Êsai 51:3 - Nau Brah Ndu Ngơi 2023

³ Yorlah Brah Yêhôva bonh leng Siôn; Păng bonh leng lĕ rngôch ntŭk păng lĕ rlâm. Păng rgâl bri rdah jêng ma n'gar Êđen, Ndrêch rdah jêng n'gar Brah Yêhôva. Ta nklang đang trao nây mra geh nau maak, răm rhơn, Nau tâm rnê jêh ri bâr mprơ.

Êsai 51:3 Iomraidhean Croise

Nau Ntơm 13:10

Y-Lot n'gơr măt uănh jêh ri saơ lam neh lâng dak krong Yurdan tât ta ƀon Sôar. Êlor ma Brah Yêhôva ƀư rai ƀon Sôdôm jêh ri Gômôrơ, n'gor aơ ăp ntŭk geh dak da dê tâm ban ma n'gar trao Brah Yêhôva, nâm bu neh Êjipt đŏng.

Nau Mprơ Ơm 85:8

Gâp mra iăt moh nau Yêhôva Brah Ndu lah, Yorlah Păng mra lah nau đăp mpăn ma phung ƀon lan păng jêh ri phung răp jăp đah Păng; Ƀiălah khân păng mâu dơi plơ̆ tay nau rluk đŏng ôh.

Êsai 12:1

Tâm nar nây, may mra lah pô aơ: “Ơ Brah Yêhôva, gâp mra tâm rnê lah ueh ma May, Nđâp tơlah May hŏ ji nuih jêh ma gâp, Ƀiălah nau May ji nuih lĕ bah jêh, Jêh ri May lŏ bonh leng jêh gâp.

Êsai 25:9

Tâm nar nây, bu mra lah: “Ri, aơ jêng Brah Ndu he; He kâp gân Păng, jêh ri Păng hŏ tâm rklaih he jêh. Aơ yơh jêng Brah Yêhôva he kâp gân, Ăn he hâk răm jêh ri maak yor nau Păng tâm rklaih!”

Êsai 35:6

Aƀaơ, nơm rvĕn mra pâl rlưn tâm ban ma jun, Mpiăt bunuyh mlo mra mprơ ma nau maak. Yorlah geh lĕ n'hor dak mra bruh tâm bri rdah, Jêh ri lĕ dak n'hor hoch tâm ndrêch rdah.

Êsai 41:16

May mra mpruh khân păng, jêh ri sial mra khôm khân păng, Trôm sial vănh blông mra ƀư khân păng nchah rai pru pra. Ƀiălah may mra maak tâm Brah Yêhôva, Jêh ri may mra rnê êng tâm Nơm Kloh Ueh Israel.

Êsai 43:19

Aơ, Gâp dăch ƀư du nau mhe! Aƀaơ aơ păng luh mpơl; ƀiălah khân păng mâu gĭt rbăng hĕ? Gâp mra ƀư du ntŭk trong tâm bri rdah, Jêh ri ƀư ăn lĕ n'hong dak krong hoch tâm ntŭk neh sơh.

Êsai 44:26

Brah Ndu ƀư nanê̆ nau oh mon Păng ngơi, Ăn tât moh nau phung Păng hăn mbơh Lah ma ƀon Yêrusalem pô aơ: ‘Bu mra gŭ tâm păng’ Jêh ri ma lĕ ƀon bri Yuđa pô aơ: ‘Bu mra rdâk tay păng. Gâp mra ndâk tay lĕ ntŭk roh rai păng.’

Êsai 49:13

Ơ lĕ ndâr trôk, troh nter hom! Ơ neh ntu, răm maak hom! Ơ yôk, nter troh mprơ hom! Yorlah Brah Yêhôva hŏ bonh leng jêh phung ƀon lan Păng, Jêh ri yô̆ nđach ma phung rêh ni.”

