Êsai 5:7 - Nau Brah Ndu Ngơi 2023

⁷ Đang play Brah Yêhôva ma phung tahan Jêng ngih Israel, Bi ma phung Yuđa Jêng lĕ tơm si Păng răm maak tăm. Păng kâp gân gay saơ nau sŏng, Ƀiălah knŏng saơ nau mhĭk; Păng kâp gân ma nau sŏng srăng, Ƀiălah knŏng geh nau nter nđêng!

Êsai 5:7 Iomraidhean Croise

Nau Ntơm 4:10

Brah Yêhôva ôp: “Moh nau may ƀư pônây? Nteh mham oh may tă bơh neh hŏ nter tât ma Gâp.

II Samuel 7:10

Gâp hŏ rơm ndrăp jêh ma phung ƀon lan Israel Gâp du ntŭk gŭ, Gâp mra tăm khân păng ta nây, jêh ri khân păng mra gŭ mro tâm n'gor păng nơm, mâu geh nau rŭng răng ôh; phung djơh mhĭk mâu mra hôm tŭn jot khân păng nâm bu nar kăl e,

Ndrom Samƀŭt bơh Yôp 34:28

Khân păng ƀư ma phung o ach lŭng nter tăng tât ma Kôranh Brah, Jêh ri Păng iăt nteh nhĭm bơh phung rêh ni.

Nau Mprơ Ơm 147:11

Ƀiălah Brah Yêhôva maak tâm phung klach yơk ma Păng, Jêh ri mbu nơm n'gân nau kâp gân tâm nuih n'hâm ueh Păng.

Nau Mprơ Ơm 149:4

Yorlah Brah Yêhôva geh nau maak tâm phung ƀon lan Păng; Păng sŏk nau tâm rklaih nkrơ̆ ma phung dêh rhêt.

Nau Mprơ Ơm 80:15

Jêng tơm krăk ƀâu ti ma May tăm jêh, Jêh ri jêng nkeh May hŏ ăn jêh nau ktang.

Nau Ngluh Êjipt 3:7

Brah Yêhôva lah: “Gâp hŏ saơ nanê̆ ngăn nau rêh ni phung ƀon lan Gâp tâm n'gor Êjipt jêh ri gâp hŏ tăng jêh nau khân păng lŭng nter yor phung kôranh uănh kan khân păng. Di ngăn, Gâp gĭt jêh nau nđêh nji khân păng.

Nau Hôr 21:13

Phung nsêt tôr mâu ŭch iăt ôh nau kuăl nter bơh bunuyh o ach, Dôl phung nây kuăl nter ăt mâu geh lĕ nơm plơ̆ sĭt lah.

Nơm Nti 4:1

Gâp plơ̆ sek uănh tay lĕ rngôch nau tŭn jot nau tât geh tâm dâng nar: Ri, phung bu tŭn jot hoch hor dak măt Mâu geh nơm bonh leng khân păng! Phung tŭn jot mƀin nsing ma nau dơi, Ƀiălah phung bu tŭn jot mâu geh nơm bonh leng!

Nau Mprơ Ueh 7:6

Ay ueh ngăn, ay dŭt ueh ngăn ngên, Hơi nơm gâp rŏng, ay ƀư ma gâp rŏng ngăn!

Êsai 1:21

Vư! Ƀon răp jăp Hŏ plơ̆ jêng bu ur văng tĭr! Păng bêng ma nau di, Jêh ri jêng ntŭk nau sŏng srăng gŭ tâm păng. Ƀiălah aƀaơ aơ bêng ma phung nkhĭt bunuyh!

Êsai 1:6

Bơh mpang jâng tât ta bôk, Mâu geh du ntŭk bah ôh, Lĕ ntŭk sôt jêh ri ntŭk môr bŭr Jêh ri lĕ ntŭk mhe sôt, Mâu hŏ jĭr ôh, mâu lĕ mâp put, Mâu lĕ mâp mhĭng ma dak ngi ôlive jêh ri piăch.

