Êsai 5:2 - Nau Brah Ndu Ngơi 2023

² Păng kuyh pŏk neh, dônh lĕ lŭ, Jêh ri tăm ntil play krăk ƀâu ueh. Păng rdâk du rplay ngih tŭm gak ta nklang đang krăk ƀâu Jêh ri kuyh du ntu păt ndrănh. Păng kâp gân ma păng geh play ueh, Ƀiălah păng geh knŏng play krăk ƀâu mhĭk.

Êsai 5:2 Iomraidhean Croise

II Samuel 7:10

Gâp hŏ rơm ndrăp jêh ma phung ƀon lan Israel Gâp du ntŭk gŭ, Gâp mra tăm khân păng ta nây, jêh ri khân păng mra gŭ mro tâm n'gor păng nơm, mâu geh nau rŭng răng ôh; phung djơh mhĭk mâu mra hôm tŭn jot khân păng nâm bu nar kăl e,

Nêhêmi 13:15

Tâm lĕ nar nây, gâp saơ tâm phung Yuđa geh bunuyh kĭn play krăk ƀâu tâm nar saƀat, bun lĕ nchăp ba ƀlê klơ ndŭr kơi seh bri, tâm ban đŏng rdeng ndrănh, play krăk ƀâu, play rvi jêh ri ăp ntil kao play, leo rlet ma Yêrusalem tâm nar saƀat. Gâp mbơh jêh ma khân păng, mâu dơi tăch lĕ ndơ sông sa nây tâm nar saƀat.

Nau Mprơ Ơm 80:8

Ntơm bơh n'gor Êjipt, May djôt sĭt jêh du mlâm tơm krăk ƀâu; May mprơh phung mpôl băl jêh ri tăm tơm nây.

Nau Mprơ Ơm 80:9

May kai pŏk neh ăn păng, Păng njŭr reh jêh ri hung bêng ta klơ neh.

Nau Ngluh Êjipt 33:16

Tơlah May mâu hăn ndrel ma hên, mâm bu gĭt ngăn ma gâp jêh ri phung ƀon lan May geh nau yô̆ tanăp măt May? Geh May hăn ndrel, gâp jêh ri phung ƀon lan May mra dơi tâm nkhah bơh phung ƀon lan êng klơ neh.”

Êsai 1:8

Bu chalơi kon bu ur Siôn Tâm ban ma du mlâm ndưp tâm đang krăk ƀâu, Tâm ban ma du mlâm nkơp gak tâm mir rpŭng, Tâm ban ma du rplay ƀon bu nchueng jêh.

Êsai 5:7

Đang play Brah Yêhôva ma phung tahan Jêng ngih Israel, Bi ma phung Yuđa Jêng lĕ tơm si Păng răm maak tăm. Păng kâp gân gay saơ nau sŏng, Ƀiălah knŏng saơ nau mhĭk; Păng kâp gân ma nau sŏng srăng, Ƀiălah knŏng geh nau nter nđêng!

Yêrêmi 11:17

Brah Yêhôva ma phung tahan, jêng Nơm hŏ brôi tăm khân may, Păng nơm yơh ăn nau mhĭk tât ta may, yorlah nau mhĭk ngih phung Israel jêh ri ngih Yuđa hŏ ƀư nôk nsônh nau nuih Gâp đah nau nhhơr ndơ ƀâu kah ăn brah Baal.”

Yêrêmi 2:21

Bi Gâp, Gâp hŏ tăm may nâm bu du mlâm tơm krăk ƀâu dơi săch, Bơh ntil krăk ƀâu play ueh. Ƀiălah moh may ƀư rgâl lơi Jêng tơm krăk ƀâu bri âk ntil?

Ndrom Samƀŭt bơh Ôsê 10:1

Israel jêng du tơm krăk ƀâu ueh ngăn ngên, Geh kao play âk. Play păng lơ hâu âk, Păng lơ hâu đŏng ndâk nơng ƀư brah; Bri dak păng lơ hâu ndrŏng Păng lơ âk nkrơ̆ lĕ n'gâng ƀư brah ueh reh lơn.

