Êsai 5:5 - Nau Brah Ndu Ngơi 2023

⁵ Pôri aƀaơ aơ, Gâp mra ăn khân may gĭt Moh nau Gâp dăch ƀư ma đang play Gâp: Gâp mra rôk lơi n'gar păng, Gay ma bu kăp rvăn păng, Gâp mra ƀư rlâm lơi n'gar păng Gay ma bu jot lơi păng.

Êsai 5:5 Iomraidhean Croise

Nau Ntơm 11:4

Khân păng lah: “Kay lŏng, ăn he ƀư ma he nơm du mlâm ƀon toyh jêh ri ndâk du mlâm ngih gung geh chor prêh tât ta trôk, gay ma he geh nau lư n'găr jêh ri mâu geh ôh nhhêng nhhiang lam klơ neh.”

Nau Ntơm 11:7

Găp jêh! Ăn He jŭr hom, ƀư tâm rlŭk nau ngơi khân păng, gay ma khân păng mâu dơi gĭt rbăng nau ngơi ndrăng khân păng nơm.”

Nêhêmi 2:3

Gâp lah ro ma hađăch: “Ăn hađăch gŭ rêh n'ho ro! Mâm dĭng măt gâp mâu rngot, tơlah ƀon, jêng ntŭk geh môch ma phung chô yau gâp gŭ, lĕ rai jêh, jêh ri lĕ rngôch mpông ƀon lĕ ŭnh sa jêh?”

Nau Mprơ Ơm 89:40

May hŏ ƀư cha lôt lĕ jêh mpêr ƀon păng, Ƀư rai lĕ pôih n'gang păng.

Nau Mprơ Ơm 89:41

Lĕ rngôch phung rgăn pit sŏk păng; Lĕ phung chiau meng ƀư bêk ma păng.

Nau Hôr 24:31

Ri, tơm lok hon âk ngăn, Gơ̆ nkâm bêng lam neh, Bi mpêr đah lŭ rlâm tŭp jêng rngot njăp.

Nơm Nti 3:3

Geh năng nkhĭt, geh năng ƀư bah; Geh năng rơih lơi, geh năng ndâk;

Êsai 10:6

Gâp njuăl păng hăn tâm rdâng đah bri dak mâu blau yơk ma Brah Ndu ôh, Gâp ntăm păng hăn tâm lơh đah phung ƀon lan nsônh ăn Gâp ji nuih, Gay ntŭng ndô ndơ, pit sŏk Jêh ri jot khân păng tâm ban ma neh bŏk ta trong.

Êsai 25:10

Yorlah ti Brah Yêhôva mra n'gân ta yôk aơ; Ƀiălah bu mra jot sôt bri Môap ta ntŭk păng, Tâm ban ma bu jot sôt mbŭch rhe tâm ntŭk ntu ndŏk.

Êsai 28:18

Rnôk nây, nau khân may tâm rnglăp đah nau khĭt mâu mra hôm jêng ôh, Nau khân may tâm rnglăp đah ƀon phung khĭt mâu mra dâk nâp ôh. Lah nau tât ƀư rai bêng ler rgăn, Khân may mra rai yot.

Êsai 28:3

Đon hađăch sưr phung vay nhŭl ndrănh ta bri Êphraim. Mra jot rchiăt tâm jâng

Êsai 32:10

Tâm du năm jêh ri bar pe nar đŏng, Khân ay jêng phung mâu gĭt njrăng mra râm sâr, Yorlah yan pĕ play krăk ƀâu mra roh, Jêh ri yan kăch roih mâu đŏng geh.

Yêrêmi 18:11

Pônây, aƀaơ aơ may ngơi hom ma phung Yuđa jêh ri phung gŭ tâm ƀon Yêrusalem pô aơ: ‘Brah Yêhôva lah: Aơ, Gâp dôl tâm nal djôt nau mhĭk tât ăn ma khân may jêh ri dăp kan tâm rdâng đah khân may. Ăn nơm tâm khân may chalơi hom trong mhĭk jêh ri nkra tay trong ndrel ma lĕ kan khân may ƀư!’