Êsai 27:2

Tâm nar nây, Khân may mprơ hom ma đang krăk ƀâu âk play!

Êsai 3:14

Brah Yêhôva mra phat dôih Phung kôranh bu ranh phung ƀon lan Păng jêh ri phung kôranh chiă uănh khân păng: “Khân may nơm jêng phung sa rvăn đang krăk ƀâu, Drăp ndơ ntŭng bơh phung o ach dôl gŭ tâm ngih khân may!

Êsai 3:15

Mâm dĭng khân may janh jot plên phung ƀon lan Gâp, Jot rchal lơi muh măt phung o ach?” Kôranh Brah jêng Brah Yêhôva ma phung tahan lah.

Êsai 3:17

Yor nây Kôranh Brah mra ƀư hil ntâu bôk phung bu ur ƀon Siôn Jêh ri Brah Yêhôva mra ăn poih plưn ta bôk khân păng.”

Êsai 30:12

Yor nây, Nơm Kloh Ueh Israel lah pô aơ: “Yorlah khân may mưch ma nau ngơi aơ, Rnơm ma nau tŭn jot jêh ri nau mƀruh, Jêh ri rnơm ma nau nây,

Êsai 46:12

Ơ phung geh nuih n'hâm dăng, Ơ phung gŭ ngai bơh nau sŏng srăng, Gŭ iăt hom Gâp.

Êsai 5:2

Păng kuyh pŏk neh, dônh lĕ lŭ, Jêh ri tăm ntil play krăk ƀâu ueh. Păng rdâk du rplay ngih tŭm gak ta nklang đang krăk ƀâu Jêh ri kuyh du ntu păt ndrănh. Păng kâp gân ma păng geh play ueh, Ƀiălah păng geh knŏng play krăk ƀâu mhĭk.

Êsai 59:13

Hên hŏ tâm rdâng jêh ri dun Brah Yêhôva, Rle ndŭr kơi mâu tĭng ndô̆ ôh Brah Ndu hên. Hên ngơi ma nau tŭn jot jêh ri nau tâm rdâng, Mpơl lĕ nau ngơi mƀruh hên hŏ prăp tâm nuih n'hâm.

Êsai 59:14

Yor ri nau sŏng rŭch du jêh, Nau sŏng srăng gŭ ngai; Yorlah nau ngăn chêh prah jêh tâm nklang nkual toyh, Jêh ri nau sŏng mâu dơi lăp ôh.

Êsai 59:4

Mâu geh du huê phong ma nau sŏng srăng ôh. Mâu geh du huê tâm rlăch ma nau nanê̆ ngăn. Bu rnơm nsing ma nau ngơi dơm dam jêh ri ngơi mƀruh. Khân păng hŏ ntreo ma nau mhĭk jêh ri deh nau tih toyh.

Êsai 62:5

Tâm ban ma du huê bu klâu ndăm nđăp du huê bu ur druh, Pôri phung kon bu klâu may mra dơn drăp ndơn may; Tâm ban ma bu klâu gŭ ur răm maak yor bu ur păng gŭ, Tâm ban pônây lĕ Brah Ndu may mra răm maak yor may.

Yêrêmi 12:10

Geh âk phung rmăk biăp ƀư rai jêh đang krăk ƀâu Gâp, Jot nkrâm ta ntŭk neh Gâp, Rgâl ntŭk neh Gâp ŭch rŏng Jêng bri rdah rngot rjăp.

Yêrêmi 24:2

Du mlâm bĭ geh play rvi ueh ngăn, nâm bu play rvi dŭm bôk yan; bi bĭ êng dơm play rvi mhĭk ngăn, mhĭk ngăn kŏ tât bu mâu dơi sa ôh.

Yêrêmi 50:46

Nteh rlâm tŭp ƀon Babilôn ƀư n'găr neh ntu, jêh ri nter khân păng tăng lam tât ma lĕ rngôch bri dak.

