân păng tâm rmot ma Gâp tâm ban lĕ.

Mathay 26:67

Jêh nây Khân păng soh dak diu ta muh măt Brah Yêsu, lơh Păng. Ƀaƀă nơm tap Păng,

Mathay 27:63

jêh ri lah: “Hơi kôranh, hên kah gĭt ma bunuyh mƀruh nây, dôl păng hôm rêh lah: ‘Lôch pe nar Gâp mra dâk rêh tay.’

Markôs 10:33

Păng lah: “Aơ, he hăn hao ma ƀon Yêrusalem, bu mra jao Kon Bunuyh ma phung kôranh ƀư brah toyh jêh ri ma phung kôranh nchih samƀŭt. Khân păng mra phat dôih nkhĭt Păng, jêh nây jao Păng ma phung bu năch.

Markôs 10:34

Bu mra njrŏ mưch ma Păng, soh dak diu ta Păng, dong ma mâng, jêh ri nkhĭt khĭt Păng; ƀiălah tăch pe nar pakơi, Păng mra dâk rêh tay.”

Markôs 14:34

Păng lah ma khân păng: “Huêng gâp rngot rvê ngăn kŏ tât khĭt, khân may hôm gŭ ta aơ jêh ri rngeh njrăng.”

Markôs 15:19

Khân păng sŏk đŏng tơm rpho mbang ta bôk Păng, soh dak diu ta Păng, jêh ri chon kômâk mbah ma Păng.

Markôs 9:12

Păng plơ̆ lah: “Nanê̆ Y-Êli mra văch lor gay njêng tay lĕ rngôch nau. Mâm nau bu nchih ma Kon Bunuyh pô aơ Păng mra dơn âk nau rêh ni jêh ri bu ƀư nau mhĭk?

Luka 16:14

Phung Pharisi jêng phung rŏng ma prăk rêl tăng lĕ nau nây, ri mơ mưch rmot ma Brah Yêsu.

Luka 19:41

Tơlah văch dăch, uănh saơ ƀon nây, Brah Yêsu nhĭm ma păng jêh ri lah:

Luka 8:53

Khân păng mưch gơm ma Păng yorlah gĭt păng hŏ khĭt ngăn jêh.

Luka 9:22

Brah Yêsu lah: “Kon Bunuyh dơn âk nau rêh ni, phung bu ranh, phung kôranh ƀư brah toyh jêh ri phung kôranh nchih samƀŭt dun lơi, bu nkhĭt Păng, ta nar tal pe Păng dâk rêh tay.”

Yôhan 11:35

Brah Yêsu nhĭm.

Yôhan 8:48

Phung Yuđa plơ̆ lah: “Hên lah Nơm Nti jêng du huê bunuyh Samari jêh ri geh brah mhĭk lơh, di mâu lah mâu?”

Nau Vay Nkah Tay 32:15

Dôl Yêsurun văch ma lay jêh ri chưng, — Khân may lay đŏng, săk jăn rmŏng — Chalơi Brah Ndu, Nơm njêng jêh khân may nơm Jêh ri mưch ma Lŭ Toyh tâm rklaih khân may nơm.

ហេឞ្រើ 4:15

Yorlah he mâu geh du huê kôranh ƀư brah toyh lơn mâu dơi yô̆ ma nau rdja he, ƀiălah geh jêh du huê kôranh ƀư brah geh nau ndơm tâm lĕ rngôch nau nâm bu he, ƀiălah Păng mâu ƀư tih ôh.

ហេឞ្រើ 5:7

Dôl hôm gŭ rêh tâm nglay săk, Brah Yêsu nter ktang tâm nau mbơh sơm jêh ri vơh vơl bêng dak măt, ma Nơm geh nau dơi tâm rklaih Păng nơm bơh nau khĭt; jêh ri yor nau Păng blau klach yơk, Păng geh nau bu dơn.