Yêrêmi 21:4

‘Yêhôva Brah Ndu Israel lah: Aơ, Gâp mra plăch rlơ̆ lơi ndơ tâm lơh khân may dôl djôt tâm ti gay tâm lơh mprơh lơi hađăch Babilôn jêh ri bunuyh Kaldê aƀaơ nchueng jŭm khân may ta padih mpêr ƀon, jêh ri rgum khân păng ta nklang ƀon aơ.

Yêrêmi 28:8

Ntơm bơh rnôk kăl e, lĕ rngôch phung nơm mbơh lor rnôk gâp jêh ri may hŏ mbơh lor ma nau tâm lơh, nau mhĭk tât, jêh ri nau ji tưp mra tât ma âk n'gor bri jêh ri ma lĕ bri dak toyh ktang.

Yêrêmi 45:4

May lah hom ma păng pô aơ: “Brah Yêhôva lah: ‘Aơ, Gâp mra klưh lơi moh ndơ Gâp hŏ ndâk jêh, Gâp mra rôk lơi moh ndơ Gâp hŏ tăm jêh, jêh ri nau nây mra geh tât tâm lam neh ntu.

Nau Nhĭm Vơl 1:15

Kôranh Brah hŏ mưch jêh Lĕ rngôch phung tahan gŭ ta nklang gâp; Păng rgum du phung tahan âk tâm rdâng đah gâp Gay nchah jê̆ jê̆ phung bu klâu ndăm gâp; Kôranh Brah hŏ jot jêh bu ur druh phung Yuđa Nâm bu jot play krăk ƀâu tâm ntu păt ndrănh.

Nau Nhĭm Vơl 2:6

Păng ƀư rai ngih brah păng nâm bu ƀư rai ndưp tâm du n'gar trao; Păng ƀư rai lơi nđâp ma ntŭk păng prăp nau tâm rƀŭn. Ta ƀon Siôn, Brah Yêhôva hŏ ƀư chuêl jêh Nar tâm rƀŭn jêh ri nar saƀat; Tâm nau ji nuih, Păng rhuăt lơi jêh hađăch jêh ri kôranh ƀư brah.

Nau Nhĭm Vơl 4:12

Phung hađăch gŭ ta neh ntu mâu iăt ôh, Lĕ rngôch ntil mpôl bunuyh ta neh ntu mâu ntôn, Phung rlăng jêh ri tahan phung rlăng mra hăn lăp Lĕ mpông ƀon Yêrusalem.

Daniel 8:13

Rnôk nây gâp tăng du huê nơm kloh ueh ngơi, jêh ri du huê nơm kloh ueh êng lah ma nơm kloh ueh dôl ngơi pô aơ: “Nau tâm saơ ma ndơ ƀư brah gŭch nhhơr ƀaƀơ, ma nau ƀai njŭn leo tât nau rai yot, ma nau jao ntŭk kloh ueh ma phung tahan gay ma jot plên tâm dâng jâng păng, mra ndah jŏ hôm jong?”

Ndrom Samƀŭt bơh Ôsê 2:12

Gâp mra ƀư rai lĕ tơm krăk ƀâu jêh ri tơm rvi păng, Jêng lĕ tơm si păng tâm mpơl pô aơ: ‘Aơ jêng prăk nkhôm Phung rŏng ăn jêh ma gâp.’ Gâp mra njêng khân păng jêng bri rngol Ăn lĕ mpô mpa bri sa rvăn păng.

Ndrom Samƀŭt bơh Ôsê 2:14

“Yor ri, aơ, Gâp mra nkơnh ndơm păng, Leo păng lăp bri rdah, Sŏk nau ngơi rdơ̆ rmên ngơi ma păng.

Luka 21:24

Bu mra nkhĭt khân păng ma đao bu njŭn khân păng jêng bu nă tâm lĕ rngôch mpôl băl, jêh ri phung bu năch mra jot ƀon Yêrusalem tâm dâng jâng khân păng, tât rnôk phung bu năch mra ƀư lĕ.

Nau Tâm Mpơl 11:2

Ƀiălah ndring padih nây om, lơi veh; yorlah bu jao jêh păng ma phung bu năch, jêh ri khân păng mra jot plên ƀon kloh ueh tâm puăn jât ma bar khay.