Êsai 49:19

Nanê̆, lĕ ntŭk rlâm jêng rngol, Jêh ri neh may bu ƀư rai jêh, Aƀaơ jêng rhăt ir ma phung ƀon lan may gŭ. Phung sa rvăn may mra du ngai ma may.

Êsai 49:8

Pô aơ Brah Yêhôva lah: “Gâp dơn jêh nau may ngơi tâm nar găl, Gâp kâp kơl may jêh ta nar tâm rklaih. Gâp mra mât mray may, N'gân may jêng du nau tâm rnglăp đah phung ƀon lan, Gay ndâk njêng tay bri dak, Jêh ri gay tâm pă neh ntŭk rngot njăp ƀư drăp ndơn;

Êsai 51:12

“Gâp, Gâp yơh jêng Nơm bonh khân may. Mbu nơm may dĭng may klach ma bunuyh blau khĭt, Klach phung kon bunuyh jêng phung mra tâm ban ma gơ̆?

Êsai 52:9

Ơ ntŭk rlâm tâm ƀon Yêrusalem, Troh hom ma nau mprơ ndrel n'grŭp. Yorlah Brah Yêhôva hŏ bonh leng jêh phung ƀon lan Păng, Tâm chuai jêh ƀon Yêrusalem.

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Êsai 65:18

Ƀiălah maak hom jêh ri hâk răm hom mro mrăng Ma lĕ nau Gâp hŏ rhăk njêng; Yorlah aơ, Gâp rhăk Yêrusalem jêng nau hâk răm, Jêh ri phung ƀon lan păng jêng nau maak.

Yêrêmi 31:25

Yorlah Gâp hŏ ƀư ăn nuih n'hâm rgănh dơi jêng mhe, Ăp nơm lêt rgănh dơi hơm răm.”

Êsêkiêl 28:13

May lĕ gŭ tâm n'gar Êđen, jêng n'gar Brah Ndu. May hŏ geh ăp ntil lŭ khlay, Jêng lŭ karnêlian, lŭ tôpas, lŭ diamôn, Lŭ krisôlit, lŭ êmêrôt, lŭ saphir, Lŭ beril, lŭ ĭr, lŭ chăng jêh ri mah đŏng. Nơm rhăk gâr jê̆ jêh ri dĭng n'hôm jêng ndơ may, Ntơm bơh nar may mhe ndâk njêng bu hŏ ndrăp ơm jêh.

Êsêkiêl 36:11

Gâp mra ntop đŏng kon bunuyh jêh ri mpô mpa ta klơ neh khân may, khân păng mra hao bĭk rơ̆ lơn jêh ri chăt jêng. Gâp mra ƀư ăn khân may ma bunuyh âk nâm bu kăl e jêh ri ăn nau ƀŭn lap ma khân may âk lơn bơh ntơm saơm. Rnôk nây, khân may mra gĭt Gâp jêng Brah Yêhôva.

Êsêkiêl 36:35

Khân păng mra lah: “Bri neh rngol aơ hŏ jêng nâm bu n'gar Êđen; đơ ƀon lĕ rlâm rai, jêng rngol jêh ri ntŭk hŏ rai, aƀaơ lĕ nkra tay jêh ri geh bunuyh gŭ!”

Yôel 2:3

Tanăp măt khân păng, geh ŭnh sa rvăn, Pakơi khân păng, geh chiông ŭnh sa ƀhiau. Êlor panăp khân păng văch, bri neh nâm bu n'gar Êđen; Pakơi khân păng rgăn, knŏng hôm jêng bri rdah rngot njăp. Mâu geh ôh ndơ dơi klaih bơh khân păng.

I Pêtrôs 1:8

Nđâp tơlah ê hŏ saơ Păng, khân may ăt rŏng jêh ma Păng, nđâp tơlah ê hŏ tâm mâp đah Păng, khân may ăt chroh jêh ma Păng, jêh ri hâk răm tâm nau răm maak dŭt hâu ngăn, mâu blau rblang ôh;