Êsêkiêl 22:29

Phung ƀon lan tâm n'gor bri ƀư nau dăng ktang, ƀư tih nau ntŭng ndô ndơ bu, rkhŭk phung o ach, phung mâu geh ndơ jêh ri tŭn jot bunuyh gŭ njơh ƀât lât, mâu ƀư nau tâm di.

Ndrom Samƀŭt bơh Ôsê 10:1

Israel jêng du tơm krăk ƀâu ueh ngăn ngên, Geh kao play âk. Play păng lơ hâu âk, Păng lơ hâu đŏng ndâk nơng ƀư brah; Bri dak păng lơ hâu ndrŏng Păng lơ âk nkrơ̆ lĕ n'gâng ƀư brah ueh reh lơn.

Mika 6:12

Yorlah phung ndrŏng ƀon aơ bêng ma nau ƀai, Phung ƀon lan păng jêng phung ngơi mƀruh Jêh ri mpiăt vay ndơm gŭ tâm trôm mbung khân păng.

Mika 6:8

Hơi bunuyh! Păng hŏ tâm mpơl jêh ma may ntil nau jêng ueh, Ntil nau Brah Yêhôva gay ŭch ăn ma may ƀư. Nây mâu di jêng ƀư nau sŏng srăng, ŭch nau ueh Jêh ri chuat hăn ma nau dêh rhêt ndrel ma Brah Ndu may lĕ?

Habakuk 1:3

Mâm ƀư may ăn gâp saơ nau mâu tâm di? Mâm May gŭ uănh mro ma nau bu ƀư mhĭk? Panăp gâp jêng nau ƀư rai jêh ri nau djơh mhĭk; Nau tâm djrel jêh ri nau tâm rlăch geh tât lam ntŭk.

Sôphôni 3:17

Yêhôva Brah Ndu may gŭ ta nklang may, Păng jêng Nơm geh nau brah mra tâm rklaih may; Păng mra rhơn răm ngăn yor ma may, Yor nuih n'hâm rŏng, Păng mra gŭ rklăk, Jêh ri yor ma may, Păng mra mprơ ma nau rhơn răm.”

Mathay 23:23

Rêh ni yơh ma khân may, phung kôranh nchih samƀŭt jêh ri phung Pharisi, jêng phung geh nuih n'hâm nklă! Yorlah khân may nhhơr du kô̆ tâm jât klôih, ndơ ƀâu kah, trau gir, ƀiălah khân may chuêl lĕ nau khlay lơn tâm nau vay jêng nau sŏng, nau yô̆ nđach jêh ri nau chroh. Ăn khân may ƀư lĕ nau nây, ƀiălah mâu dơi đŏng chuêl lĕ nau ri.

Luka 18:7

Pônây, lĕ ƀơh Brah Ndu mâu phat dôih sŏng ma phung Păng săch, jêng phung kuăl dăn Păng măng nâm nar, jêh ri mbrĕ mbrơi kơl an khân păng?

Yôhan 15:2

Moh n'gĭng tâm Gâp mâu geh play, Păng koh mƀăr lơi, jêh ri lĕ n'gĭng geh play, Păng ƀư ueh, gay ma păng play âk lơn đŏng.

Nau Vay Nkah Tay 15:9

Njrăng hom, lơi prăp nau mĭn mhĭk tâm nuih n'hâm khân may pô aơ: ‘Bơi tât năm tal pơh jêng năm jut lơi rnon’ jêh ri khân may uănh oh nâu khân may ma măt mhĭk, mâu ăn ôh du mlâm ndơ ma khân păng. Khân păng mra nter ma Brah Yêhôva phong khân may jêh ri khân may mra anh nau tih.

Yakơ 5:4

Aơ, prăk nkhôm phung rek ba nkhôm tâm lôk mir khân may, khân may ntŭng prăp ma khân may nơm, dôl lŭng nter; jêh ri bâr nteh phung rek nây hao tât ta tôr Kôranh Brah geh lĕ nau brah.