Mika 4:8

Bi may jêng tŭm ma phung biăp, Yôk ma kon bu ur Siôn, Mra văch ma may, Nau dơi may chiă uănh kăl e mra plơ̆ tay, Nây jêng ƀon bri hađăch ma kon bu ur ƀon Yêrusalem.”

Nau Kơp Bunuyh 23:9

Yorlah bơh klơ n'gơn yôk gâp saơ Israel, Tă bơh chor prêh, gâp uănh khân păng: Aơ jêng du phung ƀon lan prăp êng, Jêh ri mâu kơp ôh păng nơm ndrel ma phung mpôl băl bunuyh.

Mathay 21:19

Saơ du tơm rvi ta trong, Păng hăn dăch tơm nây, ƀiălah mâu saơ play knŏng n'ha dơm. Păng lah ma tơm play nây: “May mâu mra hôm play đŏng ôh!” Tơm rvi kro ro.

Mathay 21:33

“Iăt hom nau hôr êng. Geh du huê bunuyh tăm du đang krăk ƀâu, ƀư n'gar jŭm mir, tâm trôm păng kuyh du ntu mpet ndrănh, ƀư du ngih tŭm gak, jêh ri ăn lĕ bunuyh tăm krăk ƀâu nkhôm, jêh nây păng hăn du bri êng.

Mathay 21:34

Tât yan pĕ play krăk ƀâu, kôranh njuăl phung oh mon văch ta lĕ bunuyh tăm krăk ƀâu gay sŏk kao play.

Markôs 11:13

Uănh bơh ngai, Păng saơ du tơm rvi geh âk n'ha, pôri păng văch uănh moh ndơ geh tâm tơm play nây. Ƀiălah dôl văch dăch, Păng mâu saơ play ôh knŏng n'ha dơm, yorlah nôk nây ê hŏ tât yan tơm rvi geh play.

Markôs 12:1

Brah Yêsu ntơm dŏng nau hôr gay lah ma khân păng: “Bunuyh ri tăm du đang krăk ƀâu, ƀư n'gar jŭm mir, kuyh ntu mpet krăk ƀâu, ƀư du ngih tŭm gak, jêh nây ăn phung kan nkhôm mir krăk ƀâu, jêh ri păng hăn rgăn du bri êng.

Markôs 12:2

Tât yan pĕ play, kôranh mir njuăl du huê oh mon tâm mâp phung tăm krăk ƀâu gay sŏk du kô̆ kao play tă bơh đang krăk ƀâu.

Samƀŭt Pôl Njuăl Ăn Ma Phung Nsing Ta Ƀon Rôm 9:4

nâm bu ntĭt phung Israel, phung ƀon lan dơi dơn jêng kon mât rŏng, nau chrêk rmah, nau tâm rnglăp, nau vay, nau yơk mbah, jêh ri nau ton;

I Kôrintô 9:7

Geh đŏng nơm sŏk prăk vâl păng nơm gay ma hăn tâm lơh đah phung rlăng? Geh đŏng nơm tăm đang krăk ƀâu ƀiălah mâu sa play păng? Mâu lah mbu nơm mât phung mpô mpa rong, ƀiălah mâu dŏng dak toh păng?

Nau Vay Nkah Tay 32:6

Hơi phung ƀon lan rluk jêh ri mâu geh nau blau mĭn ôh, Khân may mplơ̆ sĭt tay nau yô̆ ma Brah Yêhôva tâm ban pônây bơh? Mâu di ƀơh Păng jêng Mbơ̆, jêng Nơm rhăk njêng, Hŏ rhăk njêng jêh ri ndâk njêng khân may jêng du phung ƀon lan?

Phung Kôranh Phat Dôih 16:4

Jêh nau nây mâu jŏ, păng rŏng ma du huê bu ur tâm rlŭng Sôrek, amoh păng jêng H'Dêlila.